కష్టే ఫలి.. కృషి ఉంటే ఏదైనా సాధ్యమే అని నిరూపిత మైన సత్యం. చిన్న తనం నుంచే అదే సూత్రాన్ని తూచ తప్పకుండా పాటిస్తూ.. కష్టపడి పనిచేయడానికి అలవాటుపడి యువడిజైనర్‌గా డాక్టర్‌ ముప్పిడి రాంబాబు గుర్తింపు సాధించాడు. బొమ్మల తయారీలో కళాకారుడు తన కళకు నైపుణ్యాన్ని జతచేసి అద్భుతాలు సృష్టిస్తున్నాడు. అంతే కాకుండా శిల్పకారుడు, రచయిత, అధ్యాపకుడుగానూ పనిచేస్తున్నాడు. శిల్పకారుల కుటుంబానికి చెందిన ముప్పిడి చెక్క, తాటి ఆకు, జనపనార, రాతి ఉత్పత్తులపై ఆధారపడి జీవనం సాగిస్తున్నారు. అనేక కళాకృతులను రూపొందించడంలో దిట్టగా పేరొందారు. ప్రస్తుతం రాయదుర్గంలోని ఎఫ్‌డీడీఐ హైదరాబాద్‌లో ఫ్యాకల్టీగా పనిచేస్తూ ఆర్ట్, క్రాఫ్ట్, డిజైన్‌ ప్రొడక్ట్‌ డిజైనింగ్, ఫ్యాషన్‌ డిజైనింగ్, ఆర్కిటెక్చర్‌గా గుర్తింపు సాధించారు. – రాయదుర్గంపేద కళాకారుల ఆర్థికాభివృద్ధికి.. పేటెంట్‌ పొందిన డిజైన్లను పేద కళాకారుల ఆర్థికాభివృద్ధికి చేయూతను అందించాలనేదే నా తపన. మాది కళాకారుల కుటుంబం. కళాకారుల పరిస్థితులు నాకు బాగా తెలుసు. పేటెంట్‌ పొందిన డిజైన్లు ఉచితంగానే అందిస్తా. వాటి తయారీ గురించి వివరిస్తాను. నిర్మల్, కొండపల్లి బొమ్మల తయారీ దారులు కూడా నూతన డిజైన్లలో బొమ్మలు తయారు చేసేలా తగిన సూచనలు అందించాలన్న లక్ష్యంతో కృషి చేస్తున్నా.. – డాక్టర్‌ ముప్పిడి రాంబాబు, ఎఫ్‌డీడీఐ ఫ్యాకల్టీ రాయదుర్గం మంజూరైన పేటెంట్స్‌.. 2025లో టేబుల్‌టాప్‌ ఆర్టిక్రాఫ్ట్స్, ఫిల్లింగ్‌ 2024లో లెదర్, వుడ్‌బర్డ్‌ టాయ్, ఫిల్లింగ్, వుడ్‌ పెన్‌స్టాండ్, ఫిల్లింగ్, డాల్, లెదర్‌ వాల్‌ హ్యాంగింగ్, న్యూస్‌పేపర్‌ బాస్కెట్, డెకరేటివ్‌ యాక్సెసరీస్‌ ఫర్‌ టేబుల్‌టాప్‌ టాయ్స్, ట్రెక్కింగ్‌ బ్యాక్‌ప్యాక్, జ్యువెలరీ బాక్స్‌కేస్‌. పీహెచ్‌డీ పూర్తి చేసి.. ఆంధ్రప్రదేశ్‌లోని జంగారెడ్డిగూడెంలో నిరుపేద కళాకారుల కుటుంబంలో పుట్టి ఉన్నత విద్యను అభ్యసించారు. మొదటి, రెండో తరాలకు చదువులేదు. కానీ మూడో తరం వారు జీవనోపాధి కోసం చేతి వృత్తులు చేస్తున్నా, తండ్రి సూచన మేరకు పీహెచ్‌డీ పూర్తి చేశారు. రచయిత, కళాకారుడు, అసిస్టెంట్‌ ప్రొఫెసర్, హెచ్‌ఓడీ, అకడమిక్‌ కన్సల్టెంట్, జూట్‌బోర్డు ప్యానెల్‌ డిజైనర్, ఆర్ట్‌ అండ్‌ క్రాఫ్ట్‌ టీచర్, తెలుగు ఫిల్మ్‌ డైరెక్టర్, ప్రొడక్షన్‌ డిజైనర్‌ వంటి ఉద్యోగాలు చేశారు. కేంద్ర జూట్‌ బోర్డులో జైనర్‌గా పనిచేశాడు. ప్రస్తుతం ఎఫ్‌డీడీఐలో ఫ్యాకల్టీగా చేస్తున్నాడు. అవార్డులు, పురస్కారాలు.. 2024లో పీహెచ్‌డీలో గోల్డ్‌మెడల్‌ (పోట్టి శ్రీరాములు తెలుగు వర్శిటీ) 2023లో పికాక్‌ అవార్డు (తిరుపతి ఆర్ట్‌ సొసైటీ, ఎక్స్‌లెన్స్‌ ఇన్‌ రివ్యూ అవార్డు) 2018 జాతీయ సంజీవ్‌దేవ్‌ అవార్డు2017లో ప్రమోద్‌ కుమార్‌ చటర్జీ జాతీయ అవార్డు 2016లో విశిష్ట కళా సేవారత్న, రోటరీ యువజన అవార్డు, గురుబ్రహ్మ అవార్డు.వీటితో పాటు మరికొన్ని అవార్డులు.. పేటెంట్ల సాధనలో తనకంటూ ప్రత్యేకత సాధించిన ఎఫ్‌డీడీఐ ఫ్యాకల్టీ డాక్టర్‌ రాంబాబు


 జంగారెడ్డిగూడెం : బుట్టాయగూడెం మండలం చింతలగూడెం సమీపంలో పోగొండ రిజర్వాయర్ నిర్మాణానికి రూ.85.51 కోట్ల నిధులు మంజూరైనట్లు మైనర్ ఇరిగేషన్ ఈఈ ఎస్.జగదీశ్వరరావు, డీఈ కె.సుబ్రమణ్యం బుధవారం తెలిపారు. రిజర్వాయర్ డిజైన్ మార్పు కారణంగా భూ సేకరణకు సంబంధించి ప్రతిపాదనలను మార్పుచేసి 2011 మే నెలలో ప్రభుత్వానికి నివేదించినట్టు చెప్పారు. ఈ నేపథ్యంలో ఇటీవల నిధులు మంజూరయ్యూయని పేర్కొన్నారు. 50 ఏళ్లుగా సర్వేలకే పరిమితమైన పోగొండ రిజర్వాయర్ నిర్మాణానికి దివంగత ముఖ్యమంత్రి వైఎస్ రాజశేఖరరెడ్డి 2007లో రూ.26కోట్లు మంజూరు చేశారు.
  
  అప్పట్లో సుమారు రూ.11 కోట్లు వెచ్చించి కొంతమేర పనులు చేపట్టారు. రిజర్వాయర్ నిర్మాణం పూర్తరుుతే.. సుమారు 11 గ్రామాల పరిధిలో గిరిజనులకు చెందిన బీడు భూములు సాగులోకి వస్తాయి. డిజైన్ మార్పు చేయాల్సి రావడంతో భూసేకరణకు సంబంధించి రీ ఎస్టిమేషన్ వేశారు. దీంతో పనులకు నిధుల కొరత వచ్చింది. ఫలితంగా ఏడాదిన్నర కాలంగా పనులు నిలచిపోయాయి. తాజాగా నిధులు విడుదలైన నేపథ్యంలో త్వరలోనే పోగొండ రిజర్వాయర్ నిర్మాణ పనులు పూర్తిచేసి గిరిజనులకు చెందిన భూములు సాగునీరు అందిస్తామని మైనర్ ఇరిగేషన్ అధికారులు పేర్కొన్నారు.