చిన్న బొద్దింకను చూస్తేనే చాలామంది భయపడుతుంటారు. అలాంటిది పెద్ద బొద్దింకను చూస్తే ఇక పరుగులే! కాని, ఫొటోలో పెద్దసైజు బొద్దింకలా కనిపిస్తున్నది కీటకమే గాని, వియత్నాం ప్రజలు మాత్రం దీంతో రుచికరమైన వంటకాన్ని తయారు చేసుకుని ఆరగిస్తారు. దీని అతిపెద్ద ఆకారం, తలను చూసి, వియత్నాంలో అందరూ, దీనిని ‘స్టార్‌ వార్స్‌’ సినిమాల్లో విలన్‌ అయిన ‘డార్త్‌ వాడర్‌’గా పిలుచుకుంటారు. దాదాపు 30 నుంచి 35 సెంటీమీటర్లు పొడవు, ఒకటి నుంచి రెండు కిలోల బరువుతో ఉంటుంది ఈ కీటకం. వియత్నాం ఫుడ్‌మార్కెట్‌లో విక్రయిస్తున్న దీనిని ఈ మధ్యనే శాస్త్రవేత్తలు గుర్తించారు. ఇది ‘బాతినోమాస్‌’ జాతికి చెందిన జెయింట్‌ ఐసోపాడ్‌ అనే సముద్ర కీటకంగా నిర్ధారించారు. ఈ సముద్ర కీటకానికి సంబంధించిన మరో రెండు నమూనాలను పరిశోధకులు విశ్లేషణ కోసం సేకరించారు. మరిన్ని విషయాలను అధ్యయనం చేశాకనే వెల్లడించగలమని తెలిపారు.

ఐఫోన్‌లు, ఐప్యాడ్‌లలో కొత్త బగ్‌ ఒకటి బయటపడింది. కొన్ని అక్షరాలను టైప్‌ చేస్తే ఐఫోన్‌లు, ఐప్యాడ్‌లు క్రాష్‌ అవుతున్నాయి. “”: తర్వాత ఏదైనా అక్షరం టైప్ చేయగానే స్ప్రింగ్‌బోర్డ్ అని పిలిచే యాపిల్‌ డివైజ్‌ ఇంటర్‌ఫేస్ క్షణంలో క్రాష్ అయ్యి తిరిగి లాక్ స్క్రీన్‌కి వెళ్తోంది.ఈ విషయాన్ని మొదట ఓ సెక్యూరిటీ రీసెర్చర్‌ గుర్తించారు. ఆ తర్వాత టెక్‌ పబ్లికేషన్‌ ‘టెక్‌క్రంచ్‌’ కూడా దీన్ని పరీక్షించింది. సెట్టింగ్స్‌ యాప్‌ లేదా యాప్ యాప్‌ లైబ్రరీలోని సెర్చ్‌ బార్‌లో ఈ అక్షరాలను టైప్ చేయగా క్రాష్‌ అవుతోందని ధ్రువీకరించింది. కొన్ని సందర్భాల్లో డివైజ్‌ సాధారణ స్థితికి రావడానికి ముందు స్క్రీన్ ఒక సెకను బ్లాక్‌గా ఫ్లాష్ కావచ్చని పేర్కొంది.అయితే ఈ బగ్ భద్రతా ముప్పు కాదని నిపుణులు చెబుతున్నారు. ఐఓఎస్‌ సెక్యూరిటీ రీసెర్చర్‌ అయిన రియాన్‌ స్టోర్జ్‌ సమస్యను విశ్లేషిస్తూ ఇది మీ డివైజ్‌ భద్రతకు హాని కలిగించదని నిర్ధారించారు. డబుల్‌యూ అనే సెక్యూరిటీ స్టార్టప్‌ని స్థాపించిన మరో ఐఓఎస్‌ నిపుణుడు పాట్రిక్‌ వార్డ్‌లే కూడా బగ్ కొంచెం ఇబ్బంది కలిగించేదే అయినా ప్రమాదకరం కాదని అంగీకరిస్తున్నారు.కాగా ఈ బగ్‌పై యాపిల్‌ ఇంకా స్పందించలేదు. అయితే వారు భవిష్యత్తు అప్‌డేట్‌లో దాన్ని పరిష్కరించే అవకాశం ఉంది. ప్రస్తుతానికి ఈ అసౌకర్యాన్ని నివారించాలనుకుంటే, మీ ఐఫోన్‌, ఐప్యాడ్‌ సెర్చ్ బార్‌లలో “”: అని మాత్రం టైప్ చేయొద్దు.

బ్రస్సెల్స్‌: మైక్రోసాఫ్ట్‌ విండోస్‌ ఆపరేటింగ్‌ సిస్టమ్‌లో బగ్‌ వల్ల బ్లూ స్క్రీన్‌ ఆఫ్‌ డెత్‌ ఎర్రర్‌ సమస్య తలెత్తడంతో శుక్రవారం ప్రపంచవ్యాప్తంగా కంప్యూటర్‌ ఆధారిత సేవలు నిలిచిపోయాయి. కోట్ల డాలర్ల నష్టం వాటిల్లిందని చెబుతున్నారు. సైబర్‌సెక్యూరిటీ సంస్థ క్రౌడ్‌స్రై్టక్‌ అందించిన అప్‌డేట్‌లో బగ్‌ వల్లే ఈ సంక్షోభం ఏర్పడింది. ఇది చాలా తీవ్రమైన విషయం కాగా, బెల్జియం వ్యంగ్య రచయిత విన్సెంట్‌ ఫ్లిబస్టీర్‌ పరిహాసానికి దిగాడు. నెటిజన్లతో చీవాట్లు తింటున్నాడు. తాను క్రౌడ్‌స్రై్టక్‌ సంస్థలో కొత్తగా ఉద్యోగంలో చేరానని, మొదటి రోజు సాఫ్ట్‌వేర్‌లో చిన్న ఆప్‌డేట్‌ చేశానని చెప్పుకొచ్చాడు. ఈ మేరకు ‘ఎక్స్‌’లో పలు పోస్టులు పెట్టాడు. కోడ్‌లో కేవలం ఒక లైన్‌ మార్చడం వల్ల బగ్‌ ఏర్పడిందని తెలిపాడు. క్రౌడ్‌స్ట్రైక్‌ ఆఫీసులో దిగిన ఫొటోను కూడా షేర్‌ చేశాడు. నిజానికి అతడు ఈ సంస్థలో ఉద్యోగి కాదు. కృత్రిమ మేధ(ఏఐ) సాయంతో ఈ ఫొటో సృష్టించాడు. ఈ పోస్టు సోషల్‌ మీడియాలో వైరల్‌ మారింది. 3.8 లక్షల లైక్‌లు వచ్చాయి. 37,000 మంది షేర్‌ చేశారు. కొన్ని గంటల తర్వాత విన్సెంట్‌ మరో పోస్టు చేశాడు. సాఫ్ట్‌వేర్‌ అప్‌డేట్‌లో బగ్‌ కారణంగా తనను ఉద్యోగం నుంచి తొలగించారని బాధపడ్డాడు. ఇది చాలా అన్యాయం అంటూ ఆక్రోశించాడు. తనకు ఎవరైనా ఉద్యోగం ఇచ్చి ఆదుకోవాలని దీనంగా వేడుకున్నాడు. ‘ఎక్స్‌’ అధినేత ఎలాన్‌ మస్‌్కను సైతం కోరాడు. తాను బాధపడుతున్న వీడియోను పంచుకున్నాడు. నెటిజన్లు చాలామంది ఇదంతా నిజమేనని నమ్మేశారు. కానీ, నిజం దాగదు కదా! వాస్తవం ఏమిటో తెలిసిపోయింది. పిచి్చవేషాలు మానుకోవాలంటూ విన్సెంట్‌పై నెటిజన్లు మండిపడుతున్నారు. విన్సెంట్‌ నార్డ్‌ప్రెస్‌ అనే బెల్జియన్‌ పేరడీ న్యూస్‌ సైట్‌కు వార్తలు రాస్తుంటాడు.

న్యూయార్క్‌: అమెరికా గగనతలంలో ప్రతి రోజు విమానాల ట్రాఫిక్‌ ఏ రేంజ్‌లో ఉంటుందో మనందరికీ తెలిసిందే. ఈ ట్రాఫిక్‌ ఒక్కసారిగా తగ్గిపోతే ఎలాఉంటుందో శుక్రవారం(జులై 19) అర్థమైంది. మైక్రోసాఫ్ట్‌ విండోస్‌లో బగ్‌ సమస్య తలెత్తి అమెరికాలోని ప్రముఖ ఎయిర్‌లైన్స్‌ కంపెనీలైన అమెరికన్‌ ఎయిర్‌లైన్స్‌,డెల్టా,యునైటెడ్‌ సంస్థల విమానాలు ఎక్కడికక్కడే ఎయిర్‌పోర్టుల్లో నిలిచిపోయాయి. దీంతో అగ్రదేశ గగనతలంలో విమానాల ట్రాఫిక్‌ పూర్తిగా తగ్గిపోయింది. అక్కడ సాధారణ సమయంలో విమానాల రద్దీ ఎలా ఉంటుంది.. శుక్రవారం విమానాల రద్దీ తగ్గిన తర్వాత ఎలా ఉందనే 12 గంటల ఆసక్తికర టైమ్‌లాప్స్‌ వీడియోను ఓ నెటిజన్‌ ఎక్స్‌లో పోస్ట్‌ చేశారు. విమానాల ట్రాఫిక్‌ టైమ్‌లాప్స్‌ వీడియోను నెటిజన్లు ఆసక్తిగా చూస్తున్నారు. 12-hour timelapse of American Airlines, Delta, and United plane traffic after what was likely the biggest IT outage in history forced a nationwide ground stop of the three airlines. pic.twitter.com/wwcQeiEtVe— Colin McCarthy (@US_Stormwatch) July 19, 2024

భారత సంతతికి చెందిన ఆస్ట్రోనాట్‌ సునీతా విలియమ్స్‌(59) మూడోసారి అంతరిక్షంలోకి వెళ్లారు. బోయింగ్ స్టార్‌లైన‌ర్‌ అంత‌రిక్ష నౌక ద్వారా మరో వ్యోమగామి బుచ్‌ విల్మోర్‌తో సురక్షింతగా అంతరిక్ష కేంద్రం (ఇంటర్నేషనల్‌ స్పేస్‌ స్టేషన్‌)కు చేరుకున్నారు. అంతరిక్ష కేంద్రంలో ఉన్న సునీతా విలియమ్స్‌తో సహా 8 మంది సిబ్బందికి ‘స్పేస్‌ బగ్‌’ రూపంలో ఇబ్బంది వచ్చిపడింది. అంతర్జాతీయ అంతరిక్ష కేంద్రంలో సూపర్ బగ్‌గా పిలిచే ‘ఎంటర్‌బాక్టర్ బుగాన్‌డెన్సిస్’ అనే బాక్టీరియా ఉన్నట్లు శాస్త్రవేత్తలు గుర్తించారు. అంతరిక్ష వాతావరణంలో ఈ బ్యాక్టీరియా మరింత బలం పెంచుకుంటోందని తెలిపారు. ఇది అనేక ఔషదాలను నిరోధించగలిగే శక్తివంతమైనదని వివరించారు. ఈ బ్యాక్టీరియా మల్టీ డ్రగ్ రెసిస్టెంట్ కావడం వల్ల దీన్ని ‘సూపర్ బగ్’గా పిలుస్తారని శాస్త్రవేత్తలు తెలిపారు. అయితే ఇది శ్వాసకోశ వ్యవస్థపై ప్రభావం చూపిస్తుందని తెలిపారు. ఈ స్పేస్‌ బగ్‌తో అంతర్జాతీయ అంతరిక్ష కేంద్రంలో ఉన్న సునితా విలియమ్స్ సహా మిగిలిన ఎనిమిది మంది సిబ్బంది ఇబ్బందుల్లో పడనున్నట్లు తెలుస్తోంది. సాధారణంగా అంతరిక్ష కేంద్రం.. కదిలే అంతరిక్ష శిధిలాల వల్ల ఆందోళన వ్యక్తం చేస్తుంది. అయితే ఒకరి నుంచి మరోకరి వ్యాపించే ‘స్పేస్‌ బగ్‌’ గత కొన్ని ఏళ్ల నుంచి అభివృద్ధి చెందటం మరింత ఆందోళన కలిగిస్తోందని శాస్త్రవేత్తలు పేర్కొటుంన్నారు. వ్యోమగాములు అంతరిక్ష యాత్రల సమయంలో ఆరోగ్యపరంగా సవాళ్లను ఎదుర్కొంటారని పరిశోధకులు అభిప్రాయపడుతున్నారు. ఆస్ట్రోనాట్స్‌ ఆరోగ్యం కోసం ‘స్పేస్‌ బగ్‌’ ప్రభావాన్ని, ప్రతికూలతలను అంతరిక్ష కేంద్రం త్వరగా అంచనా వేయటం కీలమని పేర్కొంటున్నారు.సునీతా విలియమ్స్‌తో పాటు మరో ఆస్ట్రోనాట్‌ బారీ యూజీన్ బుచ్‌ విల్మోర్‌ జూన్ 6, 2024 న అంతర్జాతీయ అంతరిక్ష కేంద్రానికి చేరుకున్న విషయం తెలిసిందే. ఈ సందర్భంగా సునిత డ్యాన్స్ చేసి తన ఆనందాన్ని కూడా వ్యక్తం చేశారు. అయితే వారు వారం రోజులు పాటు అంతరిక్ష కేంద్రంలో ఉండి.. అనంతరం భూమిపైకి తిరిగి వస్తారు.

విడుదలైన కేవలం రెండు నెలల్లోనే వంద కోట్లమంది యూజర్లతో ప్రపంచాన్ని చుట్టేసిన చాట్‌జీపీటీ గురించి దాదాపు అందరికి తెలుసు. ఆర్టిఫిషియల్ ఇంటెలిజెన్స్ బేస్డ్ టెక్నాలజీతో ఎన్నెన్నో అద్భుతాలు చేస్తున్న చాట్‌జీపీటీ యూజర్లకు 'ఓపెన్ఏఐ' (OpenAI) కంపెనీ ఒక బంపర్ ఆఫర్ ప్రకటించింది. కంపెనీ తెలిపిన సమాచారం ప్రకారం, చాట్‌జీపీటీలో ఎదురయ్యే సమస్యలను గుర్తించి చెప్పిన వారికి 20,000 డాలర్లు బహుమతిగా అందిస్తామని తెలుస్తోంది. అంటే ఇండియన్ కరెన్సీ ప్రకారం ఇది సుమారు రూ. 16 లక్షల కంటే ఎక్కువే. ఈ కొత్త ప్లాట్‌ఫామ్‌లో బగ్‌లను గుర్తించి పరిష్కరించే కార్యక్రమంలో భాగంగానే ప్రోగ్రామర్స్, ఎథికల్ హ్యాకర్స్‌ను ప్రోత్సహిస్తున్నట్లు కంపెనీ వెల్లడించింది. ప్రోగ్రామర్స్ లేదా ఎథికల్ హ్యాకర్స్‌ చాట్‌జీపీటీలో గుర్తించే బగ్ తీవ్రతను బట్టి బహుమతి ఉంటుంది. దీనికోసం ఓపెన్ ఏఐ బగ్ బౌంటీ ప్రోగ్రామ్ మంగళవారం నుంచి మొదలైంది. ఇందులో తక్కువ బహుమతి 200 డాలర్లు కాగా (రూ. 16,000 కంటే ఎక్కువ), గరిష్టంగా 20,000 డాలర్ల వరకు బహుమతి పొందవచ్చు. మీరు గుర్తించే బగ్ మీ ప్రైజ్ మనీని డిసైడ్ చేస్తుంది. టెక్నాలజీ ఇండస్ట్రీలో ఇలాంటి బగ్స్ గుర్తించడం సులభమే, కానీ సాఫ్ట్‌వేర్ సిస్టమ్స్‌లో బగ్‌ గుర్తించడం కష్టంతో కూడుకున్న పనే అనిచెబుతున్నారు. అయితే గతంలో సాఫ్ట్‌వేర్ సిస్టమ్స్‌లో కూడా బగ్స్ గుర్తించి బహుమతులు పొందిన సందర్భాలు చాలానే ఉన్నాయి.  (ఇదీ చదవండి: బీకామ్ డ్రాప్ అవుట్.. బిజినెస్‌ టేకప్: ప్రియాంక్ సుఖిజా సక్సెస్ స్టోరీ) చాట్‌జీపీటీ ఏ విధంగా పనిచేస్తోందని పరిశీలించి ఇందులో ఏదైనా సమస్య లోపాలను గుర్తించినప్పుడు కంపెనీ దానిని పరిష్కరిస్తుంది. అయితే ప్రస్తుతం చాట్‌జీపీటీ ఆదరణ ఎక్కువగా ఉన్నప్పటికీ యూజర్లు, వారి డేటాతో ఏ విధంగా డీల్స్ చేస్తుందనేదానిపై స్పష్టత లేదు. ప్రైవసీ రూల్స్‌ను అతిక్రమిస్తున్న కారణంగా ఇటలీలో దీనిని బ్యాన్ చేశారు. అంతే కాకుండా కొన్ని వ్యాపార కంపెనీలు, నిపుణులు దీనిని నిలిపివేయాలని ఇది రాబోయే రోజుల్లో ఎక్కువమంది మీద ప్రభావం చూపిస్తుందని చెబుతున్నారు.

ప్రముఖ ట్యాక్సీ సర్వీస్ 'ఉబర్' (Uber) గురించి దాదాపు అందరికి తెలుసు. ఈ రోజు మన ప్రయాణాలను మరింత సుగమనం చేయడానికి ఈ సర్వీస్ ఎంతగానో ఉపయోగపడుతోంది. అయితే ఈ యాప్‌లో కంపెనీ కూడా గుర్తించని ఒక బగ్ ఒక ఇండియన్ గుర్తించి సంస్థ నుంచి భారీ నజరానా పొందాడు. నివేదికల ప్రకారం.. ఉబర్ యాప్‌లో ఫ్రీ రైడింగ్‌కి సంబంధించిన ఒక బగ్ ఉన్నట్లు భారతీయ ఎథికల్ హ్యాకర్ 'ఆనంద్ ప్రకాశ్' కనిపెట్టాడు. ఈ విషయాన్నీ స్వయంగా కంపెనీ దృష్టికి తీసుకెళ్లాడు. దీనికి కంపెనీ అతనికి రూ. 4.5 లక్షలు బహుమతిగా అందించింది. ఈ విషయం ప్రస్తుతం సోషల్ మీడియాలో వైరల్ అవుతోంది. ఉబర్‌లో కనిపించిన ఈ కొత్త బగ్ ద్వారా ప్రపంచవ్యాప్తంగా ఉన్న వినియోగదారులు ఫ్రీ రైడింగ్ చేసుకోవడానికి అవకాశం ఉండేది, అప్పుడు కంపెనీ ఎక్కువ నష్టాలను భరించాల్సి వచ్చేది. కానీ ఎట్టకేలకు ఇది హ్యాకర్ కంటపడి కంపెనీ దృష్టికి చేరటం వల్ల ఆ ప్రమాదం తప్పింది. దీని గురించి ఒక వ్యక్తి చెప్పే వరకు కంపెనీ గుర్తించకపోవడం గమనార్హం. (ఇదీ చదవండి: ఒకే రోజు 400 కార్లు డెలివరీ చేసిన మహీంద్రా.. బుక్ చేసుకున్న వారికి పండగే!) ప్రకాష్ 2017లో ఈ కనుగొన్నట్లు, 2019లో దీని గురించి కంపెనీకి వివరించినట్లు సమాచారం. కంపెనీకే తెలియని విషయం చెప్పిన ఇతనికి సంస్థ జీవితాంతం ఫ్రీ రైడింగ్‌ అవకాశం కల్పించింది. అయితే ఇటీవల ఆనంద్ ప్రకాశ్ ఈ బగ్ గురించి వివరంగా తన లింక్డ్ఇన్ పోస్ట్ ద్వారా వివరించారు.

సోషల్‌ మీడియా ప్లాట్‌ఫామ్‌ ఇన్‌​స్టాగ్రామ్‌ని వాడే వారి సంఖ్య రోజు రోజుకీ పెరుగుతూ కోట్లలో ఉన్న సంగతి తెలిసిందే. ముఖ్యంగా ఇన్‌స్టా యూత్‌లో విపరీతమైన క్రేజ్‌ సంపాదించుకుంది. ఈ క్రమంలో చాలామంది ఇందులో సమయ గడిపే వారు కూడా ఉన్నారు. అయితే ఓ విద్యార్థి మాత్రం ఇన్‌స్టాని వాడడంతో అందులో బగ్‌ ఉన్నట్లు గుర్తించాడు. ఇదే విషయాన్ని కంపెనీకి తెలియజేసి లక్షల రివార్డ్‌ గెలుచుకున్నాడు. వివరాల్లోకి వెళితే.. జైపూర్‌కు చెందిన విద్యార్థి నీరజ్‌ శర్మ.. తన ఫోన్‌లో ఇన్‌స్టా వాడుతుండగా అందులో ఓ బగ్‌ ఉన్నట్లు గుర్తించాడు. అదేంటంటే.. అవతలి యూజర్‌ లాగిన్, పాస్‌వర్డ్‌ లేకుండా అతని ఖాతాలోని ఇన్‌స్టాగ్రామ్‌ రీల్స్ థంబ్‌నైల్స్‌ మార్చేందుకు ఈ బగ్‌ అనుమతిస్తోంది. దీంతో శర్మ ఈ విషయాన్ని జనవరిలో కంపెనీకి తెలియజేశాడు. ఇందుకు స్పందనగా.. ఈ బగ్‌కు సంబంధించిన డెమో వీడియోను పంపాలని కంపెనీ శర్మను కోరింది. బగ్‌ ఎలా పనిచేస్తుందనే తెలిపే 5 నిమిషాల డెమో వీడియోని చిత్రీకరించి అతను కంపెనీకి పంపాడు. దీనిపై క్షుణ్ణంగా విచారణ జరిపిన తర్వాత, ఫేస్‌బుక్ శర్మకి $45,000 రివార్డ్‌ను ప్రకటించింది (అంటే భారత కరెన్సీ ప్రకారం రూ. 38 లక్షలు). అంతేకాకుండా రివార్డ్‌ని నాలుగు నెలలు ఆలస్యం చేసినందుకు కూడా $4500 అంటే రూ.3.6 లక్షలు ఆఫర్ చేసింది. చదవండి: క్రెడిట్‌,డెబిట్‌ కార్డులపై కీలక నిర్ణయం.. ఆర్బీఐ కొత్త రూల్‌!

ఆండ్రాయిడ్‌ యూజర్లకు అలర్ట్‌..! తాజాగా వెలుగులోకి వచ్చిన బగ్‌తో పలు ఆండ్రాయిడ్‌ స్మార్ట్‌ఫోన్స్‌ పెను ప్రమాదంలో పడే అవకాశం ఉన్నట్లు నివేదికలు తెలియజేస్తున్నాయి.  ఈ ప్రమాదం ఎక్కువగా ఆండ్రాయిడ్‌ 12తో నడుస్తోన్న స్మార్ట్‌ఫోన్స్‌లో ఉండనుంది.   డర్టీ పైప్‌ డర్టీ పైప్ అనే బగ్‌ ఆండ్రాయిడ్ 12తో నడుస్తున్న పలు స్మార్ట్‌ఫోన్స్‌ను అత్యంత తీవ్రంగా ప్రభావితం చేయనున్నట్లు తెలుస్తోంది.  ఈ బగ్‌తో హ్యాకర్లు స్మార్ట్‌ఫోన్స్‌పై యాక్సెస్‌ను  సులువుగా పొందుతారు. అంతేకాకుండా రీడ్-ఓన్లీ ఫైల్స్‌లో డేటాను ఓవర్‌రైట్ చేసే అవకాశం ఉంది. జర్మన్ వెబ్ డెవలప్‌మెంట్ కంపెనీ CM4కి చెందిన భద్రతా పరిశోధకుడు మాక్స్ కెల్లర్‌మాన్ 'డర్టీ పైప్' దుర్బలత్వాన్ని గుర్తించారు.  దీనిని మొదటగా లైనక్స్‌ (Linux) కెర్నల్‌లో గుర్తించారు. ఈ వారం ప్రారంభంలో CVE-2022-0847గా నమోదు చేయబడిన సెక్యూరిటీ బ్రీచ్‌ను కెల్లర్‌మాన్ బహిరంగంగా వెల్లడించారు. చదవండి: శాంసంగ్‌కు గట్టిషాకిచ్చిన హ్యాకర్లు..! ప్రమాదంలో గెలాక్సీ స్మార్ట్‌ఫోన్‌ యూజర్లు.! కెల్లర్‌మాన్ ప్రకారం...ఈ సమస్య Linux 5.16.11, 5.15.25 , 5.10.102లో పరిష్కరించనప్పటికీ, వెర్షన్ 5.8 లైనక్స్‌ కెర్నల్‌లో ఉన్నట్లు తెలుస్తోంది. ఇది 2018లో వచ్చిన డర్టీ కౌ(Dirty CoW)ను పోలీ ఉందని పరిశోధకులు తెలిపారు. అప్పట్లో పలు ఆండ్రాయిడ్‌ యూజర్లను ఎంతగానో ప్రభావితం చేసింది. ఆ సమయంలో గూగుల్‌ సెక్యూరిటీ ప్యాచ్‌ను విడుదల చేయడంతో ఈ లోపాన్ని వెంటనే పరిష్కరించగల్గింది.  ఎన్‌క్రిప్డెడ్‌ సందేశాలను సులువుగా..! డర్టీ పైప్ బగ్‌ సహయంతో హ్యాకర్లు సులువుగా ఆయా ఆండ్రాయిడ్‌ స్మార్ట్‌ఫోన్‌ యూజర్లపై విరుచుకుపడే అవకాశం ఉన్నట్లు తెలుస్తోంది. ఆయా స్మార్ట్‌ఫోన్‌ సిస్టంలోని రీడ్-ఓన్లీ ఫైల్‌లలో డేటాను ఓవర్‌రైట్ చేయడానికి యాక్సెస్‌ను హ్యాకర్లు పొందుతారు. ఆండ్రాయిడ్‌ సిస్టంకు లైనక్స్ కెర్నల్‌ను కోర్‌గా ఉపయోగిస్తుంది దీంతో ఆయా స్మార్ట్‌ఫోన్ యూజర్లపై తీవ్రమైన ప్రభావం చూపే అవకాశం ఉంది. ఎన్‌క్రిప్టెడ్‌ వాట్సాప్‌  సందేశాలను చదవడానికి,  మార్చడానికి, ఓటీపీ సందేశాలను క్యాప్చర్ చేయడానికి ఈ బగ్‌ హ్యకర్లకు ఉపయోగపడనుంది. అంతేకాకుండా స్మార్ట్‌ఫోన్‌లో ఇన్‌స్టాల్ చేసిన బ్యాంకింగ్ యాప్స్‌ను రిమోట్‌గా నియంత్రించేందుకు వారికి అనుమతి లభిస్తోంది.  వీటిపై ప్రభావం ఎక్కువగా..! ఆండ్రాయిడ్‌ స్మార్ట్‌ఫోన్స్‌లో ఆండ్రాయిడ్ వెర్షన్ 12 కి ముందు వెర్షన్స్‌ అస్సలు ప్రభావితం కావు. అయితే ఆండ్రాయిడ్‌ 12 ఓఎస్‌ ఉన్న పలు స్మార్ట్‌ఫోన్స్‌ ప్రభావితమవుతాయని కెల్లర్‌మాన్ అభిప్రాయపడ్డారు. ప్రస్తుతం గూగుల్‌ పిక్సెల్ 6, శామ్‌సంగ్ గెలాక్సీ ఎస్ 22  స్మార్ట్‌ఫోన్స్‌ బగ్‌తో ప్రభావితమైనట్లు తెలుస్తోంది. ఈ బగ్‌ గురించి గూగుల్‌ ఇప్పటికే తెలుసు కానీ దాని పరిష్కారాన్ని ఇంకా చూపలేదు. కాగా ఈ బగ్‌ నుంచి తప్పించుకోవడం కోసం ఆండ్రాయిడ్‌ యూజర్లు ఎలాంటి థర్డ్-పార్టీ సోర్స్‌ నుంచి యాప్స్‌ను  ఇన్‌స్టాల్ చేయకూడదని నిపుణులు సిఫార్సు చేస్తున్నారు. చదవండి: నోకియా సంచలన నిర్ణయం..!

సోషల్​ మీడియా ప్లాట్​ఫామ్​ల సేవల్లో అంతరాయం ఈరోజుల్లో సాధారణమైపోయింది. అయితే ఈ విషయంలో మిగతా వాటితో పోలిస్తే ట్విటర్​ కొంచెం మెరుగు అనే అభిప్రాయం ఉంది యూజర్లలో. అందుకే వేరే ఏదైనా ప్లాట్​ఫామ్​ సేవలకు ఇబ్బంది అయినప్పుడు.. ట్విటర్​లో చెడుగుడు ఆడేసుకుంటారు. కానీ, ఇప్పుడు సీన్​ రివర్స్​ అయ్యింది.   చాలా కాలం తర్వాత ట్విట్టర్ పిట్ట కూత ఆగిపోయింది. గంటల వ్యవధిపాటు సేవలు నిలిచిపోయాయి. దీంతో యూజర్లు నానా అవస్థలు పడ్డారు. గత రాత్రి(శుక్రవారం) 11 గంటల నుంచి గంటపాటు ట్వీట్ చేయడంలో యూజర్లు ఇబ్బంది పడ్డారు. భారత్‌లోనూ ట్విట్టర్ సేవలు నిలిచిపోయాయి.    సమస్య ఏంటంటే.. ఈ అంతరాయంపై స్పందించిన ట్విట్టర్ వెంటనే సేవలను పునరుద్ధరించింది. సాంకేతిక సమస్యల(టెక్నికల్​ బగ్​) కారణంగానే సేవలకు అంతరాయం కలిగినట్టు తెలిపింది. యూజర్లకు కలిగిన అసౌకర్యానికి క్షమించాలని వేడుకుంది. ట్విటర్​ తిరిగి సేవలు ప్రారంభించగానే.. ట్విటర్​నే ట్రోల్​ చేస్తూ పలువురు ట్వీట్లు చేయడం కొసమెరుపు. We’ve fixed a technical bug that was preventing timelines from loading and Tweets from posting. Things should be back to normal now. Sorry for the interruption! — Twitter Support (@TwitterSupport) February 11, 2022 మొబైల్ మాత్రమే కాదు వెబ్‌సైట్‌లోనూ ఈ మైక్రోబ్లాగింగ్ సైట్ మొరాయించింది. లోడింగ్ సమస్యతోపాటు పోస్టింగ్‌లు చేయలేకపోయామని, లాగిన్ కూడా కాలేకపోయామని పలువురు ఫిర్యాదులు చేశారు. ట్విట్టర్‌ను ఉపయోగిస్తుండగానే మధ్యలోనే అది లాగౌట్ అయిందని మరికొందరు తెలిపారు. డౌన్​డిటెక్టర్​ అనే ట్రాక్​ ప్రకారం.. సుమారు 48 వేలకు పైనే ఫిర్యాదులు అందాయి.

మెటాకు చెందిన ప్రముఖ ఇన్‌స్టెంట్‌ మెసేజింగ్‌ యాప్‌ వాట్సాప్‌లో కొత్త సమస్య నెలకొన్నట్లు తెలుస్తోంది. ఈ సమస్యతో తరుచూ వాట్సాప్‌ యాప్‌ క్రాష్‌ అవుతున్నట్లు సమాచారం. అయితే ఈ సమస్య కేవలం వాట్సాప్‌ బీటా వెర్షన్‌ ఆండ్రాయిడ్‌ యూజర్లకు మాత్రమే పరిమితమైనట్లు తెలుస్తోంది.  ఒపెన్‌ చేస్తే ఎర్రర్‌..! వాట్సాప్‌ బీటా యూజర్లు యాప్‌ను ఓపెన్‌ చేసినప్పుడు లేదా మీడియాను షేర్‌ చేసినప్పుడు ఎర్రర్‌ వచ్చినట్లు పలువురు యూజర్లు నివేదించారు. ఈ సమస్యకు గల కారణాలు ఇప్పటివరకు తెలియరాలేదు. అయితే వాట్సాప్‌ బీటా ఫర్‌ ఆండ్రాయిడ్‌ యాప్‌ క్రాష్‌ అవుతున్నట్లు మెటా కూడా నిర్థారించింది. యాప్‌ క్రాష్‌కు కారణమైన బగ్‌కు మెటా పరిష్కారాన్ని కూడా చూపింది.    ఇలా చేస్తే సెట్‌..! వాట్సాప్‌ ట్రాకర్‌ WABetaInfo ప్రకారం..కొత్త మంది బీటా యూజర్లకు యాప్‌ క్రాష్‌ సమస్య వస్తోన్నట్లు నివేదించింది. వాట్సాప్‌ బీటా ఫర్‌ ఆండ్రాయిడ్‌  2.22.4.6, 2.22.4.7 వెర్షన్ల యూజర్లు మీడియాను ఇతర యూజర్లతో షేర్‌ చేస్తున్నప్పుడు క్రాష్‌ అవుతున్నట్లు సమాచారం. ఈ సమస్యకు మెటా పరిష్కారాన్ని చూపింది. వాట్సాప్‌ బీటా  2.22.4.6, 2.22.4.7 వెర్షన్లను వాడే యూజర్లను వెంటనే 2.22.4.8 వెర్షన్‌కు అప్‌డేట్‌ చేయాలని మెటా సూచించింది. వాట్సాప్‌ యూజర్ల డేటాను భద్రంగా ఉంచేందుకుగాను ఆయా యూజర్లు తమ గూగుల్‌ డ్రైవ్‌తో బ్యాకప్‌ చేసుకోవాలని వాట్సాప్‌ ట్రాకర్‌ WABetaInfo తెలిపింది.  చదవండి: మీరు వాట్సాప్‌ గ్రూప్‌ అడ్మినా..! అయితే మీకో గుడ్‌న్యూస్‌..!

కొన్ని కొన్ని సార్లు మనం చేసే చిన్న, చిన్న తప్పుల వల్ల భారీ మూల్యం చెల్లించుకోవాల్సి వస్తుంది. అయితే, ఈ సూత్రం మనకే కాదు దిగ్గజ కంపెనీలకు కూడా వర్తిస్తుంది. దిగ్గజ కంపెనీలకు చెందిన సాంకేతికతలో ఉన్న చిన్న లోపం వల్ల కూడా కొన్నిసార్లు వేల కోట్లు నష్టపోవాల్సి వస్తుంది. అయితే, ఇలాంటి చిన్న తప్పులను గుర్తించి సరిదిద్దుకుంటే ఏమి పర్వాలేదు. టెక్ దిగ్గజ యాపిల్ కంపెనీ ఇప్పుడు అదే పని చేసింది. ర్యాన్ పిక్రెన్ అనే సైబర్ సెక్యూరిటీ విద్యార్థికి బిగ్ బౌంటీ కింద 100,500 డాలర్లు(సుమారు రూ.75 లక్షలు) ఇచ్చింది.  మ్యాక్‌ వెబ్‌క్యామ్‌లను హ్యాకర్లు హ్యాక్ చేసే విధంగా ఉన్న ఒక లోపాన్ని గుర్తించినందుకు యాపిల్ ఆ డబ్బులను ఇచ్చింది. ఐక్లౌడ్ షేరింగ్, సఫారీ 15తో సహ ఇతర బ్రౌజర్‌లలో వరుసగా బయటపడుతున్న లోపాల వల్ల హ్యాకర్లు వెబ్‌క్యామ్‌లను హ్యాక్ చేయవచ్చు అని ర్యాన్ పిక్రెన్ ఒక బ్లాగ్ పోస్టులో తెలిపారు. గత ఏడాది యాపిల్ ఈ లోపాలను పరిష్కరించినట్లు వైర్డ్ మీడియా తెలిపింది. "ఈ లోపం వల్ల భాదితులు ఓపెన్ చేసిన పోర్టల్ వివరాలు అన్నీ హ్యాకర్ చేతికి వెళ్తాయి. కొన్నిసార్లు, మన వెబ్‌క్యామ్‌ కూడా రికార్డు చేయడం ప్రారంభిస్తుంది. నేను కనిపెట్టిన బగ్ మీ ఐక్లౌడ్, పే పాల్, ఫేస్ బుక్, జీమెయిల్ మొదలైన ఖాతాలను కూడా హ్యాక్ చేయగలదు" అని ఆయన ఆ పోస్టులో రాశారు. సాధారణంగా కొన్నిసార్లు మనం డజన్ల కొద్దీ బ్రౌజర్ ట్యాబ్ ఓపెన్ చేసినప్పుడు అకస్మాత్తుగా అనేక యాదృచ్ఛిక ప్రకటనల రావడం మనం గమనిస్తుంటాం. అయితే, ఇది కూడా హ్యాకింగ్లో ఒక టెక్నిక్. గత సంవత్సరం చివరలో బయటపడిన మాక్ ఓఎస్ లోపం మీ సఫారీ ట్యాబ్, ఇతర బ్రౌజర్ సెట్టింగ్ వివరాలను దోపిడి చేసి ఉండవచ్చు అని పిక్రెన్ పేర్కొన్నారు. ఈ లోపం వల్ల హ్యాకర్లు మీ ఆన్లైన్ ఖాతాలపై నియంత్రణ పొందడమే కాకుండా, మీ మైక్రోఫోన్ ఆన్ చేయడం లేదా మీ వెబ్‌క్యామ్‌ హ్యాక్ చేసి ఉండవచ్చు అని అన్నారు. అందుకే, ముఖ్యమైన వివరాలను,పాస్‌వర్డ్‌లను ఎన్నడూ కూడా బ్రౌజర్‌లలో సేవ్ చేయకూడదు అని నిపుణులు సూచిస్తున్నారు. ఎప్పుడైన నగదు లావాదేవీలు చేసేటప్పుడు వర్చువల్ కీ బోర్డ్స్ ఉపయోగించాలని సూచిస్తున్నారు. (చదవండి: తిక్క కుదిరిందా ఎలన్‌ మస్క్‌? అదిరిపోయే పంచ్‌!)

1999 చివరలో ఒక్కసారిగా టెక్‌ ప్రపంచాన్ని మూగబోయేలా చేసింది Y2K సమస్య. దీని కారణంగా ఎన్నో కంప్యూటర్స్‌, ఇతర ఎలక్ట్రానిక్స్‌ వస్తువులు మూలన పడిపోయాయి. అంతేకాకుండా ప్రపంచవ్యాప్తంగా 1.5 మిలియన్ల ఉద్యోగాలకు ఎసరు పెట్టింది Y2K. తాజాగా ఇలాంటి టెక్ బగ్ ఒకటి మరోకటి వెలుగులోకి వచ్చింది. అప్‌డేట్‌ వెర్షన్‌తో...! Y2K కొత్త ఏడాదితో సరికొత్తగా అప్‌డేట్‌ వెర్షన్‌తో Y2K22 అనే కొత్త బగ్ వచ్చింది. విచిత్రంగా ఈ సమస్య కొన్ని ప్రాంతాలకు మాత్రమే పరిమితమైంది. Y2K22 సమస్య యూకే, యూఎస్‌, కెనడాలో వెలుగు చూసినట్లు వార్తలు వస్తున్నాయి.  హోండా, అకురా పాత కార్లలో..! హోండా, అకురా బ్రాండ్స్‌కు చెందిన ఆయా కారు మోడల్స్‌లో Y2K22 బగ్‌ కన్పించినట్లు తెలుస్తోంది. కొత్త ఏడాది 2022 లోకి ప్రవేశించినప్పుడు ఆయా హోండా పాత కార్లలో జనవరి 1,  2022 బదులుగా  20 సంవత్సరాలు వెనక్కి వెళ్లి జనవరి 1, 2002 తేదీని చూపించినట్లు యూకేకు చెందిన ఓ నెటిజన్‌ ట్విటర్‌లో తెలిపారు. ఈ సమస్య గురించి ఆయా వాహనదారుడు హోండా సంస్థకు నివేదించాడు. ఆయా హోండా, అకురా కార్‌ మోడల్స్‌లో సమస్యను వెలుగుచూసిన యాజమానుల ప్రకారం... సమయం, తేదీని సర్దుబాటు చేయడానికి మాన్యువల్ ఓవర్‌రైడ్ పని చేయడం లేదని నివేదించారు. స్పందించిన కంపెనీ..! నయా Y2K22 సమస్యపై కంపెనీ స్పందిస్తూ త్వరలోనే పరిష్కారం చూపుతామని హోండా వెల్లడించింది. కార్లలోని నావీ క్లాక్‌ సమస్య గురించి కంపెనీ ఇంజనీర్‌ బృందాలకు తెలియజేసినట్లు హోండా తెలిపింది. ఈ సమస్య జనవరి 2022 నుంచి ఆగస్టు 2022 వరకు ఉండే అవకాశం ఉందని అభిప్రాయపడింది. అది స్వయంచాలకంగా సరిదిద్దబడుతుందని వెల్లడించింది.  కాగా ఈ సమస్య గురించి కంపెనీకి ముందుగానే తెలిసి ఉంటుందని సమాచారం.  ప్రభావమెంత..! 2000 సంవత్సరంలో Y2K బగ్‌ టెక్‌ ప్రపంచాన్ని పూర్తిగా అంధకారంలోకి నెట్టి వేసింది. ఎంతో మంది Y2K సమస్యతో తమ ఉద్యోగులను కూడా పొగోట్టుకున్నారు. ఈ సమస్యను త్వరగా పరిష్కరించేందుకు అమెరికా ఏకంగా 100 బిలియన్‌ డాలర్లను ఖర్చు పెట్టింది. ఈ చిన్న బగ్‌ అప్పట్లో పీడకల లాగే మిగిలిపోయింది. కాగా ప్రస్తుతం వెలుగులోకి వచ్చిన Y2K22 సమస్య ప్రభావం తక్కువేనని నిపుణులు అంచనా వేస్తున్నారు. అదృష్టవశాత్తూ Y2K22 సమస్య కేవలం తప్పుడు సమయం, తేదీల్లో  మాత్రమే సమస్యగా కనిపిస్తోందని తెలుస్తోంది. ఆయా కార్లలో ఇతర ఫంక్షన్లతో పాటుగా, నావిగేషనల్ సిస్టమ్స్‌ బాగా పనిచేస్తున్నాయని ఆయా వాహనదారులు తెలిపారు. దీంతో Y2K22 ప్రభావం చాలా తక్కువని నిపుణులు అభిప్రాయపడుతున్నారు. ఈ కొత్త ఏడాది ముందే Y2K22 సమస్యను టెక్‌ దిగ్గజం మైక్రోసాఫ్ట్‌ కూడా గుర్తించినట్లు తెలుస్తోంది. ఈ మెయిల్‌ సేవలకు అంతరాయం కల్గించిన Y2K22 బగ్‌ను మైక్రోసాఫ్ట్‌ వెంటనే పరిష్కరించింది.   My @Honda 2007 CR-V clock now useless in 2022; resets to 2:00 MST on 1/1/2002 after every startup. 32-bit signed integer overflow of yymmddHHMM? Would unsigned int fix it? This is time-critical. ;-) Thousands of us need a software update! pic.twitter.com/BSGCaxnMmx — Sumner Hushing (@_______shushing) January 4, 2022 చదవండి: కంపెనీలో ఫుడ్‌ సర్వ్‌ చేసేవాడు..! ఇప్పుడు ఆ ఒక్కటే అంబానీనే దాటేలా చేసింది...!

టెక్‌ దిగ్గజం గూగుల్‌ భారతీయ యువకుడికి నజరానా ప్రకటించింది. హ్యాకర్ల పాలిట కల్పతరువుగా మారిన ఓ బగ్‌ను కనిపెట్టిన కృషికి ఫలితంగా ఆ యువకుడికి క్యాష్‌ ప్రైజ్‌ను అందించింది.  అస్సాంకు చెందిన రోనీ దాస్‌ అనే యువకుడు.. గూగుల్‌ ఆండ్రాయిడ్‌ ఫోర్‌గ్రౌండ్‌ సర్వీసులో ఒక బగ్‌ను గుర్తించాడు. ఈ బగ్‌ సాయంతోనే హ్యాకర్లు యూజర్ల ఫోన్‌ను హ్యాక్‌ చేయడంతో పాటు వ్యక్తిగత డాటాను తస్కరించే అవకాశం ఉంది. ఈ బగ్‌ను రిపోర్టింగ్‌ చేసినందుకు గానూ 5 వేల డాలర్లను(మన కరెన్సీలో మూడున్నర లక్షల రూపాయలు) ప్రకటించింది గూగుల్‌.  దాస్‌ ఈ బగ్‌ను ఈ ఏడాది మే నెలలోనే గుర్తించాడు. ఈ కష్టానికి గుర్తింపుగా 5వేల డాలర్లు అందిస్తున్నాం అని గూగుల్‌ ఆండ్రాయిడ్‌ సెక్యూరిటీ టీం ఒక మెయిల్‌ ద్వారా దాస్‌కు తెలియజేసింది. దాస్‌ చెప్తున్న వివరాల ప్రకారం.. ఈ బగ్‌ ద్వారా ఫోన్‌ కెమెరా, మైక్రోఫోన్‌, లొకేషన్‌..ఇలాంటి వివరాలు కూడా హ్యాకర్ల చేతికి వెళ్తాయట. అయితే గోప్యత కారణంగా బగ్‌కి సంబంధించిన కీలక విషయాలు వెల్లడించేందుకు దాస్‌ ఇష్టపడలేదు.  సైబర్‌ అన్వేషణలో ఆసక్తి ఉన్న దాస్‌.. గతంలో గువాహటి యూనివర్సిటీ అఫీషియల్‌ వెబ్‌సైట్‌లోనూ బగ్‌ను గుర్తించాడు. ఇక రోనీ దాస్‌ గుర్తించిన బగ్‌ను ఫిక్స్‌ చేసిందా? లేదా? అనే విషయంపై గూగుల్‌ స్పష్టత ఇవ్వలేదు. బగ్‌లను గుర్తించిన రీసెర్చర్లు, ఇంజినీర్లు, సైబర్‌ ఎక్స్‌పర్ట్స్‌లకు టెక్‌ దిగ్గజాలు నజరానా ప్రకటిస్తున్న విషయం తెలిసిందే. ఆసక్తి ఉంటే మీరూ ఆ దిశగా ప్రయత్నం చేసి అదృష్టం పరీక్షించుకోండి.  చదవండి: భారత్‌లో గూగుల్‌, ఫేస్‌బుక్‌ ఆదాయం.. వామ్మో!

గత వారం ఐఫోన్లకు ఐవోఏస్‌ 15ను ఆపిల్‌ తీసుకువచ్చిన విషయం తెలిసిందే. ఐవోఎస్‌15 సాఫ్ట్‌వేర్‌లో బగ్‌లు ఉన్నట్లు తెలుస్తోంది. కొత్తగా ఐఫోన్లను అప్‌డేట్‌ చేసిన వారికి  ఈ సమస్య  తలెత్తుంది. యూజర్లు కొత్త ఐవోఎస్‌ వెర్షన్‌కి అప్‌డేట్ చేసిన తర్వాత, మెసేజెస్ యాప్‌లో ఫోటోస్‌ థ్రెడ్‌ని  డౌన్‌లోడ్‌ చేశాక థ్రెడ్‌ను డిలీట్‌ చేయగానే ఫోన్‌ మెమరీలో కన్పించడం లేదంటూ తెలుస్తోంది. మరికొంత మంది యూజర్లకు  డిఫాల్ట్ కెమెరా యాప్ కొన్నిసార్లు నాన్-ఫంక్షనల్ వ్యూఫైండర్‌ను ఆటోమేటిక్‌గా ఆన్‌ అవుతున్నట్లు  ఫిర్యాదు చేశారు. ఐఫోన్ వేకప్‌లో కూడా సమస్యలు ఉ‍న్నట్లు  యూజర్లు గుర్తించారు. అంతేకాకుండా డిఫాల్ట్ మెయిల్ యాప్‌ కూడా నిలిచిపోతున్నట్లు తెలుస్తోంది.  చదవండి: Rolls-Royce: రోల్స్‌రాయిస్‌ నుంచి తొలి ఎలక్ట్రిక్‌ కార్‌పై ఓ లుక్కేయండి..! దృష్టిలోపం ఉన్నవారికి ఐఫోన్లలోని సిరి అందించే కామండ్స్‌ను కూడా ఈ బగ్‌ తొలగిస్తున్నట్లు తెలుపోతుంది. అంతేకాకుండా మునపటి వెర్షన్లలో కూడా కామండ్స్‌ పనిచేయడం లేదు. దీంతో  యూజర్లు  ఆపిల్‌ సపోర్ట్‌ కమ్యూనిటీ ఫోరమ్స్‌కు రిపోర్ట్‌ చేస్తున్నారు. కాగా ఆపిల్‌ ఈ సమస్య స్పందించలేదు. మెసేజ్‌ యాప్‌ థ్రెడ్‌ నుంచి ఫోటోస్‌ థ్రెడ్‌ను డిలీట్‌ చేయకుండా ఉంటే ఫోన్‌ మేమోరీలోను ఉంటాయి. ఆపిల్‌ ఈ బగ్‌ సమస్యను పరిష్కరించే వరకు ఈ పద్దతినే ఫాలో అవ్వడం ఉత్తమమని టెక్నికల్‌ నిపుణులు అభిప్రాయపడ్డారు.  చదవండి: భారత్‌లో ఊపందుకొనున్న స్టార్‌లింక్‌ శాటిలైట్‌ సేవలు

iphone iOS 15 Update Bugs: ఐఫోన్‌ యూజర్లకు కొత్త సమస్య వచ్చిపడింది.  ఐవోఎస్‌ 15 అప్‌డేట్‌తో గుడ్‌న్యూస్‌ అందించిన యాపిల్‌.. ఆ తర్వాత ఎదురవుతున్న ‘స్టోరేజ్‌ ఫుల్‌’  బగ్‌ విషయంలో మాత్రం త్వరగతిన పరిష్కారం చూపించడం లేదు.  యాపిల్‌ తన ఐఫోన్‌ యాజర్ల (ఐఫోన్‌ 6ఎస్‌ మోడల్‌ మొదలు తర్వాతి వెర్షన్‌లు) కోసం ఈ మధ్యే ఐవోఎస్‌ 15 అప్‌డేట్‌ తీసుకొచ్చింది. 2021 సెప్టెంబరు 20 నుంచి ఈ అప్‌డేట్‌ని యూజర్లకు అందిస్తోంది. అయితే ఈ అప్‌డేట్‌ చేసుకున్న వెంటనే యూజర్లకు  ‘ఫోన్‌ మొమరీ ఫుల్‌’ అనే పాప్‌-అప్‌ చూపిస్తోందట. దీంతో వేల మంది ఫిర్యాదులు చేస్తున్నారు. ఇక ఈ సమస్యపై కంగారుపడాల్సిన అవసరం లేదని  యాపిల్‌ చెబుతోంది. iPhone storage almost full బగ్‌ పరిష్కారం కోసం సింపుల్‌గా ఫోన్‌ను రీస్టార్ట్‌ చేయమని సూచిస్తోంది. కానీ, అలా చేసినా కూడా చాలామందికి  సమస్య తీరడం లేదంట. పైగా కొందరికి ఫోన్‌లో ఉన్న స్పేస్‌ కంటే.. ఎక్కువ స్టోరేజ్‌ చూపిస్తోందని చెప్తున్నారు. ఇక ఐఫోన్లతో పాటు ఐప్యాడ్‌లలోనూ ఇదే తరహా సమస్య ఎదురవుతోందట. సమస్య గురించి ప్రస్తావిస్తున్న వాళ్లందరికీ  ఓపికగా రిప్లైలు ఇస్తున్న యాపిల్‌.. సమస్య ఏంటన్నది మాత్రం చెప్పడం లేదు. ఇన్‌స్టాగ్రామ్‌లోనూ..  ఐవోఎస్‌ 15 వెర్షన్‌ అప్‌డేట్‌ చేసుకున్న ఐఫోన్లలో ఇన్‌స్టాగ్రామ్‌ యాప్‌ సరిగా పని చేయడం లేదని తెలుస్తోంది. వీడియోలు, స్టోరీల విషయంలో సౌండ్‌ పని చేయడం లేదని ఫిర్యాదులు చేస్తున్నారు కొందరు. అయితే ఇన్‌స్టాగ్రామ్‌ 206.1 వెర్షన్‌ మాత్రం ఈ బగ్‌ను ఆటోమేటిక్‌గా ఫిక్స్‌ చేసుకోవడం విశేషం.  యాపిల్‌ సపోర్ట్‌ కమ్యూనిటీ ఫోరమ్‌లోనూ స్టోరేజ్‌ బగ్‌ ఇష్యూ తలెత్తడం కొసమెరుపు. ఇక యాపిల్‌ యూజర్ల కోసం 14.8 నుంచి ఐవోఎస్‌ 15 అప్‌డేట్‌కి చేరింది. తద్వారా ఫోన్‌ పనితీరులో మరింత మెరుగు అవుతుందని యాపిల్‌ పేర్కొంది. ముఖ్యంగా కనెక్టివిటీ, ఫోకస్‌, ఎక్స్‌ప్లోర్‌ విభాగంలో అప్‌డేట్‌ బాగా పని చేస్తుందని చెబుతోంది. ప్రస్తుతం బగ్‌ ఫిక్స్‌ చేయడానికి ప్రయత్నాలు చేస్తున్నట్లు యాపిల్‌ ప్రతినిధి ఒకరు తెలిపారు. కానీ, ఎంత టైం పడుతుందనేది చెప్పలేదు. చదవండి:  యాపిల్‌ అదిరిపోయే ఆఫర్‌, ఐఫోన్‌ 13పై రూ.46వేల వరకు..

చెన్నై:  రైల్వే ఈ-టికెటింగ్‌ ప్లాట్‌ఫాం ఐఆర్‌సీటీసీలో పన్నెండో తరగతి విద్యార్థి గుర్తించిన బగ్‌ను సరిచేసినట్లు సెప్టెంబర్‌ 21న సీనియర్‌ అధికారి ప్రకటించారు. వివరాలోకి వెళ్తే.. చెన్నైలోని తాంబరం ప్రాంతానికి చెందిన 17 ఏళ్ల రంగనాథ్‌ రైల్వే టికెట్‌ బుక్‌ చేద్ధామని భారత రైల్వే ఈ-టికెటింగ్‌ ప్లాట్‌ఫాం ఐఆర్‌సీటీసీకి వెళ్లాడు. గత నెలలో ఆగస్టు 30న టికెట్టు బుక్‌ చేసే సందర్భంలో వెబ్‌సైట్‌లో నెలకొన్న బగ్‌ను  గుర్తించాడు రంగనాథ్‌. వెంటనే  ఇండియన్ కంప్యూటర్ ఎమర్జెన్సీ రెస్పాన్స్ టీమ్‌కు, ఐఆర్‌సీటీసీ వెబ్‌సైట్‌కు తెలియజేశాడు. చదవండి: గౌనులో పేలిన స్మార్ట్‌ఫోన్‌..! చర్యలకు సిద్దమైన కంపెనీ..! బగ్‌ సహయంతో ప్రయాణికుల డేటా హ్యకర్ల చేతిలోకి వెళ్తే ప్రమాదం ఉండటంతో ఐఆర్‌సీటీసీను రంగనాథ్‌ అప్రమత్తం చేశాడు. ఈ బగ్‌తో హ్యాకర్లు  ప్రయాణికులకు సంబంధించిన పేరు, వయసు, ప్రయాణ వివరాలు, పీఏన్‌ఆర్ నంబర్, గమ్యస్థానం మొదలైనవి తెలుసుకునే అవకాశం ఉందని  రంగనాథన్ ఐఆర్‌సీటీసీకి నివేదించాడు. అంతేకాకుండా హ్యకర్లు ప్రయాణికులకు తెలియకుండానే వారి టిక్కెట్టును కూడా రద్దు చేయవచ్చునని  గుర్తించాడు.  ఐఆర్‌సీటీసీ వెబ్‌సైట్‌లో బగ్‌ ఉందని ఐటీ వింగ్‌ గుర్తించింది. వెబ్‌సైట్‌లో నెలకొన్న సమస్యను పరిష్కారం చేసినట్లు సెప్టెంబర్‌ 11 తారీఖున ఐటీవింగ్‌ నుంచి రంగనాథ్‌కు ఈ-మెయిల్‌ను పంపింది. గతంలో  లింక్డ్‌ఇన్, యునైటెడ్ నేషన్స్, బైజూస్‌, నైక్, లెనోవో, అప్‌స్టాక్స్ వెబ్ అప్లికేషన్‌లలో భద్రతా లోపాలను గుర్తించాడు.  చదవండి: Neeraj Chopra: అప్పుడేమో రాహుల్‌ ద్రావిడ్‌..ఇప్పుడు నీరజ్‌ చోప్రా..! సరికొత్త రూపంలో..  

భారత్‌లో యాపిల్‌ డివైజ్‌ల యూజర్లకు అలర్ట్‌ జారీ అయ్యింది. వెంటనే ఐఫోన్లను, ఐప్యాడ్‌లను వీలైనంత త్వరగా అప్‌డేట్‌ చేసుకోవాలని సూచనలు అందాయి. ఈ మేరకు ఐటీ సెక్యూరిటీ ఆర్గనైజేషన్‌ విభాగం సీఈఆర్‌టీ-ఇన్‌(Indian Computer Emergency Response Team) తాజాగా ఒక ప్రకటన విడుదల చేసింది.  ఐవోఎస్‌ 14.7.1, ఐప్యాడ్‌ 14.7.1 వారం కిందట రిలీజ్‌ అయ్యాయి. వీటికి సంక్లిష్టమైన మెమరీ కరప్షన్‌ బగ్‌ను ఫిక్స్‌ చేసే సామర్థ్యం ఉంది.  కాబట్టి, వెంటనే ఆ వెర్షన్‌లకు అప్‌డేట్‌ చేసుకోవాలని యాపిల్‌ యూజర్లకు సూచించింది. మెమరీ కరప్షన్‌ ఇష్యూస్‌ ఉ‍న్నందున అప్‌డేట్‌ చేసుకోమని తెలిపింది. ‘హ్యాకర్లు పాత అప్‌డేట్‌ ఉన్న ఐఫోన్లలో కోడింగ్‌ను హ్యాక్‌ చేసి.. రిమోట్‌ యాక్సెస్‌ చేసే ప్రమాదం ఉంద’ని పేర్కొంది. వీటితో పాటు మాక్‌ యూజర్లు(డెస్క్‌టాప్‌ వెర్షన్‌) యూజర్లు కూడా సాప్ట్‌వేర్‌ అప్‌డేట్‌ చేసుకుంటే మంచిదని సూచించింది. సెట్టింగ్స్‌ ఓపెన్‌ చేయాలి.. జనరల్‌ను క్లిక్‌ చేయాలి.. సాఫ్ట్‌వేర్‌ అప్‌డేట్‌ చేసుకోవాలి అప్‌డేట్‌ వేటికంటే..  ఐఫోన్‌ 6ఎస్‌, ఆ తర్వాత వచ్చిన మోడల్స్‌, ఐప్యాడ్‌ ప్రో మోడల్స్‌ అన్నీ, ఐప్యాడ్‌ ఎయిర్‌ 2 ఆ తర్వాత వచ్చిన మోడల్స్‌, ఐప్యాడ్‌ ఫిఫ్త్‌ జనరేషన్‌-ఆ తర్వాత వచ్చిన డివైజ్‌లు, ఐప్యాడ్‌ మినీ 4-తర్వాతి మోడల్స్‌, ఐప్యాడ్‌ టచ్‌(సెవెన్త్‌జనరేషన్‌), మోస్ట్‌ అడ్వాన్స్‌డ్‌ మాక్‌ఓస్‌ బిగ్‌ సర్‌ డివైజ్‌లను అప్‌డేట్‌ చేసుకోవాలని సూచించింది. 

గూగుల్‌ యూజర్లకు శుభవార్త చెప్పింది. వేర్ బిలిటీ రివార్డ్ ప్రోగ్రాం (వీఆర్పీ)ప్రోగ్రాంలో భాగంగా లక్షలు కాదు కోట్లు చెల్లిస్తామని ప్రకటించింది. గూగుల్‌లో లోపాల్ని(బగ్‌) గుర్తించిన వారికి వీఆర్పీ -2022 లో భాగంగా రూ.29 మిలియన్ల డాలర్లకు పైగా చెల్లించినట్లు..11 సంవత్సరాల వ్యవధిలో గూగుల్‌కు చెందిన టూల్స్‌లో 11,055 మిస్టేక్స్‌ గుర్తించినట్లు.. అందుకుగాను రూ.218 కోట్ల బహుమతి అందించినట్లు తెలిపింది.   అదే సమయంలో ఈ వీఆర్పీ ప్రోగ్రాంలో మార్పులు చేస్తున్నట్లు చెప్పింది. వీఆర్పీ ప్రోగ్రాంకు బదులు 'బగ్‌ హంటర్‌' పేరుమీద కొత్త వెబ్‌ సైట్‌ను లాంచ్‌ చేసింది. తద్వారా  గూగుల్‌కు చెందిన గూగుల్‌ సెర్చ్‌ ఇంజిన్‌, ఆండ్రాయిడ్‌, గూగుల్‌ క్రోమ్‌, గూగుల్‌ ప్లేస‍్టోర్‌లలో ఎర్రర్స్‌ గుర్తించవచ్చని, ఆ ప్రాసెస్‌ అంతా ఈ వెబ్‌సైట్‌ ద్వారా జరుగుతున్నట్లు చెప్పింది. అంతేకాదు గామిఫికేషన్ సాఫ్ట్‌వేర్‌ వ్యవస్థను గూగుల్‌ డెవలప్‌ చేయాలని భావిస్తోంది.అదే సమయంలో గామిఫికేషన్‌లో ఎర్రర్స్‌ను గుర్తించిన వారికి 'అవార్డులు, బ్యాడ్జ్‌లను'  కేటాయిస్తుంది. అంతేకాదు జాబ్‌ చేయాలనుకుంటే  వీఆర్పీ బృందంతో కలిసి పనిచేయోచ్చని కంపెనీ తెలిపింది. 84దేశాల్లో గూగుల్‌ తొలిసారి వీఆర్పీ ప్రోగ్రాంను అందుబాటులోకి తెచ్చినప్పుడు ఆయా అప్లికేషన్స్‌లో ఎన్ని ఎర్రర్స్‌ గుర్తిస్తారనే విషయంపై అవగాహనలేదు. కానీ తొలిసారి వీఆర్పీ సభ్యులు సహకారంతో 0-20 ఎర్రర్స్‌ ను గుర్తిస్తారనే అంచనా ఉంది. కానీ అనూహ్యంగా 25 బగ్‌లను గుర్తించి అంచనాల్ని తల్లకిందులు చేసినట్లు గూగుల్‌ తన బ‍్లాగ్‌ లో ప్రస్తావించింది. కాగా, బగ్స్‌ ను గుర్తించేందుకు 84 దేశాల్లో పెయిడ్‌ రీసెర‍్చర్స్‌ ఉన్నట్లు స్పష్టం చేసింది. అంతేకాదు కొత్తగా మార్పులు చేసిన ఈ వీఆర్పీ ప్రోగ్రాం ద్వారా ఔత్సాహికులు తమ స్కిల్స్‌ను డెవలప్‌ చేసుకోవచ్చని సూచించింది.

ఆపిల్‌ కంపెనీకి చెందిన ఐఫోన్‌కు క్రేజ్‌ మామూలుగా ఉండదు.సెక్యూరిటీ విషయంలో ఇతర మొబైల్‌ ఫోన్లతో పోలిస్తే ఆపిల్‌ ఐఫోన్‌కు పోటి అసలు ఉండదు. ఐఫోన్‌ను చాలా మంది వినియోగించడానికి ప్రధాన కారణం భద్రత. ఆపిల్‌ తన వినియోగదారుల ప్రైవసీ,భద్రత విషయంలో అసలు రాజీ పడదు. అప్పుడప్పుడు ఐఫోన్లు బగ్‌లకు గురైతే వెంటనే వాటికి ఆపిల్‌ పరిష్కారం చూపుతుంది. తాజాగా ఆపిల్‌ ఐఫోన్‌లో మరొక బగ్‌ను గుర్తించారు. ఈ బగ్‌ ఆపిల్‌ ఫోన్లలో వైఫై సపోర్ట్‌ను పూర్తిగా నిలివివేస్తోంది.  ‘%secretclub%power’ అనే పేరుతో ఉన్న వైఫై నెట్‌వర్క్‌ కు ఐఫోన్‌ను కనెక్ట్ చేసినప్పుడు వైఫై ఆటోమెటిగ్గా డిసేబుల్ అవుతుందని కార్ల్ షౌ అనే బ్లాగర్‌ ట్విటర్‌ వేదికగా పేర్కొన్నాడు. అతను % సింబల్‌ ఉన్న వైఫై నెట్‌వర్క్‌కు కనెక్ట్‌ కావడంతో అతని ఐఫోన్‌లో వైఫై పూర్తిగా డిసేబుల్ అయ్యిందని తెలిపాడు. నెట్‌వర్క్‌ సెట్టింగ్‌లను రిసెట్‌, ఫోన్‌ను రీస్టాట్‌ చేసిన తిరిగి వైఫై సౌకర్యాన్ని పొం‍దలేకపోయాడు.   ఇలా చేస్తే..బెటర్‌.. ఆపిల్‌ ఐఫోన్లలో ఎదురవుతున్న  ఈ సమస్యను పరిష్కరించడానికి కొంతమంది టెక్‌ నిపుణులు  రెండు మార్గాలను సూచించారు. వైఫై సెట్టింగ్స్‌ను రీసెట్ చేసుకోవడం ద్వారా పరిష్కరించవచ్చునని పేర్కొన్నారు. ఐక్లౌడ్ నుంచి వైఫై నెట్‌వర్క్ పేరును తొలగించడం ద్వారా తిరిగి వైఫై సౌకర్యాన్ని పొందవచ్చునని పేర్కొన్నారు.  ఈ బగ్‌పై ఆపిల్ అధికారికంగా స్పందించ లేదు.

ఢిల్లీకి చెందిన 20 ఏళ్ల ఎథికల్ హ్యాకర్ అదితి సింగ్ మైక్రోసాఫ్ట్‌ క్లౌడ్‌ కంప్యూటింగ్ సర్వీస్‌ అజ్యూర్‌లో బగ్‌ను గుర్తించినందుకు 30,000 డాలర్ల(సుమారు రూ.22 లక్షలు) రివార్డును గెలుచుకుంది. కేవలం రెండు నెలల క్రితం ఫేస్ బుక్ లో ఇలాంటి బగ్ ను కనుగొన్న అదితి 7500 డాలర్ల(సుమారు రూ.5.5 లక్షలకు పైగా) రివార్డు గెలుచుకుంది. రెండు కంపెనీలకు చెందిన రిమోట్ కోడ్ ఎగ్జిక్యూషన్(ఆర్‌సీఈ)లో బగ్ ఉన్నట్లు కనుగొంది. ఇటువంటి బగ్స్ ద్వారా హ్యాకర్లు సులువుగా ఇంటర్నల్ సిస్టంలోకి ప్రవేశించి అందులోని సమాచారాన్ని పొందగలరని గుర్తించింది.  ఇలాంటి బగ్స్ గుర్తించడం అంత సులభం కాదని, ఎథికల్ హ్యాకర్లు కొత్త బగ్స్ గురించి వారి ఎప్పటికప్పుడు తెలుసుకోవాలని తెలిపింది. కేవలం డబ్బు సంపాదించడంపై దృష్టి సారించడం కంటే, మొదట ఎథికల్ హ్యాకింగ్ గురించి జ్ఞానం సంపాదించుకోవాలని సూచిస్తుంది. సైబర్‌ నేరగాళ్ల  భారీ నుంచి తప్పించుకోవడానికి పెద్ద పెద్ద టెక్ కంపెనీలు ఎప్పటికప్పుడు తమ సెక్యూరిటీ ప్రోగ్రాంలను అప్‌డేట్‌ చేస్తుంటాయి. అలాంటి సందర్భాల్లో వాటిలో కొన్ని లోపాలు ఉంటుంటాయి. అలాంటి వాటిని ముందుగా కనిపెట్టి తమ దృష్టి తీసుకొచ్చిన వారికి కంపెనీలు నగదు బహుమతి అందజేస్తుంటాయి. ఈ బగ్ గురుంచి రెండు నెలల క్రితమే మైక్రోసాఫ్ట్ కు నివేదించినట్లు అదితి సింగ్ తెలిపింది. అయితే మైక్రోసాఫ్ట్‌ దీనిపై వెంటనే స్పందిచలేదని బగ్‌ ఉన్న ప్రోగ్రాంను యూజర్స్ డౌన్‌లోడ్ చేసుకోలేదని నిర్థారించుకున్న తర్వాత లోపాన్ని సరిచేసినట్లు తెలిపింది. బగ్ బౌంటీ కోసం ఎక్కువగా సర్టిఫైడ్ సైబర్ సెక్యూరిటీ నిపుణులు లేదా భద్రతా పరిశోధకులు పోటీ పడుతుంటారు. వారు సదరు వెబ్ ను క్రాల్ చేస్తారు. హ్యాకర్లు చొరబడి కంపెనీలకు హానిచేయగల బగ్స్ ఉన్నాయా? లేదా అని మొత్తం కోడ్ ను స్కాన్ చేస్తారు. ఒకవేళ వారు ఏమైనా లోపాన్ని కనిపెడితే వారికి నగదు బహుమతిగా ఇవ్వబడుతుంది. ఫేస్ బుక్, మైక్రోసాఫ్ట్ లో గుర్తించబడిన ఆర్‌సీఈ బగ్ గురించి అదితి మాట్లాడుతూ.. డెవలపర్లు మొదట ఎన్‌పీఏ (నోడ్‌ ప్యాకేజ్‌ మేనేజర్‌)ను డౌన్‌లోడ్ చేసుకున్న తర్వాత మాత్రమే కోడ్ రాయాలని సూచించింది. ఫేస్‌బుక్‌, టిక్‌టాక్‌, మైక్రోసాఫ్ట్‌, మొజిల్లా, పేటీఎం, ఎథీరియమ్‌, హెచ్‌పీ వంటి దిగ్గజ కంపెనీల్లో సుమారు 40 వరకు బగ్‌లను కనుగొన్నట్లు తెలిపింది. మెడికల్ ఎంట్రన్స్‌లో సీటు రాకపోవడంతో ఎథికల్ హ్యాకింగ్‌పై దృష్టి సారించినట్లు అదితి చెప్పుకొచ్చింది. ఆమె హార్వర్డ్ విశ్వవిద్యాలయం, కొలంబియా విశ్వవిద్యాలయం, స్టాన్ఫోర్డ్ విశ్వవిద్యాలయం, కాలిఫోర్నియా విశ్వవిద్యాలయం నుంచి ప్రశంసా లేఖలను అందుకుంది.  చదవండి: రూ.80కే.. 800 కిలోమీటర్ల ప్రయాణం

సాక్షి, ముంబై: ప్రస్తుత ఇంటర్నెట్‌ యుగంలో ఫేస్‌బుక్‌, ఇన్‌స్టాగ్రామ్‌ వంటి సోషల్‌ మీడియా యాప్స్‌ల్లో అకౌంట్‌ లేని వారు చాలా అరుదు. ప్రపంచ వ్యాప్తంగా ఉన్న ప్రజలతో మమేకమవ్వడానికి ఈ యాప్స్‌ ఎంతగానో ఉపయోగపడతాయి. ఫేస్‌బుక్‌, ఇన్‌స్టాగ్రమ్‌ వంటి సోషల్‌ మీడియా యాప్స్‌ నెటిజన్ల ప్రైవేసి విషయంలో అసలు రాజీ పడవు. అప్పుడప్పుడు ఈ సోషల్‌ మీడియా యాప్స్‌లో లోపాలు వెలుగులోకి వస్తూంటాయి. కొన్ని సందర్బాల్లో  సోషల్‌ మీడియా యాప్స్‌లో ఉన్న లోపాలను కొంతమంది ఎథికల్‌ హకర్స్‌ వెలుగులోకి తెస్తుంటారు. వాటిని వెంటనే గుర్తించి, ఆయా కంపెనీలకు తెలియజేస్తారు.  కాగా తాజాగా ముంబై షోలాపుర్‌కు చెందిన మయూర్‌ ఫార్టేడ్ ఇన్‌స్టాగ్రామ్‌లో ఉన్న బగ్‌ను గుర్తించాడు. ఈ విషయాన్ని ఫేస్‌బుక్‌కు రిపోర్ట్‌ చేశాడు. ఫేస్‌బుక్‌ ఇన్‌స్టాగ్రామ్‌లో ఉన్న బగ్‌ను నిరూపించమని తిరిగి అతని కోరగా అందుకు తగిన ఆధారాలను చూపిస్తూ ఫేస్‌బుక్‌కు తెలియజేశాడు. దీంతో ఫేస్‌బుక్‌ కంపెనీ ఇన్‌స్టాగ్రమ్‌లో లోపం ఉందని నిర్ధారించింది. బగ్‌ను గుర్తించినందుకుగాను ఫేస్‌బుక్‌ మయూర్‌ ఫార్టేడ్‌ కు భారీ నజరానాను అందించింది. సుమారు రూ. 22 లక్షలను మయూర్‌కు అందించింది. ఇన్‌స్టాగ్రామ్‌లో ఉన్న బగ్‌ ఏంటీ..? ఇన్‌స్టాగ్రామ్‌లో యూజర్లు తమ అకౌంట్‌ విషయంలో గోప్యతను పాటించేందుకు ప్రైవేటు అకౌంట్‌గా మార్చుకుంటారు. ఈ బగ్‌ కారణంగా ఇన్‌స్టాగ్రామ్‌లో ప్రైవేటు అకౌంట్‌లో ఉన్న యూజర్ల అర్కవైడ్‌ పోస్ట్‌లు, స్టోరీస్‌, రిల్స్‌ వీడియోలను చూడవచ్చునని మయూర్‌ తెలిపాడు. దీంతో యూజర్ల గోప్యతకు భంగం వాటిల్లుత్తుంది. చదవండి: శరీరాన్ని ఉపయోగించి స్మార్ట్‌వాచ్‌ ఛార్జింగ్‌..!

న్యూఢిల్లీ : వాట్సాప్ పలు ఆకర్షణీయ ఫీచర్లతో యూజర్లను ఆకట్టుకున్నా ఇప్పుడు అవే ఫీచర్లలో ఉన్న బగ్‌ యూజర్ల గోప్యతను ప్రమాదంలో పడవేస్తోంది.  ఈ బగ్‌ గూగుల్ సెర్చ్ ఫలితాల్లో వాట్సాప్ యూజర్ ఫోన్ నంబర్ కనిపించేలా చేస్తోంది. వాట్సాప్ క్లిక్ టు చాట్ ఫీచర్‌లోని బగ్ సోషల్ మెసేజింగ్ సైట్ యొక్క వినియోగదారుల ఫోన్ నంబర్లను గూగుల్ సెర్చ్‌ ఇండెక్స్‌కు అనుమతించడంతో గోప్యతకు పెనుముప్పు ఎదురవుతోందని బగ్-బౌంటీ హంటర్ అతుల్ జయరామ్ వెల్లడించారు. ఇది వెబ్‌లో వినియోగదారుల ఫోన్ నంబర్ల కోసం వెతికేందుకు ఎవరినైనా అనుమతించడంతో వాట్సాప్‌ యూజర్ల భద్రత ప్రమాదంలో పడుతుంది. దీంతో క్లిక్‌ టూ చాట్‌తో యూజర్‌ మరో వాట్సాప్‌ యూజర్‌తో వారి ఫోన్‌ నెంబర్లను సేవ్‌ చేసుకోకుండానే వాట్సాప్‌ చాట్‌ చేసేందుకు అనుమతిస్తుంది. ఇక వెబ్‌సైట్లు తమ విజిటర్లతో నేరుగా ఫోన్‌ నెంబర్లను సంప్రదించకుండానే వారితో సంప్రదింపులు జరిపే వెసులుబాటు లభిస్తుంది. ఈ వెసులుబాటుతో స్కామర్ల చేతికి వాట్సాప్‌ యూజర్ల ఫోన్‌ నెంబర్ల జాబితాలు చిక్కుతాయని బగ్‌-బౌంటీ హంటర్‌ జయరామ్‌ పేర్కొన్నారు. చదవండి : వాట్సాప్‌లో పెళ్లి ఫోటోలు.. మనస్తాపంతో.. వ్యక్తిగత ఫోన్‌ నెంబర్లు లీకైతే ఎటాకర్లు వాటికి మెసేజ్‌ చేయడం, క్సాల్‌ చేయడంతో పాటు ఆయా ఫోన్‌ నెంబర్లను వారు మార్కెటర్లకు, స్పామర్లు, స్కామర్లకు విక్రయించే అవకాశం ఉందని ఆయన ఆందోళన వ్యక్తం చేశారు. ఈ ఫోన్‌నెంబర్లతో ఎటాకర్లు యూజర్ల ప్రొఫైల్స్‌ను యాక్సెస్‌ చేసేందుకు ప్రయత్నిస్తారని చెప్పారు. వాట్సాప్‌ ప్రొఫైల్‌లో యూజర్‌ ఫోటోను చూసే ఎటాకర్లు వారి ఇతర సోషల్‌ మీడియా ఖాతాలను సెర్చి చేయడం ద్వారా ఆయా వ్యక్తులను టార్గెట్‌ చేస్తారని అన్నారు. కాగా మే 23న పరిశోధకుడు బగ్‌ బౌంటీ ప్రోగ్రామ్‌ ద్వారా ఫేస్‌బుక్‌ను సంప్రదించగా కంపెనీ డేటా అబ్యూజ్‌ ప్రోగ్రాం కింద వాట్సాప్‌ కవర్‌ కాదని కంపెనీ బదులిచ్చింది. ఇక వాట్సాప్‌ యూజర్లు అవాంఛిత మెసేజ్‌లను ఒ బటన్‌ ద్వారా బ్లాక్‌ చేయవచ్చని వాట్సాప్‌ పేర్కొంది.

ఎరక్కపోయి ఇరుక్కుపోవడం అనడానికి ఉదాహరణగా ఈ సన్నివేశాన్ని చెప్పుకోవచ్చు. ఒక బగ్‌ను సాలీడు అమాంతం లాగేసిన వీడియో ఇప్పుడు సోషల్‌మీడియాలో వైరల్‌గా మారింది. ఆ వీడియోలో ఒక బగ్‌ ఆహారం వెతుక్కుంటూ తన దారిన తాను పోతుంది. దాని పక్కన ఒ​క పెద్ద మట్టికుప్పలాగా ఉంది. ఆ మట్టికుప్ప కింద సాలీడు తన స్థావరాన్ని ఏర్పరుచుకొంది. అయితే బగ్‌ దానిని చూసి పట్టించుకోకుండానే ముందుకు వెళ్లిపోయింది. అయితే బగ్‌ తన చావు ఆ మట్టికుప్పలోనే పొంచి ఉందని అస్సలు ఊహించి ఉండదు. బగ్‌ అలా కొంచెం ముందుకు వెళ్లగానే.. కుప్పలో నుంచి సాలీడు బయటికి వచ్చి తన ఎనిమిది కాళ్లతో అమాంతం దానిని కిందకు లాక్కొంది. ఈ ఘటన జరిగి చాలా రోజులైంది. తాజాగా ఈ వీడియోనూ ఐఎఫ్‌ఎస్‌ ఆఫీసర్‌ సుషాంత నందా తన ట్విటర్‌లో షేర్‌ చేయడంతో వైరల్‌గా మారింది. ' జీవితంలో ఎవరైనా ఇలాంటి ఆశ్చర్చకరమైన పరిస్థితులు ఎదుర్కోవాల్సిందే. చావు నుంచి ఎవరు అతీతులు కారు' అంటూ  కాప్షన్‌ జత చేశాడు. ఇప్పటివరకు ఈ వీడియోనూ 4500 మందికి పైగా వీక్షించారు. 'పాపం.. బగ్‌'.. 'వీడియో చూడగానే భయమేసింది'.. 'ఓ మై గాడ్‌'.. 'తెలివైన స్పెడర్‌' అంటూ కామెంట్లు పెట్టారు.

న్యూఢిల్లీ: మొబైల్‌ ఫోన్‌లోని వాట్సాప్‌ గ్రూపులను టార్గెట్‌ చేసే బగ్‌ను తాము గుర్తించినట్లు వాట్సాప్‌ వెల్లడించింది. దీని బారిన పడకుండా ఉండేందుకు తాజా వెర్షన్‌ 2.19.58కు అప్‌డేట్‌ చేసుకోవాలని మంగళవారం సూచించింది. బగ్‌ కారణంగా గ్రూపుల్లోని మెసేజులు శాశ్వతంగా డిలీట్‌ అవుతున్నాయని తెలిపారు. హ్యాకర్లు వాట్సాప్‌ వెబ్‌ను ఉపయోగించి వెబ్‌ డీబగ్గింగ్‌ టూల్‌ ద్వారా గ్రూపుల్లో ప్రత్యేక పారామీటర్లు ఉన్న సందేశాలు పంపుతున్నారని తెలిపారు. దీనివల్ల గ్రూప్‌ క్రాష్‌ అయ్యి పనిచేయడం ఆగిపోతోందని వాట్సాప్‌ ప్రొడక్ట్‌ వల్నెరబిలిటీ రీసెర్చ్‌ చెక్‌ పాయింట్స్‌ హెడ్‌  ఓడెడ్‌ వనును తెలిపారు. అయితే ఈ హ్యాకింగ్‌ ప్రక్రియను సాగించే హ్యాకర్లు ఆయా గ్రూపుల్లో సభ్యులై ఉంటారని చెప్పారు. ఈ బగ్‌కు ప్రత్యామ్నాయ మార్గం లేకపోవడంతో వినియోగదారులు వాట్సాప్‌ అన్‌ఇన్‌స్టాల్‌ చేసి మళ్లీ ఇన్‌స్టాల్‌ చేసుకోవాల్సి వస్తోందన్నారు.  

శాన్‌ఫ్రాన్సిస్కో: ఫోన్‌ ఆధారిత క్యాబ్‌ సర్వీస్‌ ఉబర్‌ సాఫ్ట్‌వేర్‌లో ఓ బగ్‌ బయటపడింది. ఇది ఎవరి ఖాతాలోకైనా అనధికారికంగా ప్రవేశించేందుకు హ్యాకర్లకు మార్గం కల్పించేలా ఉంది. దీన్ని కనుగొని తెలియజేసినందుకుగాను భారత సైబర్‌ సెక్యూరిటీ పరిశోధకుడు ఆనంద్‌ ప్రకాశ్‌కు ఉబెర్‌ రూ. 4.6 లక్షలను బహూకరించింది. ఏపీఐ రిక్వెస్ట్‌ ద్వారా ఉబర్‌ క్యాబ్స్, ఉబర్‌ ఫుడ్‌ ఖాతాల్లోకి లాగిన్‌ అవ్వచ్చు. ఈ బగ్‌ గురించి ఆనంద్‌ ఉబర్‌కు తెలియజేయగానే బగ్‌ బౌంటీ ప్రోగ్రాంను ఉబర్‌ అప్‌డేట్‌ చేసింది. జీవితాంతం ఉబర్‌ క్యాబ్‌లో ఉచితంగా ప్రయాణించేందుకు వీలు కల్పించే బగ్‌ను గతంలో గుర్తించి ఆకాశ్‌ తొలగించాడు. 2014లో సెక్యురిటీ ఇంజినీర్‌గా కెరీర్‌ ప్రారంభించిన అతడు 2016లో సైబర్‌ సెక్యురిటీ స్టార్టప్‌ ‘ఆప్‌ సెక్యుర్‌’ను స్థాపించాడు. ఫోర్బ్స్‌ 30 ఏళ్ల లోపు ఆసియా జాబితాలోనూ అతడు స్థానం దక్కించుకున్నాడు. ఎటువంటి ఖాతా లేకపోయినా ఫేస్‌బుక్‌లో లాగిన్‌  అయ్యే లొసుగును గుర్తించడంతో 2015లో ఫేస్‌బుక్‌ సంస్థ అతడికి 15 వేల డాలర్లు నజరానాగా ఇచ్చింది. తమిళనాడులోని వెలూరు ఇన్‌స్టిట్యూట్‌ ఆఫ్‌ టెక్నాలజీలో కంప్యూటర్‌ సైన్స్‌ అభ్యసించిన ఆకాశ్‌.. సైబర్‌ సెక్యురిటీలోని లోపాలను గుర్తించి ప్రశంసలతో బహుమానాలు అందుకున్నాడు.

ఫేస్‌బుక్‌కు చెందిన వాట్సాప్‌లో బగ్‌ను కనిపెట్టిన కేరళ విద్యార్థి సోషల్‌ మీడియా దిగ్గజం ఫేస్‌బుక్‌ ప్రశంసలను, గౌరవాన్ని దక్కించుకున్నాడు.  తద్వారా కేరళలోని పత్తంతిట్ట జిల్లాకు చెందిన బీటెక్‌ విద్యార్థి కేఎస్‌ అనంత కృష్ణన్‌ (19)  హీరోగా నిలిచాడు.  ఈ మేరకు కేరళకు చెందిన  మాతృభూమి ఒక కథనాన్ని ప్రచురించింది.  వాట్సాప్లో యూజర్లకు తెలియకుండానే ఆయా ఫైళ్లను, సమాచారాన్ని ఇతరులు పూర్తిగా తొలగించే  బగ్ను అనంత కృష్ణన్‌  గుర్తించాడు. దీని గురించి ఫేస్‌బుక్‌కి సమాచారం అందించారు. అంతేకాదు ఈ బగ్‌ పరిష్కార మార్గాన్ని కూడా వివరించాడట. అయితే దీనిపై రెండు నెలలపాటు నిశితంగా అధ్యయనం చేసిన ఫేస్‌బుక్ అనంతకృష్ణన్‌ నైపుణ్యాన్ని చూసి అబ్బురపడింది. దీంతో అతడ్ని సత్కరించాలని నిర్ణయించింది.  34 వేల రూపాయల ( 500 డాలర్లు) నగదు బహుమతితో బాటు ప్రతిష్టాత్మక ‘ హాల్ ఆఫ్ ఫేమ్ ‘లో  చోటు కల్పిస్తామని హామీ ఇచ్చింది. ఈ ఏడాది ఫేస్ బుక్ థ్యాంక్స్ లిస్టులోని 80 వ స్పాట్ లో అనంతకృష్ణన్‌ పేరు చోటు చేసుకుంది. దీనికి అనంతకృష్ణన్‌ కూడా ఫేస్‌బుకి కృతజ్ఞతలు తెలిపాడు. మౌంట్ జియోన్ కాలేజీ ఆఫ్ ఇంజనీరింగ్లో బీటెక్‌ చదువుతున్నప్పటినుంచీ ఎథికల్‌ హ్యాకింగ్‌పై పరిశోధన చేస్తున్నాడు. ప్రస్తుతం కేరళ పోలీసు విభాగం సైబర్ సెల్లో సేవలందిస్తున్నాడు అనంత కృష్ణన్‌.

ప్రముఖ ఎలక్ట్రిక్‌ కార్ల తయారీ సంస్థ టెస్లా హ్యాకర్లకు సవాల్‌ విసిరింది. తన లేటెస్ట్‌ కారును ఎవరైనా హ్యాక్‌ చేస్తే భారీ పారితోషికం ఇస్తామని వెల్లడించింది. సెక్యూరిటీ వ్యవస్థలోని భద్రతా సమస్యలను కనిపెట్టే హ్యాకర్లు ప్రోత్సహించడానికి ఈ హ్యాకింగ్ పోటీ నిర్వహిస్తోంది. ఇందుకుగాను బహుమానంగా భారీ నజరానాలు అందజేయనుంది.  తెస్లా మోడల్‌3 కారు సాఫ్ట్‌వేర్‌లో లోపాన్ని కనుక్కున్నవారికి ఒక మిలియన్‌ డాలర్ల బహుమతిని ప్రకటించింది. అత్యంత సెక్యూరిటీ ఫీచర్లతో రూపొందించిన తమ కారులో సాఫ్ట్‌వేర్లో‌ బగ్‌, సాంకేతిక వ్యవస్థలో  లోపాన్ని గుర్తించిన వారికి దాదాపు ‌77 ​కోట్ల రూపాయల నజరానా ఇవ్వనుంది. అంతేకాదు  లోపాన్ని గుర్తించిన వారికి టెస్లా 3 కారును కూడా ఉచితంగా గెలుచుకునే అవకాశం ఉందని టెస్లా  ప్రకటించింది. మైక్రోసాఫ్ట్‌, వీఎంవార్‌తో కలిసి ఈ ఏడాది మార్చిలో కెనడా వాంకోవర్‌లో పాన్‌టు ఓ​న్‌ (Pwn2Own) హ్యాకింగ్‌ కాంటెస్ట్‌ను నిర్వహించనుంది. తన కంపెనీ కార్ల విషయంలో అత్యధిక భద్రతా ప్రమాణాలను అభివృద్ధి చేయడానికి టెస్లా కృషి చేస్తోందని, ఈ నేపథ్యంలో అత్యంత విలువైన భద్రతా పరిశోధనకు విలువైందిగా భావిస్తామని టెస్లా వైస్‌ ప్రెసిడెంట్‌ డేవిడ్‌ లాయు ప్రకటించారు. బగ్‌ బౌంటీ కార్యక్రమాన్ని టెస్లా 2014లో ప్రారంభించినప్పటికీ ఈ తరహా మోడల్‌లో ఇదే తొలిసారని పేర్కొన్నారు. కాగా డ్రైవర్ రహిత కార్లను హ్యాక్ చేసే ప్రమాదం పొంచి ఉందని  గతంలో  టెస్లా అధినేత ఎలాన్ మస్క్ హెచ్చరించిన సంగతి తెలిసిందే. 

శాన్‌ఫ్రాన్సిస్కో:  సోషల్‌మీడియా దిగ్గజం ఫేస్‌బుక్‌ యూజర్లకు మరో షాకింగ్‌ న్యూస్‌. ఇటీవలి డేటా లీక్‌ ఉదంతాలను మర్చిపోకముందే మరో డేటా బ్రీచ్‌ పిడుగు ఖాతాదారుల నెత్తిన పడింది. మూడవసారి తమ ఖాతాదారుల డేటా లీక్‌ అయ్యిందంటూ స్వయంగా ఫేస్‌బుక్ నిన్న(డిసెంబరు 14, శుక్రవారం) ఒక ప్రకటన జారీ చేసింది. ఏకంగా 68 లక్షల  ఫేస్‌బుక్‌ యూజర్ల  డేటా, ముఖ్యంగా ఫోటోలు ప్రభావితమైనట్టు వెల్లడించింది. ఫేస్‌బుక్‌ యాప్‌లోని ఓ బగ్‌ ద్వారా ఈ పరిణామం చోటు చేసుకుందని తెలిపింది. సెప్టెంబరు 12వ తేదీనుంచి  సెప్టెంబరు 25వ  తేదీల మధ్య 12 రోజులపాటు ఇది జరిగి వుంటుందని అంచనా వేసింది. 876 మంది డెవలపర్లు రూపొందించిన1500 థర్డ్‌పార్టీ యాప్స్‌లో బగ్స్‌ ఉన్నట్టు గుర్తించామంది. యూజర్ల ప్రమేయం లేకుండానే వారి ఫోన్లలోని వ్యక్తిగత ఫొటోలను ఫేస్‌బుక్‌లో అప్‌లోడ్‌ చేసిందని వెల్లడించింది. 6.8 మిలియన్ల యూజర్లు ఈ బగ్‌ ప్రభావానికి గురైనట్టు గుర్తించామని పేర్కొంది.  అంతేకాదు దీనికి తమను క్షమించాలని  కోరింది.  అయితే  ఈసమస్యను పరిష్కరించామని, ఈ పరిణామానికి క్షంతవ్యులమంటూ  ఫేస్‌బుక్‌ ఇంజనీరింగ్‌ డైరెక్టర్‌ టోమర్‌ బార్‌  ప్రకటించారు. వినియోగదారులు థర్డ్‌పార్టీ యాప్స్‌ యాక్సెస్‌ సందర్బంగా ఫేస్‌బుక్‌ వివరాలతో లాగిన్ అవుతుండటం దీనికి కారణం కావచ్చని తెలిపింది. థర్డ్‌పార్టీ యాప్స్‌ను వినియోగదారులు ఇన్‌స్టాల్‌ చేసినప్పుడు.. ఫేస్‌బుక్‌ యాక్సెస్‌, మీడియా  అనుమతి ఇవ్వడం వల్ల ఒక బగ్‌ దాడి చేసిందని తెలిపింది. అయితే వాటిని గుర్తించి, తొలగించే ప్రక్రియ చేపట్టామనీ, ఈ బగ్‌ బారిన పడిన  ఖాతాదారులకు సమాచారం అందిస్తున్నామని  చెప్పారు.

ఇన్‌కమింగ్‌ వీడియో కాల్స్‌ ఆన్సర్‌ చేస్తున్న సమయంలో హ్యాకర్లు యాప్‌ను క్రాష్‌ చేసేలా సహకరిస్తున్న ఓ బగ్‌ను ప్రముఖ మెసేజింగ్‌ మాధ్యమం వాట్సాప్‌ గుర్తించింది. ఈ విషయాన్ని ప్రముఖ టెక్నాలజీ వెబ్‌సైట్లు జీడీనెట్‌, ది రిజిస్టార్‌ రిపోర్టు చేశాయి. ఈ బగ్‌తో ఆపిల్‌ ఐఫోన్ల వాట్సాప్‌ అప్లికేషన్లు, ఆండ్రాయిడ్‌ స్మార్ట్‌ఫోన్లు ప్రభావితం కానున్నాయని పేర్కొంది. ఆగస్టులోనే ఈ బగ్‌ను వాట్సాప్‌ గుర్తించిందని తెలిసింది. ఫేస్‌బుక్‌కు చెందిన వాట్సాప్‌కు ప్రస్తుతం 1.5 బిలియన్‌ పైగా యూజర్లున్నారు. అయితే ఈ బగ్‌ బారిన ఎంత మంది యూజర్లు పడ్డారో ఇంకా తెలియరాలేదు.  వాట్సాప్‌ వీడియో కాల్‌లో బగ్‌ ఉన్నట్టు నటాలీ సిల్వనోవిచ్ అనే సెక్యురిటీ రీసెర్చర్‌, గూగుల్‌ ప్రాజెక్ట్‌ జీరో సెక్యురిటీ రీసెర్చ్‌ టీమ్‌తో కలిసి కనుగొన్నారు. వాట్సాప్‌ వీడియో కాల్‌ను ఎత్తిన వెంటనే అటాకర్‌, యూజర్‌ వాట్సాప్‌ అంతటిన్నీ తన ఆధీనంలోకి తీసుకుంటాడని గూగుల్‌ ప్రాజెక్ట్‌ జీరో రీసెర్చర్‌ ట్రావిస్‌ ఓర్‌మాండీ చెప్పారు. కాగా, ఈ బగ్‌పై ఫేస్‌బుక్‌ ఇంకా స్పందించలేదు. గతేడాది నుంచి ఫేస్‌బుక్‌ సెక్యురిటీ సంబంధిత సమస్యలతో బాధపడుతూనే ఉంది. గత కొన్ని రోజుల క్రితమే దాదాపు 5 కోట్ల యూజర్‌ అకౌంట్లు హ్యాక్‌ అయినట్టు ఫేస్‌బుక్‌ ప్రకటించి, అందర్ని షాక్‌కు గురిచేసింది. కేంబ్రిడ్జ్‌ అనలిటికా స్కాండల్‌ కూడా ఫేస్‌బుక్‌ను అతలాకుతలం చేసింది. కేంబ్రిడ్జ్‌ అనలిటికా స్కాండ్‌లో సుమారు 8.7 కోట్ల యూజర్లు డేటా చోరికి గురైంది.   

వాషింగ్టన్‌: టెక్‌ దిగ్గజం గూగుల్‌కి చెందిన సోషల్‌ మీడియా సైట్‌ గూగుల్‌ ప్లస్‌ మూతపడనుంది. సాఫ్ట్‌వేర్‌ పరమైన సాంకేతిక లోపాలతో యూజర్ల డేటా ఇతరుల చేతికి చేరే అవకాశాలుండటమే ఇందుకు కారణం. ఒక బగ్‌ మూలంగా 5,00,000 మంది యూజర్ల ప్రైవేట్‌ డేటా బయటి డెవలపర్లకు అందుబాటులోకి వచ్చిన విషయాన్ని గుర్తించిన గూగుల్‌ ఈ మేరకు నిర్ణయం తీసుకుంది. అయితే, ఏ డెవలపర్‌కు కూడా ఈ బగ్‌ గురించి గానీ, అప్లికేషన్‌ ప్రోగ్రామింగ్‌ ఇంటర్‌ఫేస్‌ (ఏపీఐ) దుర్వినియోగం గురించి గానీ తెలుసనడానికి తగిన ఆధారాలేమీ కనిపించలేదని గూగుల్‌ తెలిపింది. అలాగే ఎవరి ప్రొఫైల్‌ డేటా కూడా దుర్వినియోగం అయిన దాఖలాలు కూడా కనిపించలేదని గూగుల్‌ వైస్‌ ప్రెసిడెంట్‌ (ఇంజినీరింగ్‌ విభాగం) బెన్‌ స్మిత్‌... ఒక బ్లాగ్‌లో పేర్కొన్నారు. బగ్‌ను సరిదిద్దేందుకు జరిగిన ప్రయత్నాల్లో భాగంగా అంతర్గతంగా నిర్వహించిన పరిశీలనలో ఈ అంశాలు వెల్లడైనట్లు ఆయన వివరించారు. అయితే, గూగుల్‌ ప్లస్‌ను తక్షణం మూసివేయబోమని, 10 నెలల వ్యవధి ఉంటుందని స్మిత్‌ తెలిపారు. వచ్చే ఆగస్టునాటికల్లా ప్రక్రియ పూర్తి కావొచ్చని పేర్కొన్నారు. ఈ లోగా తమ డేటాను ఏ విధంగా డౌన్‌లోడ్‌ చేసుకోవచ్చు, వేరే యాప్స్‌లోకి పంపించుకోవచ్చు తదితర అంశాల గురించి యూజర్లకు తగు అవగాహన ఇవ్వనున్నట్లు స్మిత్‌ తెలిపారు. పిక్సెల్‌ త్రీ విడుదల.. పిక్సెల్‌ స్మార్ట్‌ఫోన్స్‌ సిరీస్‌లో గూగుల్‌ మంగళవారం పిక్సెల్‌ 3, పిక్సెల్‌ 3 ఎక్స్‌ఎల్‌ పేరిట కొత్త ఫోన్స్‌ను ఆవిష్కరించింది. భారత్‌లో పిక్సెల్‌ 3 రేటు రూ. 71,000 నుంచి రూ. 80,000 దాకా ఉండనుండగా, పిక్సెల్‌ 3 ఎక్స్‌ఎల్‌ రేటు రూ. 83,000 నుంచి రూ. 92,000దాకా ఉంటుంది. ఇవి 64జీబీ, 128 జీబీ వెర్షన్లలో లభిస్తాయి. అమెరికా మార్కెట్లో అక్టోబర్‌ 19 నుంచి, భారత్‌ సహా మిగతా దేశాల్లో నవంబర్‌ 1 నుంచి అమ్మకాలు ప్రారంభమవుతాయి. పిక్సెల్‌ 3 స్క్రీన్‌ 5.5 అంగుళాలు, 3 ఎక్స్‌ఎల్‌ తెర 6.3 అంగుళాలు ఉంటుంది. పిక్సెల్‌ 3 ఫోన్‌లో ముందువైపు రెండు కెమెరాలు ఉంటాయి. మరోవైపు, అమెరికా మిలిటరీ కంప్యూటింగ్‌ సిస్టమ్స్‌ను ఆధునికీకరించేం దుకు ఉద్దేశించిన పెంటగాన్‌ ప్రాజెక్టుకు బిడ్‌ చేయబోవడం లేదని గూగుల్‌ తెలిపింది. ఈ కాంట్రాక్టు విలువ దాదాపు 10 బిలియన్‌ డాలర్లు. తమ ఆర్టిఫిషయల్‌ ఇంటెలిజెన్స్‌ విధానాలకు ఈ కాంట్రాక్టు నిబంధనలు అనుగుణంగా లేవని గూగుల్‌ పేర్కొంది.  

ముంబై : ఒకప్పుడు రైళ్లు, సినిమా హాళ్లకే పరిమితమైన నల్లులు ఇప్పుడు విమనాలోనూ దర్జా వెలగబెడుతున్నాయి. అది కూడా ఏకంగా బిజినెస్‌ క్లాస్‌లో. నల్లులు ఇంత రాజభోగం అనుభవిస్తున్నది ఎయిర్‌ ఇండియా విదేశీ విమానాల్లో. పాస్‌పోర్ట్‌, వీసా, టికెట్‌లతో పనిలేకుండా దేశ విదేశాలను చుట్టేస్తూ మధ్యలో బోర్‌ కొట్టినప్పుడు తమ ఉనికిని తెలియజేయడానికి ప్రయాణికులను కుడుతూ జల్సా చేస్తున్నాయి. సరిగ్గా గతేడాది ఇదే సమయంలో ఎయిర్‌ ఇండియాలో చిట్టెలుకలు కనిపించి కంగారు పుట్టిస్తే ఇప్పుడు వాటి స్థానాన్ని నల్లులు ఆక్రమించాయి. న్యూయార్క్‌ - ముంబై ప్రయాణిస్తున్న ఎయిర్‌ ఇండియా విమానంలో నల్లులు ఒక చిన్నారిని కుట్టడంతో వీటి ఉనికి బయటపడింది. తర్వాత మరో ఇద్దరు, ముగ్గురిని కూడా కుట్టడంతో ప్రయాణికులు ఆందోళన చేశారు. నల్లులతో కలిసి మేం ప్రయాణించం అని తెల్చి చెప్పడంతో, వాటిని తొలగించి తిరుగు ప్రయాణం ప్రారంభించే సరికి ఢిల్లీకి చేరాల్సిన విమానం కాస్తా ఆలస్యం అయ్యింది. ఈ విషయాన్ని ప్రవీణ్‌ తొన్సేకర్‌ అనే ఒక ప్రయాణికుడు తన ట్విట్టర్‌లో పోస్టు చేశారు. విమానంలో సీట్ల మీద ఉన్న నల్లులను ఫోటో తీసి తన ట్విట్టర్‌ ఖాతాలో షేర్‌ చేశారు. @airindiain @sureshpprabhu @narendramodi_in Suresh Prabhuji - just arrived from New York on Air India 144 business class with family . All our seats infested with bed bugs . Sir , have heard of bed bugs on trains but shocked to experience on our maharaja and that too business pic.twitter.com/m2GnfOpTO3 — Pravin Tonsekar (@pat_tons) July 17, 2018 ఫోటోతో పాటు ‘ఎయిర్‌ ఇండియా సంస్థ, విమానయాన మంత్రి సురేష్‌ ప్రభు, ప్రధాన మంత్రి నరేంద్ర మోదీ గారు.. నేను నా కుటుంబంతో కలిసి 144 సీట్లు ఉన్న ఎయిర్‌ ఇండియా బిజినెస్‌ క్లాస్‌లో ప్రయాణం చేస్తున్నాను. మా​​​కు కేటాయించిన సీట్లను మాకంటే ముందుగానే నల్లులు ఆక్రమించుకున్నాయి. ఇన్నాళ్లు రైళ్లలోనే నల్లులు ఉంటాయని విన్నాను. కానీ తొలిసారి విమానంలో, అది కూడా బిజినెస్‌ క్లాస్‌లో వీటిని చూసి షాక్‌ అయ్యాను’ అంటూ మెసేజ్‌ను కూడా పోస్టు చేశారు. ఎకానమీ క్లాస్‌లో అతనికి ఎదురైన అనుభావాల గురించి మరొక ట్వీట్‌లో పోస్టు చేశారు. అక్కడ విరిగిపోయి ఉన్న టేబుల్స్‌ గురించి, సరిగా లేని టీవీల గురించి తెలిపి, దాని వల్ల తన కూతురు, భార్య ఎదుర్కొన్న సమస్యల గురించి తెలిపారు. ప్రవీణ్‌ చేసిన ట్వీట్‌కు బదులుగా ఎయిర్‌ ఇండియా ప్రతినిధులు రీట్వీట్‌ చేశారు. ‘మీకు కలిగిన అసౌకార్యానికి చింతిస్తున్నాం. మీరు ఇచ్చిన ఫిర్యాదును మేము మా నిర్వహణ విభాగానికి తెలియజేశాం. వీలైనంత త్వరగా ఈ అసౌకర్యాన్ని సరిచేస్తాం’ అని తెలిపారు. గతేడాది ఢిల్లీ - శాన్‌ ఫ్రాన్సిస్కో ప్రయాణిస్తున్న విమానంలో ఎలుక కనిపించిన సంగతి తెలిసిందే. ఫలితంగా ప్రయాణం 9 గంటలు ఆలస్యం అయ్యింది.

వాషింగ్టన్‌ : డేటా స్కాండల్‌ విష​యంలో ఫేస్‌బుక్‌ యూజర్లు ఇప్పటికే తమ అకౌంట్‌ సురక్షితమా? కాదా? అని సతమతమవుతుంటే, తాజాగా మరో ప్రమాదం పొంచుకొచ్చింది. తమ సాఫ్ట్‌వేర్‌లో బగ్‌ను గుర్తించామని, అది యూజర్ల ప్రైవసీ సెట్టింగ్స్‌ను మార్చేసిందని సోషల్‌ మీడియా దిగ్గజం వెల్లడించింది. ఈ బగ్‌కు మే నెలలో 1.4 కోట్ల మంది యూజర్లు ప్రభావితమయ్యారని తెలిపింది. దీంతో మరోసారి ఫేస్‌బుక్‌ ప్రైవసీపై తీవ్ర ఆందోళన రేకెత్తుతోంది. ఫేస్‌బుక్‌ తన సాఫ్ట్‌వేర్‌లో గుర్తించిన బగ్‌ వల్ల.. కేవలం స్నేహితులకు లేదా మీకు మాత్రమే షేర్‌ చేసుకున్న అంతకముందు పోస్టులు.. పబ్లిక్‌గా వెళ్లిపోయాయి. ఒకవేళ యూజర్లు ప్రైవసీ సెట్టింగ్స్‌ మారుతున్నట్టు గుర్తించలేకపోతే, వారు ఉద్దేశ్యపూర్వకంగా కాకుండా.. ప్రమాద పరిస్థితుల్లో వారి పోస్టులు పబ్లిక్‌గా వెళ్లిపోతాయి. అయితే ఈ బగ్‌ అంతకముందు పోస్టులపై ప్రభావితం చూపలేదని ఫేస్‌బుక్‌ చీఫ్‌ ప్రైవసీ ఆఫీసర్‌ ఎరిన్‌ ఈగన్‌ చెప్పారు. బగ్‌ యాక్టివ్‌లో ఉన్న సమయంలో షేర్‌ చేసుకున్న పోస్టులకు మాత్రమే ఇది ప్రభావితమైందని తెలిపారు. ఒక్కసారి యూజర్లు తమ పోస్టులను సమీక్షించుకోవాలని పేర్కొన్నారు.  మరోవైపు ఫేస్‌బుక్‌ మరింత డేటా స్కాండల్‌ వివాదంలో కూరుకుపోతోంది. ఆపిల్‌, శాంసంగ్‌ వంటి 60కి పైగా కంపెనీలతో ఫేస్‌బుక్‌ తన యూజర్ల డేటా షేర్‌ చేసిందని న్యూయార్క్‌ టైమ్స్‌ బహిర్గతం చేసింది. కేవలం ఆ కంపెనీలు మాత్రమే కాక, నాలుగు చైనా స్మార్ట్‌ఫోన్‌ కంపెనీలకు కూడా యూజర్ల డేటాను షేర్‌ చేసినట్టు తెలిసింది. ఇప్పటికే కేంబ్రిడ్జ్‌ అనలిటికా స్కాండల్‌ విషయంలో ఈ కంపెనీ తీవ్ర ఇరకాటంలో పడగా.. తాజా డేటా షేరింగ్‌ స్కాండల్స్‌ కూడా ఫేస్‌బుక్‌ను దెబ్బకొడుతున్నాయి. తాజాగా కంపెనీ గుర్తించిన బగ్‌ మే 18 నుంచి మే 27 వరకు యాక్టివ్‌లో ఉన్నట్టు ఫేస్‌బుక్‌ తెలిపింది. ఆ సమయంలో ప్రభావితమైన పోస్టులను ఒరిజినల్‌ ప్రైవసీ పారామీటర్స్‌కు మళ్లీ మార్చలేమని తెలిపింది. యూజర్లు ‘ఫీచర్‌ ఐటమ్స్‌’ను తమ ప్రొఫైల్స్‌లోకి షేర్‌ చేసేందుకు కొత్త ఫీచర్‌ను కంపెనీ అభివృద్ధి చేస్తున్న సమయంలో ఈ తప్పిదం జరిగిందని, దీంతో ఆటోమేటిక్‌గా పోస్టులు, ఫోటో ఆల్బమ్స్‌ పబ్లిక్‌కు వెళ్లిపోయాయని పేర్కొంది.  

ప్రముఖ మెసేజింగ్‌ మాధ్యమం వాట్సాప్‌ ఎప్పడికప్పుడు కొత్త కొత్త ఫీచర్లను లాంచ్‌ చేస్తూ యూజర్లను అలరిస్తూ ఉంది. ఈ కొత్త ఫీచర్లను అప్‌డేట్‌ చేసే క్రమంలోనే ఈ చాట్‌ యాప్‌లో బగ్స్‌ను కూడా యూజర్లు పొందుతున్నారు. ఇదే మాదిరి వాట్సాప్‌ బీటా యూజర్లకు బుధవారం రాత్రి నుంచి ఓ ఫన్నీ బగ్స్‌ తమ చాట్‌ యాప్‌లో కనిపిస్తూ యూజర్లను తికమకపెడుతున్నాయి. అదేమిటంటే.. చాట్‌ యాప్‌లో వచ్చే ‘today’ , ‘yesterday’ బదులు ‘ 84oday’, ‘  89esteday’ లు కనిపిస్తున్నాయి. ఈ బగ్‌ విషయాన్ని వాట్సాప్‌ అభిమానుల సైట్‌ డబ్ల్యూఏబీటాఇన్ఫో రిపోర్టు చేసింది. ఈ బగ్స్‌ కేవలం వాట్సాప్‌ వెర్షన్‌  2.18.109 బీటా యూజర్లకు మాత్రమే కనిపిస్తున్నాయని పేర్కొంది. ఇటీవల వాట్సాప్‌ రోజుకో కొత్త ఫీచర్‌తో యూజర్లను ఆకట్టుకుంటున్న సంగతి తెలిసిందే. ఇటీవలే ఆండ్రాయిడ్‌ బీటా వెర్షన్‌కు మెసేజ్‌ను లాక్‌ చేసుకునే ఫీచర్‌ను తీసుకొచ్చింది. అంతేకాక కేవలం ఈ మాధ్యమాన్ని చాట్‌ యాప్‌గా మాత్రమే కాక, అంతకంటే మించి దీన్ని సేవలను విస్తరించాలని కంపెనీ చూస్తోంది. ఈ క్రమంలోనే వాట్సాప్‌ పేమెంట్‌ ఫీచర్‌ను తీసుకొచ్చింది. బ్యాంకు అకౌంట్‌ నెంబర్‌, ఐఎఫ్‌ఎస్‌సీ కోడ్‌ నమోదు చేయాల్సినవసరం లేకుండా ఒక అకౌంట్‌ నుంచి నుంచి మరో అకౌంట్‌కు డబ్బులు పంపించుకోవడానికి ఈ యాప్‌ ఐఓఎస్‌, ఆండ్రాయిడ్‌ యూజర్లకు సహకరిస్తోంది. యూపీఐను ఆధారితంగా ఈ పేమెంట్‌ ఫీచర్‌ను ఆఫర్‌ చేస్తోంది. ఒకవేళ ఆ ఫీచర్‌ మీ యాప్‌లో కనిపించకపోతే, ఆ ఫీచర్‌ ఉన్న స్నేహితుల నుంచి డబ్బులు పంపించమని అడిగి, ఆ ఫీచర్‌ను యాక్టివేట్‌ చేసుకునే సౌకర్యాన్ని పొందవచ్చు.    89ESTERDAY AND 84ODAY: new bugs in WhatsApp beta for Android 2.18.109. pic.twitter.com/UsxSZV6tCX — WABetaInfo (@WABetaInfo) April 12, 2018

సాక్షి, హైదరాబాద్ ‌: ప్రపంచంలో టాప్‌ బ్రాండ్‌ ఫోన్‌ అది. చేతిలో ఆ కంపెనీ గాడ్జెట్ ఉందంటే అది తన తాహతకు చిహ్నం. అదే ఆపిల్‌. ప్రపంచ వ్యాప్తంగా ఎక్కువ మంది ఇష్టపడే బ్రాండ్‌ ఇదే. ఐఫోన్‌, ఐప్యాడ్, మ్యాక్‌ బుక్ ఇలా పలు గాడ్జెట్‌లతో ఖరీదైన బ్రాండ్‌గా పేరొందింది. కానీ అలాంటి పెద్ద బ్రాండ్‌ను ఓ తెలుగు అక్షరం ముప్పుతిప్పలు పెడుతోంది. అక్షరం టైప్‌ చేస్తే ఫోన్‌లోని యాప్స్‌ అన్నీ వాటంతట అవే క్రాష్‌ అవుతున్నాయి. బగ్ కారణంగా తెలుగు అక్షరం 'జ్ఞ' టైపు చేయగానే అన్ని యాప్స్‌ నిలిచిపోతున్నాయి. ఛాటింగ్‌ యాప్స్‌, స్లాక్‌, టెలిగ్రామ్‌, స్కైప్‌ ఓపెన్‌ చేసి మెస్సేజ్‌ కంపోజ్‌ చేయడానికి ప్రయత్నిస్తే ఈ సమస్య ఎదురౌతోంది. ఇటలీకి చెందిన ఓ ప్రోగ్రామర్‌ ఈ బగ్‌ను యాపిల్‌ దృష్టికి తీసుకొచ్చారు. దీనిపై స్పందించిన ఆపిల్‌ సంస్థ తన ఐఓఎస్‌లో ఈ బగ్‌ ఉందంటూ నిర్ధారించింది. దాన్ని సరిచేయడానికి త్వరలోనే పరిస్కారం తీసుకువస్తామని ప్రకటించింది. ప్రస్తుతం బీటా వెర్షన్‌ వాడుతున్నవారికి ఎలాంటి ఇబ్బంది లేదని తెలిపింది. అయితే ఈ బగ్‌తో యాపిల్‌ సంస్థపై సటైర్లు ఓ రేంజ్‌లో వస్తున్నాయి. ఇంత చిన్న బగ్‌ను పరిస్కరించలేని ఆపిల్‌కు  అంత పెద్ద పేరు ఎలా వచ్చిందంటూ విమర్శిస్తున్నారు.


 ఆండ్రాయిడ్ ఆధారితంగా నడిచే ఫోన్లకు ఇటీవల పెద్ద ముప్పే వచ్చిన పడిన సంగతితెలిసిందే. వన్నాక్రై సైబర్ ఎటాక్ నుంచి తేరుకోకముందే ఆండ్రాయిడ్ ఫోన్లను దెబ్బకొడుతూ గూగుల్ ప్లే స్టోర్ లోకి జుడీ అనే మాల్వేర్ ప్రవేశించింది. 3.65కోట్ల ఆండ్రాయిడ్ ఫోన్లు ఈ మాల్వేర్ ప్రభావానికి గురయ్యాయి. ఈ దాడితో అలర్ట్ అయిన గూగుల్ తమ ఆండ్రాయిడ్ ఓఎస్ లో బగ్ కనుకున్న వారికి భారీగా రివార్డు ఇవ్వాలని నిర్ణయించిందట. ప్రస్తుతమున్న రివార్డును రెండు లక్షల డాలర్లకు అంటే దేశీయ కరెన్సీ ప్రకారం 1,28,83,000కు పెంచినట్టు రిపోర్టులు వెలువడ్డాయి. సైబర్ సెక్యురిటీ సంస్థ చెక్ పాయింట్ ప్రకారం ప్లే స్టోర్ నుంచి 45 లక్షల నుంచి 1.85 కోట్ల హానికరమైన యాప్స్ డౌన్ లోడ్ అయినట్టు తెలిసింది. పాతకాలపు ఓఎస్ లతో  ఎక్కువగా సెక్యురిటీ ముప్పు తలెత్తుందని టెక్నాలజీ వెబ్ సైట్ ఎక్స్ ట్రీమ్ టెక్.కామ్ శుక్రవారం రిపోర్టు ఏసింది. 
  
 కొన్ని సంవత్సరాల క్రితం గూగుల్ అందించిన వాటికంటే ప్రస్తుతం విడుదలచేస్తున్న ఆండ్రాయిడ్ లు ఎక్కువగా సురక్షితంగా ఉన్నాయని, దీంతో  ఆండ్రాయిడ్ లో బగ్స్ కనుగొని ప్రయోజనాలు పొందడానికి ఎవరూ ఆసక్తి చూపడం లేదని తెలిసింది. కానీ  బగ్ బాంటీ ప్రొగ్రామ్ ద్వారా ఎక్కువమంది రీసెర్చర్లను, ఇంజనీర్లను ఆకట్టుకోవడానికి కంపెనీ రివార్డును రెండు లక్షల డాలర్లకు పెంచినట్టు రిపోర్టులు పేర్కొన్నాయి. రెండేళ్ల క్రితం గూగుల్ ఈ బగ్ బాంటీ ప్రొగ్రామ్ ఆండ్రాయిడ్ ల కోసం ప్రారంభించింది. ఆండ్రాయిడ్స్ లో బగ్ కనుగొన్నవారికి నగదును బహుమతి అందిస్తోంది.


 న్యూయార్క్‌:   ప్రముఖ టెక్‌  దిగ్గజం మైక్రో సాఫ్ట్‌ బగ్‌బౌంటీలకు బంపర్‌ ఆఫర్‌ ఇస్తోంది.  పరిమిత కాలానికిగాను బగ్ బౌంటీ ఆపరేషన్స్‌  వ్యయాన్ని దాదాపు రెట్టింపు చేసింది.  బగ్‌ పట్టు రూ.10 లక్షలు పట్టు  అంటూ  హ్యాకర్లకు ఓపెన్ చాలెంజ్ విసిరింది.  తమ సేవల్లో లోపాలు వుంటే పసిగట్టినవారికి నగదు బహుమతిని ఆఫర్‌ చేసింది.  ప్రపంచ వ్యాప్తంగా  తమ ఆన్‌లైన్‌ సేవల్లో తీవ్రమైన దాడులను, సెక్యురిటీ లోపాలను గుర్తించిన హ్యాకర్లకు మొత్తం దాదాపు 20లక్షలు(30వేల డాలర్లు) దాకా చెల్లించనుంది. వీటిలో కనీసం 500 డాలర్లుగాను, గరిష్టంగా 15 వేల డాలర్లు(రూ.10లక్షలు)  నజరానా చెల్లిస్తామని మైక్రోసాఫ్ట్‌ తెలిపింది.  
 
 ఇలా  సమర్పించినవాటిలో  అర్హులైన వారికి కనీసం 500 డాలర్లనుంచి 15 వేల డాలర్ల వరకు అందించనున్నట్టు  సోమవారం ఒక ప్రకటనలో ఎలిపింది.  అలాగే మైక్రోసాఫ్ట్ ఆఫీస్ 365 పోర్టల్, మైక్రోసాఫ్ట్ ఎక్స్ఛేంజ్ ఆన్లైన్ ​​కు సంబంధించి మార్చి 1 - మే 1 మధ్య కాలంలో సమర్పించిన  అర్హులైన    హ్యాకర్లు డబుల్ బొనాంజాకు అర్హులవుతారని తెలిపింది. ఇలా అందిన  అర్హమైన రిపోర్టులకు  సుమారు30 వేల డాలర్లదాకా అందించనున్నట్టు   మైక్రోసాఫ్ట్‌ కంపెనీ పేర్కొంది.  దీనిపై  మైక్రోసాఫ్ట్‌ నిర్ణయం తీసుకుంటుందని, దాడి ప్రభావం ఆధారంగా ఈ చెల్లింపులు ఉంటాయని స్పష్టం చేసింది.
 
 క్రాస్‌ సైట్‌ స్ర్కిప్టింగ్‌; క్రాస్‌  సైట్‌ రిక్వెస్ట్‌ ఫోర్జరీ,  అనధికారిక క్రాస్‌ టెనంట్‌ డేటా టాంపరింగ్‌, యాక్సెస్  మల్టీ టెనంటింగ్‌ సర్వీసెస్‌  లాంటి ఇతర సర్వీసులలో వీటిని కనుగొనాల్సింది ఉంటుంది. అలాగే పోర్టల్‌.ఆఫీస్‌.కాం, ఔట్‌లుక్‌. ఆఫీస్‌365.కాం,  ఔట్‌లుక్‌. ఆఫీస్‌.కాం  లాంటి ఇతర నిర్దిష్ట డొమైన్లలో ఆయా దాడులను, ప్రభావాన్ని విశ్లేషించాలని మైక్రోసాఫ్ట్‌  హ్యాకర్లను  సవాల్‌ చేసింది.
 
 కాగా   తమ కంపెనీ ఉత్పత్తులలో సెక్యురిటీ లోపాలను గుర్తించమని హ్యాకర్లకు సవాల్ చేసే కార్యక్రమే బగ్‌బౌంటీ   ఆపరేషన్స్‌. ముఖ్యంగా సాఫ్ట్‌వేర్‌ అప్లికేషన్లలో ‘సెక్యూరిటీ లోపాలు కనిపెడితే భారీ బహుమతిఅని హ్యాకర్లకు సవాల్ చేస్తుంటాయి. ప్రముఖ సాఫ్ట్‌వేర్‌ సంస్థలు. ఇప్పటికే గూగుల్‌.. ఫేస్‌బుక్‌.. మైక్రోసాఫ్ట్‌ ట్విట్టర్‌ తదితర సంస్థలు ఈ కార్యక్రమాలను నిర్వహించడం తెలిసిందే.
 
  


 అల్లిక రెక్కనల్లి (తెగులు)
  కారణాలు...
  ఎక్కువ నీడ, తక్కువ గాలి, వెలుతురు ఉండడం.
  పైరులో సూక్ష్మ వాతవరణం పొడిగా, చల్లగా ఉండడం.
  పొలంలో పరిశుభ్రత పాటించకపోవడం.
 
  లక్షణాలు ...
  ఆకుల అడుగు భాగంలో తల్లి, పిల్ల పురుగులు ఉండి రసం పీల్చడం వల్ల ఆకుపై భాగాన తెల్లని వచ్చలు ఏర్పడుతాయి.
  మొక్క పేలవంగా కనిపిస్తుంది.
  నల్లి ఉధృతి ఎక్కువగా ఉంటే ఆకులు ఎండిపోతాయి.
 
  నివారణ...
  విత్తనాన్ని సరైన సాంధ్రతతో నాటి మొక్కలకు గాలి, వెలుతురు ప్రసరించేలా చూడాలి.
  వేప పిండిని పైపాటు ఎరువుగా వేయాలి.
  పైరుపై పురుగును గమనించగానే లీటరు నీటిని 1.6 మిల్లీలీటర్ల మోనోక్రోటోఫాస్ లేదా, 2 మిల్లీలీటర్ల డైమిథోఏట్‌ను కలపి పైరుపై పిచికారి చేయాలి.
  
  ఎర్రనల్లి(పొగచూరు తెగులు) :
  లక్షణాలు...
 పిల్ల, తల్లి పురుగులు ఆకుల అడుగుభాగాన గుంపులు గుంపులుగా చేరి రసాన్ని పీల్చడం వల్ల ఆకులు పాలిపోయి మొక్కలు ఎండిపోతాయి.
 
  నివారణ...     
 లీటరు నీటికి 3 గ్రాముల నీటిలో కరిగే గంధకం లేదా 5 మిల్లీలీటర్ల డైకోఫాల్, 1 మిల్లీలీటరు సబ్బు నీరు కలపి ఆకుల అడుగు భాగాన తడిచేటట్టు పిచికారి చేయాలి.
  
  పొలుసు పురుగు(స్కేల్స్) లక్షణాలు..    
 ఇవి తెల్లని చుక్కల వలే దుంపల మీద కనిపిస్తాయి. విత్తనం నిల్వ చేసినప్పుడు కొమ్ముల నుంచి రసాన్ని పీల్చి వదలి పోయే టట్లు చేస్తాయి.
      
 విత్తనం కోసం నిల్వ చేసే పసుపు కొమ్ములను లీటరు నీటికి 5 మిల్లీలీటర్ల మలాథీయన్ మందు కలిపిన ద్రవంలో 30 నిమిషాలు ఉంచి, ఆరబెట్టి నిల్వ చేసుకుంటే పొలుసు పురుగులు ఆశించవు.
  
  దుంప తొలుచు ఈగ :  
  కారణాలు..
  చీడపీడలు ఆశించిన తోట నుంచి విత్తనం ఎన్నుకోవటం.
  విత్తనశుద్ధి చేయక పోవటం.
  పసుపు తర్వాత పసుపు పంట సాగుచేయడం.
  తక్కువ ఉష్ణోగ్రత, గాలిలో తేమ ఎక్కువ ఉండటం.
  తేమ నిల్వ ఉండే పల్లపు భూముల్లో సాగుచేయడం.
  ఆగస్టు, సెప్టెంబర్, అక్టోబర్ నెలల్లో ఆకాశం మేఘావృతమై చెదురుముదురుగా వర్షాలు పడడం.
  
 నష్టపరిచే విధానం...
  అక్టోబర్ నె నుంచి పంట చివరి వరకు దుంప తొలుచు ఈగ సమస్య ఉంటుంది.
  చిన్నవిగా, నల్లగా ఉండే ఈగలు మొక్కల మొదల్లపై నుంచి లోపలికి చేరి గుడ్లు పెడతాయి.
  గుడ్ల నుంచి బయటకు వచ్చే పిల్ల పురుగులు తెల్లగా బియ్యం గింజల మాదిరిగా ఉంటాయి.
  ఇది భూమిలోని దుంపల్లోకి చొచ్చుకుపోయి లోపలి కణజాలాన్ని తింటాయి.
  
 లక్షణాలు...
  దుంప తొలుచు ఈగ ఆశించిన మొక్క, సుడిఆకు దాని దగ్గరలో ఉన్న లేద ఆకులు వాడి గోధుమ రంగుకు మారి ఎండిపోతాయి.
  మొవ్వు లాగితే సులభంగా ఊడివస్తుంది.
  దుంపలో కణజాలం దెబ్బతింటుంది.
  పుచ్చు ఆశించిన దుంపలను వండితే తొర్రమాదిరి కనిపిస్తుంది.
  మొక్క ఎదుగుదల నిలిచిపోయి, దిగుబడి 45-50 శాతం తగ్గుతుంది.
  
 నివారణ...
  విత్తనశుద్ధి దుంపలను విత్తే ముందు లీటరు నీటికి 2మిల్లీలీటర్ల డైమిథోయేట్ లేదా 2 మిల్లీలీటర్ల ప్రొఫెనోఫాస్, లేదా 3మిల్లీలీటర్ల మలథీయాన్,కలిపిన ద్రావణంలో దుంపల్ని నానబెట్టి తర్వాత నాడలో ఆరబెట్టి విత్తుకోవాలి.
  సమతుల ఎరువులను వాడాలి.
  మురుగునీరు పోయే సౌకర్యం కల్పించాలి.మొక్కల మధ్య నీరు నిలవకుండా జాగ్రత్తలు తీసుకోవాలి.
  పైరుపై దుంప పుచ్చు లక్షణాలు కనిపించిన వెంటనే ఎకరాకు 100 కిలోల వేపపిండిని మొక్కల మధ్య వేయాలి. ఇది దుంపపుచ్చు కలిగించే ఈగను దగ్గిరకు రానీయదు. సత్తువగా కూడా పనిచేస్తుంది.
  వేపపిండి లేకపోతే ఎకరాకు 10 కిలోల కార్బోఫ్యూరాన్ 3జీ గుళికలను అంతే పరిమాణం కలిగిన ఇసుకలో కలిపి పొలమంతా సమానంగా చల్లాలి.
  
  వేరు నులిపురుగులు :
  కారణాలు..
  పుచ్చు ఉన్న తోట నుంచి విత్తనం ఎన్నుకోవడం.
  పసుపులో అంతర పంటగా సొలనేసి కుటుంబానికి చెందిన మిరప, టమాట, వంగపైర్లను సాగుచేయడం.
  మురుగునీరు పోయే అవకాశం లేకపోవడం.
  పంట మార్పిడి చేయకపోవడం.
  సేంద్రియ ఎరువులు వేయకపోవడం.
  
 నష్టపరిచేతీరు...
  నులిపురుగులు చేసిన గాయాల ద్వారా నేలలోని వ్యాధి కారణాలు వేళ్లలోకి వ్రవేశిస్తాయి. తద్వారా వేర్లు ఉబ్బిపోయి, కణతులు కలిగి ఉంటాయి.
  
 లక్షణాలు....
  ఆకులు పాలిపోయి, మొక్కలు బలహీనంగా, పొట్టిగా ఉంటాయి.
  నులి పురుగుల ఉధృతి ఎక్కువగా ఉంటే దిగుబడులు గణనీయంగా తగ్గుతాయి.
  
 నివారణ...
  చీడపీడలు, తెగుళ్లు ఆశించని ఆరోగ్యమైన విత్తనాన్ని ఉపయోగించాలి.
  పసుపులో అంతర పంటగా బంతిని వేసుకోవాలి.
  పచ్చి ఆకులు లేదా ఎండిన ఆకులతో మల్బింగ్ చేసుకోవాలి.
  ఎకరాకు 500 కిలోల వేపపిండిని వేసుకోవాలి.
  ఎకరాకు 10 కిలోల కార్బోఫ్యూరాన్ 3జీ గుళికలను వేసుకోవాలి.