తృణమూల్, బీజేపీ ముఖాముఖి పోరుకు వేదికైన పశి్చమబెంగాల్‌లో ఎన్నికలు ఆరో దశకు చేరుకున్నాయి. ఇప్పటిదాకా ఐదు విడతల్లో 25 లోక్‌సభ స్థానాలకు ఎన్నిక ముగిసింది. ఆరో దశలో భాగంగా 8 స్థానాలకు శనివారం పోలింగ్‌ జరగనుంది. తామ్లుక్, కాంథీ స్థానాల్లో బీజేపీ కీలక నేత సువేందు అధికారిపై ప్రతీకారానికి తృణమూల్‌ ఉవి్వళ్లూరుతోంది. సువేందు సోదరుడు సౌమేందు, హైకోర్టు మాజీ న్యాయమూర్తి అభిజిత్‌ గంగోపాధ్యాయ, కేంద్ర మంత్రి సుభాష్‌ సర్కార్, పలువురు బెంగాలీ నటుల భవితవ్యాన్ని ఈ దశలో ఓటర్లు తేల్చనున్నారు... బాంకురా2019లో తృణమూల్‌ సీనియర్‌ నేత సుబ్రతా ముఖర్జీపై కేంద్ర విద్యా శాఖ సహాయ మంత్రి సుభాష్‌ సర్కార్‌ 1.74 లక్షల ఓట్ల మెజారిటీతో గెలిచారు. ఈసారీ ఆయనే బరిలో ఉన్నారు. కానీ సొంత కార్యకర్తలే ఆయనకు వ్యతిరేకంగా ప్రచారం చేస్తున్నారు! టీఎంసీ నుంచి బాంకురా ఎమ్మెల్యే అరూప్‌ చక్రవర్తి, సీపీఎం నుంచి న్యాయవాది నీలాంజన్‌ దాస్‌ గుప్తా పోటీలో ఉన్నారు. త్రిముఖ పోటీలో ఎవరు నెగ్గుతారన్నది ఆసక్తికరం.ఘాటల్‌సిట్టింగ్‌ ఎంపీ, నటుడు, గాయకుడు దీపక్‌ అధికారి (దేవ్‌) తృణమూల్‌ నుంచి హ్యాట్రిక్‌ కోసం ప్రయతి్నస్తున్నారు. బీజేపీ కూడా ప్రముఖ బెంగాలీ నటుడు, ఖరగ్‌పూర్‌ ఎమ్మెల్యే హిరేన్‌ ఛటర్జీని పోటీకి దించింది. ఎంపీ భారీ సభల ద్వారా దర్పం ప్రదర్శిస్తుంటే తాను రోడ్లపైకొచ్చి సామాన్యులతో మమేకం అవుతున్నానని హిరేన్‌ అంటున్నారు. సీపీఐ కూడా బరిలో ఉండటంతోటిక్కడ త్రిముఖ పోటీ నెలకొంది.కాంథీ ఈస్ట్‌ మిడ్నాపూర్‌ జిల్లా పరిధిలోని ఈ స్థానమూ సువేందు కుటుంబానికి కంచుకోటే. ఆయన తండ్రి శిశిర్‌ అధికారి తృణమూల్‌ టికెట్‌పై 2009, 2014, 2019ల్లో వరుసగా గెలిచారు. ఈసారి సువేందు తమ్ముడు సౌమేందు అధికారి బీజేపీ అభ్యర్థిగా బరిలోకి దిగారు. పతా‹Ùపూర్‌ ఎమ్మెల్యే ఉత్తమ్‌ బారిక్‌ తృణమూల్‌ నుంచి, యువ న్యాయవాది ఊర్వశి భట్టాచార్య సీపీఎం మద్దతుతో కాంగ్రెస్‌ నుంచి పోటీ చేస్తున్నారు. తామ్లుక్‌తో పాటు కాంథీలోనూ నెగ్గి సువేందుపై ప్రతీకారం తీర్చుకోవాలని తృణమూల్‌ చూస్తోంది. మేదినీపూర్‌ బీజేపీ నుంచి ప్రముఖ ఫ్యాషన్‌ డిజైనర్‌ అగ్నిమిత్ర పౌల్‌ పోటీ చేస్తున్నారు. ఆమె బీజేపీ మహిళామోర్చా రాష్ట్ర అధ్యక్షురాలు. అసన్‌సోల్‌ దక్షిణ ఎమ్మెల్యే. తృణమూల్‌ నుంచి మేదినీపూర్‌ ఎమ్మెల్యే జూన్‌ మాలియా బరిలో ఉన్నారు. అభ్యర్థులిద్దరికీ సొంత పారీ్టల్లో విభేదాలు తలనొప్పిగా మారాయి. తమ పారీ్టలో విభేదాలు సర్దుకున్నాయని అగి్నమిత్ర చెబుతున్నారు. సీపీఐ నుంచి బిప్లబ్‌ భట్టా పోటీలో ఉన్నారు. ఝార్‌గ్రాం ఇక్కడ బీజేపీ సిట్టింగ్‌ ఎంపీ కునార్‌ హెంబ్రమ్‌ పార్టీని వీడటంతో ప్రణత్‌ తుడుకు టికెట్‌ దక్కింది. సంథాలీ రచయిత, పద్మశ్రీ, సాహిత్య అకాడమీ అవార్డుల గ్రహీత కాళీపద సోరెన్‌ను టీఎంసీ బరిలోకి దింపింది. మరోసారి విజయంపై ధీమాతో ఉంది. సీపీఎం నుంచి సోనామణి ముర్ము పోటీ చేస్తున్నారు. జార్ఖండ్‌ పీపుల్స్‌ పార్టీ, ఐఎస్‌ఎఫ్‌ కూడా పోటీలో ఉన్నాయి.పురూలియా బీజేపీ సిట్టింగ్‌ ఎంపీ జ్యోతిర్మయ్‌ సింగ్‌ మహతో ఈసారి కూడా బరిలో ఉన్నారు. తృణమూల్‌ నుంచి మాజీ మంత్రి శాంతిరాం మహతో, కాంగ్రెస్‌ నుంచి నేపాల్‌దేవ్‌ మహతో, ఫార్వార్డ్‌ బ్లాక్‌ తరఫున ధీరేంద్ర నాద్‌ మహతో, బీఎస్పీ నుంచి సంతోష్‌ రాజోవర్‌ పోటీ చేస్తున్నారు. వీరికి ఎస్‌యూసీఐ విద్యార్థి నేత సుషి్మత మహతో, స్వతంత్ర అభ్యర్థి అజిత్‌ ప్రసాద్‌ మహతో గట్టి పోటీ ఇస్తున్నారు. మహతోలంతా కుర్మి సామాజిక వర్గీయులే. బలమైన కుర్మి ఓటు బ్యాంకు కోసం తృణమూల్‌ బాగా ప్రయత్నిస్తోంది. దాంతో కురి్మల ఓటు బ్యాంకు చీలేలా కని్పస్తున్నాయి. ఆ లెక్కన బీజేపీకి ఈసారి విజయం సులువు కాదంటున్నారు.తామ్లుక్‌ తృణమూల్, బీజేపీ ఇక్కడ విజయాన్ని ప్రతిష్టాత్మకంగా తీసుకున్నాయి. అసెంబ్లీలో విపక్ష నేత, రాష్ట్ర బీజేపీ దిగ్గజం సువేందు అధికారి 2009, 2014ల్లో ఇక్కణ్నుంచే లోక్‌సభకు ఎన్నికయ్యారు. 2016 ఉప ఎన్నికలో, 2019 ఎన్నికల్లో ఆయన సోదరుడు దిబ్యేందు అధికారి తృణమూల్‌ టికెట్‌పై గెలవడం విశేషం! ఈసారీ గెలుపు కోసం తృణమూల్‌ గట్టిగా పోరాడుతోంది. ఈస్ట్‌ జిల్లా పరిధిలో సువేందు కుటుంబానికి అపార పలుకుబడి ఉంది. గత అసెంబ్లీ ఎన్నికల్లో సీఎం మమతపై నందిగ్రాం స్థానంలో సువేందు 1,956 ఓట్లతో గెలిచారు! మాజీ న్యాయమూర్తి అభిజిత్‌ గంగోపాధ్యాయకు బీజేపీ ఇక్కడ టికెటిచి్చంది. సీపీఎం కూడా కలకత్తా హైకోర్టు యువ న్యాయవాది సాయన్‌ బెనర్జీకి టికెటిచి్చంది. తృణమూల్‌ నుంచి పార్టీ ఐటీ సెల్‌ చీఫ్‌ 27 ఏళ్ల దేబాన్షు భట్టాచార్య బరిలో ఉన్నారు.– సాక్షి, నేషనల్‌ డెస్క్‌

ఒకప్పటి కమ్యూనిస్టుల కంచుకోట పశ్చిమబెంగాల్‌ రాజకీయాల్లో కొన్నేళ్లుగా సమూల మార్పులు చోటుచేసుకుంటున్నాయి. బెంగాల్‌ బెబ్బులి మమత దెబ్బకు రాష్ట్రంలో 34 ఏళ్ల సుదీర్ఘ కమ్యూనిస్టు పాలనకు తెరపడటమే గాక కాంగ్రెస్‌ ప్రాభవమూ కొడిగట్టింది. ఈ రాజకీయ శూన్యాన్ని భర్తీ చేస్తూ బీజేపీ క్రమంగా బెంగాల్లో పాగా వేస్తోంది. గత లోక్‌సభ ఎన్నికల్లో ఏకంగా 18 సీట్లను కొల్లగొట్టి మమతకు పక్కలో బల్లెంలా మారింది. అనంతరం అసెంబ్లీ ఎన్నికల్లోనూ 77 సీట్లతో సత్తా చాటింది. కొంతకాలంగా రాష్ట్రం తృణమూల్, బీజేపీ ముఖాముఖి పోరుకు వేదికగా మారిపోయింది. బెంగాల్లో ఈ లోక్‌సభ ఎన్నికలు ప్రధాని మోదీ వర్సెస్‌ తృణమూల్‌ అధినేత్రి మమత అన్నట్టుగా సాగుతూ అందరి దృష్టినీ ఆకర్షిస్తున్నాయి...   స్టేట్‌స్కాన్‌ 42 స్థానాలతో లోక్‌సభ సీట్లపరంగా దేశంలో మూడో అతిపెద్ద రాష్ట్రం పశ్చిమ బెంగాల్‌. ఇది జాతీయ పారీ్టలను ఊరించే విషయం. జ్యోతిబసు, బుద్దదేవ్‌ భట్టాచార్య, సోమ్‌నాథ్‌ చటర్జీ వంటి ఉద్ధండులను అందించిన కమ్యూనిస్టులకు ప్రస్తుతం లోక్‌సభలోనూ, బెంగాల్‌ అసెంబ్లీలోనూ ప్రాతినిధ్యమే లేకుండా పోయింది! గత ఎన్నికల్లో బీజేపీ పుంజుకున్న తీరుతో పరిశీలకులే నోరెళ్లబెట్టారు. రాష్ట్రంలో ఎన్నడూ రెండు స్థానాలు దాటని కమలనాథులు. మొత్తం స్థానాల్లోనూ పోటీ చేసి ఏకంగా 18 సీట్లలో కాషాయ జెండాను రెపరెపలాడించారు. దాంతో తృణమూల్‌ 34 నుంచి 22 సీట్లకు పడిపోయింది. ఈ ట్విస్టులకు తోడు సంక్లిష్ట రాజకీయాలకు, ఎన్నికల హింసకు పెట్టింది పేరైన బెంగాల్లో ఈసారి కూడా పొలిటికల్‌ హీట్‌ పీక్స్‌కు చేరింది. తృణమూల్‌కు సవాల్‌... అసెంబ్లీ ఎన్నికల్లో ఘన విజయాలు సాధిస్తున్న తృణమూల్‌ కాంగ్రెస్‌కు గత లోక్‌సభ ఎన్నికల్లో మాత్రం బీజేపీ నువ్వానేనా అనేంతగా సవాల్‌ విసింది. 2014తో పోలిస్తే దీదీ ఏకంగా 12 సీట్లను కోల్పోయారు. కాషాయదళం 18 సీట్లను ఎగరేసుకుపోయింది. ఇరు పారీ్టల మధ్య ఓట్ల తేడా కేవలం 3 శాతమే! కానీ 2021 అసెంబ్లీ ఎన్నికల్లో పూర్తి భిన్న ఫలితాలొచ్చాయి. తృణమూల్‌ ఏకంగా 215 సీట్లతో క్లీన్‌ స్వీప్‌ చేసింది. కాకపోతే బీజేపీ బలం 3 అసెంబ్లీ సీట్ల నుంచి ఏకంగా 77 స్థానాలకు ఎగబాకింది. దాంతో కాంగ్రెస్, లెఫ్ట్‌ పారీ్టలే ప్రధానంగా నష్టపోయి పూర్తిగా సున్నా చుట్టాయి. 2016లో 44 సీట్లు సాధించిన కాంగ్రెస్, 32 సీట్లు నెగ్గిన లెఫ్ట్‌ పారీ్టలకు అసెంబ్లీలో ప్రాతినిధ్యమే లేకుండా పోయింది! అంతకుముందు 2019 లోక్‌సభ ఎన్నికల్లోనూ కాంగ్రెస్‌ బలం 4 నుంచి 2 సీట్లకు పడిపోయింది. లెఫ్ట్‌ ఉన్న 2 సీట్లనూ కోల్పోయింది. ఇండియా కూటమిలో భాగంగా బీజేపీపై పోరాడుతున్న మమత ఈసారి లోక్‌సభ ఎన్నికల్లో మాత్రం మొత్తం 42 స్థానాల్లోనూ ఒంటరిగా పోటీ చేస్తుండటం విశేషం. మోదీ సర్కారు తమ పారీ్టపై, రాష్ట్రంపై కక్షపూరిత రాజకీయాలకు పాల్పడుతోందంటూ ఆమె ప్రజల్లోకి వెళ్తున్నారు. తమ అభివృద్ధిని ప్రధానంగా ప్రస్తావిస్తున్నారు. బీజేపీ హిందుత్వ నినాదం నేపథ్యంలో ముస్లిం ఓటర్లను పూర్తిగా తమవైపు తిప్పుకునేలా ప్రయతి్నస్తున్నారు. నిరుద్యోగం, ధరల పెరుగుదల, కార్పొరేట్లతో కుమ్మక్కు వంటి అ్రస్తాలను మోదీపై ఎక్కుపెడుతున్నారు. బీజేపీ పై చేయి సాధించేనా? పశ్చిమబెంగాల్‌లో అధికారమే లక్ష్యంగా సాగుతున్న కమలనాథుల్లో 2019 లోక్‌సభ ఎన్నికల ఫలితాలు ఫుల్‌ జోష్‌ నింపాయి. రాష్ట్రంలో 2 స్థానాలకు మించి ఎప్పుడూ గెలవని బీజేపీకి ఏకంగా 18 సీట్లు దక్కాయి. కాషాయదళం కేంద్రంలో తొలిసారి 300 సీట్ల మైలురాయిని అధిగమించడంలో ఈ స్థానాలే కీలకమయ్యాయి. అనంతరం 2021 అసెంబ్లీ ఎన్నికల్లో సైతం తృణమూల్‌కు బీజేపీ గట్టి పోటీ ఇచి్చంది. 77 సీట్లతో బలమైన ప్రతిపక్షంగా ఆవిర్భవించింది. ఇదే జోరుతో ఈసారి మరిన్ని లోక్‌సభ సీట్లు కొల్లగొట్టాలనేది బీజేపీ వ్యూహం. బెంగాలీ హిందూ ఓట్లపై కమలం పార్టీ ప్రధానంగా గురిపెట్టింది. అయోధ్య రామమందిర కల సాకారం, మోదీ ఫ్యాక్టర్, అభివృద్ధి నినాదాలను ప్రచారాస్త్రాలుగా మలుచుకుంటోంది. మమతా ప్రభుత్వ అవినీతి, విపక్షాలపై తృణమూల్‌ గూండాయిజం, దాడులను కూడా లేవనెత్తుతోంది. మమత ఒంటరిగా పోటీ చేస్తుండటంతో, త్రిముఖ పోరు నెలకొంది. ఇండియా కూటమికి తృణమూల్‌ మొండిచెయ్యి, కాంగ్రెస్, లెఫ్ట్‌ నిరీ్వర్యమవడం తమకు కలిసొస్తుందనేది కమలనాథుల అంచనా. గత ఎన్నికల్లో ఉత్తర, పశ్చిమ ప్రాంతాల్లో సాధించిన గణనీయ విజయాలను మిగతా చోట్లా రిపీట్‌ చేసేందుకు బీజేపీ కసరత్తు చేస్తోంది. రాష్ట్రంలో ఇటీవల పలు ఇన్‌ఫ్రా, ఇతర అభివృద్ధి ప్రాజెక్టులకు మోదీ భారీగా నిధులు విదల్చడం దీనిలో భాగమే. మెజారిటీ స్థానాలతో దీదీపై పైచేయి సాధించాలని కమలనాథులు తీవ్రంగా ప్రయత్నిస్తున్నారు. ఆ క్రమంలో మోదీ కూడా బెంగాల్‌పై ఫోకస్‌ పెంచారు. సర్వేలు ఏమంటున్నాయి... బెంగాల్లో పోటీ బీజేపీ, తృణమూల్‌ మధ్యేనని, ఇతర పారీ్టలది ప్రేక్షక పాత్రేనని సర్వేలు చెబుతున్నాయి. టీఎంసీ ఈసారి కూడా 21–22 సీట్లను దక్కించుకోవచ్చని పలు సర్వేలు లెక్కలేస్తున్నాయి. బీజేపీకి 19–20 స్థానాలు రావచ్చంటున్నాయి. అంటే 2019 కంటే కాస్త మెరుగుపడనుంది. కాంగ్రెస్‌ రెండు సీట్లలో ఒకటి కోల్పోవచ్చని అంచనా. సీఏఏ గేమ్‌ చేంజర్‌..! కేంద్రం తాజాగా అమల్లోకి తెచ్చిన పౌరసత్వ సవరణ చట్టం (సీఏఏ) ఈ ఎన్నికల్లో బెంగాల్లో బాగా ప్రభావం చూపేలా ఉంది. బెంగాల్‌ విభజన తర్వాత బంగ్లాదేశ్‌ నుండి భారీగా వలస వచి్చన దళిత ప్రాబల్య మథువా సామాజిక వర్గం దశాబ్దాలుగా పౌరసత్వం కోరుతూనే ఉంది. సీఏఏ నేపథ్యంలో వారంతా గంపగుత్తగా బీజేపీకి జై కొట్టేలా కని్పస్తున్నారు. వీరు ఉత్తర 24 పరగణాలు, నాదియా, మాల్దాతో పాటు పలు ఉత్తర బెంగాల్‌ జిల్లాల్లో ఎక్కువగా స్థిరపడ్డారు. సీఏఏ నుంచి ముస్లింలను మినహాయించడం తెలిసిందే. బంగ్లా నుంచి ముస్లింల వలసలకు మమత సర్కారు గేట్లెత్తేసిందనేది బీజేపీ ప్రధాన ఆరోపణ. మరోవైపు సీఏఏను మమత తీవ్రంగా వ్యతిరేకిస్తున్నారు. బీజేపీ ఎన్నికల లబ్ధి కోసం తెచి్చన ఈ చట్టం అమలును బెంగాల్లో అడ్డుకుని తీరతానంటున్నారు. అవినీతికి లైసెన్స్, దోపిడీకి ఫ్రీ పాస్‌ కావాలని తృణమూల్‌ సర్కారు కోరుకుంటోంది. రాష్ట్రంలో టీఎంసీ సిండికేట్‌ రాజ్‌ నడుస్తోంది. అందుకే దోపిడీలకు, అవినీతికి పాల్పడిన పార్టీ నేతలపై విచారణ కోసం వచి్చన కేంద్ర దర్యాప్తు సంస్థల అధికారులపై టీఎంసీ దాడులు చేయిస్తోంది.      –జల్పాయ్‌గురి సభలో ప్రధాని మోదీ జూన్‌ 4న ఎన్నికల ఫలితాలొచ్చాక విపక్ష నేతలందరినీ జైలుకు పంపుతామంటూ మోదీ బెదిరిస్తున్నారు. ఒక ప్రధాని అనాల్సిన మాటలేనా ఇవి! కేజ్రీవాల్, హేమంత్‌ సోరెన్‌ వంటి చాలామంది నేతలను బీజేపీ ఇప్పటికే జైల్లో పెట్టింది. మొత్తం హిందుస్థాన్‌నే జైలుగా మార్చేసింది. సీబీఐ, ఎన్‌ఐఏ వంటి దర్యాప్తు సంస్థలు బీజేపీ సోదరులు. ఐటీ, ఈడీ ఆ పారీ్టకి నిధులు సమీకరించే సంస్థలు. మీకు గెలిచే సత్తా, నమ్మకముంటే మా నాయకులను అరెస్టు చేయాల్సిన అవసరమేంటి? ఈ ఎన్నికల తర్వాత కూడా బెంగాల్‌లో ఉండేది మా ప్రభుత్వమే. మేం తలచుకుంటే మీ నాయకులందరినీ ఊచలు లెక్కపెట్టిస్తాం. – కృష్ణనగర్‌ ఎన్నికల ర్యాలీలో సీఎం మమతా బెనర్జీ – సాక్షి, నేషనల్‌ డెస్క్‌  

జార్ఖండ్ రాజకీయాలను శాసించిన శిబూ సోరెన్ కుటుంబం ఇప్పుడు ఇంటి పోరును ఎదుర్కొంటోంది. శిబూ సోరెన్ పెద్ద కోడలు సీతా సోరెన్ సొంత పార్టీ జేఎంఎంను వీడి బీజేపీలో చేరారు. దుమ్కా స్థానం నుంచి బీజేపీ తరపున ఆమె బరిలోకి దిగుతున్నారు.  1980 తర్వాత ఒకటి రెండు ఎన్నికలు మినహా దుమ్కా సీటు జార్ఖండ్ ముక్తి మోర్చా (జేఎంఎం) ఆధీనంలో ఉంది. జేఎంఎం అధినేత శిబు సోరెన్  ఇక్కడి నుంచి ఎనిమిది సార్లు ఎంపీగా  ఎన్నికయ్యారు. 2019 లోక్‌సభ ఎన్నికల్లో బీజేపీ అభ్యర్థి సునీల్ సోరెన్.. శిబు సోరెన్‌పై విజయం సాధించారు. ఈసారి కూడా బీజేపీ సునీల్‌ను అభ్యర్థిగా ప్రకటించినప్పటికీ, సీతా సోరెన్ పార్టీలో చేరిన తర్వాత అభ్యర్థిని మార్చింది. మరోవైపు మాజీ ముఖ్యమంత్రి హేమంత్‌ సోరెన్‌ను అరెస్టు చేసిన దరిమిలా జేఎంఎం ఇక్కడి నుంచి హేమంత్ భార్య కల్పనా సోరెన్‌ను తమ అభ్యర్థిగా నిలబెట్టనుందనే వార్తలు వినిపిస్తున్నాయి. అయితే గండే అసెంబ్లీ ఉప ఎన్నికలో ఆమెను అభ్యర్థిగా చేసే అవకాశాలు ఎక్కువగా ఉన్నాయని రాజకీయ విశ్లేషకులు అంటున్నారు.  దుమ్కాలో జేఎంఎం అభ్యర్థి హేమంత్ లేదా కల్పన ఎవరైనా సరే, వారి కుటుంబానికి చెందిన సీతా సోరెన్‌తో పోటీ పడవలసి ఉంటుంది. సీతా సోరెన్‌ బీజేపీ అభ్యర్థిగానే కాకుండా బీజేపీ స్టార్ క్యాంపెయినర్‌గా కూడా వ్యవహరించనున్నారు. ఇలాంటి పరిస్థితుల్లో సోరెన్‌ కుటుంబ పోరు ఆసక్తికరంగా మారింది. 

గాజా:  ఇన్నాళ్లూ పరస్పరం వైమానిక దాడులకు, రాకెట్‌ దాడులకే పరిమితమైన ఇజ్రాయెల్‌ సైనికులు, హామస్‌ మిలిటెంట్లు తొలిసారిగా ప్రత్యక్షంగా తలపడ్డారు. గాజా భూభాగంలో ఇరుపక్షాల మధ్య ముఖాముఖి పోరు సాగిందని హమాస్‌ సైనిక విభాగం అల్‌–ఖసమ్‌ బ్రిగేడ్స్‌ ఆదివారం వెల్లడించింది. ఈ నెల 7న యుద్ధం మొదలైన తర్వాత భూభాగంపైన ఇజ్రాయెల్, హమాస్‌ మధ్య ప్రత్యక్షంగా ఘర్షణ జరగడం ఇదే మొదటిసారి. తమ భూభాగంలోకి దూసుకొచి్చన ఇజ్రాయెల్‌ మిలటరీకి చెందిన రెండు బుల్డోజర్లను, ఒక యుద్ధ ట్యాంక్‌ను ధ్వంసం చేశామని హమాస్‌ మిలిటెంట్లు ప్రకటించారు. తమ ఎదురుదాడిని తట్టుకోలేక ఇజ్రాయెల్‌ సైన్యం వాహనాలు వదిలేసి కాలినడకన వారి సరిహద్దు వైపు పలాయనం చిత్తగించిందని స్పష్టం చేసింది. ఈ మేరకు అల్‌–ఖసమ్‌ బ్రిగేడ్స్‌ సోషల్‌ మీడియాలో పోస్టు చేసింది. ఖాన్‌ యూనిస్‌ సిటీలో ఇజ్రాయెల్‌ సైన్యాన్ని ధీటుగా ఎదుర్కొన్నామని తెలియజేసింది. అల్‌–ఖసమ్‌ బ్రిగేడ్స్‌ ప్రకటనపై ఇజ్రాయెల్‌ సైన్యం ప్రతిస్పందించింది. దక్షిణ గాజాలో సెక్యూరిటీ ఫెన్స్‌ వద్ద విధి నిర్వహణలో ఉన్న తమ బలగాలపై స్వల్పంగా కాల్పులు జరిగాయని స్పష్టంచేసింది. కాల్పులు జరిపిన మిలిటెంట్లపై తమ యుద్ధ ట్యాంకు నుంచి ప్రతిదాడి చేశామని పేర్కొంది. దాంతో వారంతా చెల్లాచెదురు అయ్యారని వెల్లడించింది. గాజా భూభాగంలో తమ సేనలు మకాం వేసిన మాట వాస్తవమేనని ఇజ్రాయెల్‌ మరోసారి అంగీకరించింది. ఈ నెల 13న కూడా ఇదే మాట చెప్పింది. కానీ, హమాస్‌తో ముఖాముఖి ఘర్షణ జరిగినట్లు వెల్లడించడం మాత్రం ఇదే ప్రథమం. ఇదిలా ఉండగా, ఇజ్రాయెల్‌ వైమానిక దాడిలో హమాస్‌ ప్రముఖ నేత ముహమ్మద్‌ కటామాష్‌ హతమయ్యాడు.

ఉక్రెయిన్‌పై రష్యా మిలిటరీ చర్య ప్రకటించి.. దాదాపు ఇరవై రోజులు కావస్తోంది. ఉక్రెయిన్‌ త్వరగానే లొంగిపోతుందని భావించిన రష్యా అధ్యక్షుడు వ్లాదిమిర్‌ పుతిన్‌ అంచనాలు పూర్తిగా తప్పాయి. ఒకవైపు యుద్ధంతో ఉక్రెయిన్‌ చిధ్రం అవుతుండగా.. యుద్ధ సామాగ్రి సైతం తగ్గిపోతుండడంతో మిత్రదేశాల సాయం కోరాల్సిన పరిస్థితి ఏర్పడింది. పుతిన్‌ పట్ల నిన్నమొన్నటిదాకా సానుకూలత ప్రదర్శించిన వాళ్లు సైతం.. ఇప్పుడు స్వరం మారుస్తున్నారు.  ఉక్రెయిన్‌పై దురాక్రమణను ఖండిస్తూ.. సొంత దేశంలోనూ పుతిన్‌ వ్యతిరేక నిరసనలు పెరిగిపోతున్నాయి. ఈ తరుణంలో ప్రపంచ కుబేరుడు, టెస్లా సీఈవో ఎలన్‌ మస్క్‌, నేరుగా పుతిన్‌కే సవాల్‌ విసిరాడు.  దమ్ముంటే ఫేస్‌ టు ఫేస్‌ పోరులో తనతో తలపడాలంటూ సవాల్‌ విసిరాడు. ఏయ్‌ పుతిన్‌ నాతో ఒంటరిగా  కలబడి పోరాడు. నీకు ఇదే నా ఛాలెంజ్‌! అంటూ ట్వీటేశాడు మస్క్‌. అంతేకాదు గెలిచిన వాళ్లకే ఉక్రెయిన్‌లో వాటా అంటూ..   పుతిన్‌, ఉక్రెయిన్‌ పేర్లను  రష్యన్‌ భాషలోనే ప్రస్తావించాడు.  ఎలన్‌ మస్క్‌ ఏ మూడ్‌లో ఉండి ఈ ట్వీట్‌ ఏశాడో గానీ విపరీతంగా షేర్లు, లైకులు వస్తున్నాయి. ఇదిలా ఉంటే పుతిన్‌కు ట్విటర్‌ అకౌంట్‌ లేదు. అందుకే క్రెమ్లిన్‌ అధికారిక ట్విటర్‌ అకౌంట్‌ను ట్యాగ్‌ చేసి మరీ ‘త్వరగా బదులు ఇవ్వాలంటూ’ సవాల్‌ విసిరాడు Musk. ఉక్రెయిన్‌ యుద్ధం మొదలుకాగానే తన స్టార్‌లింక్‌ శాటిలైట్‌ ఇంటర్నెట్‌ సేవలను ఉక్రెయిన్‌ వ్యాప్తంగా ఎలన్‌ మస్క్‌ అందించిన విషయం తెలిసిందే!. I hereby challenge Владимир Путин to single combat Stakes are Україна — Elon Musk (@elonmusk) March 14, 2022 Вы согласны на этот бой? @KremlinRussia_E — Elon Musk (@elonmusk) March 14, 2022 చదవండి: పుతిన్‌ను ఎలిమినేట్‌ చేయండి సార్‌!

సాక్షి, గుంటూరు: రాజధాని ప్రాంతంలో భూముల కోల్పోయిన బాధితులతో వైఎస్సార్ కాంగ్రెస్ పార్టీ అధినేత వైఎస్‌ జగన్‌మోహన్‌రెడ్డి సోదరి, పార్టీ నాయకురాలు వైఎస్‌ షర్మిల ముఖాముఖి సమావేశమైయ్యారు. ల్యాండ్‌ పూలింగ్‌, రిజర్వ్‌ జోన్‌, స్పిడ్‌ యాక్సెస్‌ రోడ్‌ వల్ల భూములు కోల్పోయిన బాధితులు వైఎస్‌ షర్మిల వద్ద వారి కష్టాలను పంచుకున్నారు. రాజధాని పేరుతో తమ భూములను దోచుకోని టీడీపీ ప్రభుత్వం తమ బతుకులను నాశనం చేసిందని.. స్థానిక 29 గ్రామాలకు చెందిన నిర్వాసితులు ఆవేదన వ్యక్తం చేశారు. రాజధాని నిర్మిస్తే తమకు లాభం జరుగుతుందన్ని భావించామని, కానీ దానితోనే తమకు కష్టాలకు ప్రారంభమయ్యాయని షర్మిల వద్ద వాపోయారు. పుష్కరాల పేరుతో ఇళ్లు కూడా తీసేయడంతో వేలమంది వీధులపాయ్యామని కన్నీరుమున్నీరయ్యారు. పుష్కరాల అనంతరం ఇళ్లు కట్టిస్తామని స్లిప్పులు ఇచ్చారని, కానీ ఇంతవరకు ఊసేలేదని బాధిత మహిళలు వైఎస్‌ షర్మిలతో వారి బాధలను పంచుకున్నారు. కరకట్ట మీద ఉన్న ఇళ్లని పూర్తిగా తొలగించారని, వైఎస్‌ జగన్‌ సీఎం అయితేనే తమకు న్యాయం జరుగుతుందని అక్కడికి వచ్చిన సీతానగరం గ్రామానికి చెందిన ప్రజలు అభిప్రాయపడ్డారు. ఈ కార్యక్రమంలో వైఎస్సార్‌సీపీ ఎమ్మెల్యే ఆళ్ల రామకిృష్ణారెడ్డి, వైఎస్సార్‌సీపీ ఎంపీ అభ్యర్థి మోదుగులు వేణుగోపాల్‌ రెడ్డి, ఎంపీ బుట్టా రేణుక, తదితరులు పాల్గొని.. వారికి అండగా  ఉంటామని హామీ ఇచ్చారు.  ‘‘సీఎం అంటే అధికారం అనుభవింవడమే కాదు ప్రజలకు సేవ చేయడమే తన ధర్మం అనుకోవాలి. చంద్రబాబులా తాను ఏది చేయాలని అనుకుంటే అధి చేస్తాను అనుకోవడం దుర్మార్గం. చంద్రబాబు, వైఎస్ జగన్లను చూడండి.. మంచివారిని ఎన్నుకోండి. అధికారమే ముఖ్యం అనుకుంటే చంద్రబాబులా వైఎస్‌ జగన్‌ కూడా అబద్దాలు చెప్పేవారు కాదా?. జగన్‌ వల్ల రైతులకు న్యాయం జరుగుతుంది. ఇచ్చిన మాట తప్పని వ్యక్తి, అబద్దాలు చెప్పని వ్యక్తి వైఎస్‌ జగన్‌. చంద్రబాబుకు తన కొడుకు మేలు తప్ప ప్రజల మేలు అక్కర లేదు’ అని వైఎస్‌ షర్మిల అభిప్రాయపడ్డారు.   చదవండి: వైఎస్ షర్మిల బస్సు యాత్ర ప్రారంభం

న్యూఢిల్లీ: ప్రధాని మోదీ పిరికివాడని కాంగ్రెస్‌ అధ్యక్షుడు రాహుల్‌ వ్యాఖ్యానించారు. రాఫెల్‌ అంశంతోపాటు జాతీయ భద్రతపై తనతో కనీసం 5 నిమిషాల ముఖాముఖి చర్చకు వచ్చేందుకు మోదీ భయపడుతున్నారని ఎద్దేవా చేశారు. పార్టీ మైనారిటీ విభాగం సమావేశంలో గురువారం ఆయన మాట్లాడారు. ‘గత ఐదేళ్లుగా మోదీతో పోరాడుతున్న నాకు ఆయన అసలు రంగేమిటో తెలిసిపోయింది. ఆయన పిరికి వ్యక్తి. జాతీయ భద్రత, రాఫెల్‌ అంశాలపై నాతో 5 నిమిషాలు ముఖాముఖి చర్చకు రమ్మనండి’ అంటూ సవాల్‌ విసిరారు. ‘మీరంతా కలిసికట్టుగా ఉండి, ఆర్‌ఎస్‌ఎస్, బీజేపీ, మోదీని శాయశక్తులా ఎదుర్కోండి. వారు పిరికివాళ్లలా పారిపోతారు’ అంటూ కార్యకర్తలకు రాహుల్‌ పిలుపునిచ్చారు.  ‘మోదీ అధికారంలో ఉండగా తమ పని తాము చేసుకోలేమంటూ నలుగురు సుప్రీంకోర్టు జడ్జీలు బహిరంగంగా చెప్పారు. సుప్రీంకోర్టు తన విధులను నిర్వర్తించకుండా చేసేది బీజేపీ చీఫ్‌ అమిత్‌ షా అని వారు పరోక్షంగా చెప్పారు’ అని గుర్తు చేశారు. ‘డోక్లాం వద్ద సరిహద్దుల్లోకి చైనా తన బలగాలను మోహరించిన సమయంలోనే ఎటువంటి ఎజెండా లేకుండానే చైనా అధ్యక్షుడితో భేటీకి వెళ్లి మోకరిల్లారు. ఇది చూసి మోదీకి 56 అంగుళాలు కాదు కదా కనీసం 4 అంగుళాల ఛాతీ కూడా లేదని చైనాకు తెలిసిపోయింది’ అని ఎద్దేవా చేశారు.   ప్రధానకార్యదర్శిగా తొలిసారి ప్రియాంక రాహుల్‌ అధ్యక్షతన జరిగిన సమావేశానికి ఆయన సోదరి ప్రియాంక గాంధీ ఏఐసీసీ ప్రధాన కార్యదర్శి హోదాలో గురువారం మొదటిసారిగా హాజరయ్యారు. వచ్చే లోక్‌సభ ఎన్నికల్లో అనుసరించాల్సిన వ్యూహంపై చర్చించేందుకు ఏర్పాటైన ఈ సమావేశానికి ఏఐసీసీ ప్రధాన కార్యదర్శులు, రాష్ట్రాల ఇన్‌చార్జులు హాజరయ్యారు. భేటీలో ముందు వరుసలో రాహుల్, కేసీ వేణుగోపాల్, ఆజాద్, ఖర్గే ఆసీనులు కాగా రాహుల్‌కు దూరంగా కుడివైపు వరుస మధ్యలో జ్యోతిరాదిత్య సింధియా పక్కన ప్రియాంక కూర్చున్నారు. వీరిద్దరూ ఇటీవల ఉత్తరప్రదేశ్‌ పార్టీ వ్యవహారాల ఇన్‌చార్జులుగా నియమితులయిన విషయం తెలిసిందే. ఏఐసీసీ ప్రధాన కార్యాలయంలో రాహుల్‌ చాంబర్‌ పక్కనే ఉన్న గదిని ప్రియాంకకు, జ్యోతిరాదిత్యకు కలిపి కేటాయించారు. దీని ద్వారా ఎవరూ ఎక్కువ కాదనే సందేశం పంపించడమే ఉద్దేశమని భావిస్తున్నారు.  కాగా, శనివారం పీసీసీల చీఫ్‌లు, సీఎల్పీ నేతలతో సమావేశమై వచ్చే ఎన్నికలకు సన్నద్ధతపై రాహుల్‌ సమీక్షించనున్నట్లు సమాచారం.   ట్రిపుల్‌ తలాక్‌ చట్టం రద్దు చేస్తాం మహిళా  కాంగ్రెస్‌ చీఫ్‌ సుస్మితా వచ్చే లోక్‌సభ ఎన్నికల్లో కాంగ్రెస్‌ అధికారంలోకి రాగానే ఎన్డీయే ప్రభుత్వం తెచ్చిన ట్రిపుల్‌ తలాక్‌ చట్టాన్ని రద్దు చేస్తామని ఆల్‌ ఇండియా మహిళా కాంగ్రెస్‌ చీఫ్‌ సుస్మితా దేవ్‌ ప్రకటించారు. ఈ చట్టం ద్వారా ముస్లిం మహిళలు, పురుషుల మధ్య విద్వేష వాతావరణాన్ని ప్రధాని మోదీ సృష్టించారని విమర్శించారు. ‘ట్రిపుల్‌ తలాక్‌ బిల్లు ఆమోదం పొందితే ముస్లిం మహిళలకు సాధికారత లభిస్తుందని చాలామంది చెప్పారు. కానీ ముస్లిం పురుషులను జైళ్లలో పెట్టేందుకు ప్రధాని దీన్ని ఓ ఆయుధంగా రూపొందించారు. కాగా, మహిళల సాధికారితకు ఏ ప్రభుత్వం చట్టాన్ని తెచ్చినా మేం సమర్థిస్తాం. ట్రిపుల్‌ తలాక్‌ బిల్లును వ్యతిరేకించిన∙ముస్లిం మహిళలను అభినందిస్తున్నా’ అని అన్నారు.

సాక్షి, విశాఖపట్నం: దాదాపు పక్షం రోజుల నుంచి ఊదరగొట్టారు. ‘జ్ఞానభేరి’ కార్యక్రమంలో విద్యార్థులతో ముఖాముఖీ ఉంటుందని మంత్రుల నుంచి అధికారుల వరకు ప్రకటించారు. జిల్లాలోని ప్రభుత్వ, ప్రైవేట్‌ కాలేజీల విద్యార్థులను విధిగా తరలించాలని ఆయా యాజమాన్యాలకు హుకుం జారీ చేశారు. 20 వేల మంది విద్యార్థులు హాజరయ్యేలా చూడాలని ఆదేశించారు. కానీ ఏం జరిగింది? జిల్లా నలుమూలల నుంచి తరలించినా ఈ కార్యక్రమానికి సగం మంది కూడా రాలేదు. విద్యార్థుల కోసం 24 బ్లాకులను ఏర్పాటు చేశారు. ఏవో కొన్ని బ్లాకులు తప్ప చాలా బ్లాకుల్లో అరకొరగానే నిండాయి. సదస్సు మధ్యాహ్నం 2.30గంటలకు ప్రారంభం కావాల్సి ఉంది. కానీ ముఖ్యమంత్రి చంద్రబాబు వేదిక వద్దకు 4 గంటల వరకు రాలేదు. అప్పటిదాకా సాంస్కృతిక కార్యక్రమాలతోను, గరికపాటి నరసింహారావు ఉపన్యాసాలతోనూ నడిపించారు. విద్యార్థులు విసుగు చెందకుండా కొంతమంది ఎంపిక చేసిన విద్యార్థులతో వేదికపై నుంచి ముఖ్యమంత్రిని పొగడ్తలతో ముంచెత్తేలా మాట్లాడించారు. తొలుత ముఖ్యమంత్రి ప్రసంగానికి ముందే ముఖాముఖీ ఉంటుందని విద్యార్థులు భావించారు. అందుకు భిన్నంగా ముఖ్యమంత్రి 4.35 గంటలకు తన ప్రసంగాన్ని ప్రారంభించి గంటన్నర పాటు కొనసాగించారు. ఇందులో విద్యార్థులకు ప్రయోజనం చేకూర్చే వాటికంటే తాను చేపట్టిన పథకాలు, హైదరాబాద్‌కు చేసిన అభివృద్ధి, హైటెక్‌ సిటీ,  సెల్‌ఫోన్లను తీసుకురావడం, రాష్ట్రంలో రోడ్లు వేయించడం, మరుగుదొడ్ల మంజూరు వంటి పొంతనలేని అంశాలకే ప్రాధాన్యమిచ్చారు. విద్యార్థులు–లక్ష్యాల నిర్దేశం తదితర అంశాలపై టూకీగా మాట్లాడారు. పరిశోధనలకు నిధులు ఇవ్వడం, సాంకేతిక కోసం ప్రభుత్వం చేస్తున్న కృషి, వారికి హామీలు గానీ ప్రకటించలేదు. జ్ఞానభేరి కోసం ఏకంగా రూ.10 కోట్లు ఖర్చు పెట్టడం వల్ల తమకేం ఒరిగిందని విద్యార్థులు నిట్టూర్చారు. తాను మళ్లీ పుడితే ఏయూలో విద్యార్థిగా చేరే అవకాశం కల్పించాలని దేవుడిని అడుగుతానంటూ సీఎం చేసిన వ్యాఖ్యలు కూడా చాలా మంది విద్యార్థులకు రుచించలేదు. అలాగే పిల్లలను అపరిమితంగా కనాలంటూ తమకు జ్ఞానభేరి వేదికపై హితబోధ చేయడమేమిటని విద్యార్థులు ఆశ్చర్యం వ్యక్తం చేశారు. సీఎం ప్రసంగం అనంతరం ముఖాముఖి ఉంటుందనుకుని సర్దుబాటు చేసుకున్నారు. కానీ అలాంటిదేమీ లేకపోవడంతో అంతా నిరాశ చెందారు. పలువురు విద్యార్థులు సీఎంతో ఏఏ అంశాలు మాట్లాడాలన్న దానిపై సిద్ధమై వచ్చారు. కానీ విద్యార్థులు సంధించే ప్రశ్నలకు అందరి సమక్షంలో సరైన సమాధానం చెప్పకపోతే జ్ఞానభేరి అభాసు పాలవుతుందన్న ఉద్దేశంతో ముఖాముఖీ రద్దు చేసినట్టు చెబుతున్నారు. మరోవైపు ఈ సదస్సుకు వచ్చే విద్యార్థులకు మధ్యాహ్న భోజనం సమకూరుస్తామని కూడా చెప్పారు. కానీ పూర్తి స్థాయిలో భోజనాలు పెట్టలేకపోయారు. దీంతో పలువురు ఉస్సూరుమనుకుంటూ మధ్యాహ్నానికే వెనుదిరిగి వెళ్లిపోయారు. ఆకట్టుకున్న స్టాల్స్‌ వేదిక వద్ద ప్రసంగాలు విద్యార్థులకు నీరసం తెప్పించాయి. ఇదాలా ఉంటే  అక్కడ ఏర్పాటు చేసిన స్టాల్స్‌ మాత్రం జనాన్ని ఆకర్షించాయి. వినూత్నమైన ఆలోచనలతో విద్యార్థులు రూపొందించిన స్టాళ్లను చూసేందుకు అంతా క్యూ కట్టారు.

సాక్షి, గుడివాడ : ప్రతిపక్షనేత వైఎస్‌ జగన్‌ మోహన్‌ రెడ్డి ప్రజాసంకల్పయాత్రకు కృష్ణా ప్రజలు నీరాజనం పలుకుతున్నారు. పాదయాత్రలో జననేత అన్ని వర్గాల ప్రజలతో మమేకం అవుతున్నారు. ఈసందర్భంగా ఆదివారం వైఎస్‌ జగన్‌ కౌతవరంలో న్యాయవాదులతో ముఖాముఖి కార్యక్రమంలో పాల్గొన్నారు. ఈసందర్బంగా న్యాయవాదులకు ఆయన పలు హామీలు ఇచ్చారు. రాష్ట్రంలో అన్ని వర్గాల ప్రజలను మోసం చేసిన వ్యక్తి చంద్రబాబు నాయుడు అని మండిపడ్డారు. చివరకు న్యాయవాదులను సైతం నిలువునా వంచించిన చరిత్ర చంద్రబాబుదేనని వైఎస్‌ జగన్‌ దుయ్యబట్టారు. ఈ సమావేశంలో న్యాయవాదులు తమ సమస్యలను జననేతతో ఏకరవు పెట్టుకున్నారు. ప్రభుత్వం నుంచి తమకు ఎటువంటి పథకాలు, సహాయ సహకారాలు అందడం లేదని ఆవేదన వ్యక్తం చేశారు. వారి సమస్యలను విన్న ఆయన సానుకూలంగా స్పందించారు. అధికారంలోకి వచ్చిన వెంటనే అడ్వకేట్లుగా ఎన్‌రోల్‌ అయినవారికి ఐదు వేల రూపాయలు ఇస్తామని హామీ ఇచ్చారు. దీనితో పాటు 100 కోట్ల రూపాయలతో వెల్ఫేర్‌ ఫండ్‌ ఏర్పాటు చేస్తామని వైఎస్‌ జగన్‌ ప్రకటించారు. ప్రస్తుతం రాష్ట్రంలో హైకోర్టు లేదని, ఎక్కడ వస్తుందో చూసి, ఆ చుట్టు పక్కల ప్రాంతాల్లో న్యాయవాదులకు ఇంటి స్థలాలు కేటాయిస్తామని హామీ ఇచ్చారు. ఈ సందర్భంగా తమ సమస్యలను విని​ వాటి పరిష్కారానికి కృషి చేస్తానన్న వైఎస్‌ జగన్‌పై న్యాయవాదులు హర్షం వ్యక్తం చేశారు. ప్రతిపక్షనేతకు తమ మద్దతు ఉంటుందన్నారు.


 ఏదైనా ఫేస్‌ టు ఫేస్‌ బెటర్‌ అంటోంది బాలీవుడ్‌ యువ నటి సయేషాసైగల్‌. బాలీవుడ్‌ బిగ్‌ సినీ వారసత్వం నుంచి వచ్చిన ఈ బ్యూటీ తెరంగేట్రం మాత్రం టాలీవుడ్‌లో చేయడం విశేషం అని చెప్పాలి. నటుడు నాగార్జున వారసుడు అఖిల్‌ కథానాయకుడిగా పరిచయం అయిన ‘అఖిల్‌’ చిత్రంతో నాయకిగా పరిచయం అయిన సయేషా ఆ చిత్రంపై పెట్టుకున్న ఆశలు ఫలించలేదు. ఆ తరువాత మాతృభాషలో అజయ్‌దేవ్‌గన్‌తో నటించిన శివాయ్‌ చిత్రం మంచి పేరునే తెచ్చిపెట్టింది. దీంతో అమ్మడికి కోలీవుడ్‌ నుంచి కాలింగ్‌ వచ్చింది. తాజాగా జయంరవితో వనమగన్‌తో తమిళ ప్రేక్షకుల ముందుకు రావడానికి రెడీ అవుతోంది. విజయ్‌ దర్శకత్వం వహించిన ఈ చిత్రం ఈ నెల 23న విడుదలకు సిద్ధం అవుతోంది.
 
 ఈ చిత్రంలో ఒక పాటలో డ్యాన్స్‌ అదరగొట్టి ఆ పాటకు నృత్య దర్శకత్వం వహించిన ప్రభుదేవానే విస్మయ పరచిందట. ఇక చిత్ర దర్శకుడిని విపరీతంగా ఆకట్టుకున్న సైగల్‌కు అవకాశాలు వరుస కడుతున్నాయట. వనమగన్‌ చిత్ర విడుదలకు ముందే కరుప్పురాజా వెళైరాజా వంటి మల్టీస్టారర్‌ చిత్రంలో నటించే అవకాశాన్ని కొట్టేసిన సయేషా మరి కొన్ని చిత్రాల్లో నటించే విషయమై చర్చలు జరుగుతున్నాయట. ఇక్కడి వరకూ బాగానే ఉంది. అసలు కథ ఇప్పటి నుంచే మొదలైంది. సయేషా కాల్‌షీట్స్‌ ఇప్పిస్తానని, ఆమె మేనేజర్‌ తానేనంటూ కొందరు బురిడీ బాబులు పుట్టుకొచ్చారట. ఈ విషయం నటి సయేషా దృష్టికి రావడంతో వెంటనే రియాక్ట్‌ అయిన ఈ ముద్దుగుమ్మ తమిళం, తెలుగు చిత్రాల విషయం గాని, ఇతర కార్యక్రమ విషయాలు ఏవైనాగాని తనతో, తన తల్లితోగాని డైరెక్ట్‌గా చర్చించాలి. అంతే గాని తనకంటూ మేనేజర్‌ ఎవరూ లేరని తన ట్విట్టర్‌లో పేర్కొంది.


 భీమవరం : ఇంజినీరింగ్‌ విద్యార్థుల్లో భాషాపరమైన, భావ ప్రకటనకు సంబంధించిన నైపుణ్యాలు తక్కువగా ఉండటంతో ఉపాధి అవకాశాలు పొందడంలో వెనుకబడిపోతున్నారని రాష్ట్ర స్కిల్‌ డెవలప్‌మెంట్‌ కార్పొరేషన్‌ డైరెక్టర్, రిటైర్డ్‌ ఐఏఎస్‌ అధికారి కె.లక్ష్మీనారాయణ అన్నారు. భీమవరం బీవీ రాజు ఫౌండేషన్‌ ఆధ్వర్యంలో విష్ణు ఎడ్యుకేషనల్‌ సొసైటీలో శనివారం జరిగిన విద్యార్థులతో ముఖాముఖీ కార్యక్రమంలో ఆయన మాట్లాడారు. యువ ఇంజినీర్లు ఆంగ్లంపై పట్టు సాధించాలని, ఇందుకు దిన, వార పత్రికలు చదవాలని సూచించారు. కొత్త విషయాలను నేర్చుకోవాలనే ఆసక్తితో పాటు సమస్య విశ్లేషణ, పరి ష్కార మార్గాల రూపకల్పన, సంక్లిష్ట సమస్యను పూర్తిగా అర్థం చేసుకో వడం, అత్యాధునిక పరికరాల విని యోగం, భావప్రకటన నైపుణ్యం, నా యకత్వ లక్షణాలు వంటివి కలిగి ఉండాలన్నారు. వాస్తవిక సమస్యలను పరిష్కరిస్తూ మౌలికాంశాలపై అవగాహన ఏర్పరుచుకోవాలని  సూచిం చారు. చదువుతో పాటు ప్రాజెక్ట్‌ రూపకల్పనలో ఆసక్తి చూపినప్పుడే భవిష్య త్‌ బాగుంటుందన్నారు. విట్‌ కళాశాల ప్రిన్సిపాల్‌ దశిక సూర్యనారాయణ మాట్లాడుతూ విద్యార్థులు ప్రాక్టికల్‌ నాలెడ్జ్‌ పెంపొందించుకోవాలన్నారు. సమాజంలో జరిగే అన్ని విషయాలపైఅవగాహన కలిగి ఉండాలన్నారు. మహిళా ఇంజినీరింగ్‌ కళాశాల ప్రిన్సి పాల్‌ జి.శ్రీనివాసరావు మాట్లాడారు. అనంతరం కళాశాల యాజమాన్యం లక్ష్మీనారాయణను సత్కరించింది. కళాశాల డైరెక్టర్‌ జె.ప్రసాదరాజు, వైస్‌ ప్రిన్సిపాల్‌ పి.శ్రీనివాసరాజు తదితరు లు పాల్గొన్నారు.
  


 సాక్షి,హైదరాబాద్: ఔషధ, సుగంధ మొక్కల కేంద్రం(సీమ్యాప్) తమకు అందించిన సరి కొత్త వంగడాలతో లాభాలు గడిస్తున్నట్లు తెలంగాణ, ఏపీకి చెందిన రైతులు ప్రధాని మోదీకి తెలిపారు. సెంటర్ ఫర్ సైంటిఫిక్ ఇండస్ట్రియల్ రీసెర్చ్ (సీఎస్‌ఐఆర్) ప్లాటినమ్ జూబ్లీ సందర్భంగా సోమవారం ప్రధాని పలువురు రైతులతో వీడియోకాన్ఫరెన్స్ ద్వారా ముచ్చటించారు. రెండు రాష్ట్రాలకు చెందిన 200 మంది రైతులు పాల్గొన్నారు. పసుపు దిగుబడులు రెట్టింపు చేయగల సరికొత్త వంగడం ‘పీతాంబర్’ను ఇద్దరు రైతులకు అందించడంతో ఈ కార్యక్రమం ప్రారంభమైంది.
 
 విశాఖపట్నం పాడేరుకు చెందిన బొంజుబాబు, కర్నూలు జిల్లా పొనకలదిన్నెకు చెందిన డి.గజేంద్రరెడ్డిలు ప్రధానితో సంభాషించారు. పీతాంబర్ పసుపును పరిచయం చేసిన తర్వాత లాభాలు గడించానని బొంజుబాబు చెప్పారు. అశ్వగంధ వంగడాన్ని పదెకరాల్లో పండిస్తూ అధిక లాభాలను ఆర్జిస్తున్నానని గజేంద్రరెడ్డి పేర్నొన్నారు. పంటలకు తగిన ధర లభిస్తోందా.. మార్కెటింగ్ ఎక్కడ చేస్తున్నారని రైతులను ప్రధాని ప్రశ్నించారు. రైతులను ప్రధాని పేరుపేరున పలకరించారు. తెలుగులో నమస్కారం అని సంబోధించారు. కాగా, తెలంగాణ రైతులెవరికీ ప్రధానితో మాట్లాడే అవకాశం రాకపోవడంతో నిరాశ చెందారు.


 ఇద్దరి మధ్య తీవ్ర పోటీ: సర్వే
  వాషింగ్టన్: అమెరికా అధ్యక్ష ఎన్నికల్లో పోటీకి దిగుతున్న డెముక్రటిక్ అభ్యర్థి హిల్లరీ క్లింటన్, రిపబ్లికన్ అభ్యర్థి డొనాల్డ్ ట్రంప్‌లు మంగళవారం తమ తొలి అధ్యక్ష అభ్యర్థుల చర్చాగోష్ఠిలో పాల్గొననున్నారు. ఇలాంటివి మొత్తం మూడు చర్చాగోష్ఠిలు ఉంటాయి. గెలవడానికి ఇద్దరికీ సమానావకాశాలు ఉన్నాయనీ, ఇద్దరి మధ్య తీవ్ర పోటీ నెలకొందని వాషింగ్టన్ పోస్ట్, ఏబీసీ న్యూస్ సంయుక్తంగా నిర్వహించిన తాజా ఒపీనియన్ పోల్‌లో తేలింది. ఎన్నికలకు ఇంకా నెల రోజుల సమయమే ఉంది.
 పోటీలో క్లింటన్, ట్రంప్‌లను మాత్రమే పెట్టి..మీరు ఎవరిని ఎన్నుకుంటారని అందరు ఓటర్లనూ సర్వే చేసినపుడు ట్రంప్ కన్నా క్లింటన్ 2 పాయింట్లు మాత్రమే ముందున్నారు. అదే నమోదిత ఓటర్లతో మాత్రమే చేసిన సర్వేలో ఇద్దరికీ సమాన పాయింట్లు లభించాయి. నలుగురు అభ్యర్థులను పోటీలో పెట్టి నమోదిత ఓటర్లతో మాత్రమే సర్వే నిర్వహించినపుడు కూడా క్లింటన్, ట్రంప్‌లకు సమాన పాయింట్లే వచ్చాయి. అదే అందరు ఓటర్లను ప్రశ్నించినపుడు మాత్రం మళ్లీ హిల్లరీ ట్రంప్ కన్నా 2 పాయింట్లు ముందంజలో ఉన్నారు.


 హైదరాబాద్ రైతులతో ప్రారంభం
  సిమ్లా: ప్రధాని మోదీ సోమవారం ఐదు రాష్ట్రాల రైతులతో వెబ్‌కాస్ట్ ద్వారా ముచ్చటించనున్నారు. ఢిల్లీలోని విజ్ఞాన్‌భవన్ నుంచి ప్రధాని గంటసేపు హైదరాబాద్, కడలూర్, జమ్మూ, జోర్హత్, పాలంపూర్ రైతులతో మాట్లాడి, పూలు, పంటలకు సంబంధించిన వంగడాలను విడుదల చేస్తారని పాలంపూర్‌లోని ఇనిస్టిట్యూట్ ఆఫ్ హిమాలయన్ బయో రిసోర్స్ టెక్నాలజీ డెరైక్టర్ డా. సంజయ్ కుమార్‌తెలిపారు.
 తొలుత హైదరాబాద్‌కు చెందిన ఇద్దరు రైతులతో మోదీ మాట్లాడతారు. పీతాంబర్ అనే అధికోత్పత్తినిచ్చే పసుపు వంగడాన్ని వారు ప్రధానికి ప్రదానం చేస్తారు. బదులుగా అదే వంగడానికి  చెందిన మొక్కలను రైతులు బహుమానంగా పొందుతారు. ఆయా ప్రాంతాల్లో చిన్న , సన్నకారు రైతులు ఎదుర్కొంటున్న సమస్యలు, వాటి ప్రభావం తగ్గించేందుకు ప్రభుత్వం ఎలా సాయం చే స్తోందనే విషయాలను రైతులు మోదీతో చర్చిస్తారని సంజయ్ కుమార్ తెలిపారు.


 వాషింగ్టన్: ఫేస్‌బుక్, వాట్సాప్, మెసెంజర్, ట్విటర్ వంటివి అందుబాటులోకి వచ్చాక ప్రజలంతా సోషల్ మీడియాలోనే మాట్లాడుకుంటున్నారనేది చాలామంది అభిప్రాయం. అయితే ఈ అభిప్రాయం తప్పంటోంది అమెరికాకు చెందిన కాన్సాస్ యూనివర్సిటీ. వార్తావిశేషాలు, శుభాకాంక్షలు చెప్పుకునేందుకు మాత్రమే సోషల్ మీడియాను వినియోగిస్తున్నారని, వ్యక్తిగత అభిప్రాయాలు పంచుకునేందుకు చాలామంది నేరుగా కలిసి మాట్లాడుకోవడానికే ప్రాధాన్యత ఇస్తున్నారని కాన్సస్ ప్రొఫెసర్ జెఫ్రే హాల్ తెలిపారు.
 
 దీనిని ఇప్పటి యువత ఓల్డ్ ఫ్యాషన్‌గా భావిస్తోందని, ఫేస్ టు ఫేస్ మాట్లాడుకోవడానికే చాలామంది ఇష్టపడుతున్నారని, సోషల్ మీడియా స్నేహం ఎంతోకాలం సాగడం లేదని, ప్రత్యక్షంగా కలుసుకొని మాట్లాడుకున్నవారి స్నేహం ఎక్కువ రోజులు కొనసాగుతోందని చెప్పారు.
  


 ♦ కేంద్రం నుంచి  ఏపీకే నిధులు తేలేకపోయావు..
 ♦ హైదరాబాద్‌కు ఏం తెస్తావు? హైదరాబాద్‌ను
 ♦ చూసుకోవడానికి కేసీఆర్ ఉన్నారు
 ♦ ఐటీ నిపుణులతో  ముఖాముఖిలో మంత్రి కేటీఆర్
 
 సాక్షి, హైదరాబాద్: ‘‘కేంద్రం నుంచి డబ్బులు తెచ్చి హైదరాబాద్‌ను అభివృద్ధి చేస్తామని తమ్ముడు లోకేశ్ అంటున్నాడు. మొన్ననే అమరావతి శంకుస్థాపనకు వచ్చిన ప్రధాని మోదీ తట్టెడు మట్టి.. లొట్టెడు నీళ్లు ఇచ్చి వెళ్లారు. కేంద్ర ప్రభుత్వంలో భాగస్వామిగా ఉండి కూడా చంద్రబాబు సొంత రాష్ట్రానికి ఒక్క పైసా తెచ్చుకోలేకపోయారు. ఇప్పుడు పక్క రాష్ట్రానికి తెస్తానని చెబుతున్నారు.
 వాళ్లను చూస్తే.. కూట్లో రాయి తీయలేనోడు ఏట్లో రాయి తీస్తానని బయలుదేరాడట అన్న సామెత గుర్తుకువస్తోంది..’’ అని ఐటీ, పంచాయతీరాజ్ శాఖ మంత్రి కె.తారకరామారావు పేర్కొన్నారు. ‘తమ్ముడూ లోకేశ్.. ముందు అమరావతికి కేంద్రం నుంచి డబ్బులు తెచ్చుకోండి. హైదరాబాద్‌ను చూసుకోవడానికి టీఆర్‌ఎస్ ప్రభుత్వం, కేసీఆర్ ఉన్నారు..’’ అని సూచిం చారు. తెలంగాణ ఇన్‌ఫర్మేషన్ టెక్నాలజీ అసోసియేషన్(టీటా) ఆధ్వర్యంలో బుధవారం హైదరాబాద్‌లోని గచ్చిబౌలిలో ఐటీ ఉద్యోగులతో నిర్వహించిన ముఖాముఖిలో కేటీఆర్ మాట్లాడారు.
 
 రాష్ట్ర విభజన వల్ల ఏపీకే మేలు జరిగిందని ఆయన చెప్పారు. ‘‘ఆనాడు ప్రజాభిప్రాయం విడిపోయింది. తెలంగాణ వస్తే, టీఆర్‌ఎస్ ప్రభుత్వం వస్తే ఏ ఒక్కరికీ రక్షణ ఉండదని, ఎవరినీ ఇక్కడ బతకనీయరని, పెట్టుబడులు రావని, ఐటీ రంగమైతే తట్టాబుట్టా అన్నీ సర్దుకుని వెళ్లిపోతుందని దుష్ర్పచారం చేశారు. 18 నెలల్లో హైదరాబాద్ ఐటీ రంగం బాగైందా, చెడిపోయిందా?..’’ అని కేటీఆర్ ప్రశ్నించారు. విభజనతో రెండు ప్రాంతాలకు మేలు జరుగుతుందని, ప్రాంతాలుగా విడిపోయినా తెలుగు ప్రజలు గా కలిసే ఉంటామని తాము చెప్పిందే నిజమైందని చెప్పారు. ఏపీకి 18 నెలల్లో కొత్తగా ఐఐటీ, ఐఐఎం, ఎయిమ్స్‌లు మం జూరయ్యాయని... గన్నవరం అంతర్జాతీయ విమానాశ్రయం కాబోతోందనీ, అమరావతి నిర్మాణం జరుగుతోందని పేర్కొన్నారు.
 అమెరికా తర్వాత తెలంగాణే..
 సాఫ్ట్‌వేర్ ఎగుమతుల్లో జాతీయ సగటు 14 శాతంకాగా.. తెలంగాణ సగటు 16 శాతమని కేటీఆర్ తెలిపారు. గత 18 నెలల్లో గూగుల్, అమెజాన్, ఉబర్ లాంటి కంపెనీలు తమ అతిపెద్ద క్యాంపస్‌ల కోసం అమెరికా తర్వాత హైదరాబాద్‌నే ఎంచుకోవడం ఇక్కడి ప్రభుత్వ పనితీరుకు నిదర్శనమని పేర్కొన్నారు. భవిష్యత్తు మార్కెట్‌ను దృష్టిలో పెట్టుకుని బొటానిక్స్, ఫోటానిక్స్, సైబర్ సెక్యూరిటీ , డిజైన్ ఇంజనీరింగ్ రంగాలపై దృష్టిసారించామని... యానిమేషన్, మల్టీమీడియా, గేమింగ్, ఎంటర్‌టైన్‌మెంట్ రంగాల్లో సృజనాత్మకతను ప్రోత్సహిస్తున్నామని చెప్పారు.
 త్వరలో వరంగల్‌కు మూడు ఐటీ కంపెనీలను పరిచయం చేయబోతున్నామని కేటీఆర్ ప్రకటించారు. కరీంనగర్, నిజామాబాద్‌కు సైతం వెళ్లేందుకు కొన్ని కంపెనీలు సిద్ధంగా ఉన్నాయని.. హైదరాబాద్‌లో ఐటీ కంపెనీలు పొందుతున్న ప్రయోజనాలను ఇతర పట్టణాల్లో వర్తింపజేసే విధంగా కొత్త ఐటీ పాలసీ ఉంటుందని తెలిపారు.
 
 ఓటు వేయండి
 హైదరాబాద్ తరహా నగరాల్లో చదువుకున్న యువత, ప్రధాన ఐటీ ఉద్యోగులు ఓటేయరనే అపవాదు ఉందని కేటీఆర్ పేర్కొన్నారు. విద్యావంతులు ఓటేయకపోవడం ప్రజాస్వామ్యాన్ని బలహీనపరుస్తోందని చెప్పారు. జీహెచ్‌ఎంసీ ఎన్నికల్లో తమ పార్టీ అభ్యర్థికి ఓటేస్తే సంతోషిస్తానని.. కనీసం ఎవరికైనా ఓటు వేయాలని విజ్ఞప్తి చేశారు. గతంలో హైదరాబాద్ ప్రజలు అందరికీ అవకాశం ఇచ్చారనీ... కాంగ్రెస్, బీజేపీ, టీడీపీ, మజ్లిస్ పార్టీల అభ్యర్థులు మేయర్ పీఠంపై కూర్చున్నారని చెప్పారు.
 వారు పనిచేస్తే నగరంలో ప్రస్తుతం ఉన్న సమస్యలు ఉండేవి కావని వ్యాఖ్యానించారు. ఈ కార్యక్రమంలో ఎంపీ కె.విశ్వేశ్వరరెడ్డి, టీఆర్‌ఎస్ నేత బి.ప్రకాశ్, టీటా వ్యవస్థాపకుడు సుదీప్ కుమార్ మక్తాల, ఫోనిక్స్ డెరైక్టర్ శ్రీకాంత్ బాడిగ, ఎండీ గోపీకృష్ణ పాల్గొన్నారు.
  చంద్రబాబువన్నీ అవాస్తవాలు..
 హైదరాబాద్‌లో ఐటీని అభివృద్ధి చేసింది తానేనని చంద్రబాబు అంటున్నారని... అసలు ఒక వ్యక్తి వల్లో, ఒకప్రభుత్వం వల్లో ఒక రంగం పూర్తిగా అభివృద్ధి చెందదని కేటీఆర్ స్పష్టం చేశారు. 1996-2004 మధ్యకాలంలో చంద్రబాబు ప్రభుత్వం ఉండడం, దూకుడుగా మార్కెటింగ్ చేయడం సహకరించిందని చెప్పారు. అంతమాత్రాన ‘నేనే చేసాను.. నేనే కట్టాను.. నేనే కంప్యూటర్ కనిపెట్టాను.. నేనే ఇంటర్నెట్ కనిపెట్టాను అంటూ చంద్రబాబు చెప్పుకోవడంలో వాస్తవం లేద’ని పేర్కొన్నారు.


 వచ్చే వారం జపాన్ లో ప్రారంభం కానున్న జపాన్ ఓపెన్ సూపర్ సిరీస్ లో భారత మహిళా బ్యాడ్మింటన్ స్టార్లు సైనా నెహ్వాల్, పీవీ సింధు రెండో రౌండ్ లోనే తలపడే అవకాశం ఉంది. ప్రపంచ ఛాంపియన్ షిప్ లో సిల్వర్ మెడల్ గెలుచుకున్న సైనా... ప్రపంచ ఛాంపియన్ షిప్ లో రెండు కాంస్య పతకాల విజేత సింధు ఇద్దరూ  తమ తొలి రౌండ్ మ్యాచ్ లు దాటితే రెండో రౌండ్ లో ఫేస్ టు ఫేస్ పోరాడాల్సి ఉంటుంది.
 కాగా గత ఏడాది ఇండియన్ గ్రాండ్ ప్రి గోల్డ్ ఫైనల్ తర్వాత ఈ అగ్రశ్రేణి క్రీడాకారులు ఇద్దరు తలపడనున్నారు. ఆ మ్యాచ్ లో సింధుపై సైనా గెలవటం తెలిసిందే. ఈ ఏడాది ఇండోనేషియా ఓపెన్ సూపర్ సీరీస్ ప్రీమియర్ లోనూ, గత ఏడాది ఇండియన్ ఓపెన్ సూపర్ సిరీస్ సెమీఫైనల్ లోనూ ఈ టాప్ ప్లేయర్స్ ఫేస్ టు ఫేస్ మ్యాచ్ త్రుటి లో తప్పింది.
 
  


 
 విద్యుత్ ఆదాపై ప్రజల్లో చైతన్యం తేవాలని సూచన
 
 సాక్షి, హైదరాబాద్: ఆంధ్రప్రదేశ్ ముఖ్యమంత్రి చంద్రబాబు నాయుడు శనివారం లేక్‌వ్యూ అతిథిగృహంలో మంత్రులు, ఎమ్మెల్యేలు, ఎమ్మెల్సీలతో భేటీ అయ్యారు. విద్యుత్ ఆదా ద్వారా విద్యుత్ సంస్థలు ఆదాయం పెంచుకోవటం, సాగునీటి వనరులను ఎలా ఉపయోగించుకోవాలి, సామాజిక పథకాలకు ఆధార్‌ను అనుసంధానం చేయటం, ఎమ్మెల్యేలు, ఇతర ప్రజాప్రతినిధులు ప్రజలతో మసలుకోవాల్సిన విధానంపై చర్చించారు.
 
 శనివారం జరిగిన ముఖాముఖిలో మంత్రి కె.అచ్చెన్నాయుడు, చీఫ్‌విప్ కాలువ శ్రీనివాసులు, విప్ చైతన్యరాజు, ఎంపీ అవంతి శ్రీనివాస్,తదితరులు పాల్గొన్నారు. విద్యుత్‌ను ఒక శాతం ఆదా చేస్తే ఏడాదికి రూ.250 కోట్ల ఆదాయాన్ని విద్యుత్ సంస్థలు పొందవచ్చని, ఈ దిశగా ప్రజల్లో చైతన్యం తేవటంతోపాటు అధికారులూ కృషి చేయాలన్నారు.
  
 రక్షణ మంత్రి పారికర్  భేటీ:ఏపీ సీఎం చంద్రబాబుతో కేంద్ర రక్షణమంత్రి మనోహర్ పారికర్ శనివారం ఆయన నివాసంలో భేటీఅయ్యారు. ఏపీకి మరిన్ని రక్షణరంగ ప్రాజెక్టులను కేటాయించాలని కోరిన చంద్రబాబు రాష్ట్రానికి మరింత ఆర్థికసాయం చేయాల్సిందిగా కేంద్రమంత్రిని కోరారు.
  
 నేడు ఢిల్లీకి సీఎం :కేంద్రం తాజాగా ఏర్పాటు చేసిన నీతి ఆయోగ్ తొలి సమావేశంలో పాల్గొనేందుకు చంద్రబాబు ఆదివారం ఉదయం ఢిల్లీ వెళ్లనున్నారు. రాత్రికి తిరిగి హైదరాబాద్ చేరుకుంటారు. మరలా ఆయన ఈ నెల 10న ఢిల్లీ వెళతారు. అక్కడ జరిగే రాయబారుల సమావేశంలో పాల్గొంటారు. ఆదివారం నీతి ఆయోగ్ సమావేశానంతరం ప్రధాని మోదీ, ఆర్థికమంత్రి అరుణ్‌జైట్లీలతోపాటు పలువురు కేంద్ర మంత్రులను కలుస్తారు. మంగళవారం జరిపే ఢిల్లీ పర్యటనలోనూ కేంద్రమంత్రులను కలవనున్నారు.