International Drug Racket

న్యూఢిల్లీ: నార్కోటిక్స్‌ కంట్రోల్‌ బ్యూరో(ఎన్‌సీబీ), మూడు ఈశాన్య రాష్ట్రాలకు చెందిన పోలీసులు కలిసి అంతర్జాతీయ డ్రగ్స్‌ ముఠా గుట్టురట్టు చేశాయి. ఆపరేషన్‌ ట్రైడెంట్‌లో భాగంగా భారత్, మయన్మార్, బంగ్లాదేశ్‌ సరిహద్దుల్లో డ్రగ్స్‌ రవాణా కార్యకలాపాలకు పాల్పడుతున్న మయన్మార్‌కు చెందిన ముఠా నాయకుడు, మరో 18 మందిని అధికారులు అరెస్ట్‌ చేశారు. ఈ ముఠా నడిపే 1,424 బ్యాంకు అక్కౌంట్లను స్తంభింపజేసి, సుమారు రూ.100 కోట్ల హవాలా రాకెట్‌ను అధికారులు బట్టబయలు చేశారు. ఈ ముఠా అక్రమ కార్యకలాపాల ద్వారా సంపాదించిన రూ.17.82 కోట్ల ఆస్తులను అటాచ్‌ చేశారు. దాడుల సందర్భంగా 500 డిటోనేటర్లు, రూ.12 లక్షల నగదును కూడా స్వాధీనం చేసుకున్నారు. ఈ ఆపరేషన్‌లో భాగంగా ఈ నెల 23వ తేదీన నార్కోటిక్స్‌ కంట్రోల్‌ బ్యూరో(ఎన్‌సీబీ)కి చెందిన 38 బృందాలు అసోం, మిజోరం, మణిపూర్‌లలో ఏకకాలంలో 38 ప్రాంతాల్లో మెరుపు దాడులు చేపట్టాయి. అధికారులు సోదాలు జరిపిన ప్రాంతాల్లో మిజోరంలోని ఐజ్వాల్, చంఫాయ్, జోఖావ్తార్, మణిపూర్‌లోని చురాచంద్‌పూర్, అసోంలోని కచార్‌ ప్రధానంగా ఉన్నాయి. ఈ ముఠాకు చెందిన రవాణా మౌలిక సదుపాయాలు, ఆర్థిక మూలాలను దెబ్బతీయడంతోపాటు అనుమానితులు, డొల్ల కంపెనీలు, మ్యూల్‌ అక్కౌంట్లు, అక్రమ ఆర్థిక లావాదేవీలపై అధికారులు ప్రత్యేకంగా దృష్టి పెట్టారు. సమన్వయంతో సక్సెస్‌ మయన్మార్‌కు చెందిన థంగ్‌సింట్‌వాంగ్‌ అలియాస్‌ చింట్‌వాంగ్‌ అలియాస్‌ టిలువాంగా సారథ్యంలోని ముఠా సరిహద్దుల మీదుగా మెథాంఫెటమైన్, హెరాయిన్‌లను భారత్, బంగ్లాదేశ్‌ల లోపలికి సరఫరా చేస్తోంది. ‘ఈ డ్రగ్‌ కార్టెల్‌పై ఎన్‌సీబీ, రాష్ట్రాల పోలీసు నిఘా వ్యవస్థలు కన్నేసి ఉంచాయి. ఇతర విభాగాలతో సమన్వయంతో పథకం ప్రకారం పనిచేసి, విజయవంతంగా ఈ ఆపరేషన్‌ను పూర్తి చేశాయి. నిరంతర నిఘా సమాచారంతో ఈ ఏడాది మేలో టిలువాంగాను దేశ రాజధాని ఢిల్లీలో పోలీసులు అదుపులోకి తీసుకున్నారు. మయన్మార్‌కే చెందిన డ్రగ్స్‌ రవాణా, సరఫరాలను సమన్వయం చేసే అతడి సన్నిహితుడు వుంగ్‌ఖంథవ్‌నాను కూడా మేలోనే పట్టుకున్నారు. ప్రధాన హవాలా ఆపరేటర్‌ లాల్‌రాంపారిని ఎన్‌సీబీ 2024లోనే అరెస్ట్‌ చేసింది. ఇతడి ద్వారా ఈ నెట్‌వర్క్‌తో సంబంధమున్న రూ. 100 కోట్ల అక్రమ హవాలా లావాదేవీలు బయట పడ్డాయి. అనంతరం, ఈడీ అక్రమంగా సంపాదించిన ఆస్తులను జప్తు చేసింది. ఈ ముఠా అసోం కారిడార్‌ రవాణా వ్యవహారాలను పర్యవేక్షించే అబూ సాలే అలియాస్‌ సైఫుద్దీన్‌ను 2025లో అసోంలోని కచార్‌లో అరెస్ట్‌ చేశారు. ఈ విషయంలో మూడు రాష్ట్రాల పోలీసు బలగాలు, కేంద్ర సంస్థలు కలిసికట్టుగా పక్కా వ్యూహంతో ముందుకు సాగాయి’అని అధికారులు వివరించారు. టిలువాంగాపై ఇప్పటికే దేశంలో డ్రగ్స్‌ చట్టం కింద 10కి పైగా కేసులున్నాయని, మయన్మార్‌ నుంచి డ్రగ్స్‌ను ఇతడి ముఠా మణిపూర్, మిజోరం, త్రిపుర, అసోంలకు రవాణా చేస్తోందని వెల్లడైందన్నారు.హోం మంత్రి ప్రశంసలు దేశంలోకి మాదక ద్రవ్యాలను దొంగచాటుగా తరలించే ముఠాలను తుదముట్టించడం ఖాయమని హోం మంత్రి అమిత్‌ షా స్పష్టం చేశారు. డ్రగ్స్‌ రవాణాదారులను కట్టడి చేసేందుకు ఇటీవల చేపట్టిన ‘ఆపరేషన్‌ ట్రైడెంట్‌’అద్భుత ఫలితాలనిచ్చిందన్నారు. ఈ ముఠా నాయకుడి అరెస్ట్‌తో ‘డెత్‌ ట్రయాంగిల్‌ కారిడార్‌’గా పిలిచే భారత్, మయన్మార్, బంగ్లాదేశ్‌ సరిహద్దుల్లో కార్యకలాపాలు సాగిస్తున్న ఈ అంతర్జాతీయ ముఠా ఆటకట్టించామన్నారు. 2029 డిసెంబర్‌ 31వ తేదీ నాటికి దేశంలో డ్రగ్‌ నెట్‌వర్క్‌ను నామరూపాల్లేకుండా చేసేందుకు ప్రభుత్వం కట్టుబడి ఉందని ఆయన ప్రకటించారు.

సాక్షి, హైదరాబాద్: డ్రగ్స్ నెట్‌వర్క్‌పై ఈగల్ ఫోర్స్ భారీ ఆపరేషన్ చేపట్టింది. అంతర్జాతీయ డ్రగ్స్‌ రవాణా ముఠా గుట్టు రట్టయ్యింది. ​డెడ్ డ్రాప్ పద్ధతిలో డ్రగ్స్ సప్లై చేస్తూ.. వాట్సాప్, గూగుల్ మ్యాప్స్ ద్వారా విక్రయాలు జరుపుతున్నారు. ​36 గంటల పాటు ఈ ఆపరేషన్ చేపట్టిన ఈగల్‌ ఫోర్స్‌.. 31 మంది క్యారియర్లు, 230 మంది వినియోగదారులను గుర్తించింది. ​ఒడిశాకు చెందిన పలువురు కీలక ముఠా సభ్యులను ఈగల్‌ ఫోర్స్‌ అరెస్ట్ చేసింది. ​23 మంది బాధితులకు డి-అడిక్షన్ పూర్తి కాగా.. వారిని కోర్టు ముందు హాజరుపర్చగా.. ఎన్డీపీఎస్‌ యాక్ట్ సెక్షన్ 64-A కింద పునరావాసం పొందిన వారికి న్యాయస్థానం మినహాయింపు ఇచ్చింది. ​మైనర్లకు పొగాకు ఉత్పత్తులు అమ్మితే కఠిన చర్యలు తీసుకుంటామని.. పాన్ షాపుల యాజమాన్యాలకు ఈగల్ ఫోర్స్ హెచ్చరికలు జారీ చేసింది.ఇదీ చదవండి: హైదరాబాద్‌లో ఒరిగిన భవనం.. ఎలా కూల్చేశారంటే..

న్యూఢిల్లీ: అంతర్జాతీయ డ్రగ్స్‌ రాకెట్‌ కీలక సూత్రధారిగా, డీఎంకే బహిష్కృత నేత జాఫర్‌ సాదిక్‌ (36)ను నార్కోటిక్స్‌ కంట్రోల్‌ బ్యూరో(ఎన్‌సీబీ)అధికారులు శనివారం అరెస్ట్‌ చేశారు. ఇటీవల ఎన్‌సీబీ సుమారు రూ.2 వేల కోట్ల విలువైన అంతర్జాతీయ డ్రగ్‌ రాకెట్‌ను బ్యూరో ఛేదించడం తెలిసిందే. సాదిక్‌ పలు తమిళ సినిమాలకు నిర్మాతగా వ్యవహరించాడు. తమిళ, హిందీ సినీ రంగ ప్రముఖులతో అతనికి సంబంధాలున్నాయని ఎన్‌సీబీ డిప్యూటీ డైరెక్టర్‌ జనరల్‌ జ్ఞానేశ్వర్‌ సింగ్‌ తెలిపారు. ‘‘పార్టీలకు నిధులిచ్చినట్టు దొరికిన ఆధారాలపై దర్యాప్తు జరుపుతున్నాం. సాదిక్‌ నుంచి ముడుపులందుకున్న డీఎంకే ముఖ్య నేతకు నోటీసులిచ్చి ప్రశ్నిస్తాం’’ అని చెప్పారు. అతనిపై త్వరలో మనీ లాండరింగ్‌ కేసు కూడా నమోదు చేయనున్నట్లు ఈడీ వర్గాలు తెలిపాయి. మూడు దేశాలకు స్మగ్లింగ్‌ భారత్‌ నుంచి కొబ్బరి పొడి, మిక్స్‌ ఫుడ్‌ పౌడర్‌లో కలిపిన సూడోఎఫెడ్రిన్‌ తమ దేశాల్లోకి పెద్ద మొత్తాల్లో దొంగచాటుగా రవాణా అవుతోందంటూ ఆస్ట్రేలియా, న్యూజిలాండ్‌ 2023 డిసెంబర్‌లో ఎన్‌సీబీకి ఉప్పందించాయి. ఢిల్లీలో సాదిక్‌కు చెందిన అవెంటా కంపెనీలో ఫిబ్రవరిలో జరిపిన సోదాల్లో 50 కిలోల సూడోఎఫెడ్రిన్‌ దొరికింది. దీన్ని ఆస్ట్రేలియా, న్యూజిలాండ్, మలేసియాకు తరలిస్తున్న రాకెట్‌లో సాదిక్‌ కీలక సూత్రధారిగా తేలాడు. పైరేటెడ్‌ సీడీల నుంచి మొదలైన దందా సాదిక్‌ దందా పైరేటెడ్‌ సీడీలతో మొదలైంది. కెటమైన్‌ డ్రగ్‌ను అంతర్జాతీయ మార్కెట్‌కు స్మగ్లింగ్‌ చేసే స్థాయికి విస్తరించింది. మూడేళ్లలో 45 దఫాలుగా సుమారు రూ.2 వేల కోట్ల విలువైన 3,500 కిలోల సూడోఎఫెడ్రిన్‌ను అంతర్జాతీయ మార్కెట్‌లోకి పంపాడు. ఇది అత్యంత ప్రమాదకరమైన సింథటిక్‌ డ్రగ్‌. దీని సాయంతో తయారు చేసే మెథాంఫెటమైన్‌కు అంతర్జాతీయ మార్కెట్‌లో కిలో రూ.కోటి నుంచి కోటిన్నర వరకు ధర పలుకుతుంది!

న్యూఢిల్లీ: పంజాబ్‌లోని లూథియానా కేంద్రంగా పనిచేస్తున్న అంతర్జాతీయ డ్రగ్స్‌ సిండికేట్‌ గుట్టురట్టు చేసినట్లు నార్కోటిక్స్‌ కంట్రోల్‌ బ్యూరో(ఎన్‌సీబీ) సోమవారం పేర్కొంది. ఇద్దరు అఫ్గాన్లు సహా 16 మందిని అదుపులోకి తీసుకోవడంతోపాటు 60 కిలోల డ్రగ్స్, 31 తూటాలను స్వాధీనం చేసుకున్నట్లు పేర్కొంది. ‘‘ఈ ముఠాకు గతేడాది ఢిల్లీలోని షహీన్‌బాగ్, యూపీలోని ముజఫర్‌నగర్‌ల్లో పట్టుబడిన డ్రగ్స్‌తో సంబంధముంది. అఫ్గానిస్తాన్, పాకిస్తాన్‌లతోపాటు దేశంలోని వివిధ రాష్ట్రాల్లో నెట్‌వర్క్‌ ఉంది’’ అని ఎన్‌సీబీ డిప్యూటీ డీజీ జ్ఞానేశ్వర్‌ సింగ్‌ చెప్పారు.


 ముంబై: 1990వ దశకంలో కరణ్‌ అర్జున్‌, ఆషికీ అవారా వంటి సినిమాలతో బాలీవుడ్‌ను ఉర్రూతలూగించిన భామ మమతా కులకర్ణి.. ప్రస్తుతం నైరోబీలో ఉంటున్న ఈమె ముంబైలో ఇటీవల వెలుగుచూసిన అంతర్జాతయ డ్రగ్స్‌ రాకెట్‌లో నిందితురాలిగా వెలుగులోకి వచ్చింది. డ్రగ్స్ రాకెట్‌ నిందితుడు విక్కీ గోస్వామితో సహజీవనం చేస్తున్నట్టు భావిస్తున్న మమతా కులకుర్ణి తాజాగా ఓ మీడియా సంస్థకు ఇచ్చిన ఇంటర్వ్యూలో ఆసక్తికరమైన వివరాలు తెలిపింది.
 
 ఒకప్పుడు అందాల శృంగార తారగా వెలుగొందిన తాను ఇప్పుడు యోగినిగా మారానని, తన ఆత్మకథను చదివితేనే.. తన ఇంటర్వ్యూ ఇచ్చేందుకు అంగీకరిస్తానని ఆమె తెలిపింది. నైరోబీలో ఉన్న ఆమె ఈమెయిల్‌ ద్వారా తన ఆత్మకథను పంపి.. ఆ తర్వాత ఇంటర్వ్యూ ఇచ్చింది. బాలీవుడ్‌లో టాప్‌-2 హీరోయిన్‌గా ఒక వెలుగు వెలుగుతున్నప్పుడే తనకు ఈ రంగం సరిపడదని అర్థమయిందని, ఆ తర్వాత తాను ఆధ్యాత్మికత వైపు మళ్లానని, కాపాలిలోని శ్రీ గగన్‌గిరి మహారాజ్‌ గురువు దగ్గర ఆథ్మాత్మిక దీక్ష తీసుకొని యోగినిగా మారినట్టు ఆమె తెలిపింది.
 
 సినిమాల్లో రాణిస్తున్న సమయంలోనే మమతా కులకర్ణి డ్రగ్స్‌ మాఫియా నేరగాడు విక్కీ గోస్వామితో ప్రేమలో పడి.. అర్ధాంతరంగా దుబాయ్‌ వెళ్లిపోయింది. విక్కీ తన స్నేహితుడని, అతడు ప్రపంచం చూపిస్తానని తనను తీసుకెళ్లాడని, ప్రస్తుతం తాను ఒంటరిగా నైరోబీలోని ఓ అపార్ట్‌మెంటులో ఉంటూ యోగా, ధ్యానం ద్వారా పూర్తిగా ఆధ్యాత్మిక దీక్షలో గడుపుతున్నానని మమత చెప్పింది. ముంబై డ్రగ్స్‌ రాకెట్‌ కేసులో తన ప్రమేయం ఏమాత్రం లేదని, పోలీసులే కావాలని తనను ఈ కేసులో ఇరికిస్తున్నారని తెలిపింది.  తన ఆత్మకథ చదివితే తానేమిటో అందరికీ అర్థమవుతుందని, తనపై కేసులు కూడా తేలిపోతాయని ఆమె పేర్కొంది.