రొమాంటిక్ హారర్ కథాంశంతో తెరకెక్కుతోన్న చిత్రం ‘డాలర్స్ కాలనీ’. ప్రిన్స్, నిఖితాపవార్ జంటగా నటిస్తున్నారు. శ్రీచంద్ ముల్లా దర్శకుడు. ఎస్.రత్నమయ్య, టి.గణపతిరెడ్డి నిర్మాతలు. హైదరాబాద్ సారథీ స్టూడియోలో ఈ చిత్రం షూటింగ్ జరుగుతోంది. హీరోహీరోయిన్లు, అలీ, సయాజీ షిండే, హేమ తదితరులపై కీలక సన్నివేశాలు చిత్రీకరిస్తున్నారు. దర్శకుడు మాట్లాడుతూ- ‘‘కథ, కథనాలు కొత్తగా ఉంటాయి. కామెడీ, గ్రాఫిక్స్ యువతరాన్ని ఆకట్టుకుంటాయి. ప్రస్తుతం రాత్రి నేపథ్యంలో పాటని చిత్రీకరిస్తున్నాం. దీంతో 90 శాతం షూటింగ్ పూర్తవుతుంది’’ అని చెప్పారు. ఆగస్ట్‌లో చిత్రాన్ని విడుదల చేస్తామని నిర్మాతలు చెప్పారు. యూనిట్ సభ్యులు కూడా మాట్లాడారు.
  


 
 అనంతమూర్తికి బెదిరింపులపై సాహితీవేత్తల ఆందోళన
 
  సాక్షి ప్రతినిధి, బెంగళూరు : నరేంద్ర మోడీ ప్రధాని అయితే దేశాన్ని విడిచి వెళ్లిపోతానని ఎన్నికలకు ముందు జ్ఞానపీఠ్ అవార్డు గ్రహీత డాక్టర్ యూఆర్. అనంతమూర్తి ప్రకటన చేసినందుకు, లోక్‌సభ ఎన్నికల ఫలితాలు వెలువడిన తర్వాత ఆయనకు వస్తున్న బెదిరింపులపై సాహితీవేత్తలు తీవ్రంగా స్పందించారు. గురువారం ఇక్కడి డాలర్స్ కాలనీలో ఆయనకు సంఘీభావం ప్రకటించి, ఆయన ఇంటి వద్ద నిరసన వ్యక్తం చేస్తూ ధర్నా నిర్వహించారు.
 
 నటి జయమాల, సాహితీవేత్తలు ప్రొఫెసర్ గోవిందరావు, డాక్టర్ కే. మరుల సిద్ధప్ప, డాక్టర్ విజయా బొళువారు, మహమ్మద్ కుంజ్ఞ తదితరులు సంఘీభావాన్ని ప్రకటించిన వారిలో ఉన్నారు. ఈ సందర్భంగా వారు మాట్లాడుతూ అనంతమూర్తిని మత తత్వ శక్తులు మానసికంగా హింసించడం అనుకోని పరిణామం కాదని అన్నారు. దీని వెనుక సంఘ్ పరివార్ శక్తులున్నాయని ఆరోపించారు. ఇలాంటి దాడులు దేశంలో కొత్తేమీ కాదన్నారు.
 
 ఇలాంటి శక్తులే గతంలో కళాకారుడు ఎఫ్‌ఎం. హుసేన్‌పై కూడా దాడి చేశాయని గుర్తు చేశారు. ఈ విధమైన దాడులను అడ్డుకోవడానికి లౌకిక శక్తులన్నీ ఏకం కావాలని పిలుపునిచ్చారు. సోషల్ మీడియా, లేఖలు, ఫోన్ల ద్వారా అనంతమూర్తిని బెదిరిస్తున్నారని ఆరోపించారు. గోవిందరావు మాట్లాడుతూ తమలో తాము స్థైర్యాన్ని నింపుకోవడానికి ఈ పోరాటం చేస్తున్నామని తెలిపారు. మనసు లేని వారికి అనంతమూర్తి మాటలు అర్థం కావని దెప్పి పొడిచారు.
 
 జయమాల మాట్లాడుతూ గతంలో అనంతమూర్తి వ్యక్తం చేసిన ఆందోళన ఇప్పుడు నిజమవుతోందన్నారు. భావ వ్యక్తీకరణ రాజ్యాంగం ప్రసాదించిన హక్కని, దానిని వ్యతిరేకించడం తగదని హితవు పలికారు. సంస్కృతి గురించి మాట్లాడే వారు అసభ్యంగా ప్రవర్తిస్తున్నారని ఆరోపించారు.
 
 మరో సాహితీవేత్త లక్ష్మీ నారాయణ నాగవార మాట్లాడుతూ అనంతమూర్తిని హిందూ ధర్మ వ్యతిరేకిగా చిత్రీకరిస్తున్నారని ఆవేదన వ్యక్తం చేశారు. దళితులు, మహిళలను తక్కువగా చూసే ధర్మం...ధర్మమే కాదని విమర్శించారు. అనంతమూర్తిపై పరోక్ష దాడి వెనుక ఆర్‌ఎస్‌ఎస్ హస్తం ఉందని ఆరోపించారు. ఆయన రక్షణకు తామంతా కట్టుబడి ఉన్నామని ఆయన తెలిపారు.
  


 తెలుగులో లిప్‌కిస్‌లు సర్వసాధారణమైపోతున్నాయి. ‘డాలర్స్ కాలనీ’ సినిమా కోసం ఇటీవలే హీరో హీరోయిన్లు ప్రిన్స్, నిఖితా పవార్‌పై లిప్‌కిస్ చిత్రీకరించారు. శ్రీ చంద్ ముల్లా దర్శకత్వంలో ఎస్. రత్నమయ్య, టి. గణపతిరెడ్డి ఈ చిత్రాన్ని నిర్మిస్తున్నారు. ఇప్పటికి 70 శాతం షూటింగ్ పూర్తయిందని, ఈ నెలాఖరుకల్లా మిగిలిన పని పూర్తి చేసి, మే చివరి వారంలో చిత్రాన్ని విడుదల చేస్తామని నిర్మాతలు తెలిపారు. ఇది రొమాంటిక్ హారర్ చిత్రమని, ప్రిన్స్ కొత్తలుక్‌తో కనిపిస్తారని దర్శకుడు పేర్కొన్నారు. ఈ చిత్రానికి సంగీతం: మల్లిక్ ఎమ్.వి.కె., కెమెరా: ఎ.సుధాకర్‌రెడ్డి.