న్యూఢిల్లీ: నగదు అక్రమ చెలామణీ కేసులో దివంగత కాంగ్రెస్‌ నేత అహ్మద్‌ పటేల్‌ అల్లుడు ఇర్ఫాన్‌ అహ్మద్‌ సిద్దిఖీ , నటులు డీనో మోరియా, సంజయ్‌ ఖాన్, డీజే అఖ్వీల్‌లకు చెందిన పలు ఆస్తులను జప్తు చేసినట్లు ఎన్‌ఫోర్స్‌మెంట్‌ డైరెక్టరేట్‌ శుక్రవారం తెలిపింది. సంజయ్‌ ఖాన్‌కు చెందిన రూ. 3 కోట్లు, డీనో మోరియాకు చెందిన రూ. 1.4 కోట్లు, డీజే అఖ్వీల్‌కు చెందిన రూ. 1.98 కోట్లు, సిద్దిఖీకి చెందిన రూ. 2.41 కోట్ల విలువైన ఆస్తులను జప్తు చేసినట్లు వెల్లడించింది. గుజరాత్‌కు చెందిన స్టెర్లింగ్‌ బయోటెక్‌ గ్రూప్‌ ప్రధాన ప్రమోటర్లైన, ప్రస్తుతం పరారీలో ఉన్న నితిన్‌ సందేసర, చేతన్‌ సందేసర కూడా ఈ కేసులో నిందితులుగా ఉన్నారని తెలిపింది.  


 చిన్నారితో అసభ్య ప్రవర్తన
 పోలీసుల అదుపులో నిందితుడు
  
 విద్యాబుద్ధులు నేర్పించాల్సి ఉపాధ్యాయుడు చిన్నారిపై లైంగిక వేధింపులకు పాల్పడ్డాడు. మాదన్నపేట డీ ఐ చంద్రశేఖర్ కథనం ప్రకారం... సంతోష్‌నగర్ డివిజన్ నెహ్రూనగర్‌కు చెందిన చిన్నారి (7) స్థానిక పాఠశాలలో 1వ తరగతి చదువుతోంది. సైదాబాద్‌లోని ఓ మద ర్సాలో అరబిక్ ఉపాధ్యాయుడిగా పని చేస్తున్న ఇర్ఫాన్ అహ్మద్ సిద్ధిఖీ (37) దరబ్‌జంగ్ కాలనీలోని తన ఇంట్లో అరబిక్ తరగతులు నిర్వహిస్తున్నాడు. అరబిక్ నేర్చుకునేందుకు చిన్నారిని తల్లిదండ్రులు ఇతని వద్దకు పంపుతున్నారు.
 
 ఇదిలా ఉండగా.. నాలుగు రోజులుగా చిన్నారి ముభావంగా ఉండటంతో గమనించిన పాఠశాల ఉపాధ్యాయురాలు తల్లిదండ్రులకు సమాచారం ఇచ్చింది. వారు శుక్రవారం కుమార్తెను ఏమైందని అడుగగా ఉపాధ్యాయుడు ఇర్ఫాన్ నాలుగు రోజుల కిందట తనతో అసభ్యంగా ప్రవర్తించాడని తెలిపింది.  దీంతో తల్లిదండ్రులు మాదన్నపేట పోలీసులకు ఫిర్యాదు చేయగా, కేసు నమోదు చేసి నిందితుడిని అదుపులోకి తీసుకుని విచారిస్తున్నారు.