‘‘ఆర్టిస్టులు సపోర్ట్‌ చేస్తే ఓ సినిమాను ఎంత త్వరగా పూర్తి చేయవచ్చో ఈ చిత్రంతో నేర్చుకున్నాను. నాగార్జున, ‘అల్లరి’ నరేశ్, రాజ్‌ తరుణ్‌గార్లు సపోర్ట్‌ చేయడం వల్లే ఈ సినిమాను సంక్రాంతి రిలీజ్‌కు రెడీ చేశాం’’ అన్నారు విజయ్‌ బిన్నీ. నాగార్జున హీరోగా ‘అల్లరి’ నరేశ్, రాజ్‌ తరుణ్, ఆషికా రంగనాథ్, రుక్సార్‌ థిల్లాన్, మిర్నా మీనన్‌ ఇతర కీలక పాత్రల్లో రూపొందిన చిత్రం ‘నా సామిరంగ’. విజయ్‌ బిన్నీని దర్శకుడిగా పరిచయం చేస్తూ శ్రీనివాసా చిట్టూరి నిర్మించిన ఈ చిత్రం ఈ నెల 14న విడుదల కానుంది.ఈ సందర్భంగా శనివారం విలేకర్లతో విజయ్‌ బిన్నీ పంచుకున్న విశేషాలు. ► స్నేహం ప్రధానంగా సాగే చిత్రం ‘నా సామిరంగ’. 1980–1990 నేపథ్యంలో కథ సాగుతుంది. నాగార్జున, ‘అల్లరి’ నరేశ్‌గార్ల కాంబినేషన్‌లో వచ్చే సన్నివేశాలు అద్భుతంగా ఉంటాయి. రాజ్‌ తరుణ్‌ది ఓ కీలక పాత్ర. అయితే ఈ ముగ్గురి కనెక్టింగ్‌ పాయింట్‌ ఏంటి? అనేది సినిమాలో చూడాలి. నాగార్జున, అల్లరి నరేశ్, రాజ్‌ తరుణ్‌గార్ల సినిమాలకు కొరియోగ్రాఫర్‌గా చేశాను. సో.. నాకు వారితో కంఫర్ట్‌నెస్‌ ఉంది. మలయాళ హిట్‌ ఫిల్మ్‌ ‘΄పోరింజు మరియం జోస్‌’ సోల్‌ను మాత్రమే ‘నా సామిరంగ’ సినిమాకు తీసుకోవడం జరిగింది. తెలుగు ప్రేక్షకుల అభిరుచికి తగ్గట్లు మార్పులు చేశాం. నాగార్జునగారు ఆయన అనుభవంతో కొన్ని సలహాలు చెప్పారు. నాగార్జునగారితో ఓ కొత్త దర్శకుడికి సినిమా అంటే అదృష్టమే. అందుకే ఈ సినిమా చేయడాన్ని అదృష్టంగా భావిస్తున్నాను. ► దర్శకుణ్ణి కావాలనే చిత్ర పరిశ్రమలోకి వచ్చాను. కొరియోగ్రాఫర్‌గా అయితే అన్ని క్రాఫ్ట్స్‌పై గ్రిప్‌ ఉండే చాన్స్‌ ఉందని భావించి, కొరియోగ్రాఫర్‌గా కెరీర్‌ ఆరంభించాను. నేను ఓ కథతో నాగార్జునగారి దగ్గరకు వెళ్లాను. కానీ ఆయన ‘నా సామిరంగ’ కథ చేయమని చెప్పారు.ఈ కథను ఓన్‌ చేసుకుని దర్శకత్వం వహించాను. కమర్షియల్‌ పంథాలో నా శైలిలో ఈ సినిమాను ప్రత్యేకంగా తెరకెక్కించాను. సినిమాలో చాలా సర్‌ప్రైజ్‌లు ఉన్నాయి. ► నేను కొరియోగ్రాఫర్‌ని కాబట్టి నాకు మ్యూజిక్‌ సెన్స్‌ ఉంటుంది. కీరవాణిగారిని ఏం అడిగినా, ఏదో ఒక సెన్స్‌తో అడుగుతున్నానని భావించి, సపోర్ట్‌ చేశారు. ఇందుకు ఆయనకు ధన్యవాదాలు. ఓ కొరియోగ్రాఫర్‌గా విభిన్న రకాల పాటలు ఎలా చేశానో, అలానే దర్శకుడిగా విభిన్న రకాల సినిమాలు చేయాలని ఉంది.


 బెంగళూరు నగరంలో ఇటీవల అతిపెద్ద నివాస ఒప్పందం జరిగింది. పదివేల చదరపు అడుగుల విస్తీర్ణంలో ఉన్న ఓ గృహాన్ని  32 కోట్ల రూపాయలతో కొనేందుకు ఫ్లిప్ కార్ట్ సీఈవో బిన్నీ బన్సాల్ ముందుకొచ్చారు. నగరంలోని ఫ్లిప్ కార్ట్ కార్యాలయానికి అతి దగ్గరలో ఉన్న ఆ ఇంటిని కొనేందుకు ఆయన భారీగా రుణం తీసుకున్నట్లు నివేదికలు చెప్తున్నాయి.
 
 ఐటీ కంపెనీలకు నెలవు, ఇండియాలోనే సుందర నగరంగా పేరొందిన బెంగళూరులో నివాస గృహాలకూ భారీ డిమాండ్ పెరిగిపోయినట్లు తాజా నివేదికలు చెప్తున్నాయి. నగరంలో ఫ్లిప్ కార్ట్ సీఈవో బిన్నీ బన్సాల్ ఇటీవల అతిపెద్ద నివాస గృహాన్ని కొనుగోలు చేసేందుకు ఒప్పందం కుదుర్చుకున్నట్లు తెలుస్తోంది. 10,000 అడుగుల విస్తీర్ణంలో ఉన్న నివాస గృహాన్ని బిన్నీ బన్సాల్ సుమారు 32 కోట్ల రూపాయలకు కొనుగోలు చేసినట్లు నివేదికలు వెల్లడించాయి. ఆ నివాసం స్థానిక ఫ్లిప్ కార్ట్ కార్యాలయానికి అతి సమీపంలోనే ఉన్నట్లు రిపోర్టుల ద్వారా తెలుస్తోంది.
 
 నందన్ నీలేకని, క్రిస్ గోపాలకృష్ణన్, రాజీవ్ చంద్రశేఖర్ నివాసాలు బిన్నీ ఇంటికి పొరుగున ఉన్నాయని, బిన్నీ ఆ ఇంటిని కొనేందుకు భారీగానే రుణం తీసుకున్నట్లు తెలుస్తోంది.


 బిన్నీ విన్నపంపై నేడు విచారణ
  న్యూఢిల్లీ: తనను స్వతంత్ర శాసనసభ్యుడిగా ప్రకటించాలని కోరుతూ ఆప్ బహిష్కృత ఎమ్మెల్యే వినోద్‌కుమార్ బిన్నీ దాఖలుచేసిన పిటిషన్‌పై బుధవారం విచారణ జరగనుంది.
  ఈ పిటిషన్‌పై స్పందించాల్సిందిగా స్పీకర్ ఎం.ఎస్.ధీర్‌ను ఆదేశిస్తూ ఇందుకోసం ఓ రోజు సమయమిచ్చింది. దీనిపై ఆదేశమేమిటో తీసుకోవాలంటూ ఢిల్లీ శాసనసభ స్పీకర్ తరఫు న్యాయవాది జుబేదా బేగంను జస్టిస్ మన్మోహన్ ఆదేశించారు.