Cremer

యూఏఈ వేదికగా అఫ్గానిస్తాన్‌తో జరగనున్న రెండు టెస్టుల సిరీస్ కోసం 17 మంది సభ్యులతో కూడిన తమ జట్టును జింబాబ్వే క్రికెట్ బోర్డు బుధవారం ప్రకటించింది. ఈ సిరీస్‌కు రెగ్యులర్ కెప్టెన్ రిచర్డ్ నగరావ గాయం కారణంగా దూరమయ్యాడు. దీంతో జింబాబ్వే జట్టు పగ్గాలను యువ ఆల్‌రౌండర్ బ్రియాన్ బెన్నెట్‌కు సెలక్టర్లు అప్పగించారు. నవంబర్ 5 నుంచి ఈ సిరీస్ ప్రారంభం కానుంది.అలాగే చివరిగా డిసెంబర్ 2017లో టెస్ట్ మ్యాచ్ ఆడిన వెటరన్ లెగ్ స్పిన్నర్ గ్రేమ్ క్రీమర్ తిరిగి రెడ్ బాల్ క్రికెట్ జట్టులో చోటు దక్కించుకున్నాడు. దాదాపు అతడు 9 ఏళ్ల తర్వాత అతడు జింబాబ్వే తరపున టెస్టు క్రికెట్ ఆడేందుకు సిద్దమయ్యాడు.అంతేకాకుండా బెల్జియం పౌరసత్వం కలిగిన యువ బ్యాటర్ యాంటమ్ నఖ్వీకి కూడా ఈ జట్టులో చోటు దక్కిందిఅతడు బెల్జియంలో జన్మించినప్పటికి ఫస్ట్ క్లాస్ క్రికెట్ మాత్రం జింబాబ్వేలోనే ఆడుతున్నాడు. 2024 జనవరిలో జరిగిన లోగాన్ కప్ టోర్నమెంట్‌లో మిడ్ వెస్ట్ రైనోస్ జట్టు తరఫున ఆడుతూ 295 బంతుల్లోనే 300 పరుగులతో నాటౌట్‌గా నిలిచాడు.జింబాబ్వే దేశీవాళీ ఫస్ట్-క్లాస్ క్రికెట్ చరిత్రలో ఒక ఇన్నింగ్స్‌లో 300 పరుగులు చేసిన తొలి బ్యాటర్‌గా అతడు చరిత్ర సృష్టించాడు. దీంతో అతడిని 2024లో భారత్‌తో జరిగిన టీ20 సిరీస్‌కు, అలాగే 2025లో అఫ్గానిస్తాన్‌తో జరిగిన టెస్ట్ మ్యాచ్‌కు సెలక్టర్లు ఎంపిక చేశారు.అయితే పౌరసత్వం, పేపర్‌వర్క్ వంటి సాంకేతిక కారణాల వల్ల అతడికి అరంగేట్రం చేసే అవకాశం రాలేదు. కానీ ఇప్పుడు అతడికి ఐసీసీ నుంచి జింబాబ్వే తరపున అంతర్జాతీయ క్రికెట్‌కు గ్రీన్ సిగ్నల్ వచ్చింది. దీంతో అఫ్గాన్ సిరీస్‌లో జింబాబ్వే తరపున డెబ్యూ చేసే ఛాన్స్ ఉంది.జింబాబ్వే టెస్ట్ జట్టు: బ్రియాన్ బెన్నెట్ (కెప్టెన్), అంటుమ్ నఖ్వీ, బెన్ కర్రాన్, బ్లెస్సింగ్ ముజరబానీ, బ్రాడ్ ఎవాన్స్, బ్రెండన్ టేలర్, క్రెయిగ్ ఎర్విన్, గ్రేమ్ క్రీమర్, ఇన్నోసెంట్ కైయా, ఎర్నెస్ట్ మసుకు, కుండై మతిగిము, న్యూమాన్ న్యామ్‌హురి, తడివానాషే మారుమణి, తఫద్జ్వా త్సిగా, విన్సెంట్ మసెకేసా, వెల్లింగ్టన్ మసకద్జా, వెస్లీ మాధేవెరే


 ► విజయమే లక్ష్యంగా బరిలోకి భారత్ 
 ►  ఆత్మవిశ్వాసంతో జింబాబ్వే  నేడు రెండో టి20 మ్యాచ్
  
 వన్డేల తరహాలోనే టి20లను చుట్టేస్తామని భావించిన భారత్‌కు జింబాబ్వే అనూహ్యంగా షాక్ ఇచ్చింది. ఇప్పుడు దానినుంచి కోలుకొని సిరీస్‌ను సమం చేయాల్సిన స్థితిలో ధోని సేన నిలిచింది. తొలి మ్యాచ్‌లో జరిగిన తప్పులు పునరావృతం కాకుండా టీమిండియా తమ అసలు ఆట ప్రదర్శిస్తుందా... లేక జింబాబ్వే గత మ్యాచ్ జోరును కొనసాగిస్తుందా చూడాలి.
  
  
 హరారే: పేరుకు పూర్తి స్థాయి జట్టు కాకపోరుునా, ఇదే జట్టు వన్డే ఫామ్‌ను చూస్తే  జింబాబ్వే చేతిలో ఓడిపోతుందని ఎవరూ ఊహించలేదు. కానీ అనిశ్చితికి మారుపేరైన టి20ల్లో జింబాబ్వే సంచలనం నమోదు చేసింది. అయితే తొలి మ్యాచ్‌కు ప్రతీకారంపై టీమిండియా దృష్టి పెట్టింది. గత మ్యాచ్ ఫలితాన్ని పక్కన పెట్టి తమ స్థాయి ప్రదర్శనతో సిరీస్‌లో నిలబడాలని భారత్ పట్టుదలగా ఉంది.  గతంలో ఒక్కసారి కూడా ఏ జట్టుపైనా టి20 సిరీస్ నెగ్గని జింబాబ్వే మరో సంచలనాన్ని ఆశిస్తోంది. భారత్‌పై తొలిసారి సిరీస్ నెగ్గాలని జట్టు పట్టుదలగా ఉంది. ఈ నేపథ్యంలో ఇరు జట్ల మధ్య నేడు (సోమవారం) రెండో టి20 మ్యాచ్ జరగనుంది.  
 
 
  మార్పులు ఉంటాయా...
 తొలి మ్యాచ్‌లో భారత్ ఏకంగా ఐదుగురు ఆటగాళ్లకు తొలి మ్యాచ్ అవకాశం ఇచ్చింది. వీరిలో మన్‌దీప్ సింగ్ ఆకట్టుకున్నాడు. వన్డే సిరీస్ ప్రదర్శనను బట్టి రాహుల్, చహల్‌లకు కూడా మరో అవకాశం దక్కవచ్చు. ఉనాద్కట్, రిషి ధావన్ మాత్రం పూర్తిగా విఫలమయ్యారు. ఒక్క మ్యాచ్‌కే వీరిని పరిమితం చేస్తారా, లేక మరో అవకాశం ఇస్తారా చూడాలి. వీరి స్థానంలో బరీందర్ లేదా ధావల్ కులకర్ణి రావచ్చు. భారత్ ఈ మ్యాచ్ గెలవాలంటే ప్రధాన బ్యాట్స్‌మెన్ నుంచి మరింత మంచి ప్రదర్శన రావాలి.
 
 జట్టు బ్యాటింగ్ ప్రధానంగా మనీశ్ పాండేతో పాటు అంబటి రాయుడు, కేదార్ జాదవ్‌లపై ఆధార పడి ఉంది. ఐపీఎల్‌లో మెప్పించిన రాహుల్ తొలి మ్యాచ్ వైఫల్యం నుంచి బయటపడి మంచి ఇన్నింగ్స్ ఆడాల్సి ఉంది. జింబాబ్వే పర్యటనలో ఇప్పటివరకు మ్యాచ్ అవకాశం దక్కని ఒకే ఒక ఆటగాడు ఆఫ్ స్పిన్నర్ జయంత్ యాదవ్. అయితే తప్పనిసరిగా గెలవాల్సిన మ్యాచ్‌లో ధోని మరో కొత్త ఆటగాడిపై నమ్మకం ఉంచే అవకాశం లేదు.
 
 
  ఒక మార్పుతో...
 తొలి మ్యాచ్ గెలిచిన జింబాబ్వేలో ఒక్కసారిగా ఆత్మవిశ్వాసం పెరిగింది. గత ఏడాది భారత్‌పై టి20 మ్యాచ్ విజయం స్ఫూర్తిగా ఈసారి కూడా శుభారంభం చేసిన ఆ జట్టు మరొక్క విజయం సాధిస్తే చరిత్ర సృష్టించినట్లవుతుంది. ఓపెనింగ్ జోడి చిబాబా, మసకద్జా మరోసారి శుభారంభం ఇవ్వాలని జట్టు కోరుకుంటోంది. మరో టాపార్డర్ బ్యాట్స్‌మన్ ముతుంబామి గాయంతో ఈ మ్యాచ్‌కు దూరం కాగా, అతని స్థానంలో పీటర్ మూర్ జట్టులోకి రానున్నాడు. ఇక తొలి మ్యాచ్‌తో హీరోగా మారిన చిగుంబురా మళ్లీ చెలరేగితే భారత బౌలర్లకు కష్టాలు తప్పవు. ఈ పర్యటనలో ఇప్పటి వరకు ఆకట్టుకోని మరో ప్రధాన బ్యాట్స్‌మన్ సికందర్ రజా ఫామ్‌లోకి వచ్చేందుకు ఇది మంచి అవకాశం. బౌలింగ్‌లో ముజరబని, తిరిపానోలు కీలకం కానున్నారు. ముఖ్యంగా జింబాబ్వేను గెలిపించిన చివరి ఓవర్ బౌలర్ మద్జివ మరోసారి రాణించాలని పట్టుదలగా ఉన్నాడు.
 
 
 తుది జట్ల వివరాలు (అంచనా)
 భారత్: ధోని (కెప్టెన్), రాహుల్, మన్‌దీప్, రాయుడు, పాండే, జాదవ్, అక్షర్, ధావన్/ధావల్, చహల్, బుమ్రా, ఉనాద్కట్/బరీందర్. జింబాబ్వే: క్రీమర్ (కెప్టెన్), మసకద్జ, చిబాబా, మూర్/మరుమా, రజా, వాలర్, చిగుంబురా, ముతుంబోజి, మద్జివ, ముజరబని, తిరిపానో.
  
 సా.గం. 4.30 నుంచి టెన్-2, డీడీ నేషనల్‌లో ప్రత్యక్ష ప్రసారం