gulab

ఎన్నో బ్యూటీటిప్స్‌..వివిధ రకాల ఫేషియల్స్‌ చూసి ఉంటారు. ఇప్పుడు చెప్పుకోబోయే ఫేషియల్‌ అసలు చూసుండరు.ఓ సెలూన్‌ షాపులో బార్బర్‌ చేసిన ఫేషియల్‌ ఇది. కానీ ఇదేం ఫేషియల్‌ అనిపిస్తుంది గానీ చివర్లో ముఖంలో వచ్చిన అద్భుతమైన మార్పుకి నోటమాటరాదు. అందుకు సంబంధించిన వీడియో నెట్టింట వైరల్‌గా మారింది. సోషల్‌ మీడియాలో మంచి ఫాలోవర్స్‌ ఉన్న హెయిర్‌డ్రెస్సర్‌ రషీద్‌ ఎంకే..షేర్‌ చేసిన షేషియల్‌ రొటీన్‌ అందర్నీ ఆశ్చర్యపరిచింది. ఇదేంట్రా బాబు ఇవేం ఉత్పత్తులు అని విస్తుపోయారు. వాటితో ఫేషియల్‌ ఏంటి? అని అనిపించినా..రిజల్ట్‌ మాత్రం మాములుగా లేదు. ఇంతకీ అతడు వేటితో ఫేషియల్‌ చేశాడంటే..ఈనో, టూత్‌పేస్ట్‌, గులాబ్‌జల్‌తో ఓ వ్యక్తికి ఫేషియల్‌ చేస్తున్నట్లు వీడియోలో స్పష్టంగా కనిపిస్తోంది. చక్కగా బ్యూటీపార్లర్‌లో చేసినట్లు మసాజ్‌ చేస్తాడు. కాసేపటి తర్వాత దాన్ని తొలగించగానే ముఖంంలో వచ్చిన గ్లోకి మైండ్‌బ్లాక్‌ అవుతుంది. ఎందుకంటే ఆ వ్యక్తి అంతకు ముందు ఫేస్‌కి ఆ తర్వాత మార్పు అలా ఇలా ఉండదు. నెటిజన్లు కూడా ఈ వీడియోని చూసి, వాటే క్రియేటివిటీ అని కొందరు, బాస్‌ ఇలాంటివి చర్మంపై రియాక్షన్‌ చూపించే ప్రమాదం ఉంటుంది అని కామెంట్‌ చేస్తూ పోస్టులు పెట్టారు.గమనిక: ఇలాంటివి ప్రయత్నించేటప్పుడు వైద్యులు లేదా వ్యక్తిగత నిపుణులను సంప్రదించడం ఉత్తమం. (చదవండి: అచ్చం నీలాంబరి మూవీ రమ్యకృష్ణలా రక్తంతో ఫేషియల్‌..! అందం కోసం ఇంత పెయిన్‌ తప్పదా?)

భువనేశ్వర్‌: గులాబ్‌ తుపాన్‌ తీరం దాటుతూ భారీ నష్టంతో పాటు అలజడి సృష్టించిన సంగతి తెలిసిందే. దీని ప్రభావాన్ని అంత సులువుగా మర్చిపోలేము కూడా. అందుకే ఇద్దరు మహిళలు ఈ తుపాను ప్రళయ కాలంలో పుట్టిన తమ శిశువులకు గులాబ్‌ అని పేరు పెట్టుకున్నారు. ఒడిశాలోని గంజాం జిల్లాలో ఈ విశేషం చోటుచేసుకుంది. కుని రైట్‌, నందిని సబర్ ఇద్దరు మహిళలు ఆదివారం గులాబ్‌ తుపాన్‌ ప్రతాపాన్ని చూపిస్తుండగా వేరువేరు ప్రభుత్వ ఆస్పత్రులలో కుమార్తెలకు జన్మనిచ్చారు. సోరడపల్లి గ్రామానికి చెందిన సబర్ అనే వ్యక్తి సుమండల ఆరోగ్య కేంద్రంలో, అంకులి పంచాయతీకి చెందిన రైట్‌ పాత్రాపూర్‌ కమ్యునిటీ ఆస్పత్రిలో చిన్నారులకు జన్మనిచ్చారు. అయితే వారు తమ పిల్లల పేర్లు అందరికీ గుర్తుండిపోయేలా ఉండాలని భావించి గులాబ్‌ అని పేర్లు పెట్టుకున్నారు. దీనిపై సబర్‌ మాట్లాడుతూ.. తన బిడ్డ అందరికి గుర్తుండిపోయే రోజున ప్రపంచంలోకి వచ్చినందుకు ఎంతో సంతోషంగా ఉన్నట్లు తెలిపింది. తెలంగాణవ్యా‍ప్తంగా ఈ తుపాను ప్రభావం చూపగా ఆంధ్రాలో తీర ప్రాంతాల్లో అధికంగా చూపింది. కాగా ఈ తుపాన్‌కు గులాబ్‌ అనే పేరు పాకిస్తాన్‌ సూచించింది. గులాబ్‌ అంటే ఉర్దూలో గులాబీ పువ్వు అని అర్థం. చదవండి: ఇదేం వింత.. బాలిక ఎడమ కంటి నుంచి కన్నీళ్లతో పాటు రాళ్లు కూడా..


 తాండూరు: మద్యం మత్తులో ఓ వ్యక్తి ఉరి వేసుకొని ఆత్మహత్య చేసుకున్నాడు. ఈ సంఘటన అదిలాబాద్ జిల్లా తాండూరు మండలం రేపల్లెవాడలో శుక్రవారం వెలుగుచూసింది. ఛత్తిస్‌గఢ్ రాష్ట్రంలోని గోండియా జిల్లాకు చెందిన గులాబ్(35) స్థానిక శ్రీనివాస సిరామిక్స్ కంపెనీలో కార్మికుడిగా పని చేస్తుంటాడు. ఈ క్రమంలో గురువారం రాత్రి మద్యం మత్తులో ఇంటికి వచ్చిన గులాబ్ తనతో పాటు ఉంటున్న మహిళను తీవ్రంగా కొట్టాడు. దీంతో ఆమె పక్క ఇంట్లోకి వెళ్లి నిద్రపోయింది. అనంతరం చీరతో ఫ్యాన్‌కు ఉరి వేసుకొని ఆత్మహత్య చేసుకున్నాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.