అమెరికా అధ్యక్షుడు డొనాల్డ్‌ ట్రంప్‌కు సంతోషం వచ్చినా.. కోపం వచ్చినా అస్సలు ఆగరు. తాజాగా టైమ్‌ మ్యాగజైన్‌ ఆయన్ని పొడుగుతూ ఓ కథనం ఇచ్చింది. అయినా కూడా ట్రంప్‌కు బాగా కోపం వచ్చింది. ఇంతకీ ఏం జరిగిందంటే.. టైమ్‌ మ్యాగజైన్‌పై ఆగ్రహం వ్యక్తం చేస్తూ అమెరికా అధ్యక్షుడు డొనాల్డ్‌ ట్రంప్‌ సొంత సోషల్‌ మీడియా సోషల్‌ ట్రూత్‌లో ఓ పోస్ట్‌ పెట్టారు(Trump Angry On Time Magazine). కవర్‌ పేజీపై తన ఫొటోలో జుట్టు సరిగా కనిపించకపోవడమే అందుకు ప్రధాన కారణం. ఇంతకీ ఆయన ఆ పోస్టులో ఏమన్నారంటే.. నా గురించి వచ్చిన కథనం కొంతవరకు బాగానే ఉంది. కానీ కవర్‌పై ఉన్న ఫోటో మాత్రం చరిత్రలోనే చెత్త ఫోటో. వాళ్లు నా జుట్టును కనిపించకుండా చేశారు. నా జుట్టును తలపై చిన్న తలపాగా.. ఏదో తేలియాడుతున్నట్లుగా చూపించారు. ఇది చాలా విచిత్రంగా అనిపించింది. నాకు ఎప్పుడూ కింది యాంగిల్‌ నుంచి తీసే ఫోటోలు నచ్చవు. ఇది మాత్రం చాలా చాలా చెత్త ఫొటో. అందుకే దీన్ని తప్పక విమర్శించాలి. అసలు వాళ్లు ఏం చేస్తున్నారు? ఎందుకు చేస్తున్నారు?’’ అంటూ ట్రంప్‌ మేనేజ్‌మెంట్‌పై మండిపడ్డారు. ఇదిలా ఉంటే టైమ్‌ మ్యాగజైన్‌ను ట్రంప్‌ కోపడ్డడం ఇదే తొలిసారేం కాదు. ఫిబ్రవరిలో.. డోజ్‌ చీఫ్‌గా ఉన్న ఎలాన్ మస్క్ ఓవల్ ఆఫీస్‌లో రెజల్యూట్ డెస్క్ మీద కూర్చున్నట్లు ఓ ఫొటోను ప్రచురించింది. ట్రంప్‌ ఆ ఫొటోపై తీవ్ర అసంతృప్తి వ్యక్తం చేశారు. అసలు టైమ్‌ మ్యాగజైన్‌ ఇంకా నడుస్తుంది అనుకోలేదు అంటూ వెటకారం ప్రదర్శించారు. అదే సమయంలో.. అయితే మస్క్ పని తీరును ఆ సమయంలో ఆయన ప్రశంసించారు.ఇదిలా ఉంటే.. ఇప్పుడు ట్రంప్‌ మీద టైమ్‌ మాగజైన్ His Triumph అనే శీర్షికతో కవర్ పేజీ ఇచ్చింది. గాజా శాంతి ఒప్పందంలో ఆయన చేసిన కృషికిగానూ ఈ కథనం ప్రచురించింది. ఈ ఒప్పందంతోనే 20 మంది ఇజ్రాయెలీ బందీలను హమాస్‌ విడుదల చేయగా.. ఇజ్రాయెల్ సుమారు 2,000 మంది పాలస్తీనా ఖైదీలను, 360 మంది పాలస్తీనీయుల మృతదేహాలను విడుదలకు సిద్ధమైంది. అయితే ఈ ఏడాదిలోనే తాను పలు యుద్ధాలను ఆపానంటూ ట్రంప్‌ నోబోల్‌ శాంతి బహుమతి డిమాండ్‌ చేయగా.. రూల్స్‌ అడ్డురావడంతో ఆయన కల నెరవేరలేదు!. దీంతో వచ్చే ఏడాదైనా దక్కవచ్చనే ఆశ పెట్టుకున్నారాయన.ఇదీ చదవండి: ఇదేందయ్యా ఇదీ.. ఇంత భజనా?


 న్యూఢిల్లీ: అమెరికా 45 అధ్యక్షుడిగా  ట్రంప్‌  చేపట్టనున్న  విధానాలు, వివిధ పరిపాలనా సంస్కరణలు మన  దేశాన్నికూడా  ప్రమాదంలోకి నెట్టనున్నాయా? వివాదాస్పద నిర్ణయంతో ముస్లిందేశాలకు గట్టి షాకిచ్చిన  ట్రంప్‌ మన మార్కెట్లను, ఆర్థిక వ్యవస్థను అతలాకుతలం చేయనున్నాడా? ఇపుడిదే చర్చ మార్కెట్‌ నిపుణులను ఆలోచనలో పడవేసింది. అయితే  గ్లోబల్‌ మార్కెట్లతో పోలిస్తే భారతీయ మార్కెట్లపై తక్కువ ప్రభావం ఉండనున్నట్టు  మార్కెట్‌  విశ్లేషకులు అంచనా  వేస్తున్నారు.   ముఖ్యంగా  చైనా, హాంగ్ కాంగ్, ఫిలిప్పీన్స్‌, ఇండోనేషియా, మలేసియా లాంటి  దేశాలు తీవ్రంగా ప్రభావితం కానున్నట్టు తెలుస్తోంది.   వీటి ఆర్థిక వ్యవస్థల కంటే  దేశీయంగా  తక్కువగా ఉండనుందని భావిస్తున్నారు.   లోయర్‌ ఫిస్కల్‌ రేటు, కరెంట్ ఖాతా లోటుతో బలంగా ఉన్న భారతీయ ఆర్థిక వ్యవస్థపై  ట్రంప్‌ విధానాలు ఎఫెక్ట్‌ పెద్దగా ఉండదని భావిస్తున్నారు.  
 
 ట్రంప్‌ ఎఫెక్ట్‌ దేశీయంగా తటస్థమని  నోమురా ఫైనాన్షియల్  సర్వీసెస్ విశ్లేషకుని అంచనా.  బలమైన ఆర్థిక వ్యవస్త, తక్కువ  అంతర్జాతీయ వ్యాపారం కారణంగా ఇతర  మార్కెట్లతో  పోలిస్తే  సాంకేతికంగా బలంగా ఉన్నట్టు చెప్పారు.  టీపీపీలో ఒప్పందంలో ఇండియా భాగస్వామ్యం లేనందున  అమెరికా చేపట్టిన వ్యాపార రక్షణాత్మక చర్యల ప్రభావం చాలా పరోక్షంగా ఉండనున్నట్టు చెప్పారు.  అయితే కఠినమైన ఇమ్మిగ్రేషన్ నిబంధనలు భారతీయ సాఫ్ట్‌ వేర్‌ సంస్థలకు కొంత  నష్టమేనని తెలిపింది. అలాగే అమెరికా సరిహద్దు పన్ను పెరుగుదల  ఔషధ తయారీ, టెక్స్ టైల్స్‌, జెమ్స్‌  అండ్‌​ జ్యుయల్లరీ,  ఆటో ఉత్పత్తులను దెబ్బతీసే అవకాశం ఉందన్నారు.
 ముఖ్యంగా చైనా, అమెరికా ట్రేడ్‌ వార్‌   చైనా, లకు భారీ నష్టాన్ని తెచ్చిపెట్టనుందని నోమురా ఎనలిస్ట్‌ అంచనావేశారు.  అలాగే హాంక్‌ కాంగ్‌   జీడీపీ లో 25శాతం  వాటావున్న  ఫైనాన్షియల్‌ సర్వీసెస్‌, ప్రాపర్టీ మార్కెట్‌  కి పెద్ద దెబ్బేనని వ్యాఖ్యానించారు.
 
 
 అమెరికా కొత్త అధ్యక్షుడు డొనాల్డ్‌ ట్రంప్‌  సంచలనాత్మక నిర్ణయాలు భారత మార్కెట్లపై ఎలాంటి ప్రభావాన్ని పడవేయనున్నాయి? టంపోనమిక్స్‌  ఫలితాలు మన ఆర్థిక వ్యవస్థపై  సానుకూలమా? అనుకూలమా అనేది మార్కెట్‌​ వర్గాల్లో చర్చనీయాంశమైంది. ముఖ్యగా   ప్రమాణం చేసినప్పటినుంచి తనదైన దూకుడుతో తీసుకుంటున్న వివాదాస్పద పరిపాలన నిర్ణయాలు ప్రపంచాన్ని  పట్టి కుదిపేస్తున్నాయి. ముఖ్యంగా ఏడు ముస్లిం దేశాలకు షాకిస్తూ తీసుకున్న కొత్త ఇమ్మిగ్రేషన్‌ నిబంధనలు తీవ్ర విమర్శలకు గురవుతోంది.  అమెరికాలో రెండో రోజూ కూడా పెద్ద ఎత్తున నిరసనలు కొనసాగుతున్నాయి.  
  


 విజయవాడ (చిట్టినగర్‌ ): 
 అమ్మా.. అమ్మా నే.. పసివాడనమ్మా....
 నువ్వే లేక వసి వాడనమ్మా......
 మాటే లేకుండా నువ్వే మాయం...
 కన్నీరవుతుంది ఎదలో గాయం.... 
 అంటూ  తల్లి మరణాన్ని తట్టుకోలేని బిడ్డ పరిస్థితిని వర్ణిస్తూ ఓ సినిమాలో పాట ఇదీ... నిజ జీవితంలో అన్ని తానే అయ్యి పెంచిన తల్లి అనారోగ్యంతో మృతి చెందితే... తల్లి మరణాన్ని తట్టుకోలేక ఆ యువకుడు తన ప్రాణాలను బలి తీసుకున్నాడు... హృదయాన్ని కలిచి వేసే ఈ ఘటన నగరంలో కొత్తపేట శ్రీనివాసమహాల్‌ ప్రాంతంలో చోటు చేసుకుంది. 
 గూడెల శారద, వెంకటేశ్వరరావు భార్యభర్తలు.... వీరికి దుర్గారావు సంతానం.. వెంకటేశ్వరరావుకు శారద రెండో భార్య.. శ్రీనివాసమహాల్‌ వెనుక  పోతిన శ్రీనివాసరావు వీధిలో నివాసం ఉండే శారదకు బిడ్డంటే పంచప్రాణాలు..కూలీనాలి చేసుకుంటూ బిడ్డను పెంచుకుంటూ ఉండేది. బీఎస్సీ వరకు చదివిన దుర్గారావు ఓ ప్రయివేటు కాలేజీలో జూనియర్‌ లెక్చరర్‌గా ఉద్యోగం సంపాదించాడు. తన సంపాదనతో తల్లిని బాగా చూసుకుంటున్న తరుణంలో విధి ఆటాడింది. ఆస్థా్మతో బాధపడుతున్న తల్లి శారదకు దుర్గారావు వైద్యం చేయించినా ఫలితం లేకుండా పోయింది. గత నెల రోజులుగా తల్లి పరిస్థితి విషమించడంతో లీవు పెట్టి తల్లికి సపర్యలు చేయసాగాడు. ఈ క్రమంలో సోమవారం రాత్రి శారద మృతి చెందడంతో దుర్గారావు తీవ్ర ఆవేదనకు గురయ్యాడు.  స్నేహితులకు, తండ్రికి ఫోన్‌లో తల్లి మరణవార్త చెప్పి కన్నీటి పర్యంత అయ్యాడు.  స్నేహితులు వెంటనే ఇంటికి వచ్చే సరికి ఇంట్లో మంచంపై శారద నిర్జీవంగా పడి ఉండగా దుర్గారావు జాడ లేకుండా పోయింది. ఫోన్‌ చేసినా ఫలితం లేకపోవడంతో బాధతో ఎక్కడైనా ఉన్నాడని అనుకున్నారు...తీరా ఉదయం శారద అంతిమ యాత్రకు సిద్ధం చేస్తున్న తరుణంలో దుర్గారావు నిడమానూరు వద్ద రైలు కింద పడి మృతి చెందాడని విషయం తెలుసుకుని స్నేహితులు, బంధువులు దిగ్భ్రాంతికి గురయ్యారు. తల్లి లేకుండా తానే జీవించలేననే దుర్గారావు ఇలా చేసి ఉంటాడని అందరూ భావిస్తున్నారు. మంగళవారం మధ్యాహ్నం శారద అంతిమ యాత్ర పూర్తి చేయగా, దుర్గారావు మృతదేహానికి పోస్టుమార్టం నిర్వహించేందుకు గుడివాడకు తరలించారు. మంగళవారం రాత్రి మృతదేహాన్ని బంధువులకు అప్పగించడంతో కృష్ణలంక మార్చరీలో భద్రపరిచారు. బుధవారం దుర్గారావు అంతిమ యాత్ర నిర్వహించేందుకు ఏర్పాట్లు  చేస్తున్నారు. కొద్ది గంటల్లోనే జరిగిన ఈ గుండెల్నిపిండేసే ఘటనతో కొత్తపేటలో విషాదఛాయలు అలముకున్నాయి. తల్లి మరణం, తనయుని ఆత్మహత్య ఘటనతో బంధుమిత్రులు షాక్‌కు గురయ్యారు. 
  


 కరీంనగర్: ఇంట్లో ఆడుకుంటున్న చిన్నారి పాదంలోకి గునపం దూసుకెళ్లడంతో.. ఆ బాలుడు బాధతో విలవిల్లాడిపోయాడు. ఈ సంఘటన కరీనంగర్ జిల్లా సిరిసిల్ల పద్మనగర్‌లో మంగళవారం రాత్రి చోటుచేసుకుంది. స్థానికంగా నివాసముంటున్న ఓ రెండేళ్ల చిన్నారి ఇంట్లో ఆడుకుంటున్న సమయంలో ప్రమాదవశత్తు గుణపం జారి బాలుడి పాదంలోకి దూసుకెళ్లింది. దీంతో కుటుంబ సభ్యులు అతన్ని ఆస్పత్రికి తరలించగా.. రెండు గంటల పాటు శ్రమించిన వైద్యులు ఎట్టకేలకు కాలు నుంచి గుణపాన్ని వేరుచేశారు.


 వాషింగ్టన్: అమెరికాలోని నాష్ విల్లే అంతర్జాతీయ విమానాశ్రయంలో బుధవారం హ్యూస్టన్ నుండి 133 మంది ప్రయాణికులతో వచ్చిన సౌత్వెస్ట్ విమాన సంస్థకు చెందిన బోయింగ్ విమానం ఒకటి ప్రమాదవశాత్తు రన్ వే నుండి జారిపోయింది. రన్ వే మీద ల్యాండ్ అయిన విమానం దారి తప్పి టాక్సీ వే లోకి దూసుకెళ్లింది. అంతటితో ఆగకుండా ముందున్న గడ్డిలోకి జారుతూ వెళ్లి ఆగింది.
  
 ఈ ఘటనలో 8 మంది ప్రయాణికులు స్వల్పంగా గాయపడ్డారు. వీరిని ఎయిర్ పోర్ట్ అధికారులు సమీపంలోని అసుపత్రికి తరలించి చికిత్స అందించారు. పెద్ద శబ్దంతో రన్వే నుండి విమానం జారి పోవడంతో ప్రయాణికులు ఒక్కసారిగా ఆందోళనకు గురయ్యారు. విమాన ప్రమాదంపై అధికారులు దర్యాప్తునకు ఆదేశించారు.
 
  


 న్యూఢిల్లీ: భారత్ లో అసహనం ఎక్కువైందని బాలీవుడ్ నటుడు అమీర్ ఖాన్ చేసిన వ్యాఖ్యలపట్ల కేంద్రమంత్రి వెంకయ్యానాయుడు స్పందించారు. ఆ వ్యాఖ్యలు తమను చాలా బాధించాయని కేంద్రమంత్రి వెంకయ్యనాయుడు అన్నారు. దురదృష్టవశాత్తు, తెలిసో, తెలియకో ఆయన అన్న మాటలు తమ మనసులకు తీవ్ర ఇబ్బందికలిగించాయని చెప్పారు. 'కొంతమంది ప్రజలు తప్పుదోవలోకి మళ్లించబడుతున్నారు. కొంతమంది తప్పుదోవడపడుతున్నారు. ఈ కేటగిరిలోకి వచ్చినవారిని నేరుగా ప్రస్తావించను. కానీ ఒక్క విషయం మాత్రం చెప్పగలను ఇతర ఏ దేశాల్లో లేని చక్కటి పరిస్థితులు మాత్రం భారత్లో ఉన్నాయి.
 
 భారత్లో సహనం ఎక్కువ. భారత ప్రజలు సహనపరులు. మా ప్రభుత్వం అధికారంలోకి వచ్చినప్పటి నుంచి మతపరమైన ఘర్షణలు తగ్గుతూ వచ్చాయి. అమాయక ప్రజలను మావోయిస్టుల చంపేసే ఘటనలు తగ్గిపోయాయి. వేధింపులు కూడా తగ్గుముఖం పట్టాయి' అని ఆయన చెప్పారు. అమిర్ ఖాన్ వ్యాఖ్యలను కాంగ్రెస్ నేత రాహుల్ గాంధీ సమర్ధించడంపట్ల కూడా ఆయన అసహనం వ్యక్తం చేశారు. ప్రధాని నరేంద్రమోదీ ప్రపంచ నేతగా ఎదుగుతున్న క్రమాన్ని చూసి కాంగ్రెస్ పార్టీ ఓర్వలేకపోతుందని అన్నారు.
 
 ఈ సందర్భంగా తాము పరిపాలనలోకి వచ్చినప్పటి నుంచి జరిగిన సంఘటనలను ఒక్కొక్కటిగా వివరించారు. అవి కాంగ్రెస్ పాలిత రాష్ట్రాల్లోనే సంభవించాయని చెప్పారు. మోదీ ప్రభుత్వం కేవలం అభివృద్ధిపైనే దృష్టి పెట్టింది తప్ప ఒకరిపై ఒత్తిడి తీసుకురావడం, మరికొందరిపై ఆంక్షలు విధించడం, పరిమితులు విధించడంలాంటి చర్యలేమి చేయడం లేదని అన్నారు. దేశంలో ఆరు నెలలుగా అభద్రతా పరిస్థితులు నెలకొన్నాయని, తమ పిల్లల విషయంలో తన భార్య కిరణ్ ఆందోళన చెందుతోందని, దేశం వదిలిపెట్టి వేరే దేశానికి వెళ్లాలని కూడా ఆలోచించిందని అమీర్‌ ఖాన్ చెప్పిన విషయం తెలిసిందే. ఈ వ్యాఖ్యలు పెను ధుమారం రేపాయి.


 చూస్తుంటే అభిషేక్‌కపూర్ ‘డ్రీమ్’ ప్రాజెక్ట్ ‘ఫితూర్’ క్యూటీ కత్రినాకు ఓ పీడ‘కల’గా మిగిలిపోయేట్టుంది. గత నెలలో ఈ సినిమా సెట్స్‌పై గాయపడిన ఈ స్వీటీ... తాజాగా మరోసారి ‘హర్ట్’ అయింది. చిత్రానికి కీలకమైన హార్స్ రైడింగ్ సన్నివేశంలో అమ్మడు పట్టు తప్పి పడిపోయింది. మెడ, వెన్ను భాగంలో గాయాలయ్యాయి. ఈ అన్‌ఎక్స్‌పెక్టెడ్ సీన్‌తో స్పాట్‌లో ఉన్నవారంతా షాకయ్యారు. అంతలోనే తేరుకున్న కత్రినా... మళ్లీ గుర్రం ఎక్కి స్వారీ చేసింది.
 
 ఓ రోజు పూర్తి విశ్రాంతి అవసరమని వైద్యులు చెప్పినా.. షూటింగ్‌కు ప్యాకప్ చెప్పకుండా తనలోని ప్రొఫెషనలిజాన్ని మరోసారి చూపింది. ఇదిలావుంటే... షూటింగ్‌లతో బిజీగా గడిపేసిన కత్రినా, ఆమె స్టార్ లవర్ రణబీర్ కపూర్ సమ్మర్ హాలిడేస్‌ను పూర్తిస్థాయిలో ఆస్వాదించేందుకు మాల్దీవ్స్ చెక్కేశారన్నది ఓ ఆంగ్ల పత్రిక కథనం!