నటుడిగా 2015లో అందరి కంటే ఎక్కువ మార్కులు కొట్టేసిన ఇర్ఫాన్‌ఖాన్ ఇప్పుడు మరో అడుగు ముందుకేస్తున్నాడు. నిర్మాతగా మారి తన అభిరుచి చాటుకోనున్నాడు. ఎవరితోనో తెలుసా? ప్రముఖ దర్శకురాలు మీరా నాయర్‌తో కలిసి. మీరా నాయర్ తన మేనల్లుడు ఇషాన్ నాయర్ దర్శకుడిగా ఒక సినిమా తీయనుంది. ఈ కథ ఇర్ఫాన్‌ఖాన్‌కు నచ్చింది. తాను కూడా సహ నిర్మాతగా మారి భాగం పంచుకుంటున్నాడు. ‘నేను నిర్మించే సినిమా తాజా కథతో ఉండాలనుకున్నాను.
 
 ఈ కథ అలాంటిదే’ అన్నాడతను. సినిమా పేరు ‘కాష్’ (బహుశా). ఇందులో ‘దేవ్ డి’, ‘జిందగీ న మిలేగీ దొబారా’ ఫేమ్ కల్కి ముఖ్యపాత్ర పోషిస్తోంది. ‘నిర్మాతగా నేను డబ్బు లెక్కలు చూసుకోకపోయినా సృజనాత్మక విషయాల్లో మంచి సలహాలు ఇవ్వగలను’ అంటున్నాడు ఇర్ఫాన్. ‘పికు’, ‘జురాసిక్ వరల్డ్’ వంటి సినిమాలతో ఇర్ఫాన్ అంతర్జాతీయ గుర్తింపు పొందాడు. ఎంతగా అంటే ఇతడు జపనీస్‌లో ఒక టెలివిజన్ షో కూడా చేయబోతున్నాడు. ఎక్కడ తను పుట్టిన రాజస్తాన్‌లో ఎడారి ప్రాంతం. ఎక్కడ జపాన్! ప్రతిభను ఎవరూ ఆపలేరు అనడానికి ఇదే ఉదాహరణ.
    బాలీవుడ్ బాత్
  
  


 బాలీవుడ్‌తో పాటు హాలీవుడ్‌లోనూ టాలెంట్ చూపుతున్న క్యారెక్టర్ ఆర్టిస్ట్ ఇర్ఫాన్‌ఖాన్‌కు మరో బంపర్ ఆఫర్ వచ్చింది. మెగా దర్శకుడు స్టీవెన్ స్పీల్‌బర్గ్ తీయబోయే తరువాతి సినిమాలో మనోడికి చాన్స్ దక్కిందని సమాచారం. స్పీల్‌బర్గ్ అప్‌కమింగ్ వెంచర్ ‘జురాసిక్ వరల్డ్’ చిత్రం ప్రమోషన్స్ కోసం వెళుతున్న ఇర్ఫాన్... మరో వెంచర్ డిస్కషన్‌లో ఉన్నాడని ఓ పత్రిక కథనం. మీరు చేయబోయేది ‘మార్వెల్ యూనివర్స్’ ప్రాజెక్టేనా అంటే కామెంట్ చేయడానికి అతగాడు నిరాకరించాడు.   ఏది ఏమైనా హాలీవుడ్‌లో ఎవరికీ లేనన్ని వరుస ఆఫర్లతో దూసుకుపోతున్నాడు ఇర్ఫాన్.
  


 బాలీవుడ్ భామ కంగనారనౌత్‌కు లక్ కలిసొచ్చినట్లే ఉంది. ఇర్ఫాన్‌ఖాన్ సరసన ఫ్రెంచి సినిమాకు సైన్ చేసిన కొద్దిరోజులకే, ఆమెకు ఇటలీ నుంచీ ఆఫర్ వచ్చింది. ఇటలీ దర్శకుడు ఎడ్వర్డో డీ ఏంజెలిస్ ఆమెకు తన చిత్రంలో కీలక పాత్రను ఆఫర్ చేశాడు. ఇటలీ స్టార్ మాసిమిలానోగాలో సరసన నటించే అవకాశంపై కంగనా ఇంకా తన నిర్ణయాన్ని ప్రకటించలేదు.
  
  ఫక్రీ డ్యాన్స్...
 తెలుగు సినిమా ‘జులాయి’కి రీమేక్‌గా రూపొందుతున్న తమిళ సినిమా ‘సాహసం’లో బాలీవుడ్ భామ నర్గీస్ ఫక్రీ ఐటం సాంగ్ కోసం డ్యాన్స్ చేయనుంది. ఈ పాట షూటింగ్ కోసం ఆమె హంగేరీలో షూటింగ్ ముగించుకున్న వెంటనే నేరుగా చెన్నై చేరుకుంది. ప్రశాంత్ హీరోగా నటిస్తున్న ఈ చిత్రం కోసం వంద మంది డ్యాన్సర్లతో ఈ ఐటం సాంగ్ చిత్రీకరణ జరుగుతోంది.  
  
  కృతి చాన్స్...
  ‘హీరోపంతి’ చిత్రంతో టైగర్ షరాఫ్ సరసన బాలీవుడ్‌లోకి అడుగుపెట్టిన కృతిసనాన్‌కు తాజాగా మరో చాన్స్ దొరికింది. సిద్ధార్థ మల్హోత్రా హీరోగా విక్రమాదిత్య మోత్వానీ రూపొందించనున్న చిత్రంలో కృతి హీరోయిన్‌గా అవకాశం దక్కించుకుంది.  కృతి చేతిలో ఉన్న సినిమాలు పూర్తవగానే ఈ చిత్రం షూటింగ్ ప్రారంభం అవుతుందని మోత్వానీ సన్నిహితులు చెబుతున్నారు.