ఆధునిక మానవుడు తన అవసరాల కోసం అడవులను నరికేస్తున్నాడు. ఫలితంగా పర్యావరణానికి ముప్పు ఏర్పడుతోంది. ఈ నేపధ్యంలో అటవీ జంతుజాతులు కూడా అంతరించిపోతున్నాయి. ఈ కోవలోకే వస్తుంది జాగ్వార్‌. మనం మచ్చల చిరుతపులిగా పిలుచుకునే జాగ్వార్ కనుమరుగు కావడానికి ఎంతో కాలం లేదని‌ పర్యావరణవేత్తలు హెచ్చరిస్తున్నారు. జాగ్వార్‌ల సంరక్షణ కాంక్షను తెలియజేస్తూ, ప్రతీయేటా నవంబర్ 29న అంతర్జాతీయ జాగ్వార్ దినోత్సవాన్ని జరుపుకుంటారు.శక్తి , జ్ఞానానికి ప్రతీకప్రపంచవ్యాప్తంగా జాగ్వార్‌ల ప్రాముఖ్యతను తెలియజేసేందుకు, పర్యావరణ సమతుల్యతను కాపాడటంలో వాటి పాత్రను వివరించేందుకు జాగ్వార్ దినోత్సవాన్ని నిర్వహిస్తుంటారు. ఇవి మధ్య, దక్షిణ అమెరికాలోని అడవులలో నివసించే మాంసాహార జంతువులు. ప్రపంచవ్యాప్తంగా వివిధ సమాజాలలో జాగ్వార్‌లను బలం, శక్తి , జ్ఞానాలకు సూచికగా భావిస్తారు. వీటికి సాంస్కృతిక, ఆధ్యాత్మిక ప్రాముఖ్యత కూడా ఉంది. ఇంతటి ప్రాధాన్యత కలిగిన ఈ జంతువులు ఇప్పుడు మనుగడ కోసం పలు అవస్థలను ఎదుర్కొంటున్నాయి.అంతరించిపోతున్న జాతులుపలు నివేదికల ప్రకారం 1970ల నుండి జాగ్వార్‌లు అంతరించిపోతున్న జాతులు కోవలోకి చేరాయి. వేట, అటవీ నిర్మూలన, వాతావరణ మార్పులతో పాటు వాటి ఆవాస నష్టం కారణంగా గత కొన్ని దశాబ్దాలుగా జాగ్వార్‌ల సంఖ్య గణనీయంగా తగ్గుతూ వస్తోంది. ఈ కీలకమైన అంశాలను పరిష్కరించేందుకు 2018, మార్చిలో న్యూయార్క్‌లోని ఐక్యరాజ్యసమితి ప్రధాన కార్యాలయంలో జాగ్వార్ 2030 ఫోరమ్ నిర్వహించారు. ఈ ఫోరమ్‌లో 14 దేశాల ప్రతినిధులు పాల్గొన్నారు.జాగ్వార్ 2030 డిక్లరేషన్ఈ ఫోరమ్‌లో ప్రధానమైనది జాగ్వార్ 2030 డిక్లరేషన్. దీనిలో అంతర్జాతీయ జాగ్వార్ దినోత్సవాన్ని నిర్వహించాలనే సూచనతో పాటు జాగ్వార్ పరిరక్షణ కోసం తీసుకోవాల్సిన సహకార చర్యలను వివరించారు. జాగ్వార్‌ను జీవవైవిధ్యానికి చిహ్నంగా స్వీకరించిన దేశాలలో బ్రెజిల్ కూడా ఉంది. ఈ దేశంలో జాతీయ జాగ్వార్ దినోత్సవాన్ని కూడా నిర్వహిస్తారు. గత 15 ఏళ్లలో 20 శాతం జాగ్వార్‌లను కోల్పోయాం. అనధికారికంగా జగ్వార్‌ జనాభాకు మరింత నష్టం జరిగి ఉంటుందనే అంచనాలున్నాయి. అందుకే వీటిని తక్షణం కాపాడుకోవాల్సిన అవసరం ఉందని పర్యావరణవేత్తలు చెబుతున్నారు.పర్యావరణ సమతుల్యతలో..ప్రపంచ వన్యప్రాణి సమాఖ్య (డబ్ల్యూడబ్ల్యూఎఫ్‌) 2020లో ప్రాంతీయ జాగ్వార్ వ్యూహాన్ని ప్రారంభించింది. దీని ప్రధాన లక్ష్యం 2030 నాటికి జాగ్వార్‌ల సంఖ్యను పెంచడం. వాటి కీలక ఆవాసాలను పరిరక్షించడం. అంతర్జాతీయ జాగ్వార్ దినోత్సవం అనేది వాటి ఆవాస నష్టం, వేటాడటం, వన్యప్రాణుల సంఘర్షణల కారణంగా ఏర్పడుతున్న ముప్పును ప్రపంచానికి తెలియజేస్తుంది. తద్వారా వాటి పరిరక్షణ అవసరాన్ని తెలియజేస్తుంది. ఈ మాంసాహార జంతువులు పర్యావరణ సమతుల్యతను కాపాడటంలో కీలక పాత్ర పోషిస్తాయి.భారతదేశంలో.. జాగ్వార్‌లు ఇతర జాతుల మాదిరిగానే స్థిరమైన పర్యావరణ వ్యవస్థలను కాపాడేందుకు పాటుపడతాయి. ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్ (ఐయూసీఎన్‌) ఇటీవల జాగ్వార్‌లను ‘పొంచివున్న ముప్పు’ వర్గంలోకి చేర్చింది. ప్రపంచవ్యాప్తంగా దాదాపు 64,000 జాగ్వార్‌లు మధ్య,దక్షిణ అమెరికా అంతటా విస్తరించి ఉన్న అడవులలోనే ఉన్నట్లు అంచనా. అయితే భారతదేశంలో జాగ్వార్‌లు .. ఆవాస నష్టం, వేట కారణంగా అంతరించిపోయాయని చెబుతున్నారు. మచ్చల చిరుతపులి (జాగ్వార్) అనేది గంభీరంగా కనిపించే జంతువు మాత్రమే కాదు. అవి జీవవైవిధ్యాన్ని కాపాడటంలో ముందున్నాయి. ఇవి తమ వేట ద్వారా జంతు జనాభాను నియంత్రించి, తద్వారా పర్యావరణ వ్యవస్థ సమతుల్యతకు కాపాడేందుకు దోహదం చేస్తాయి. అంతర్జాతీయ జాగ్వార్ దినోత్సవాన ఈ జంతువుపై అవగాహన కార్యక్రమాలు నిర్వహిస్తుంటారు. ఇది కూడా చదవండి: ప్రపంచంలోనే అత్యుత్తమ హెలికాప్టర్ల నిర్వహణకు రూ.8000 కోట్లు

అక్షరజ్ఞానం అనేది అజ్ఞానాన్ని తరిమికొట్టి, విజ్ఞానాన్ని అందిస్తుంది. నేడు(సెప్టెంబర్ 8) అంతర్జాతీయ అక్షరాస్యతా దినోత్సవం. అక్షరాస్యత అనేది అక్షరాలను నేర్చుకోవడానికి మించి మనిషికి గౌరవాన్ని, అవకాశాలను అందించే సమున్నత వేదిక. అంతర్జాతీయ అక్షరాస్యత దినోత్సవం- 2025 థీమ్‌‌ ‘పరివర్తన చెందుతున్న ప్రపంచానికి అక్షరాస్యత’. వేగంగా మారుతున్న నేటి యుగంలో డిజిటల్, ఆర్థిక క్రియాత్మక అక్షరాస్యత అవసరాన్ని ఈ దినోత్సవం స్పష్టం చేస్తుంది.దేశం పురోగతి చెందుతున్నప్పటికీ లక్షలాది మంది ప్రజలు నేటికీ అక్షరాస్యతకు దూరంగానే ఉన్నారు. అక్షరాస్యతను యునెస్కో మానవ హక్కుగా, జీవితాంతం నేర్చుకోవడానికి అవసరమైనదిగా అభివర్ణించింది. అంతర్జాతీయ అక్షరాస్యత దినోత్సవాన్ని యునెస్కో 1966, అక్టోబర్ 26 తన 14వ సర్వసభ్య సమావేశంలో ప్రకటించింది. మరుసటి సంవత్సరం 1967లో ప్రపంచం మొట్టమొదటిసారిగా ఈ దినోత్సవాన్ని జరుపుకున్నారు. ఆ సమయంలో ప్రపంచ జనాభాలో సగానికి పైగా నిరక్షరాస్యులున్నారు.నేడు ప్రపంచ జనాభాలో 86 శాతం కంటే ఎక్కువ మంది చదవగలరు. రాయగలరు. అయినప్పటికీ లక్షలాది మంది ప్రజలకు, ముఖ్యంగా మహిళలు, అణగారిన వర్గాలవారికి ప్రాథమిక అక్షరాస్యత అందుబాటులో లేని పరిస్థితులున్నాయి. ఇప్పుడు డిజిటల్ అక్షరాస్యత లేకపోతే వెనుకబడిపోయే ప్రమాదం ఉంది. కృత్రిమ మేధస్సు, ఆటోమేషన్ పెరుగుదల అత్యవసరాలుగా మారిపోయాయి. పేదరికాన్ని తగ్గించడం, లింగ సమానత్వాన్ని సాధించడం కోసం అక్షరాస్యత అనేది కీలకంగా ఉంది. ఇది లేనిపక్షంలో పురోగతి అసాధ్యమని నిపుణులు చెబుతుంటారు.


 అత్యాధునిక హంగులతో సికింద్రాబాద్‌ రైల్వేస్టేషన్‌
 - షోరూమ్‌లు, మల్టీప్లెక్స్‌ల నిర్మాణం
 - స్విమ్మింగ్‌ పూల్, ప్లేజోన్‌ కూడా ఏర్పాటు
 - ఎటు వెళ్లాలన్నా ఎస్కలేటర్లు, లిఫ్టులు
 - జిగేలుమనే ఎల్‌ఈడీ వెలుగులు
 - భారీ స్థాయిలో మల్టీ లెవల్‌ పార్కింగ్‌
 - 8న ఆసక్తి వ్యక్తీకరణ ప్రకటన
 - అంతర్జాతీయ స్థాయిలో అభివృద్ధికి రైల్వే శాఖ చర్యలు
 
 సాక్షి, హైదరాబాద్‌: అదో భారీ భవన సముదాయం.. పెద్ద పెద్ద షోరూమ్‌లు.. నాలుగైదు సినిమా థియేటర్లుండే మల్టీప్లెక్స్‌.. మరోవైపు వీడియో గేమ్స్‌ నుంచి స్నూకర్‌ పూల్‌ వరకు ప్లేజోన్‌.. ఓ అంతస్తులో స్విమ్మింగ్‌ పూల్‌.. ఎక్కడికి వెళ్లాలన్నా వేగంగా కదిలే ఎస్కలేటర్లు, లిఫ్టులు.. మధ్యలో అందమైన చెట్లతో డిజిటల్‌ ఉద్యానవనం.. ఎటు చూసినా జిగేల్‌మనే ఎల్‌ఈడీ లైట్లు.. మధ్య మధ్యలో రైలు కూతలు..!? హడావుడిగా వచ్చి వెళ్లే ప్రయాణికులు..!?.. ఇదేమిటంటారా... సికింద్రాబాద్‌ రైల్వే స్టేషన్‌ భవిష్యత్తు స్వరూపమిది. వందల సంఖ్యలో కార్లు వచ్చినా పార్కింగ్‌కు ఇబ్బంది లేకుండా మల్టీలెవల్‌ పార్కింగ్‌ టవర్‌  నిర్మిస్తారు. కార్లను ఎలివేటర్లే (లిఫ్టులు) పైకి కిందకు చేరుస్తాయి. ఇటు రైళ్లు, అటు ఆధునిక హోయలు మేళవించి ఈ ఆధునిక ప్రపంచాన్ని రూపొందించేందుకు ప్రణాళిక సిద్ధమైంది. ఆ దిశగా ఈనెల 8న తొలి అడుగు పడబోతోంది.
 
 అంతర్జాతీయ స్థాయిలో..
 దేశవ్యాప్తంగా 25 రైల్వేస్టేషన్లను అంతర్జాతీయ ప్రమాణాలతో అభివృద్ధి చేయాలని రైల్వే శాఖ నిర్ణయించిన విషయం తెలిసిందే. అందులో తెలంగాణ నుంచి సికింద్రాబాద్‌ రైల్వేస్టేషన్‌ ఎంపికైంది. ప్రభుత్వ, ప్రైవేట్‌ భాగస్వామ్యం(పీపీపీ) కింద దీనిని అభివృద్ధి చేయనున్నారు. స్టేషన్‌ ప్రస్తుత భవనం, దానికి ఆనుకుని ఉన్న ఖాళీ స్థలాన్ని ఇందుకు వినియోగిస్తారు. ఆ స్థలంలో వాణిజ్యపరమైన నిర్మాణాలు ఏర్పాటు చేసుకోవటం ద్వారా ప్రైవేటు సంస్థలు లాభాలు ఆర్జిస్తాయి. అందుకు ప్రతిగా స్టేషన్‌లో ప్రయాణికులకు పూర్తిస్థాయిలో వసతులు కల్పిస్తారు. స్టేషన్‌లోకి వెళ్లగానే మన సంప్రదాయ రైల్వేస్టేషన్‌ జాడ ఎక్కడా లేకుండా పూర్తిగా అంతర్జాతీయ స్థాయిలో రూపుదిద్దనున్నారు. ఈనెల 8న దీనికి సంబం«ధించి ఆసక్తి వ్యక్తీకరణ ప్రకటన వెలువడనుంది. విదేశీ కంపెనీలు కూడా ఇందులో పాల్గొనే వెసులుబాటు కల్పిస్తున్నారు. వచ్చే దరఖాస్తులను పరిశీలించి అనువైన డిజైన్‌ ఎంపిక చేసి, పనులను అప్పగిస్తారు. ఇప్పటి వరకు దేశంలో ఎక్కడా లేని తరహాలో సికింద్రాబాద్‌ రైల్వేస్టేషన్‌ రూపుదిద్దుకుంటుందని దక్షిణ మధ్య రైల్వే జీఎం వినోద్‌కుమార్‌ యాదవ్‌ ప్రకటించారు.
 
 ప్రస్తుత భవనాన్ని కూల్చకుండానే..
 తెలంగాణ ప్రాంతంలో రూపుదిద్దుకున్న మొట్టమొదటి రైల్వేస్టేషన్‌ సికింద్రాబాద్‌. 1874లో ఇది అందుబాటులోకి వచ్చింది. స్వాతంత్య్రానికి పూర్వం హైదరాబాద్‌ స్టేట్‌ను భారత ఉపఖండంలోని ఇతర ప్రాంతాలతో అనుసంధానించాలన్న ఉద్దేశంతో ఆరో నిజాం మహబూబ్‌ అలీఖాన్‌ రైల్వే లైన్‌ నిర్మాణం చేపట్టారు. మహారాష్ట్రలోని వాడి నుంచి సికింద్రాబాద్‌కు రైల్వే లైన్‌ ఏర్పాటు చేసి.. ఇక్కడ స్టేషన్‌ భవనాన్ని నిర్మించారు. ఇంత చారిత్రక ప్రాధాన్యమున్నది కావడంతో.. ప్రస్తుత భవనాన్ని కూల్చకుండానే, రీడిజైన్‌ చేసే ఆలోచనలో ఉన్నారు. అసలు సికింద్రాబాద్‌ స్టేషన్‌పై భారం తగ్గించేందుకు నగర శివార్లలోని చర్లపల్లిలో ఆరు ప్లాట్‌ఫాంల సామర్థ్యంతో శాటిలైట్‌ టెర్మినల్‌ నిర్మించనున్నారు. అది రూపుదిద్దుకుంటే సికింద్రాబాద్‌ స్టేషన్‌పై భారం తగ్గి.. కొత్త నమూనాలో తీర్చిదిద్దేందుకు అనువైన వాతావరణం ఏర్పడుతుంది.