చెన్నై : తాజాగా కోలీవుడ్‌లో ఒక హాట్‌ న్యూస్‌ వైరల్‌ అవుతోంది. దక్షిణాదిలోనే అగ్రకథానాయకిగా రాణిస్తున్న నటి నయనతార. ప్రస్తుతం తమిళం, తెలుగు భాషల్లో సూపర్‌స్టార్స్‌తో జత కడుతోంది. తమిళంలో సూపర్‌స్టార్‌ రజనీకాంత్‌తో దర్బార్, దళపతి విజయ్‌కు జంటగా బిజిల్‌ చిత్రాలతో పాటు తెలుగులో మెగాస్టార్‌ చిరంజీవితో సైరా నరసింహారెడ్డి చిత్రంలోనూ నటిస్తోంది. కాగా ఈ అమ్మడు సెంట్రిక్‌ పాత్రలో నటించిన హర్రర్, థ్రిల్లర్‌ కథా చిత్రం కొతైయుదీర్‌ కాలం త్వరలో తెరపైకి రావడానికి సిద్ధం అవుతోంది. ఇకపోతే ఈ సంచలన నటి నటించి లేడీ సూపర్‌స్టార్‌గా పేరు తెచ్చుకున్న చిత్రం అరమ్‌. గోపినాయర్‌ తెరకెక్కించిన ఈ చిత్రం సంచలన విజయాన్ని సాధించింది. ఇందులో జిల్లా కలెక్టర్‌గా నటించిన నయనతార అక్రమాలకు పాల్పడ్డ కౌన్సిలర్‌ను జైలులో పెట్టడంతో రాజకీయవాదుల కోపానికి గురై పదవిని వదులుకుని ప్రజాసేవ కోసం రాజకీయ అరంగేట్రం చేసే పాత్రలో ఆమె నటన ప్రశంసలను అందుకుంది. అరమ్‌ చిత్రానికి సీక్వెల్‌ చేయనున్నట్లు దర్శకుడు గోపినాయర్‌ ఇప్పటికే ప్రకటించారు. ఇందులోనూ నటి నయనతారనే నటించనున్నట్లు ప్రచారం జరిగినా, తాజాగా అరమ్‌ సీక్వెల్‌లో నయనతారకు బదులు మరో సంచలన నటి సమంతను నటింపజేయడానికి ప్రయత్నాలు జరుగుతున్నట్లు తాజా సమాచారం. వరుస విజయాలతో దూసుకుపోతున్న సమంత తాజాగా తెలుగులో నటించిన ఓ బేబీ చిత్రం శుక్రవారం తెరపైకి వచ్చింది. కాగా ప్రస్తుతం ఈ బ్యూటీకి తెలుగులో చిత్రాలు ఉన్నా, తమిళంలో కొత్త చిత్రాలేవీ లేవ్వన్నది గమనార్హం. దీంతో అరమ్‌–2 చిత్రంలో నటించే అవకాశాలు మెండుగా ఉన్నట్లు సమాచారం. అయితే నటి నయనతారనే అరమ్‌–2లో నటించనుందనే టాక్‌ వినిపిస్తోంది. ఈ విషయమై త్వరలోనే ఒక స్పష్టత వచ్చే అవకాశం ఉంది.

తమిళసినిమా: నయనతార ఇప్పుడు అభినయంతో కూడిన పాత్రలకే ఆమోదముద్ర వేస్తున్నారు.  అగ్రతార ఇమేజ్‌ను కాపాడుకునే విషయంలో ఏ మాత్రం కాంప్రమైజ్‌ కావడం లేదు. ప్రస్తుతం నయనతార చేతిలో ఉన్న చిత్రాలన్నీ ఆ తరహావే అని చెప్పవచ్చు. త్వరలో విశ్వనటుడు కమలహాసన్‌కు జంటగా ఇండియన్‌–2 చిత్రంలో నటించడానికి సిద్ధం అవుతున్నట్లు ప్రచారం జరుగుతున్న విషయం తెలిసిందే. ఈ క్రేజీ కాంబినేషన్‌లో తెరకెక్కనున్న తొలి చిత్రం ఇదే అవుతుందన్నది గమనార్హం.  నయనతార నటిస్తున్న చిత్రాల్లో కోకో ( కోలమావు కోకిల) ఒకటి. నయనతార నటనకు ప్రేక్షకులు నీరాజనం పలికిన చిత్రాల్లో నానూ రౌడీదాన్‌ ఒకటి. అందులో నయనతార చెవిటి యువతి పాత్రలో అద్భుతంగా అభినయించి ప్రశంసలు పొందారు. ఈ పాత్రకుగానూ సైమా అవార్డును కూడా అందుకున్నారు. తాజాగా నటిస్తున్న కోకో చిత్రంలో మూగ అమ్మాయిగా నటిస్తున్నారనే ప్రచారం జరుగుతోంది.  కొత్త దర్శకుడు నెల్సన్‌ తెరకెక్కిస్తున్న ఈ చిత్ర కథ నయనతార చుట్టూనే తిరుగుతుందట. ఇందులో ఆమె పాత్ర స్వరూపం, హావభావాలు, ధరించే దుస్తుల వరకూ చాలా వైవిధ్యంగా ఉంటాయట. అరమ్‌ చిత్రంలో పూర్తిగా విభిన్నంగా కనిపించిన నయనతార కోకో చిత్రంలో మరోసారి తనను కొత్తగా ఆవిష్కరించుకుంటున్నారు. ఇటీవల విడుదలైన చిత్ర ఫస్ట్‌లుక్‌ పోస్టర్‌ చూస్తే ఈ విషయం అర్థం అవుతుంది.

ఇటీవల స్టార్ లు నటించిన చిత్రాలకు వివాదాలు కామన్ అయిపోయాయి. తాజాగా నటి నయనతార, దర్శకుడు గోపీనాయినార్‌ల చిత్రం అరమ్‌పై చెన్నై హైకోర్టులో పిటిషన్‌ దాఖలైంది.  ఈ చిత్రాన్ని కన్నడ చిత్రం పరివారా కథతో రూపొందిం చారని, తన అనుమతి పొందకుండా తమ కథతో సినిమాను తెరకెక్కించారని కర్ణాటకకు చెందిన పరివారా చిత్ర నిర్మాత మనోజ్‌ చెన్నై హైకోర్టులో శుక్రవారం పిటిషన్‌ దాఖలు చేశారు. అందులో తన చిత్ర కథను దొంగిలించినందుకు రూ.2 కోట్లు నష్టపరిహారం చెలించేలా ఆ చిత్ర దర్శక నిర్మాతలను ఆదేశించాలని పేర్కొన్నారు. ఈ పిటిషన్‌పై త్వరలో విచారణ జరగనుంది. 

హీరోయిన్‌ నయనతార ఇప్పుడు రైతుల సమస్యలను పరిష్కరించేందుకు కృషి చేస్తున్నారట. విద్యార్థుల బాగోగుల గురించి ఆరా తీస్తున్నారట. అభివృద్ధికి అడ్డొచ్చిన రాజకీయ నాయకుల ఆట కట్టిస్తున్నారట. అదేంటీ.. సడన్‌గా నయనతార ఇవన్నీ ఎందుకు చేస్తున్నారు? రాజకీయాల్లోకి వస్తున్నారా? అనే డౌట్‌ మీకు అక్కర్లేదు. ఎందుకంటే ఆమె ఇవన్నీ చేస్తున్నది సినిమాలో. ‘ఆరమ్‌’ అనే తమిళ చిత్రంలో నయనతార కలెక్టర్‌గా నటిస్తున్నారు. గోపీ నైనర్‌ దర్శకత్వంలో రూపొందుతున్న ఈ చిత్రాన్ని ట్రైడెంట్‌ ఆర్ట్స్‌ బ్యానర్‌లో ఆర్‌. రవీంద్రన్‌ ‘కర్తవ్యం’ పేరుతో తెలుగులో విడుదల చేయనున్నారు. ‘‘మా బ్యానర్‌లో 450 సినిమాలకు పైగా డిస్ట్రిబ్యూట్‌ చేశాం.‘శివలింగ’, ‘విక్రమ్‌ వేదా’ వంటి విజయవంతమైన చిత్రాలను నిర్మించాం. ఇది పొలిటికల్‌ డ్రామా. దర్శకుడు ఈ సినిమాను బాగా తెరకెక్కిస్తున్నారు. నయనతార నటన అందరినీ ఆకట్టుకుంటుంది’’ అన్నారు. ఈ చిత్రానికి సంగీతం: జీబ్రాన్, కెమెరా: ఓం ప్రకాశ్‌.


 సంచలన తార నయనతార పరుగులరాణిగా మారనున్నారా? కోలీవుడ్‌లో తాజా సమాచారం ఇదే. టాప్‌ హీరోయిన్‌గా రాణిస్తున్న నయనతార ఇటీవల లేడీ ఓరియెంటెడ్‌ చిత్రాలకు ప్రాధాన్యత నిస్తున్న విషయం తెలిసిందే. ఒక పక్క శివకార్తికేయన్‌ వంటి యువ హీరోలతో నటిస్తూనే మరో పక్క హీరోయిన్‌ ఓరియెంటెడ్‌ కథా చిత్రాల్లో నటిసున్నారు. మాయ తరువాత నయనతార నటించిన డోర చిత్రం పరిశ్రమ వర్గాల్లో మిశ్రమ టాక్‌ను పొందినా, వసూళ్ల పరంగా హ్యాపీనేనంటున్నారు ట్రేడ్‌ వర్గాలు.
 
 దీంతో ఈ అమ్మడిని హీరోయిన్‌ ప్రధాన ఇతివృత్తంగా గల కథా చిత్రాలు వెతుక్కుంటూ వస్తున్నాయి. నయనతార నటిస్తున్న తాజా చిత్రం అరమ్‌ టీజర్‌ను ఆస్కార్‌ అవార్డు గ్రహీత ఏఆర్‌.రెహ్మాన్‌ బుధవారం ఆవిష్కరించడం విశేషం. ఈ టీజర్‌కు ప్రేక్షకుల నుంచి మంచి స్పందన వస్తోంది.ఈ సంచలన నటి మరో లేడీ ఓరియెంటెడ్‌ కథా చిత్రానికి గ్రీన్‌ సిగ్నల్‌ ఇచ్చినట్లు కోలీవుడ్‌ వర్గాల సమాచారం.నందా పెరియస్వామి దర్శకత్వం వహించనున్న ఈ చిత్రంలో నయనతార పరుగుల రాణిగా నటించడానికి రెడీ అవుతున్నట్లు సమాచారం.
 
  అందుకు తను కసరత్తులు చేయడానికి సిద్ధం అవుతున్నారని తెలుస్తోంది. క్రీడా నేపథ్యంలో తెరకెక్కిన చిత్రాలకు ప్రేక్షకుల నుంచి మంచి ఆదరణ లభిస్తోంది. తమిళంలో అథ్లెట్‌ ఇతి వృత్తంతో చిత్రాలు వచ్చి చాలా కాలమైంది. చాలా కాలం క్రితం పరుగుల రాణి అశ్విని నాచప్ప నటించిన చిత్రం మంచి విజయాన్నే అందుకుంది. నయనతార నటించనున్న ఆ తరహా చిత్రానికి సంబధించిన పూర్తి వివరాలు వెలువడాల్సి ఉంది.


 ప్రజెంట్ సౌత్ ఇండస్ట్రీ నంబర్ వన్ హీరోయిన్ ఎవరంటే..? వెంటనే గుర్తొచ్చే పేరు నయనతార. స్టార్ హీరోల సరసన గ్లామర్ రోల్స్ చేస్తూనూ.. లేడీ ఓరియంటెడ్ సినిమాలతో అలరిస్తోంది ఈ బ్యూటి. అదే స్థాయిలో భారీ రెమ్యూనరేషన్ కూడా అందుకుంటున్న నయన్, సౌత్ లో టాప్ ప్లేస్ లో ఉంది. ప్రస్తుతం ఈ బ్యూటి తమిళ్ నాట ఓ ఇంట్రస్టింగ్ సినిమాలో నటిస్తోంది. లేడీ ఓరియంటెండ్ మూవీగా తెరకెక్కుతున్న అరమ్ సినిమా కోసం ఓ సాహసం చేస్తోంది.
 
 ఈ సినిమాలో ప్రజా సమస్యల మీద పోరాటం చేసే కలెక్టర్ పాత్రలో నటిస్తున్న నయనతార సినిమా అంతా ఒకే కాస్ట్యూమ్ లో కనిపించనుందట. నీటి సదుపాయం లేని ఓ గ్రామానికి లేడీ కలెక్టర్ ఒక్క రోజులో నీరు ఎలా తెప్పించింది అన్న కథాశంతో తెరకెక్కుతున్న ఈ సినిమాలో నయన్ మరోసారి తన యాక్టింగ్ స్కిల్స్ చూపించనుంది. మింజూర్ గోపి దర్శకత్వంలో తెరకెక్కుతున్న ఈ సినిమా త్వరలో రిలీజ్ కానుంది.