సాధారణంగా చాలా మంది పెళ్లిళ్లలో సరదాగా స్టెప్పులేయడానికి ఇష్టపడుతుంటారు. ఇలా స్టెప్పులేసి .. ఎదుటి వారిపట్ల తమ ప్రేమను చాటుకుంటారు. ఇప్పటికే.. పెళ్లి వేడుకలో చేసిన అనేక డ్యాన్స్‌లు సోషల్‌మీడియాలో వైరల్‌గా మారిన విషయం తెలిసిందే. తాజాగా, ఒక వదిన తన మరిది పెళ్లిలో డ్యాన్స్‌చేసి.. మరిదిపట్ల తన ప్రేమను, అభిమానాన్నిచాటుకుంది. ప్రస్తుతం ఈ వీడియో సోషల్‌ మీడియాలో చక్కర్లు కొడుతుంది.  సల్మాన్‌ఖాన్, మాధూరి దీక్షిత్‌ జంటగా నటించిన ‘హమ్‌ ఆప్‌కే హైకోన్‌’ సినిమాలోని ‘లోచలీ మై అప్‌నీ దేవర్‌కి బరాత్‌ లేకే’ అనే పాటను పెళ్లిలో.. ప్లే చేశారు.  ఆ సినిమాలో సల్మాన్‌ఖాన్‌ కోసం అతని.. వదిన ఈ పాటపై సరదాగా స్టెప్పులేస్తుంది. అయితే, ఈ పెళ్లిలో కూడా ఒక మహిళ.. తన మరిది కోసం..  సరదాగా డ్యాన్స్‌ చేసింది. ఈ డ్యాన్స్‌లో ఆ మహిళ.. పాటకు తగ్గట్లుగా చక్కగా స్టెప్పులేసింది. తన వదిన చేస్తున్న డ్యాన్స్‌ చూసి.. కొత్త జంట ఆనందంతో చూస్తూ ఉండిపోయారు. అదే విధంగా..  వివాహనికి వచ్చిన అతిథులు కూడా.. మహిళ డ్యాన్స్‌ చూసి చప్పట్లతో ఉత్సాహపరిచారు. తమ మొబైల్‌లో మహిళ డ్యాన్స్‌ను రికార్డు చేశారు. ఈ పెళ్లి ఎక్కడ జరిగిందో వివరాలు లేవు. ప్రస్తుతం ఈ వీడియో మాత్రం సోషల్‌ మీడియాలో చక్కర్లు కొడుతుంది. దీన్ని చూసిన నెటిజన్లు ‘వావ్‌.. ఎంత బాగా డ్యాన్స్‌ చేస్తున్నారు..’, ‘ఆ మహిళ జోష్‌ చూస్తే.. మాకు ఒక స్టెప్‌ వేయాలనుంది..’  అంటూ కామెంట్‌లు చేస్తున్నారు.  చదవండి: Diwali 2021: ఈ మీమ్స్‌ చూస్తే.. నవ్వాపుకోలేరు!!

బాలీవుడ్‌ సూపర్‌స్టార్‌ సల్మాన్‌ ఖాన్‌కు భారీగా అభిమానగణం ఉన్న సంగతి తెలిసిందే. అందులోనూ మహిళా ఫ్యాన్స్‌ కూడా ఆయనకు ఎక్కువే. ఆయన బయట ఎక్కడ కనిపించినా.. ఆయన చుట్టూ గుమిగూడి సెల్ఫీలు, ఫోటోల కోసం వాళ్లు ఎగబడటం తెలిసిందే. ఇటీవల సల్మాన్‌కు ఇదేరకమైన అనుభవం ఎదురైంది. ఆల్‌టైమ్‌ ఫెవరేట్‌ మూవీ అయిన ‘హమ్‌ ఆప్‌కే హై కౌన్‌’ 25 ఏళ్లు పూర్తి చేసుకున్న సందర్భంగా  ఇటీవల ముంబైలోని లిబర్టీ థియేటర్‌లో ప్రత్యేక స్క్రీనింగ్‌ ఏర్పాటుచేశారు. చిత్ర బృందం ఏర్పాటుచేసిన ఈ షోకు సినిమాలో హీరోహీరోయిన్లుగా నటించిన సల్మాన్‌, మాధురీ దీక్షిత్‌తోపటు పలువురు నటులు, చిత్రయూనిట్‌ సభ్యులు పాల్గొన్నారు. ఈ షో సందర్భంగా థియేటర్‌ వద్ద సల్మాన్‌ అభిమానులు చుట్టుముట్టారు. ఇంతలో ఓ మహిళా అభిమాని ఆయనను చేయిపట్టి లాగింది. సల్వార్‌ సూట్‌ ధరించిన ఆమె.. సల్మాన్‌తో మాట్లాడుతూ.. ఆయన వెళ్లిపోతుండటంతో చేయిపట్టి తనవైపు లాగింది. దీంతో సెక్యూరిటీ సిబ్బంది జోక్యం చేసుకొని ఆమెను పక్కకుతప్పించారు. ఈ అనూహ్య ఘటనతో సల్మాన్‌ ఒకింత అసహనంగా కనిపించారు. ఈ ఘటనకు సంబంధించిన వీడియో ప్రస్తుతం వైరల్‌ అవుతోంది. 


 ‘సౌదాగర్, మైనే ప్యార్ కియా, హమ్ ఆప్ కే హై కౌన్’, రీసెంట్‌గా ‘ప్రేమ్ రతన్ ధన్ పాయో’ లాంటి ఫీల్‌గుడ్ ఫ్యామిలీ ఎంటర్ టైనర్స్ అందించిన రాజశ్రీ ప్రొడక్షన్స్ తొలిసారి  ‘దావతే షాదీ’ అనే హైదరాబాదీ చిత్రాన్ని విడుదల చేస్తోంది. సాజిద్ ఖాన్, మస్త్ అలీ, ఫిరోజ్ ఖాన్, మాధవి, మనీషా, కావ్య ప్రధాన పాత్రల్లో సయ్యద్ హుస్సేన్ దర్శకత్వంలో యాబా ప్రొడక్షన్స్ పతాకంపై సమీ ఉల్లా ఫయాజ్ నిర్మించిన ఈ చిత్రం మార్చి 4న విడుదల కానుంది. దర్శకుడు మాట్లాడుతూ-  ‘‘అగ్రనిర్మాణ సంస్థ రాజశ్రీ ప్రొడక్షన్స్ వారు ఈ చిత్రం విడుదల చేయడం సంతోషంగా ఉంది. ఉల్లాసభరితమైన ఫ్యామిలీ ఎంటర్‌టైనర్ ఇది. డబుల్ మీనింగ్ డైలాగులు, అశ్లీలతకు తావు లేకుండా అన్నివర్గాల ప్రేక్షకులు చూసేలా తెరకెక్కించాం’’ అని తెలిపారు. ఈ చిత్రానికి సంగీతం: ఎంజీకే ప్రవీణ్.