CNG Cars

కియా ఇండియా తన పాపులర్‌ ఎమ్‌పీవీలైన క్యారెన్స్, క్యారెన్స్ క్లావిస్‌లో ఫ్యాక్టరీ ఫిట్టెడ్‌ సీఎన్‌జీ వేరియంట్లను భారత మార్కెట్లోకి తీసుకొచ్చింది. క్యారెన్స్‌ సీఎన్‌జీ ప్రారంభ ధర రూ.12.12 లక్షలు, క్యారెన్స్ క్లావిస్‌ సీఎన్‌జీ ధర రూ.12.39 లక్షలు (ఎక్స్‌-షోరూమ్‌)గా నిర్ణయించింది. ఏడు సీట్ల ఎమ్‌పీవీ విభాగంలో తక్కువ ఇంధన వ్యయాన్ని కోరుకునే వినియోగదారులను లక్ష్యంగా చేసుకుని ఈ వేరియంట్లను ప్రవేశపెట్టింది.మూడు వేరియంట్లు.. ధరలు ఇలా..క్యారెన్స్‌ సీఎన్‌జీని ప్రీమియం (ఓ) ట్రిమ్‌లో మాత్రమే అందిస్తోంది. దీని ధర రూ.12.12 లక్షలు. క్యారెన్స్ క్లావిస్‌ సీఎన్‌జీని హెచ్‌టీఈ, హెచ్‌టీఈ (ఓ) అనే రెండు వేరియంట్లలో తీసుకొచ్చింది. హెచ్‌టీఈ ధర రూ.12.39 లక్షలు, హెచ్‌టీఈ (ఓ) ధర రూ.13.35 లక్షలు. సంబంధిత పెట్రోల్‌-మాన్యువల్‌ వేరియంట్లతో పోలిస్తే సీఎన్‌జీ మోడళ్ల ధర సుమారు రూ.1 లక్ష అధికంగా ఉంది.ఈ విభాగంలో మారుతి ఎర్టిగా సీఎన్‌జీ ధర రూ.10.94 లక్షల నుంచి రూ.12 లక్షల వరకు ఉండగా, టయోటా రూమియన్ సీఎన్‌జీ రూ.11.69 లక్షల నుంచి, మారుతి ఎక్స్ఎల్6 సీఎన్‌జీ రూ.12.61 లక్షల నుంచి ప్రారంభమవుతున్నాయి.1.5 లీటర్‌ ఇంజిన్‌.. 6-స్పీడ్‌ మాన్యువల్‌క్యారెన్స్, క్యారెన్స్ క్లావిస్‌ సీఎన్‌జీ రెండింటిలోనూ కియా 1.5 లీటర్‌ స్మార్ట్‌స్ట్రీమ్‌ నేచురల్లీ ఆస్పిరేటెడ్‌ పెట్రోల్‌ ఇంజిన్‌నే ఉపయోగించింది. సీఎన్‌జీకి అనుగుణంగా ఇంజిన్‌ను రీకాలిబ్రేట్‌ చేసింది. సీఎన్‌జీ మోడ్‌లో ఈ ఇంజిన్‌ పెట్రోల్‌ వెర్షన్‌తో పోలిస్తే 19 బీహెచ్‌పీ తక్కువ పవర్‌, 21 ఎన్ఎం తక్కువ టార్క్‌ ఉత్పత్తి చేస్తుంది. 6-స్పీడ్‌ మాన్యువల్‌ గేర్‌బాక్స్‌తో మాత్రమే సీఎన్‌జీ వేరియంట్లు లభిస్తాయి. పెట్రోల్‌ మోడళ్లలో లభించే ఐఎంటీ, డీసీటీ ఆప్షన్లు సీఎన్‌జీ వెర్షన్లలో లేవు.అయితే, ఈ కొత్త సీఎన్‌జీ వేరియంట్లకు సంబంధించిన అధికారిక మైలేజీ గణాంకాలను కియా ఇంకా వెల్లడించలేదు. పెట్రోల్‌ సిస్టమ్‌కు అదనంగా 60 లీటర్ల సీఎన్‌జీ ట్యాంక్‌ను అమర్చింది. 4.2 అంగుళాల కలర్‌ టీఎఫ్‌టీ ఎంఐడీలో ఫ్యూయల్‌-ఛేంజ్‌ స్విచ్‌తో పాటు సీఎన్‌జీకి ప్రత్యేకమైన డిస్టెన్స్‌-టు-ఎంప్టీ సమాచారం ఉంటుంది.తగ్గిన బూట్‌ స్పేస్‌సీఎన్‌జీ ట్యాంక్‌ను రెండు మోడళ్లలోనూ బూట్‌ ఫ్లోర్‌ కింద అమర్చారు. దీంతో మూడు వరుసల సీట్లు వినియోగంలో ఉన్నప్పుడు బూట్‌ సామర్థ్యం 216 లీటర్ల నుంచి 116 లీటర్లకు తగ్గుతుంది. అయితే స్పేర్‌ వీల్‌ను అండర్‌బాడీ కిందనే ఉంచారు.సీఎన్‌జీ ట్యాంక్‌ కారణంగా పెరిగిన బరువుకు అనుగుణంగా సస్పెన్షన్‌ను రీట్యూన్‌ చేసినట్లు కియా తెలిపింది. ముందు డిస్క్‌ బ్రేక్‌లను 16 అంగుళాల యూనిట్లకు అప్‌గ్రేడ్‌ చేసి, ఆర్‌16 వీల్స్‌ను కూడా అందించింది. సీఎన్‌జీపై డ్రైవబిలిటీ మెరుగ్గా ఉండేలా ఇంజిన్‌ కంట్రోల్‌ను సైతం సర్దుబాటు చేసింది.సీఎన్‌జీకి సంబంధించిన ఈ మార్పులు మినహా, మిగిలిన ఫీచర్ల విషయంలో సంబంధిత పెట్రోల్‌ వేరియంట్లతో సమానమైన పరికరాలను అందిస్తోంది. దీంతో మారుతి సుజుకి, టయోటా తర్వాత ఏడు సీట్ల ఎమ్‌పీవీ విభాగంలో ఫ్యాక్టరీ ఫిట్టెడ్‌ సీఎన్‌జీ ఆప్షన్‌ను అందిస్తున్న మరో సంస్థగా కియా నిలిచింది.ఇదీ చదవండి: కియా నుంచి భారీ ఎలక్ట్రిక్‌ వ్యాన్‌ వచ్చేస్తోంది..

దేశంలో ప్రత్యామ్నాయ ఇంధన వాహనాలకు డిమాండ్‌ పెరుగుతోంది. దీన్ని దృష్టిలో పెట్టుకుని కియా ఇండియా కీలక నిర్ణయం తీసుకుంది. తన మూడు వరుసల ఎమ్‌పీవీ (MPV) శ్రేణిలో కొత్త పవర్‌ట్రెయిన్ ఆప్షన్లను తీసుకొస్తోంది. ఇందులో భాగంగా కియా కారెన్స్ సీఎన్‌జీ (Carens CNG), కారెన్స్ క్లావిస్ సీఎన్‌జీ (Carens Clavis CNG), కార్నివాల్ లిమోసిన్ హైబ్రిడ్ (Carnival Limousine Hybrid) మోడళ్లకు ప్రీ-బుకింగ్స్‌ను ప్రారంభించింది. ఈ మూడు వాహనాలను కియా అధీకృత డీలర్ నెట్‌వర్క్ ద్వారా బుక్ చేసుకోవచ్చు. అయితే వీటి ధరలు, ఖచ్చితమైన లాంచ్ తేదీలను కంపెనీ ఇంకా వెల్లడించలేదు.ఫ్యాక్టరీ-ఫిట్టెడ్ సీఎన్‌జీతో..కారెన్స్, కారెన్స్ క్లావిస్ సీఎన్‌జీ వెర్షన్లలో 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌ను 6-స్పీడ్ మాన్యువల్ గేర్‌బాక్స్‌తో జత చేశారు. వీటికి ఫ్యాక్టరీలోనే అమర్చిన 60-లీటర్ సీఎన్‌జీ ట్యాంక్ ఉంటుంది. సీఎన్‌జీ మోడ్‌లో ఇంజిన్ అవుట్‌పుట్ సుమారు 93–95 హెచ్‌పీ, టార్క్ 123 Nmగా ఉంటుంది. క్లావిస్ సీఎన్‌జీకి అధికారికంగా వెల్లడైన ఇంధన సామర్థ్యం (మైలేజీ) ఒక కేజీకి 25 కిలో మీటర్లు.గతంలో కొన్ని మార్కెట్లలో కనిపించిన డీలర్-ఫిట్టెడ్ సీఎన్‌జీ కిట్లకు భిన్నంగా, కొత్త మోడళ్లలో సీఎన్‌జీ వ్యవస్థను కియా ఫ్యాక్టరీ స్థాయిలోనే వాహనానికి అనుగుణంగా రూపొందించింది. సీఎన్‌జీ కోసం ప్రత్యేక ఇంజిన్ కాలిబ్రేషన్, సవరించిన సస్పెన్షన్ ట్యూనింగ్, అదనపు బరువుకు అనుగుణంగా బ్రేకింగ్ సెటప్ వంటి మార్పులు చేసింది. 16-అంగుళాల వీల్స్, పెట్రోల్-టు-సీఎన్‌జీ మార్పు కోసం ప్రత్యేక స్విచ్, సీఎన్‌జీ డిస్టెన్స్-టు-ఎంప్టీ సమాచారాన్ని చూపించే 4.2-అంగుళాల కలర్ టీఎఫ్‌టీ డిస్‌ప్లే కూడా ఉన్నాయి.సీఎన్‌జీ ట్యాంక్‌ను అమర్చినప్పటికీ ప్రయాణికులకు ఉపయోగపడే స్థలాన్ని సాధ్యమైనంత వరకు ఆదా చేసేందుకు కియా ఇంజినీరింగ్ మార్పులు చేసింది. సీఎన్‌జీ వెర్షన్లలో బూట్ స్పేస్ 116 లీటర్లుగా ఉంటుందని కంపెనీ వెల్లడించింది.ఏ వేరియంట్లలో వస్తాయి?కారెన్స్ సీఎన్‌జీ ప్రైవేట్ కొనుగోలుదారుల కోసం ప్రీమియం (O) G1.5 6MT వేరియంట్‌లో రానుంది. B2B, కమర్షియల్ మొబిలిటీ వినియోగదారులను లక్ష్యంగా చేసుకుని M-Drive G1.5 6MT వెర్షన్‌ను కూడా కియా అందించనుంది.కారెన్స్ క్లావిస్ సీఎన్‌జీ HTE, HTE (O) G1.5 6MT వేరియంట్లలో లభించనుంది. కమర్షియల్, ఫ్లీట్ వినియోగదారుల కోసం HTM G1.5 6MT వెర్షన్‌ను కూడా తీసుకురానున్నట్లు సమాచారం.సీఎన్‌జీ వెర్షన్లు ప్రస్తుతం ఉన్న పెట్రోల్, డీజిల్ ఆప్షన్లకు అదనంగా చేరనున్నాయి. ఇప్పటికే కారెన్స్ క్లావిస్‌కు ఎలక్ట్రిక్ వెర్షన్ కూడా ఉండటంతో, ఒకే మోడల్ కుటుంబంలో పెట్రోల్, డీజిల్, సీఎన్‌జీ, ఎలక్ట్రిక్ వంటి విభిన్న పవర్‌ట్రెయిన్ ఆప్షన్‌లను కియా అందిస్తోంది.కార్నివాల్‌కు హైబ్రిడ్ పవర్కియా తన ప్రీమియం ఎంపీవీ ‘కార్నివాల్ లిమోసిన్’లో తొలిసారిగా హైబ్రిడ్ పవర్‌ట్రెయిన్‌ను తీసుకొస్తోంది. ఇది Limousine+ G1.6T HEV 6AT రూపంలో అందుబాటులోకి రానుంది. 1.6-లీటర్ టర్బో-పెట్రోల్ ఇంజిన్ 180 హెచ్‌పీ, 265 Nm టార్క్‌ను ఉత్పత్తి చేస్తుంది. దీనికి 73.4 హెచ్‌పీ, 304 Nm టార్క్ అందించే ఎలక్ట్రిక్ మోటార్ జతవుతుంది. 6-స్పీడ్ ఆటోమేటిక్ గేర్‌బాక్స్‌తో ఈ హైబ్రిడ్ వ్యవస్థ పనిచేస్తుంది.ప్రస్తుతం భారత్‌లో కార్నివాల్ 2.2-లీటర్ డీజిల్ ఇంజిన్‌తో మాత్రమే అందుబాటులో ఉంది. హైబ్రిడ్ వెర్షన్ ఆ డీజిల్ మోడల్‌కు ప్రత్యామ్నాయంగా కాకుండా అదనపు పవర్‌ట్రెయిన్ ఆప్షన్‌గా రానుంది. దీంతో పెద్ద, ప్రీమియం ఎంపీవీ కోరుకునేవారికి పెట్రోల్-ఎలక్ట్రిక్ హైబ్రిడ్ ఆప్షన్‌ కూడా లభించనుంది.ప్రీమియం ఫీచర్లకు పెద్దపీటకార్నివాల్ హైబ్రిడ్‌లో 18-అంగుళాల క్రిస్టల్ కట్ డ్యూయల్-టోన్ ఏరో అల్లాయ్ వీల్స్, యాక్టివ్ ఎయిర్ ఫ్లాప్స్, వర్చువల్ ఇంజిన్ సౌండ్ సిస్టమ్ వంటి ఫీచర్లు ఉంటాయి. క్యాబిన్‌లో AQI డిస్‌ప్లేతో స్మార్ట్ ప్యూర్ ఎయిర్ ప్యూరిఫైయర్, వైర్‌లెస్ ఛార్జింగ్‌తో రిట్రాక్టబుల్ సీట్‌బ్యాక్ టేబుల్స్, కప్‌హోల్డర్లు, మోనోటోన్ యాంబియంట్ లైటింగ్, లెథరెట్ డోర్ ట్రిమ్స్ వంటి సౌకర్యాలు లభించనున్నాయి.కారెన్స్, కారెన్స్ క్లావిస్ సీఎన్‌జీ మోడళ్ల ధరలను సెప్టెంబర్ చివర్లో లేదా అక్టోబర్ ప్రారంభంలో ప్రకటించే అవకాశం ఉందని తాజా ఆటోమొబైల్ నివేదికలు చెబుతున్నాయి. కార్నివాల్ హైబ్రిడ్ ధర కూడా లాంచ్‌కు దగ్గరగా వెల్లడయ్యే అవకాశం ఉంది.

సాధారణంగా పెట్రోల్ కార్లు ఇచ్చే మైలేజ్ కంటే కూడా సీఎన్‌జీ (Compressed Natural Gas) కార్లు ఇచ్చే మైలేజ్ కొంత ఎక్కువగానే ఉంటుంది. ఇది దాదాపు అందరికీ తెలిసిన విషయమే అయినప్పటికీ.. ఎందుకు ఎక్కువ మైలేజ్ ఇస్తుందనే విషయం మాత్రమే బహుశా చాలామందికి తెలుసుండకపోవచ్చు. ఈ కథనంలో ఆ వివరాలు తెలుసుకుందాం.ఇంధన రసాయన నిర్మాణంపెట్రోల్ అనేది C8​H18 వంటి హైడ్రోకార్బన్‌ల మిశ్రమం. ఇది ఒక మధ్యస్థాయి పరిమాణం గల అణువు. అయితే సీఎన్జీలో మీథేన్ (CH4) ఉంటుంది. ఇది పరిమాణంలో చిన్నది, తేలికైంది.. కాబట్టి ఇది గాలిలో తేలికగా మండుతుంది, తద్వారా పవర్ డెలివరీ సమర్థవంతంగా సాగుతుంది. ఇది మండే సమయంలో కూడా కార్బన్ మోనాక్సైడ్ (CO) ఉత్పత్తి చాలా తక్కువగా ఉంటుంది. కానీ పెట్రోల్ అనేది సీఎన్జీతో పోలిస్తే అసంపూర్తిగా మండుతుంది. దీనివల్ల కొంత ఇంధన శక్తి వృధా అవుతుంది. కాబట్టి సీఎన్జీ కారు ఎక్కువ మైలేజ్ ఇస్తుంది.ఎయిర్ ఫ్యూయెల్ రేషియోసీఎన్జీ వాహనాల్లో.. ఎయిర్ - ఫ్యూయెల్ రేషియో (నిష్పత్తి) 17.2:1గా ఉంటుంది. అంటే 17.2 భాగాల గాలికి, ఒక ఫ్యూయెల్ (ఇంధనం) అవసరం అవుతుంది. పెట్రోల్ వాహనాల విషయానికి వస్తే.. ఈ రేషియో (ఎయిర్:ఫ్యూయెల్) 14.7:1గా ఉంటుంది. దీని ప్రకారం.. ఎక్కువ గాలి ఉండటం వల్ల, సీఎన్జీ పూర్తిగా మండి శక్తిని అందిస్తుంది.ఎనర్జీ కంటెంట్పెట్రోల్‌లో సుమారు 34.2 MJ/L ఎనర్జీ ఉంటుంది, కానీ CNGలో 1 కేజీకి 53.6 MJ ఉంటుంది (MJ-మెగాజౌల్). గ్యాస్ పరిమాణం తక్కువ కాబట్టి వాల్యూమెట్రిక్ ఎనర్జీ డెన్సిటీ పెరగదు. కానీ CNG ఇంజిన్స్ ఎక్కువ కంప్రెషన్ రేషియోకి అనుగుణంగా డిజైన్ చేయబడి ఉంటాయి. ఇది వేడి నష్టం తగ్గించి, ఇంధనాన్ని సమర్థవంతంగా ఉపయోగించడానికి సహాయపడుతుంది.వేడి నష్టం తక్కువCNG తక్కువ వేడి నష్టం కలిగిన ఇంధనం. కాబట్టి మండే (దహనం) సమయంలో వేడి సమర్థవంతంగా ఉపయోగిస్తే, ఇంజిన్ పనితీరు పెరుగుతుంది. పెట్రోల్ కారు కొంత శక్తిని వేడిగా వృథా చేస్తుంది. అందువల్ల పెట్రోల్ వాహనాల మైలేజ్ తక్కువ.మైలేజ్సాధారణంగా ఒక పెట్రోల్ కారు 12-15 కిమీ/లీ మైలేజ్ అందిస్తే.. సీఎన్జీ కారు 18-22 కిమీ/కేజీ అందింశింది. దీన్నిబట్టి చూస్తే.. మైలేజ్ ఏది ఎక్కువగా ఇస్తుందో అర్థం చేసుకోవచ్చు. ఇక్కడ గుర్తుంచుకోవాల్సిన విషయం ఏమిటంటే.. మైలేజ్ అనేది వెహికల్ డిజైన్, ట్రాఫిక్ కండిషన్, డ్రైవింగ్ వంటివాటిపై ఆధారపడి ఉంటుంది.మరో ప్రధానమైన విషయం ఏమిటంటే పెట్రోల్ కార్ల కంటే సీఎన్జీ వాహనాల పవర్ కొంచెం తక్కువగానే ఉంటుంది. సాధారణ హైవేలు, ట్రాఫిక్ లేని రోడ్లపైన.. ఈ కార్లు మైలేజ్ కొంత ఎక్కువగానే అందిస్తాయి. కానీ ఎత్తైన రోడ్లలో ప్రయాణించే సమయంలో మాత్రం.. పెట్రోల్ కార్లు అందించినంత పవర్ డెలివరీ చేయవు.

భారత ప్యాసింజర్ వాహన మార్కెట్లోకి ప్రవేశించిన.. మారుతి సుజుకి విక్టోరిస్ ఇప్పటి వరకు 33,000 కంటే ఎక్కువ బుకింగ్‌లను పొందింది. ఇందులో 30 శాతం కంటే ఎక్కువ బుకింగ్స్ CNG వేరియంట్‌ సొంతం చేసుకుంది. దీనికి కారణం బూట్ స్పేస్ అనే చెప్పాలి.మారుతి సుజుకి తన విక్టోరిస్ కారులో.. సాధారణ కారులో అందించేంత బూట్ స్పేస్ అందిస్తోంది. ఇది CNG వేరియంట్ అమ్మకాలను పెంచడంలో దోహదపడిందని.. కంపెనీ సీనియర్ ఎగ్జిక్యూటివ్ ఆఫీసర్ (మార్కెటింగ్ అండ్ సేల్స్) పార్థో బెనర్జీ పేర్కొన్నారు. విక్టోరిస్ CNG వేరియంట్‌లకు ఇప్పటి వరకు దాదాపు 11,000 బుకింగ్‌లు వచ్చాయని వెల్లడించారు.మారుతి సుజుకి విక్టోరిస్.. మంచి డిజైన్, లేటెస్ట్ ఫీచర్స్ పొందుతుంది. ఈ కారు ధరలు రూ.10.50 లక్షల నుంచి రూ. 19.98 లక్షల మధ్య (ఎక్స్-షోరూమ్) ఉంది. ఇది మొత్తం మూడు పవర్‌ట్రెయిన్ ఎంపికలతో లభిస్తుంది. ఇందులోని 1.5-లీటర్ పెట్రోల్ ఇంజిన్‌ మైల్డ్-హైబ్రిడ్, స్ట్రాంగ్ హైబ్రిడ్, CNG టెక్నాలజీతో అందుబాటులో ఉంటుంది. ఇంజిన్ 5-స్పీడ్ మాన్యువల్ గేర్‌బాక్స్, 6-స్పీడ్ ఆటోమేటిక్ యూనిట్, e-CVT ట్రాన్స్‌మిషన్ ఎంపికలతో అందుబాటులో ఉంటుంది.ఇదీ చదవండి: భారత్‌కు అమెరికన్ కంపెనీ: రూ.3,250 కోట్ల పెట్టుబడి!మైల్డ్-హైబ్రిడ్ టెక్‌తో కూడిన 1.5-లీటర్ ఇంజిన్ 5-స్పీడ్ మాన్యువల్ గేర్‌బాక్స్ & 6-స్పీడ్ ఆటోమేటిక్ యూనిట్‌తో లభిస్తుంది. స్ట్రాంగ్ హైబ్రిడ్ వెర్షన్ e-CVTని పొందుతుంది, పెట్రోల్-CNG మోడల్ 5-స్పీడ్ మాన్యువల్ గేర్‌బాక్స్‌తో వస్తుంది. ఇవన్నీ మంచి పనితీరును అందిస్తాయి.

హైదరాబాద్‌ నగరంతోపాటు శివారు ప్రాంతాల్లో వేగంగా పెరుగుతున్న సీఎన్జీ వాహనాల సంఖ్యకు అనుగుణంగా గ్యాస్‌ స్టేషన్ల విస్తరణ జరగకపోవడంతో ప్రజలు తీవ్ర ఇబ్బందులు ఎదుర్కొంటున్నారు. ప్రస్తుతం నగర పరిధిలో కేవలం 83 సీఎన్జీ స్టేషన్లే ఉన్నాయి. ఇవి రోజూ 55 వేల నుంచి 60 వేల వాహనాలకు గ్యాస్‌ సేవలు అందిస్తున్నాయని కేంద్ర పెట్రోలియం శాఖ మంత్రి హర్దీప్‌ సింగ్‌ పూరి వెల్లడించారు.లోక్‌సభలో బీజేపీ ఎంపీ కొండా విశ్వేశ్వర్‌రెడ్డి అడిగిన ప్రశ్నకు కేంద్ర మంత్రి ఇచ్చిన లిఖితపూర్వక సమాధానంలో పలు కీలక వివరాలు వెల్లడించారు. హైదరాబాద్‌లో ప్రజారవాణా వాహనాలు, ఆటోలు, ప్రైవేట్‌ వాహనాలు అధికంగా సీఎన్జీపైనే ఆధారపడుతున్నాయి. కానీ స్టేషన్ల తక్కువ సంఖ్య వల్ల వాహనదారులు గంటలకొద్దీ క్యూ లైన్లలో నిలబడాల్సి వస్తోందని కేంద్ర పెట్రోలియం శాఖ మంత్రి లోక్‌సభ వేదికగా తెలిపారు.

పెట్రోల్ ధరలు పెరగడం, సీఎన్‌జీ రీఫ్యూయలింగ్ స్టేషన్లు అందుబాటులోకి రావడం అన్నీ జరుగుతున్నాయి. ఈ తరుణంలో చాలామంది పెట్రోల్ కార్ల స్థానంలో సీఎన్‌జీ కార్లను కొనుగోలు చేయడానికి ఆసక్తి చూపుతున్నారు. ఈ కథనంలో రూ. 10 లక్షల కంటే తక్కువ ధర వద్ద లభించే ఉత్తమ సిఎన్‌జీ కార్లను గురించి తెలుసుకుందాం.మారుతి సుజుకి ఆల్టో కే10 సీఎన్‌జీప్రస్తుతం భారతదేశంలో అందుబాటులో ఉన్న అత్యంత సరసమైన సీఎన్‌జీ కార్లలో ఒకటి 'మారుతి సుజుకి ఆల్టో కే10'. ఎల్ఎక్స్ఐ (ఓ), వీఎక్స్ఐ (ఓ) వేరియంట్లలో అందుబాటులో ఉన్న ఈ కారు ధరలు రూ. 5.8 లక్షలు, రూ. 6.04 లక్షలు. ఇందులోని 998 సీసీ నేచురల్లీ ఆస్పిరేటెడ్ పెట్రోల్ ఇంజిన్‌ 5300 rpm వద్ద 56 Bhp పవర్, 3400 rpm వద్ద 82.1 Nm టార్క్ ప్రొడ్యూస్ చేస్తుంది. ఇది 5 స్పీడ్ మాన్యువల్ ట్రాన్స్‌మిషన్ ఆప్షన్ పొందుతుంది. ఈ కారు 33.85 కిమీ/కేజీ మైలేజ్ అందిస్తుందని సమాచారం.మారుతి సుజుకి ఎస్-ప్రెస్సో సీఎన్‌జీఇది కూడా ఎల్ఎక్స్ఐ (ఓ), వీఎక్స్ఐ (ఓ) అనే రెండు వేరియంట్లలో లభిస్తుంది. దీని ధరలు వరుసగా రూ. 5.91 లక్షలు, రూ. 6.11 లక్షలు. ఈ కారులో 998 సీసీ నేచురల్లీ ఆస్పిరేటెడ్ పెట్రోల్ ఇంజిన్‌ ఉంటుంది. ఇది 56 Bhp పవర్, 82.1 Nm టార్క్ అందిస్తుంది. ఇంజిన్ 5 స్పీడ్ మాన్యువల్ గేర్‌బాక్స్ ఆప్షన్ పొందుతుంది. ఇది 32.73 కిమీ/కేజీ మైలేజ్ అందిస్తుంది.టాటా టియాగో సీఎన్‌జీటాటా టియాగో సీఎన్‌జీ ధరలు రూ. 6 లక్షల నుంచి ప్రారంభమవుతాయి. ఇందులో ట్విన్ సిలిండర్ CNG ట్యాంక్ ఉంటుంది. ఇది ఆటోమేటిక్ ట్రాన్స్‌మిషన్‌తో అందుబాటులో ఉన్న అత్యంత సరసమైన సీఎన్జీ కారుగా రికార్డ్ క్రియేట్ చేసింది. ఈ కారు ఐదు మాన్యువల్, మూడు ఆటోమాటిక్ వేరియంట్లలో లభిస్తుంది. మాన్యువల్ ధరలు రూ. 5.99 లక్షల నుంచి రూ. 8.19 లక్షల మధ్య ఉన్నాయి. ఆటోమాటిక్ ధరలు రూ. 7.84 లక్షల నుంచి రూ. 8.74 లక్షల మధ్య ఉన్నాయి.మారుతి సుజుకి వ్యాగన్ ఆర్ సీఎన్‌జీమారుతి సుజుకి వ్యాగన్ ఆర్ సీఎన్‌జీ.. ఎల్‌ఎక్స్‌ఐ (ఓ), విఎక్స్‌ఐ (ఓ) అనే రెండు వేరియంట్‌లలో లభిస్తుంది. దీని ఎక్స్-షోరూమ్ ధరలు రూ. 6.54 లక్షల నుంచి రూ. 6.99 లక్షల వరకు ఉంటాయి. ఇది 998 సీసీ నేచురల్లీ ఆస్పిరేటెడ్ ఇంజిన్‌ ద్వారా 5300 ఆర్‌పీఎమ్ వద్ద 56 బిహెచ్‌పీ పవర్ఉ.. 3400 ఆర్‌పీఎమ్ వద్ద 82.1 ఎన్ఎమ్ టార్క్‌ అందిస్తుంది. ఇంజిన్ 5 స్పీడ్ మాన్యువల్ ట్రాన్స్‌మిషన్‌తో లభిస్తుంది. దీని మైలేజ్ 33.47 కిమీ/కేజీ వరకు ఉంది.ఇదీ చదవండి: అమ్మకాల్లో టాప్ కంపెనీలు.. ఎక్కువమంది కొంటున్న ఎలక్ట్రిక్ స్కూటర్ ఇదే!మారుతి సుజుకి సెలెరియో సీఎన్‌జీమారుతి సుజుకి సెలెరియో సీఎన్‌జీ.. భారతదేశంలో ఎక్కువ మైలేజ్ ఇచ్చే సీఎన్‌జీ కార్లలో ఒకటి. దీని ధర రూ. 6.90 లక్షలు. ఇది 34 కిమీ/కేజీ మైలేజ్ అందిస్తుంది. ఈ కారులోని 998 సీసీ ఇంజిన్ 5300 rpm వద్ద, 55.92 Bhp పవర్ & 3400 rpm వద్ద 82.1 Nm టార్క్ అందిస్తుంది.

ఇండియన్ మార్కెట్లో పెట్రోల్, ఎలక్ట్రిక్ కార్లకు మాత్రమే కాకుండా CNG కార్లకు కూడా డిమాండ్ పెరుగుతోంది. ఎందుకంటే సాధారణ పెట్రోల్ కారు కంటే సీఎన్‌జీ కారు కొంత ఎక్కువ మైలేజ్ అందిస్తుంది. ఈ కారణంగానే చాలామంది వీటిని కొనుగోలు చేయడానికి ఆసక్తి చూపుతున్నారు. దీనిని దృష్టిలో ఉంచుకుని పలు కంపెనీలు.. తమ వాహనాలను సీఎన్‌జీ రూపంలో లాంచ్ చేస్తున్నాయి. ఈ కథనంలో రూ. 9 లక్షల కంటే తక్కువ ధర వద్ద లభించే సీఎన్‌జీ కార్లను గురించి తెలుసుకుందాం.మారుతి సుజుకి ఫ్రాంక్స్ సీఎన్‌జీ (Maruti Suzuki Fronx CNG)మార్కెట్లో లాంచ్ అయిన అతి తక్కువ కాలంలోనే.. కంపెనీ తన ఫ్రాంక్స్ కారును సీఎన్‌జీ రూపంలో లాంచ్ చేసింది. చూడటానికి సాధారణ కారు మాదిరిగా ఉన్నప్పటికీ.. ఇందులో కొన్ని కాస్మొటిక్ అప్డేట్స్ కనిపిస్తాయి. ఈ కారు ధర రూ. 8.46 లక్షలు (ఎక్స్ షోరూమ్). ఇందులో 1197 సీసీ ఇంజిన్ 5 స్పీడ్ మాన్యువల్ ట్రాన్స్‌మిషన్‌తో లభిస్తుంది. ఇది 28.51 కిమీ/కేజీ మైలేజ్ అందిస్తుంది.టాటా పంచ్ సీఎన్‌జీ (Tata Punch CNG)భారతదేశంలో అత్యంత సురక్షితమైన కార్ల జాబితాలో ఒకటి, ఎక్కువ అమ్ముడైన మైక్రో ఎస్‌యూవీ టాటా పంచ్. ఇది మార్కెట్లో పెట్రోల్, ఎలక్ట్రిక్, సీఎన్‌జీ రూపాల్లో అందుబాటులో ఉంది. సేఫ్టీలో 5 స్టార్ రేటింగ్ సాధించిన ఈ టాటా పంచ్ సీఎన్‌జీ 26.99 కిమీ / కేజీ మైలేజ్ అందిస్తుంది. దీని ధర రూ. 7.23 లక్షలు (ఎక్స్-షోరూమ్). ధర అనేది ఎంచుకునే వేరియంట్ మీద ఆధారపడి ఉంటుంది.హ్యుందాయ్ ఎక్స్‌టర్ ఎస్ సీఎన్‌జీ (Hyundai Exter S CNG)రూ. 9 లక్షల కంటే తక్కువ ధరలో లభించే బెస్ట్ సీఎన్‌జీ కార్లలో.. హ్యుందాయ్ ఎక్స్‌టర్ ఎస్ సీఎన్‌జీ కూడా ఉంది. దీని ధర రూ. 8.43 లక్షలు. ఇది 27.1 కిమీ / కేజీ మైలేజ్ అందిస్తుంది. మార్కెట్లో ఈ కారు మంచి అమ్మకాలతో ముందుకు దూసుకెళ్తోంది. డిజైన్, ఫీచర్స్ పరంగా ఇది దాని మునుపటి మోడల్ మాదిరిగానే ఉంటుంది. మైలేజ్ సాధారణ మోడల్ కంటే కొంత ఎక్కువ.