former CMs

సాక్షి, న్యూఢిల్లీ: సీఈసీ జ్ఞానేశ్‌ కుమార్‌కు వ్యతిరేకంగా ఢిల్లీలో నిరసనలు చేపట్టిన విపక్ష నేతలతోపాటు నలుగురు మాజీ ముఖ్యమంత్రులను పోలీసులు ముందస్తుగా నిర్బంధించడాన్ని సవాల్‌ చేస్తూ దాఖలైన పిటిషన్‌పై సుప్రీంకోర్టు ఆదివారం ప్రత్యేకంగా విచారణ చేపట్టనుంది. జస్టిస్‌ జోయ్‌మాల్య బాగ్చీ, జస్టిస్‌ వి.మోహనలతో కూడిన ద్విసభ్య ధర్మాసనం ఈ వ్యవహారంపై విచారణ జరపనుంది. శనివారం నలుగురు మాజీ ముఖ్యమంత్రులు సహా పలువురు ప్రతిపక్ష నేతలను పోలీసులు అదుపులోకి తీసుకోవడాన్ని సవాల్‌ చేస్తూ తృణమూల్‌ కాంగ్రెస్‌ ఎంపీ మేనకా గురుస్వామి సుప్రీంకోర్టును ఆశ్రయించారు.మెట్రో మూసివేతపై ధిక్కార పిటిషన్‌ ఢిల్లీ మెట్రో రైలు స్టేషన్ల మూసివేతపై దాఖలైన కోర్టు ధిక్కార పిటిషన్‌ను కూడా సర్వోన్నత న్యాయస్థానం విచారించనుంది. ప్రజా రవాణాను పూర్తిగా నిలిపివేయకూడదని శుక్రవారం సుప్రీంకోర్టు ఆదేశాలు జారీ చేసింది. ఆ ఆదేశాలను బేఖాతరు చేస్తూ శనివారం ఢిల్లీ మెట్రో స్టేషన్లను మూసివేశారు. దీనిపై న్యాయవాది శైలేంద్ర మణి త్రిపాఠి కోర్టు ధిక్కార పిటిషన్‌ దాఖలు చేశారు.

శ్రీనగర్‌: జమ్మూకశ్మీర్‌ డీలిమిటేషన్‌ కమిషన్‌ ప్రతిపాదనలకు నిరసనగా ర్యాలీ తలపెట్టిన ముగ్గురు మాజీ సీఎంలు సహా గుప్కార్‌ కూటమి రాజకీయ నేతలను పోలీసులు శనివారం గృహనిర్బంధంలో ఉంచారు. ‘గుడ్‌మార్నింగ్, 2022కు స్వాగతం. సాధారణ ప్రజాస్వామ్య కార్యకలాపాలకు భయపడిన జమ్మూకశ్మీర్‌ పోలీసులు చట్టవిరుద్ధంగా మళ్లీ ప్రజలను గృహనిర్బంధం చేశారు’అంటూ నేషనల్‌ కాన్ఫరెన్స్‌ ఉపాధ్యక్షుడు, మాజీ సీఎం ఒమర్‌ అబ్దుల్లా శనివారం ఉదయం ట్విట్టర్‌లో పేర్కొన్నారు. తన తండ్రి, మాజీ సీఎం ఫరూక్‌  ఇంటి లోపలి గేటును పోలీసులు మూసివేశారన్నారు. మరో మాజీ సీఎం మెహబూబా ముఫ్తీని  పోలీసులు నిర్బంధంలో ఉంచారు. 


 న్యూఢిల్లీ: మాజీ ముఖ్యమంత్రులకు సుప్రీంకోర్టు షాక్ ఇచ్చింది. ప్రభుత్వ నివాసాల్లో ఉండే అర్హత మాజీ సీఎంలకు లేదని అత్యున్నత న్యాయస్థానం సోమవారం స్పష్టం చేసింది. అటువంటి వారు ఎవరైనా ఉంటే రెండు నెలల్లో ఖాళీ చేయాలని ఆదేశించింది.
 
 ప్రభుత్వ వసతి సదుపాయాలు వదులుకోవాల్సిందేనని తేల్చి చెప్పింది.  ఉత్తరప్రదేశ్ మాజీ ముఖ్యమంత్రులు ములాయం సింగ్ యాదవ్, మాయావతి సహా ఆరుగురు ప్రభుత్వ నివాసాలు ఖాళీ చేయాలని ఆదేశాలు వెలువరించింది.