మహేశ్ బాబు కుటుంబం నుంచి వచ్చిన మూడోతరం నటుడు జయకృష్ణ. రమేశ్ బాబు కొడుకు ఈ కుర్రాడు. హీరోగా చేసిన తొలి సినిమా 'శ్రీనివాస మంగాపురం' నిన్న(జూలై 30) థియేటర్లలోకి వచ్చింది. ఫ్యాన్స్‌లో కొందరికి నచ్చింది మిగతావాళ్లంతా ఈ మూవీ చూసి పెదవి విరిచారు. పాతకాలం కథని పాత స్టైల్లోనే తీశారని అంటున్నారు. మరి ఈ మూవీకి తొలిరోజు వసూళ్లు ఎంతొచ్చాయి? ట్రేడ్ వర్గాలు ఏమంటున్నాయి?(ఇదీ చదవండి: ఓటీటీలోకి వచ్చిన ఫీల్ గుడ్ సినిమా.. 'చిన్న చిన్న ఆశై' తెలుగు రివ్యూ)జయకృష్ణ హీరోగా నటించిన ఈ సినిమాకి ఆర్ఎక్స్ 100, మంగళవారం చిత్రాల ఫేమ్ అజయ్ భూపతి దర్శకుడు. సీనియర్ నటి రవీనా టండన్ కూతరు రషా తడానీ ఇందులో హీరోయిన్‌గా నటించింది. అయితే హీరోగా చేస్తున్న తొలిమూవీ కావడంతో యాక్టింగ్ పరంగా పర్లేదనిపించాడు గానీ ఇంకా చాలా మెరుగుపడాల్సి ఉందని ప్రేక్షకులు అంటున్నారు. ఇకపోతే ఈ చిత్రానికి తొలిరోజు రూ.1.25 కోట్ల నెట్ కలెక్షన్స్ మాత్రమే వచ్చాయని సమాచారం.కొత్త హీరోకి ఈ వసూళ్లు తక్కువే కావొచ్చు గానీ ప్రస్తుతానికైతే సినిమాకు పాజిటివ్ టాక్ లేదు. ఉన్నంతలో ఘట్టమనేని అభిమానులు ఈ మూవీ చూసి పోస్టులు పెడుతున్నారు. మరి ఇవన్నీ ఈ చిత్రానికి ఏ మేరకు కలిసొస్తాయనేది చూడాలి?'శ్రీనివాస మంగాపురం' విషయానికొస్తే.. శ్రీను (జయకృష్ణ)తిరుపతికి వస్తాడు. ఈ ఊరిలో ఉండే పెద్దారెడ్డి(కిక్ శ్యామ్) కూతురు మంగ(రషా తడానీ)ని ఇష్టపడతాడు. ఆమె వెంటపడుతూ దగ్గరవుతాడు. చివరకు ఇద్దరూ ఫ్రెండ్స్ అవుతారు. అయితే మంగకు అప్పటికే నిశ్చితార్థం జరిగినా శ్రీను తన ప్రేమ సంగతి ఈమెకు చెబుతాడు. ఇంతలో మంగ మేనత్త వర (వాసుకి) బళ్లారి నుంచి తిరుపతి వస్తుంది. మంగ ఫోన్‌లో శ్రీను ఫోటోలు చూసిన ఆమె.. మంగకు దూరంగా ఉండమని అతడిని హెచ్చరిస్తుంది. ఇంతకీ శ్రీను గతమేంటి? మంగతో అతడికి ఉన్న సంబంధమేంటి? మంగ కోసం తిరుపతికి రావడానికి కారణమేంటి? అనేది మిగతా స్టోరీ.(ఇదీ చదవండి: ‘శ్రీనివాస మంగాపురం’మూవీ రివ్యూ అండ్‌ రేటింగ్‌)

ఘట్టమనేని జయకృష్ణ హీరోగా వస్తోన్న లేటేస్ట్ మూవీ శ్రీనివాస మంగాపురం. ఈ చిత్రానికి అజయ్ భూపతి దర్శకత్వం వహిస్తున్నారు. ఇప్పటికే షూటింగ్ పూర్తి చేసుకున్న ఈ సినిమా.. జూలై 30న థియేటర్లలో సందడి చేయనుంది.ఈ నేపథ్యంలోనే ప్రమోషన్లతో దూసుకెళ్తున్నారు మూవీ టీమ్. తాజాగా ఈ చిత్రంలోని ఓ క్రేజీ సాంగ్‌ రిలీజ్ చేశారు మేకర్స్. ఈ చిత్రంలోని రావే చెలియా అంటూ సాగే పాటను విడుదల చేశారు. ఈ మూవీలో రషా తడానీ హీరోయిన్‌గా కనిపించనుంది. ఈ పాటకు నాగ్ అర్జున్ రెడ్డి లిరిక్స్ అందించారు. ఈ సాంగ్‌ను కపిల్ కపిలన్ ఆలపించగా.. జీవీ ప్రకాశ్ కుమార్ కంపోజ్ చేశారు.

సూపర్ స్టార్ కృష్ణ మనవడు జయకృష్ణ ఘట్టమనేని నటిస్తోన్న తాజా చిత్రం శ్రీనివాస మంగాపురం. ఈ చిత్రంలో హీరోయిన్‌గా బాలీవుడ్‌ బ్యూటీ రషా తడానీ కనిపించనుంది. ఈ చిత్రానికి అజయ్‌ భూపతి దర్శకత్వం వహిస్తున్నారు. ఈ చిత్రాన్ని చందమామ కథలు పిక్చర్స్‌ పతాకంపై జెమిని కిరణ్‌ నిర్మించారు. ఇప్పటికే రిలీజైన సాంగ్స్‌, గ్లింప్స్ అభిమానులను విపరీతంగా ఆకట్టుకున్నాయి. తాజాగా ఈ మూవీ ట్రైలర్ రిలీజ్ చేశారు మేకర్స్.తాజాగా రిలీజైన ట్రైలర్ చూస్తుంటే ప్రేమకథా చిత్రంగానే తెరకెక్కించినట్లు తెలుస్తోంది. ఇందులోని యాక్షన్ సీన్స్ మాస్ ఆడియన్స్‌కు కూడా కనెక్ట్ అయ్యేలా కనిపిస్తోంది. ఈ ట్రైలర్‌లో మోహన్‌ బాబు యాక్షన్‌ డైలాగ్స్ అభిమానులను ఆకట్టుకుంటున్నాయి. ప్రేమకథతో పాటు మాస్ యాక్షన్‌ ఉన్న ఈ చిత్రం జూలై 30న థియేటర్లలో సందడి చేయనుంది. కాగా.. ఈ సినిమాకి జీవీ ప్రకాశ్‌ కుమార్‌ సంగీతమందించారు. ఈ చిత్రంలో నరేశ్, బ్రహ్మజీ, అజయ్ కీలక పాత్రల్లో నటించారు.

‘‘ఒక్కసారి కమిట్‌ అయితే నా మాట నేనే వినను’... ‘పోకిరి’లో మహేశ్‌బాబు చెప్పిన ఈ డైలాగ్‌ చాలా పాపులర్‌. మహేశ్‌బాబు అన్నయ్య రమేష్‌బాబు తనయుడు, సూపర్‌ స్టార్‌ కృష్ణ మనవడు జయకృష్ణ ఘట్టమనేని కూడా ఇదే తరహాలోనే అన్నారు. ‘‘ఒక్కసారి ఫిక్స్‌ అయితే హండ్రెడ్‌ పర్సెంట్‌ చేసేయాల్సిందే’’ అని ‘సాక్షి’తో మాట్లాడుతూ జయకృష్ణ పేర్కొన్నారు. ‘శ్రీనివాస మంగాపురం’ చిత్రం ద్వారా జూలై 9న హీరోగా వెండితెరకు పరిచయం కానున్నారు జయకృష్ణ. ‘‘యాక్టర్‌ అవ్వాలని ఫిక్స్‌ అవ్వడం మాత్రమే కాదు... కెరీర్‌ కోసం ఎంత కష్టపడటానికైనా రెడీ’’ అంటూ... ఇంకా ‘సాక్షి’తో జయకృష్ణ ప్రత్యేకంగా చెప్పిన విశేషాలు...చిన్నప్పుడు చబ్బీగా ఉండేవాణ్ణి: చిన్నప్పుడు నేను చబ్బీగా ఉండేవాణ్ణి. దాంతో ‘సెల్ఫ్‌ కాన్ఫిడెన్స్‌’ ఉండేది కాదు. కానీ యాక్టర్‌ కావాలన్నది నా టార్గెట్‌. మా తాతయ్య చాలా ఎంకరేజ్‌ చేశారు. ‘నువ్వు యాక్ట్‌ చేయగలవు’ అన్నారు. ఆ మాటలు చాలా కాన్ఫిడెన్స్‌ ఇచ్చాయి. దగ్గర దగ్గర 120 కిలోల బరువు ఉండేవాణ్ణి. దాదాపు నలభై కేజీలు తగ్గాను. న్యూయార్క్, ముంబై వెళ్లి యాక్టింగ్‌లో ట్రైనింగ్‌ తీసుకున్నాను. ఒక కంప్లీట్‌ యాక్టర్‌కి ఏమేం కావాలో అవన్నీ నేర్చుకున్నాను.ఫుడ్‌ లవర్‌ని: ఫుడ్‌ అంటే నాకు చాలా ఇష్టం. అందుకే అప్పట్లో అంత లావుగా ఉండేవాణ్ణి. యాక్టర్‌ అన్నాక అలా కుదరదు... చాలెంజ్‌గా తీసుకుని బాగా తగ్గాను. ఫుడ్‌ తినడం కూడా తగ్గించాను. ఇక్కడ నేను వెయిట్‌ ‘లాస్‌’ అయితే అక్కడ స్క్రీన్‌ మీద నాకు ‘గెయిన్‌’. అలా కెరీర్‌ కోసం ఏ త్యాగం అయినా చేసేస్తాను. ప్లాన్‌ బి లేదు:కెరీర్‌ వైజ్‌గా ప్లాన్‌ ఎ, ప్లాన్‌ బి అని పెట్టుకోలేదు. యాక్టర్‌ అవ్వాలన్నది నా ప్లాన్‌ ఎ’. ఆ ఒక్కదానికే ఫిక్స్‌ అయ్యాను. అదే ప్లాన్‌ బి’ పెట్టుకున్నామనుకోండి అప్పుడు నా ప్లాన్‌ ఎ’ మీద నాకు నమ్మకం లేనట్లే. అలాగే నేనెప్పుడూ ‘హీరో’ అవ్వాలనుకోలేదు. ‘యాక్టర్‌’ అనేది నా టార్గెట్‌. అందుకే కథ, క్యారెక్టర్‌ నచ్చితే ఏ సినిమా అయినా చేసేస్తాను. ‘శ్రీనివాస మంగాపురం’ కోసం ఎంత కష్టపడాలో అంతా పడ్డాను.సినిమా ముందు నాకేదైనా తక్కువే: ‘గోల్డెన్‌ స్పూన్‌ కదా... ఏం కష్టపడతాడులే’ అని చాలామంది అనుకోవచ్చు. కానీ సినిమా ముందు నాకేదైనా తక్కువే. ‘శ్రీనివాస మంగాపురం’ కోసం 93 రోజులు వర్క్‌ చేశాం. కొన్ని సీన్స్‌ చేశాక ఇంటికెళ్లి, షవర్‌ ముందు నిలబడితే ఒంటి మీద పడిన నీళ్ల నుంచి బాగా మట్టి వచ్చేది. అలాంటి లొకేషన్స్‌లోనూ షూటింగ్‌ చేశాం. షూట్‌ నుంచి ఇంటికెళ్లాక ‘ఇవాళ నా పనిని వంద శాతం చేశాను’ అని ప్రశాంతంగా నిద్రపోవాలన్నది నా లక్ష్యం. 93 రోజులూ అలానే నిద్రపోయాను. డైరెక్టర్‌ అజయ్‌ భూపతిగారి స్క్రిప్ట్‌ ఎంత డిఫరెంట్‌గా ఉంటుందో తెలిసిందే. లవ్‌స్టోరీయే కదా... చాలెంజెస్‌ ఉండవని ఎవరైనా అనుకోవచ్చు. కానీ ఈ సినిమా స్టోరీలో చాలా సవాళ్లు ఉన్నాయి.ఫిఫ్టీ ఫిఫ్టీ చేయకూడదని బాబాయ్‌ అన్నారు: నేను సినిమాల్లోకి వెళతాను అన్నప్పుడు మా మహేశ్‌ బాబాయ్‌ ‘ఏం చేసినా ఫిఫ్టీ ఫిఫ్టీ కాదు... హండ్రెడ్‌ పర్సెంట్‌ చేయాలి’ అన్నారు. మా సినిమా అప్‌డేట్స్‌ తెలుసుకుంటూ, ఎంకరేజ్‌ చేశారు. గౌతమ్‌ (మహేశ్‌ కుమారుడు) కూడా సినిమాల్లోకి వస్తాడు. మీకు పోటీ ఉంటుందా? అంటే... అలా ఏం ఉండదు. ఎందుకంటే సినిమా అనేది చాలా పెద్దది. ఎవరైనా రావొచ్చు... నిరూపించుకోవచ్చు. బాధను పంచుకోను:ఎవరి లెవల్‌ కష్టాలు వాళ్లకు ఉంటాయి. నాకూ చిన్న అప్స్‌ అండ్‌ డౌన్స్‌ ఉంటాయి. డల్‌ మూమెంట్స్‌ ఉంటాయి. కానీ ఎవరితోనూ షేర్‌ చేసుకోను. అలాగని టెన్షన్‌ పడిపోను. ప్రతి విషయానికీ ఒక పరిష్కారం ఉంటుందని నమ్ముతాను. మనిషికన్నా పెద్దది ఇంకేదో ఉంటుందని నమ్ముతాను. కొన్ని డెస్టినీకి వదిలేయాలి. మూడు రోజులకోసారి ఫోన్‌ చార్జ్‌ చేస్తాను: నాకు అబ్జర్వేషన్‌ ఎక్కువ. ట్రావెల్‌ చేస్తుంటాను. అక్కడి మనుషుల మాట తీరు, వాళ్ల నడవడిక తెలుసుకుంటాను. నేచర్‌ నుంచి నేర్చుకోవడం ఇష్టం. అందుకే ఫోన్‌ పెద్దగా వాడను. నా ఫోన్‌ని మూడు రోజులకోసారి చార్జ్‌ చేస్తుంటాను. గాడ్జెట్స్‌ అంటే ఇష్టమే. కానీ నేచర్‌ ద్వారా నేర్చుకున్నది నేచురల్‌గా ఉంటుంది.మా అమ్మ పెంపకం చాలా ట్రెడిషనల్‌: మా అమ్మ ప్రాపర్‌ తెలుగు ఫ్యామిలీకి చెందిన అమ్మాయిలు ఎలా ఉంటారో అలానే ఉంటారు. ఏదైనా నేర్చుకోకపోతే ‘తర్వాత చూద్దాంలే’ అనుకోరు. మేం నేర్చుకోవాల్సిందే. అలాగే తెలుగు బాగా మాట్లాడాల్సిందే అని పట్టుబట్టేవారు. అందుకే నాకు తెలుగు బాగా వచ్చింది. నా క్యారెక్టర్‌కి డబ్బింగ్‌ బాగా చెప్పగలిగాను. ఇంట్లో పండగలు బాగా చేస్తాం. సంవత్సరానికి ఒకసారైనా నేను తిరుపతి వెళ్లాల్సిందే. వినాయకుడు అంటే కూడా ఇష్టం. నో క్రష్‌:అమ్మాయిలతో మాట్లాడటం అంటే నాకు చాలా బిడియం. ఇప్పుడు ఈ సినిమా చేయడం మొదలుపెట్టాక కొంచెం మొహమాటం పోయింది. అందరితో మాట్లాడగలుగుతున్నాను. సో... అమ్మాయిలతో మాట్లాడలేని అబ్బాయికి ఇక ‘క్రష్‌’ ఎందుకు ఉంటుంది? (నవ్వుతూ). యాక్టర్‌గా మాత్రమే కాదు...: సినిమాలో నటించడం వరకే అని ఫిక్స్‌ కాలేదు. డైరెక్షన్‌ అంటే ఇంట్రస్ట్‌ ఉంది. నాకు రైటింగ్‌ అంటే ఇష్టం. ఎప్పుడైనా నేను స్టోరీ రాశాననుకోండి... ఆ స్టోరీలోని ఎమోషన్‌కి బాగా కనెక్ట్‌ అవుతాను కాబట్టి నేనే హీరోగా చేస్తాను. నా నెక్ట్స్‌ సినిమాలకు కథలు విన్నాను. త్వరలోనే ఫైనలైజ్‌ అవుతాయి.మా నాన్న మంచి యాక్టర్‌ మా నాన్న మంచి యాక్టర్‌. డ్యాన్స్, ఫైట్స్, ఎమోషన్‌ అన్నీ బాగా చేశారు. అప్పుడప్పుడు ఆయన సినిమాలు చూస్తుంటాను. ముఖ్యంగా ‘బజారు రౌడీ’ నాకు చాలా ఇష్టం. నా సినిమా చూడ్డానికి నాన్న లేరనే బాధ చాలా ఉంది. అలాగే షూటింగ్‌ చేసేటప్పుడు ‘తాతయ్య, నాన్న ఉండి ఉంటే బాగుండేది’ అని చాలా సార్లు అనిపించింది. తాతగారిలా ప్రయోగాలు చేసే స్కోప్‌ వస్తే మంచిదే. ఒకప్పుడు తాతగారు వన్‌ ఇయర్‌కి 15 సినిమాలు కూడా చేశారు. ఇప్పుడు రెండు మూడు సినిమాలు చేస్తే ఎక్కువ. నాకైతే రెండు మూడు సినిమాలు చేయాలనుంది.ఆ ఒత్తిడి లేదుమాకు ఉన్న అడ్వాంటేజ్‌ ఫ్యాన్‌ బేస్‌. మా తాతగారు మాకు ఇచ్చిన పెద్ద గిఫ్ట్‌ మా ఫ్యాన్స్‌. ఇంకా ఒక్క సినిమా కూడా చేయలేదు... అప్పుడే ఫ్యాన్స్‌ అభిమానం ఎలా ఉంటుందో తెలిసింది. ఈ క్రెడిట్‌ మొత్తం మా ఫ్యామిలీకే. తాత నుంచి మాకు ఫార్వార్డ్‌ అయింది. తాతయ్యతో, బాబాయ్‌తో పోల్చుకుంటారేమో అనే ఒత్తిడి లేదు. ఆ కుటుంబం గర్వపడేలానే నటిస్తాను... పర్సనల్‌ బిహేవియర్‌ కూడా అంతే.– డి.జి. భవాని

ఘట్టమనేని కుటుంబం నుంచి మరో వారసుడు హీరోగా పరిచయం అవుతున్నాడు. కృష్ణ మనవడు, మహేష్ బాబు అన్న రమేష్‌ బాబు కొడుకు జయకృష్ణ శ్రీనివాస మంగాపురం సినిమాతో హీరోగా ఎంట్రీ ఇస్తున్న విషయం తెలిసిందే. ఈ చిత్రానికి అజయ్ భూపతి దర్శకత్వం వహిస్తున్నారు. జయకృష్ణ డెబ్యూ విషయంలో మహేష్ బాబు ప్రత్యేక శ్రద్ధ తీసుకున్నాడట. సినిమా కంటెంట్, ఎమోషన్ అన్నింటినీ దగ్గరుండి గమనించి, తన ఫీడ్‌బ్యాక్ ఇచ్చాడని జయకృష్ణ స్వయంగా వెల్లడించాడు. మహేష్ ఇచ్చిన సూచనలు ఈ సినిమాకు చాలా హెల్ప్ అయ్యాయని జయకృష్ణ చెబుతున్నాడు. శ్రీనివాస మంగాపురం గురించి జయకృష్ణ మాట్లాడుతూ.. ఈ సినిమా లోతైన ఎమోషన్ కలిగిన సినిమా. నటుడిగా నన్ను నేను ప్రూవ్ చేసుకోవడానికి ఇది సరైన కథ అని పేర్కొన్నాడు. ఈ సినిమాలో రవీనా టాండన్ కూతురు రాషా తడానీ హీరోయిన్‌గా నటిస్తోంది. కృష్ణ జయంతి సందర్భంగా ఈరోజు సినిమాలోని పాత్రలను పరిచయం చేశారు. ఈ చిత్రం జులై 9న థియేటర్లలో విడుదల కానుంది. తాతయ్య ఆశీస్సులు నాతో ఉంటాయి‘‘తాతయ్య కృష్ణగారు నాకు దేవుడితో సమానం. ఆయన ఎక్కడ ఉన్నా తన ఆశీస్సులు నాతో ఉంటాయని నమ్ముతున్నాను. తాతయ్య పుట్టినరోజు సందర్భంగా మీ అందర్నీ కలవడం హ్యాపీగా ఉంది. హీరో అవ్వాలనే ఆలోచనకు ప్రేరణ మా బంగారు తాతయ్య (కృష్ణ సోదరుడు–నిర్మాత ఆదిశేషగిరి రావు). అలాగే మా బాబాయ్‌ మహేశ్‌బాబుకి నేను డైహార్డ్‌ ఫ్యాన్‌ని. ఈ సినిమా ఫస్ట్‌ లుక్, టీజర్‌ను లాంచ్‌ చేసి, ఫీడ్‌బ్యాక్‌ ఇస్తూ, నన్ను ప్రోత్సహిస్తున్న మా బాబాయ్‌కి థ్యాంక్స్‌. ఈ సందర్భంగా మా నాన్న రమేశ్‌బాబుగారిని తలచుకుంటున్నాను. మా తాతగారితో ‘అగ్నిపర్వతం’, బాబాయ్‌ మహేశ్‌బాబుగారితో ‘రాజకుమారుడు’ చేశారు దత్తుగారు. ఇప్పుడు నన్ను హీరోగా పరిచయం చేస్తున్న ఆయనకు రుణపడి ఉంటాను.కిరణ్, అజయ్‌ భూపతి, రాషా, రాఘవేంద్ర రావు, జయకృష్ణ, అశ్వినీదత్, ఆదిశేషగిరి రావు ఈ సినిమాను ప్రేక్షకులు ఎంజాయ్‌ చేస్తారని నమ్ముతున్నాను. ‘‘ఈ సినిమా నా కెరీర్‌లో ఎప్పటికీ గుర్తుండిపోతుంది’’ అన్నారు రాషా. ‘‘కృష్ణగారు నిజమైన సూపర్‌స్టార్‌. ఆయన చేసినంత రిస్క్‌ ఏ హీరో కూడా చేసి ఉండరు. ఆ కృష్ణగారి క్వాలిటీస్‌ జయకృష్ణలో ఉన్నాయి. జయకృష్ణ పెద్ద హీరో అవుతాడని దర్శకుడు అజయ్‌ భూపతి అన్నారు. ‘‘కృష్ణగారిలాగే జయకృష్ణ కూడా తన ప్రతిభను చూపించాడు’’ అని పేర్కొన్నారు తమ్మారెడ్డి భరద్వాజ్‌. ‘‘జయకృష్ణ న్యూయార్క్‌లో ఫిల్మ్‌ కోర్సు చదివాడు. ఈ సినిమాతో జయకృష్ణ హీరోగా పరిచయం కావడం ఆనందంగా ఉంది’’ అని తెలిపారు ఆదిశేషగిరి రావు. ‘‘శ్రీనివాస మంగాపురం’ అని పేరు పెట్టడమే ఈ సినిమా మొదటి విజయం’’ అన్నారు దర్శక–నిర్మాత కె. రాఘవేంద్ర రావు.

‘ఆర్‌ఎక్స్‌ 100, మంగళవారం’ చిత్రాల ఫేమ్‌ అజయ్‌ భూపతి దర్శకత్వం వహిస్తున్న తాజా చిత్రం ‘శ్రీనివాస మంగాపురం’. ఈ మూవీతో సూపర్‌స్టార్‌ కృష్ణ మనవడు, దివంగత నటుడు రమేష్‌ బాబు కుమారుడు ఘట్టమనేని జయకృష్ణ హీరోగా పరిచయం అవుతున్నాడు. అలాగే బాలీవుడ్‌ నటి రాషా తడాని తెలుగులో హీరోయిన్‌గా ఎంట్రీ ఇస్తున్నారు. అశ్వినీదత్‌ సమర్పణలో చందమామ కథలు బ్యానర్‌పై పి.కిరణ్‌ నిర్మిస్తున్న ఈ చిత్రంలో కలెక్షన్‌ కింగ్‌ మంచు మోహన్‌ బాబు కూడా ఓ కీలక పాత్ర పోషిస్తున్నాడు. తాజాగా ఆయన లుక్‌ని విడుదల చేశారు మేకర్స్‌. ఇందులో ఆయన ‘వెంకటప్పయ్య నాయుడు’ అనే పాత్రలో నటిస్తున్నాడు.ఈ పోస్టర్‌లో మోహన్ బాబు సాధారణ తెల్లటి కుర్తా-ధోతీ ధరించి పవర్ ఫుల్‌గా, గంభీరంగా కనిపిస్తున్నాడు. పోస్టర్‌ని బట్టి చూస్తే.. ఈ సినిమాలో నెగెటివ్‌ షేడ్స్‌ ఉన్న పాత్రలో మోహన్‌ బాబు నటించినట్లు తెలుస్తుంది. చాలాకాలం తర్వాత మోహన్‌ బాబు మళ్లీ ఇలాంటి పాత్రలు చేయడం పట్ల ఆనందం వ్యక్తం చేస్తున్నారు. దీంతో పాటు నేచురల్ స్టార్ నాని హీరోగా నటిస్తున్న ‘ది ప్యారడైజ్‌​‍’లోనూ మోహన్‌ బాబు విలన్‌గా నటిస్తున్నాడు. Introducing the Legendary @themohanbabu garu as “VENKATAPPAYA NAIDU” from #SrinivasaMangapuram❤️‍🔥Brace yourselves for his towering performance in a role carved with power and pride💥An @DirAjayBhupathi Film 🔥 pic.twitter.com/JvGBr9JGg4— Chandamama Kathalu Pictures (@CKPicturesoffl) February 28, 2026

సూపర్‌స్టార్ మహేశ్ బాబు కుటుంబం నుంచి మరో హీరో వస్తున్నాడు. కొన్నిరోజుల క్రితమే ఈ ప్రాజెక్టుకి సంబంధించిన అధికారిక ప్రకటన రాగా ఇప్పుడు మహేశ్ చేతుల మీదుగానే ఫస్ట్ లుక్ రిలీజ్ చేశారు. అలానే చిత్రబృందానికి ఆల్ ది బెస్ట్ చెప్పుకొచ్చారు.(ఇదీ చదవండి: 'రాజాసాబ్' తొలిరోజు కలెక్షన్ అన్ని కోట్లా?)మహేశ్ కుటుంబం నుంచి త్వరలో చాలామంది వారసులు.. ఇండస్ట్రీలోకి రాబోతున్నారు. వాళ్లలో తొలుత జయకృష్ణ లాంచ్ కాబోతున్నాడు. ఇతడు మహేశ్ అన్న రమేశ్ బాబు కొడుకు. 'ఆర్ఎక్స్ 100' ఫేమ్ అజయ్ భూపతి తీస్తున్న 'శ్రీనివాస మంగాపురం' మూవీతో జయకృష్ణ హీరోగా పరిచయం కానున్నాడు. రషా తడానీ హీరోయిన్. కొన్నాళ్ల క్రితమే షూటింగ్ మొదలు కాగా తాజాగా ఫస్ట్ లుక్ రిలీజ్ చేశారు. బులెట్‌పై గన్ పట్టుకుని ఉన్న లుక్ బాగుంది.ఇందులోనే మోహన్ బాబు కూడా కీలక పాత్ర పోషిస్తున్నారనే రూమర్ కొన్నిరోజుల క్రితం వచ్చింది గానీ గ్లింప్స్, టీజర్, ట్రైలర్ లాంటివి వస్తే ఆయన ఉన్నారా లేదా అనేది క్లారిటీ రానుంది. ఈ ఏడాదిలో మూవీ థియేటర్లలోకి రానుంది. ఎప్పుడు ఏంటనేది త్వరలో చెబుతారు. జయకృష్ణ కాకుండా మహేశ్ కొడుకు గౌతమ్, కూతురు సితార. అలానే రమేశ్ బాబు కూతురు భారతి. మహేశ్ సోదరి మంజుల కుమార్తె జాన్వీ కూడా త్వరలో తెరంగేట్రం చేయనున్నారు.(ఇదీ చదవండి: ఒక్కో డైరెక్టర్ ఒక్కోలా షాకిచ్చారు.. లేటెస్ట్‌గా 'రాజాసాబ్')Happy to unveil the first look of #SrinivasaMangapuram… 🤗🤗🤗Wishing #JayaKrishnaGhattamaneni the very best on his debut.A strong team and an interesting beginning… all the best to the entire team 👍🏻👍🏻👍🏻@DirAjayBhupathi #RashaThadani@gvprakash @AshwiniDuttCh @gemini_kiran… pic.twitter.com/Iw5B67hltq— Mahesh Babu (@urstrulyMahesh) January 10, 2026

ఘట్టమనేని వారసుడు జయకృష్ణ ( ఘట్టమనేని రమేశ్‌బాబు తనయుడు)కు జోడీగా బాలీవుడ్ హీరోయిన్ రవీనా టాండన్ కుమార్తె రాషా టాండానీ నటిస్తున్నట్లు అధికారికంగా ప్రకటించారు. ‘ఆర్‌ఎక్స్‌ 100, మంగళవారం’ చిత్రాల దర్శకుడు ‌ అజయ్‌ భూపతి ఈ ప్రాజెక్ట్‌ గురించి కొద్దిరోజుల క్రితమే ప్రకటించిన విషయం తెలిసిందే. అయితే, తాజాగా హీరోయిన్‌ పోస్టర్‌ను ఆయన షేర్‌ చేశారు. ఈ ప్రతిష్టాత్మక ప్రాజెక్ట్‌ను వైజయంతి మూవీస్‌తో అశ్విని దత్ సమర్పిస్తున్నారు. చందమామ కథలు బ్యానర్‌పై పి. కిరణ్ నిర్మిస్తున్నారు.బాలీవుడ్‌లో అజయ్‌ దేవగన్‌ చిత్రం ‘అజాద్‌’లో ఓ కీలకపాత్రలో నటించి, మెప్పించిన రాషా టాండన్‌ ఇప్పుడు టాలీవుడ్‌లోకి ఎంట్రీ ఇస్తుంది. త్వరలో షూటింగ్‌ ప్రారంభం కానుంది. ఎమోషనల్ లవ్ స్టోరీతో అజయ్‌ భూపతి ప్లాన్‌ చేస్తున్నట్లు తెలుస్తోంది. జయకృష్ణ, రషా టాండన్‌ కాంబినేషన్‌ వెండితెరపై ఎలా ఉంటుందో చూడాలంటే కొంత కాలం ఆగాల్సిందే. Make way for the Gorgeous & Talented #RashaThadani in to Telugu Cinema ❤️‍🔥Stay tuned to witness her magnetic screen presence and performance in #AB4 ❤️Starring 🌟#JayaKrishnaGhattamaneniPresented by @AshwiniDuttChProduced by @gemini_kiran under @CKPicturesoffl… pic.twitter.com/g6NdzrmlIE— Ajay Bhupathi (@DirAjayBhupathi) November 17, 2025

ఘట్టమనేని కుటుంబం నుంచి మరో నటుడు చిత్రపరిశ్రమలోకి వస్తున్నారు. ఈమేరకు అధికారికంగా ప్రకటన వచ్చేసింది. సూపర్‌స్టార్‌ కృష్ణ మనవడు, దివంగత రమేష్ బాబు కుమారుడు జయ కృష్ణ ఘట్టమనేని గ్రాండ్ లాంచ్‌ కానున్నారు. తన బాబాయి మహేష్ బాబు ఆశీస్సులతో తొలి సినిమాకు సిద్ధం అవుతున్నాడు. ఆర్‌ఎక్స్‌ 100, మంగళవరం చిత్రాలను తెరకెక్కించిన దర్శకుడు అజయ్‌ భూపతి (Ajay Bhupathi) ఈ చిత్రానికి దర్శకత్వం వహించనున్నారు. ఈ ప్రతిష్టాత్మక ప్రాజెక్ట్‌ను వైజయంతి మూవీస్‌తో అశ్విని దత్ సమర్పిస్తున్నారు. చందమామ కథలు బ్యానర్‌పై పి. కిరణ్ నిర్మిస్తున్నారు.గతంలో సూపర్ స్టార్ కృష్ణతో కల్ట్ బ్లాక్‌బస్టర్ అగ్ని పర్వతం చిత్రాన్ని నిర్మించి, తరువాత రాజకుమారుడుతో ప్రిన్స్ మహేష్ బాబును తెలుగు సినిమాకు పరిచయం చేసిన అశ్విని దత్, ఇప్పుడు ఘట్టమనేని నుంచి మరో వారసుడిని వెండితెరకు పరిచయం చేస్తున్నారు. అజయ్ భూపతితో కలిసి మూడవ తరం స్టార్‌ జయ కృష్ణ ఘట్టమనేనితో ఒక మంచి ప్రేమకథను అశ్విని దత్‌ నిర్మిస్తున్నారు.జయ కృష్ణ ఇప్పటికే నటనతో పాటు పైట్స్‌, డ్యాన్స్‌ వంటి ఇతర నైపుణ్యాలలో శిక్షణ పొందాడు. ఈ ప్రాజెక్ట్‌ ఇదే నెలలో రెగ్యులర్ షూటింగ్ ప్రారంభం కానుంది. టైటిల్ వంటి వివరాలు త్వరలో వెల్లడి కానున్నాయి. తెలుగు సినిమాలో ఎప్పటికీ గుర్తుండిపోయేలా ఒక ప్రేమకథను ఈ మూవీలో చూపించనున్నట్లు తెలుస్తోంది. జయ కృష్ణ తండ్రి రమేశ్‌ బాబు అనారోగ్యం కారణంగా 2022లో కన్నుమూశారు. దీంతో ఆయన కుమారుడి కెరీర్‌ను చూడాల్సిన బాధ్యత మహేష్‌ బాబు మీద ఉంది.With a Great Story comes Greater Responsibility...Thrilled and honoured to introduce #JayaKrishnaGhattamaneni through my next film 😇🤩From the heart of the hills, a raw, intense and realistic love story, #AB4 Title announcement soon❤️‍🔥Presented by @AshwiniDuttChProduced by… pic.twitter.com/Fmn2AoYeEU— Ajay Bhupathi (@DirAjayBhupathi) November 9, 2025

నందమూరి ఇంట విషాదం చోటు చేసుకుంది. దివంగ‌త న‌టుడు నందమూరి తారక రామారావు పెద్ద కుమారుడు నందమూరి జయకృష్ణ సతీమణి పద్మజ (73) అనారోగ్యంతో కన్నుమూశారు. కొంతకాలంగా పలు ఆరోగ్య సమస్యలతో ఇబ్బంది పడుతున్న ఆమె ఈ తెల్లవారుజామున శ్వాస తీసుకోవడంలో ఇబ్బంది పడుతుండటంతో ఆసుపత్రికి తరలించారు. అయితే, చికిత్స పొందుతూ ఆమె తుదిశ్వాస విడిచారు. పద్మజ దగ్గుబాటి వెంకటేశ్వరరావుకు స్వయాన చెల్లెలు ఆపై హీరో నందమూరి చైతన్య కృష్ణకు తల్లి అని తెలిసిందే.సుమారు రెండేళ్ల క్రితం చైతన్యకృష్ణ హీరోగా బ్రీత్‌ అనే సినిమాతో టాలీవుడ్‌లోకి ఎంట్రీ ఇచ్చారు. ఈ చిత్రాన్ని తన తండ్రి జయకృష్ణ నిర్మిచారు. అయితే, ఈ చిత్రం బాక్సాఫీస్‌ వద్ద భారీ డిజాస్టర్‌గా నిలిచింది. కేవలం రూ. 5 లక్షలు కూడా కలెక్షన్స్‌ రాబట్టలేకపోయింది. ఈ మూవీ తర్వాత ఆయన మరో సినిమా చేయలేదు.

టాలీవుడ్‌లో ఘట్టమనేని ఫ్యామిలీకి మంచి గుర్తింపు ఉంది. తెలుగు చిత్ర పరిశ్రమలో సాహసానికి, మంచితనానికి కేరాఫ్‌గా నిలిచారు సూపర్‌స్టార్ కృష్ణ ఈ ప్యామిలీ నుంచి వచ్చిన వాడే. ఆ తర్వాత కృష్ణ వారసుడిగా మహేశ్ బాబు(Mahesh Babu) హీరో అయ్యాడు. తనదైన శైలీలో సినిమాలు చేస్తూ పాన్‌ ఇండియా స్టార్‌గా ఎదిగాడు. ఇప్పుడు ఘట్టమేని ఫ్యామిలీ నుంచి మూడో తరం హీరో రాబోతున్నాడు. సూపర్ స్టార్ ఘట్టమనేని కృష్ణ మనవడు, మహేశ్‌ అన్నయ్య రమేష్ బాబు కుమారుడు జయకృష్ణ హీరోగా ఓ చిత్రం తెరకెక్కబోతోంది.ఈ కొత్త ప్రాజెక్టును దర్శకుడు అజయ్ భూపతి స్వయంగా హెల్మ్ చేయనున్నారని తాజా సమాచారం. RX 100 వంటి బ్లాక్‌బస్టర్‌తో తన ప్రతిభను చాటిన అజయ్ భూపతి, ఇటీవల థ్రిల్లర్ "మంగళవరం"తో మళ్ళీ ఆకట్టుకున్నాడు. ప్రస్తుతం "మంగళవరం 2" ప్రీ-ప్రొడక్షన్ పనుల్లో ఉండగానే, మరో హై-ప్రొఫైల్ లాంచింగ్ ప్రాజెక్ట్‌కి శ్రీకారం చుట్టినట్లు తెలుస్తోంది. ఈ సినిమా ద్వారా జయకృష్ణ వెండితెరకు పరిచయమవుతున్నాడు.ఈ చిత్రానికి ఇద్దరు ప్రముఖ నిర్మాతలు మద్దతు ఇస్తున్నట్టు సమాచారం. భారీ బడ్జెట్ కేటాయించి వైజయంతి ఆర్ట్స్, అనంది ఆర్ట్స్ క్రియేషన్స్ బ్యానర్ పై ఈ సినిమాను రూపొందించనున్నారట. ఈ సినిమాకు సంబంధించిన కథ, నటీనటులు, షూటింగ్ షెడ్యూల్ వివరాలు ప్రస్తుతానికి గోప్యంగా ఉంచారు. అయినప్పటికీ, సూపర్ స్టార్ ఫ్యామిలీ నుంచి మరో హీరో వస్తున్నారని తెలియడంతో చిత్రంపై ఇప్పటికే భారీ అంచనాలు ఏర్పడ్డాయి.జయకృష్ణ ప్రస్తుతం లండన్‌లో ప్రొఫెషనల్ నటనా శిక్షణ తీసుకుంటున్నాడని సమాచారం. సోషల్ మీడియాలో ఇటీవల బయటకు వచ్చిన ఫోటోల ద్వారా అతని లుక్ పై కూడా జనాల్లో ఆసక్తి పెరిగింది. ఇక ఆసక్తికరమైన విషయం ఏమిటంటే, ఈ ప్రాజెక్ట్‌ను జయకృష్ణ బాబాయి, టాలీవుడ్ సూపర్ స్టార్ మహేష్ బాబు స్వయంగా పర్యవేక్షిస్తున్నారని ఇండస్ట్రీ వర్గాల్లో చర్చ నడుస్తోంది. మంచి లాంచ్ కోసం అవసరమైన నిర్మాణ విలువలు, సాంకేతిక ప్రమాణాలపై మహేష్ ప్రత్యేక దృష్టి సారిస్తున్నట్లు టాక్. ఈ ప్రాజెక్ట్‌కు సంబంధించిన అధికారిక ప్రకటన త్వరలో వెలువడే అవకాశం ఉంది.