Anarchy

ఏపీలో స్థానిక ఎన్నికల్లో ఓటమి భయంతో పచ్చమూకలు వైఎస్పార్‌సీపీ అభ్యర్థులపై దాడులకు పాల్పడుతున్నాయి. ఒక పథకం ప్రకారం ఈ దాడులకు వారు తెగబడుతున్నారు. వైఎస్ఆర్సీపీ అభ్యర్థులను నామినేషన్లు వేయకుండా అడ్డుకోవడంతో పాటు దౌర్జన్యాలకు దిగుతున్నారు. వీరికి అధికారపక్షం, పోలీసులు కొమ్ముకాస్తున్నారు. రాష్ట్రంలో జంగిల్‌ రాజ్యం నడుస్తోంది: పిన్నెల్లిచంద్రబాబు ప్రభుత్వంపై ప్రజల్లో తీవ్ర వ్యతిరేకతప్రశ్నించిన వారిపై తప్పుడు కేసులు పెడుతున్నారువైఎస్సార్‌సీపీ అభ్యర్థుల ఇళ్లకు వెళ్లి పోలీసులే బెదిరిస్తున్నారువిడదల రజినీపై హత్యాయత్నం చేశారుదాడులు చేసిన వారిని వదిలిపెట్టే ప్రసక్తే లేదుచంద్రబాబు ఓడించేందుకు ప్రజలు సిద్ధంగా ఉన్నారుకడపలో వైఎస్సార్‌సీపీ అభ్యర్థి కుటుంబానికి టీడీపీ గూండాల బెదిరింపుఫోన్లు చేసి బెదిరిస్తున్నారన్న 17వ వార్డు అభ్యర్థి గంగాదేవిఎస్సీ, ఎస్‌ఈసీకి ఈ-మెయిల్‌ ద్వారా ఫిర్యాదు చేసిన బండి గంగాదేవినామినేషన్‌ పత్రాలు చించివేసిన ఘటనపై విచారణ చేయాలని వినతితన భర్తను అక్రమ కేసుల్లో ఇరికించాలని చూస్తున్నారని ఆందోళనబెదిరింపులకు పాల్పడుతున్న వారిపై చర్యలు తీసుకోవాలని విజ్ఞప్తితన కుటుంబానికి పోలీసు రక్షణ కల్పించాలని అభ్యర్థన వైఎస్సార్‌ జిల్లా:పులివెందులలో టీడీపీ అరాచకంపులివెందుల నియోజవర్గ వ్యాప్తంగా ఎంపీటీసీ స్థానాలకు ఒక్క నామినేషన్‌ కూడా వేయనివ్వని టీడీపీ గూండాలుప్రతి మండలంలో వైఎస్సార్‌సీపీ అభ్యర్థులను అడ్డుకున్న పచ్చమూకపులివెందుల నియోజకవర్గంలో 66 ఎంపీటీసీ స్థానాలకు గాను ఒక్క చోట కూడా నామినేషన్‌ వేయనివ్వని టీడీపీ గూండాలుమరోవైపు ఫేక్‌ నామినేషన్ల పర్వానికి తెరలేపిన టీడీపీఏకంగా 42 ఫేక్‌ నామినేషన్లు దాఖలు చేసిన టీడీపీక్షేత్రస్థాయిలో తీవ్రంగా దాడులకు దిగిన టీడీపీ గూండాలుటీడీపీ మూకలకు పూర్తిగా సహకరించిన పోలీసులుదాడులు చేస్తున్నా, రక్తం కారుతున్నా పట్టించుకోని పోలీసులు కర్నూలు: ఆస్పరిలో రెచ్చిపోయిన పచ్చమూకలునామినేషన్‌ కేంద్రంలోకి చొచ్చుకెళ్లిన టీడీపీ గూండాలుఆర్‌వోపైకి దూసుకెళ్లిన టీడీపీ రౌడీలునామినేషన్లు పరిశీలిస్తున్న అధికారుల అడ్డగింతఆర్వో కార్యాలయంలో సీసీ కెమెరా వైర్లు తొలగింపుటీడీపీ నేత వైకుంఠం జ్యోతి ఆధ్వర్యంలో దాడులుటీడీపీ మూకల ఆగడాలను పట్టించుకోని పోలీసులు పులివర్తి నానివి దిగజారుడు రాజకీయాలు: చెవిరెడ్డి మోహిత్‌రెడ్డితమిళనాడు నుంచి గూండాలను తీసుకొచ్చి రౌడీయిజం చేశారునామినేషన్‌ పేపర్లను పులివర్తి నాని ఇంటికి తీసుకెళ్లారుస్క్రూటినీ పేరుతో 100కు పైగా నామినేషన్లు తిరస్కరించారునామినేషన్ల తిరస్కరణపై ఆర్డీవో అప్పీల్‌కు వెళ్తాంఆర్వోలపై న్యాయపోరాటం చేస్తాం విజయవాడ మాజీ మంత్రి వెల‍్లంపల్లి శ్రీనివాసరావు కామెంట్స్‌కూటమి అరాచక పాలనకు ప్రజలు బుద్ధి చెప్పే రోజులు దగ్గర పడ్డాయిమున్సిపల్ ఎన్నికల ప్రచారంలో వైసిపికి ప్రజల నుంచి అద్భుతమైన స్పందన లభిస్తోంది కూటమి పాలనలో ఏపీ రౌడీయిజానికి కేరాఫ్ అడ్రస్ గా మారింది రాష్ట్రంలో ప్రజాస్వామ్యాన్ని ఖూనీ చేస్తూ నామినేషన్ పత్రాలను చించేస్తున్నారుఆర్వోల ఎదుటే నామినేషన్ పత్రాలు లాక్కుంటున్నా పోలీసులు ప్రేక్షకపాత్ర వహిస్తున్నారువైసిపి నాయకుల పై దాడులు చేసి తిరిగి వారిపైనే అక్రమ కేసులు బనాయిస్తున్నారు వైఎస్సార్‌సీపీ అభ్యర్థులు నామినేషన్లు వేస్తుంటే కూటమికి అంత భయం దేనికి ప్రకాశం జిల్లా: కలవకూరు గ్రామానికి చెందిన ఎంపీటీసీ అభ్యర్థి సురభి జేమ్స్ కిడ్నాప్ చేసేందుకు కూటమినేతల యత్నంఅడ్డుకున్న అద్దంకి వైఎస్ఆర్సిపి ఇన్చార్జ్ డాక్టర్ చింతలపూడి అశోక్ కుమార్ఇరువర్గాల తోపులాటతో ఒకసారిగా అద్దంకిలో ఘర్షణ వాతావరణంఘటన స్థలాన్ని చేరుకుని ఘర్షణ పడుతున్న ఇరువురి పార్టీ నేతలను చెదరగొట్టిన కొట్టిన పోలీసులునెల్లూరు జిల్లా: నెల్లూరు జిల్లా ఏఎస్ పేట పోలీసుల ఓవరాక్షన్చినమనలో వైఎస్సార్‌సీపీ నుంచి ఎంపీటీసీగా నామినేషన్ వేసిన అభ్యర్థిపై దౌర్జన్యంపొలాల్లో పశువులు వేపుకుంటున్న అభ్యర్థిని కిడ్నాప్ చేసేందుకు పోలీసుల ప్రయత్నంపొలాల్లో గేదెలు మేపుకుంటున్న అభ్యర్థినిపై కేసులు ఉన్నాయంటూ లాక్కెళ్ళే ప్రయత్నం.పోలీసుల బృందంతో గేదెల మేపుకునే వారిపై ఏఎస్ పేట ఎస్సై దాష్టికంవైఎస్సార్‌సీపీ నుంచి నామినేషన్ వేసిన చిరమన ఎంపీటీసీ అభ్యర్థిని విత్ డ్రా చేయాలంటూ ఒత్తిడినామినేషన్ల వ్యవహారంలో ఈసీ ఇప్పటికే హెచ్చరికలు చేసినా లెక్కచేయని ఏఎస్ పేట ఎస్సైగ్రామంలో ఓ చోటా నాయకుడి కోసం ఎన్నికల నిబంధనలను తుంగలో తొక్కుతున్న ఎస్సైవిజయనగరం జిల్లా: పూసపాటిరేగ మండలం జడ్పీటీసీ స్థానంలో వైఎస్ఆర్‌సీపీ అభ్యర్థి బొత్స చైతన్య నామినేషన్‌ను తిరస్కరించిన ఎన్నికల అధికారి.పూసపాటిరేగ మండలంలో ఓటు హక్కు లేదని సాంకేతిక కారణం చూపిన ఎన్నికల అధికారి.తిరుపతి: రైల్వే కోడూరు నియోజకవర్గంలో టీడీపీ కుట్రలుటీడీపీ నియోజకవర్గ ఇంచార్జ్‌ రూపానందరెడ్డి స్వగ్రామం ముక్కావారిపల్లె వైఎస్సార్‌సీపీ ఎంపీటీసీ అభ్యర్థి నామినేషన్‌ తిరస్కరణరూపానందరెడ్డి ఒత్తిడితోనే నామినేషన్‌ తిరస్కరించినట్లు ఆరోపణలునామినేషన్‌ తిరస్కరణపై హైకోర్టు ఆశ్రయించనున్న వైఎస్సార్‌సీపీరాష్ట్రంలో ప్రజాస్వామ్యం ఉందా? ఆటవిక రాజ్యం నడుస్తోందా?బండి పుణ్యశీల, వైఎస్సార్‌సీపీ అధికార ప్రతినిధిఎన్నికలంటే చంద్రబాబుకు వణుకు పుడుతుందిఎన్నికల భయంతోనే రాష్ట్రవ్యాప్తంగా టీడీపీ అరాచకాలు40 ఏళ్ల ఇండస్ట్రీ అంటే ఇదేనా చంద్రబాబూ?రాష్ట్రాన్ని రావణకాష్టంగా మార్చేసిన వ్యక్తి చంద్రబాబుఅధికారం మీది.. పోలీసులు మీవారు.. అరాచకాలు మాత్రం వైఎస్సార్‌సీపీ చేస్తోందా?రాష్ట్రం ఏమైనా చంద్రబాబు తాతగారి జాగీరా?మహిళా భద్రత అంటూనే మహిళా అభ్యర్థులపై దాడులా?మహిళల చీరలు లాగడం టీడీపీ నేతల సంస్కారమా?తొమ్మిది నెలల గర్భిణిని కూడా వదలకుండా టీడీపీ మూకలు దాడి చేశాయిమాజీ మంత్రి విడుదల రజినిని కిందకు తోసేయడం దారుణంమహిళలపై ఇన్ని దాడులు జరుగుతుంటే హోంమంత్రి అనిత నిద్రపోతున్నారా?గుంటూరు :ఇంత అరాచకం గతంలో మనమెప్పుడూ చూడలేదు: మాజీ ఎమ్మెల్యే నంబూరు శంకరరావు43 ఏళ్ల చరిత్ర ఉన్న తెలుగుదేశం ఎన్నికలు చెయ్యలేక దిగజారుడు రాజకీయాలు చేస్తున్నారుచంద్రబాబుకు ఎన్నికలంటే ఎందుకంత భయం?పెదకూరపాడులో నామినేషన్లు వేసే పరిస్థితి లేదుటీడీపీ గూండాలకు పోలీసులు రక్షణాగా నిలుస్తున్నారువైఎస్సార్‌సీపీ అభ్యర్థులతో పోలీసులు అసభ్యంగా ప్రవర్తిస్తున్నారుఇన్నేళ్లలో చంద్రబాబు ఒక్క మంచి పని కూడా చేయలేదుచంద్రబాబుకు ప్రజలే తగిన గుణపాఠం చెప్తారు వైఎస్సార్ జిల్లా ప్రొద్దుటూరుమాజీ ఎమ్మెల్యే రాచమల్లు శివ ప్రసాద్ రెడ్డి కామెంట్స్‌టీడీపీ నాయకులు బెదిరింపులకు పాల్పడుతున్నారువైఎస్సార్‌సీపీ అభ్యర్థులను నామినేషన్లు వేయకుండా అడ్డుకున్నారుఎమ్మెల్యే నంద్యాల వరదరాజులరెడ్డి కుటుంబానికి సంబంధించిన వ్యక్తుల వ్యవహారాలపై వారం రోజులుగా దాడులు కొనసాగుతున్నాయిమున్సిపల్ ఎన్నికలతో పాటు జడ్పీటీసీ, ఎంపీటీసీ నామినేషన్ ప్రక్రియ పూర్తయిందిఈసారి స్థానిక సంస్థల ఎన్నికల్లో ప్రజలు ఓట్లు వేయకుండానే ఏకగ్రీవాల పేరుతో ప్రక్రియ ముగిసే పరిస్థితి ఏర్పడిందినామినేషన్ల పరిశీలనకు మమ్మల్ని ఎందుకు అనుమతించడం లేదని ప్రశ్నించాందీంతో వైఎస్సార్ పార్టీ నాయకులు, కార్యకర్తలపై కేసులు నమోదు చేసేందుకు పోలీసులు సిద్ధమవుతున్నారు టీడీపీ గుండాల అరాచకాలుఉమ్మడి చిత్తూరు జిల్లాలో కొనసాగుతున్న టీడీపీ గుండాల అరాచకాలునేడు నామినేషన్లు పరిశీలన..35 జడ్పీటీసీ స్థానాలకు 386 నామినేషన్లు దాఖలుమొత్తం 444 ఎంపీటీసీ స్థానాలకు 2949 నామినేషన్లు దాఖలువీటిలో వైఎస్సార్‌సీపీ 1106టీడీపీ.. 1302 నామినేషన్లు దాఖలుజిల్లాలో ప్రతి నియోజకవర్గంలో వైఎస్సార్‌సీపీ అభ్యర్థులు నామినేషన్లు అడ్డుకుని, చించివేతటీడీపీ గుండా గిరి, నిన్న చివరి రోజు నామినేషన్లు అడ్డుకుని దౌర్జన్యంవైఎస్సార్‌సీపీ అభ్యర్థులు నామినేషన్లు విత్ డ్రా చేయాలని బలవంతంగా ఒత్తిళ్లునెల్లూరులోనూ అదే తీరుచిట్టమూరు సన్నారెడ్డి శ్రీనివాసుల రెడ్డి అక్రమ అరెస్ట్నిన్న ఎంపీటీసీ దగ్గర నామినేషన్ దాఖలు చేపించిన సన్నారెడ్డి శ్రీనివాసుల రెడ్డినిన్న తిరుపతిలో తల్లి విజయ లక్ష్మి దగ్గర జడ్పీటీసీ గా నామినేషన్ దాఖలుఅర్ధరాత్రి సన్నారెడ్డి శ్రీనివాసులు రెడ్డిని అదుపులోకి తీసుకున్న పోలీసులుసన్నారెడ్డిపై 331(3)351 సెక్షన్ల కింద కేసు నమోదు చేసిన చిట్టమూరు పోలీసులుశ్రీనివాసుల రెడ్డిని నాయుడుపేట కోర్టులో హాజరు పరిచిన పోలీసులు14 రోజుల రిమాండ్ విధించిన నాయుడుపేట న్యాయస్థానంవైయస్సార్ జిల్లాలో నిర్ధాక్షిణ్యంగా నామినేషన్ల తిరస్కరణకడప జడ్పీ కార్యాలయంలో నేడు జడ్పీటీసీ అభ్యర్ధుల నామినేషన్ పత్రాల పరిశీలన10 గంటలకు ప్రారంభం కానున్న స్క్రూటినీవైఎస్ఆర్సీపీ జడ్పీటీసీ అభ్యర్థులను తీసుకుని స్క్రూటినీకి వెళ్లిన వైఎస్సార్సీపీ నేతలుఅభ్యర్ధులతో పాటు పార్టీ జిల్లా అధ్యక్షుడు రవీంద్రనాథ్ రెడ్డి, ఎమ్మెల్సీ రమేష్ యాదవ్, ఎస్‌ఈసీ సభ్యులు రాజోలి వీరారెడ్డి, సోషల్ వెల్ఫేర్ కార్పొరేషన్ మాజీ చైర్మన్ పులి సునీల్, లీగల్ సెల్ నేత నాగిరెడ్డినామినేషన్ ప్రక్రియ సజావుగా నిర్వహించాలంటున్న వైఎస్సార్సీపీమున్సిపల్ ఎన్నికల్లో అధికారులు కుమ్మక్కై నిర్ధాక్షిణ్యంగా నామినేషన్ల తిరస్కరణఅలాంటి పరిస్థితులు జరగకుండా చూడాలని జిల్లా అధికారులను కోరిన రవీంద్రనాథ్ రెడ్డి జనసేన అభ్యర్థులను..పల్నాడు జిల్లాలో జనసేన అభ్యర్థులను చావబాదిన టిడిపి నాయకులుబెల్లంకొండ మండలం గంగిరెడ్డిపాలెం ఎంపీటీసీ స్థానానికి నామినేషన్ దాఖలు చేయడానికి వచ్చిన శ్రీనివాసరావు పై దాడి చేసిన తెలుగుదేశం నాయకులుజనసేన అభ్యర్థిని నామినేషన్ దాఖలు చేయకుండా అడ్డుకుని దాడి చేసిన తెలుగుదేశం నాయకులుజనసేన అభ్యర్థికి తీవ్ర గాయాలు ఆస్పత్రికి తరలింపుహాస్పటల్లో చికిత్స పొందుతున్న జనసేన అభ్యర్థిని పరామర్శించిన గుంటూరు జిల్లా జనసేన అధ్యక్షుడు గాదె వెంకటేశ్వరరావుగాదె వెంకటేశ్వరరావు, గుంటూరు జిల్లా జనసేన అధ్యక్షుడు కామెంట్స్....కూటమిలో మేము ఉన్నామని చెప్పుకోవడానికి సిగ్గుపడాలో అర్థం కావట్లేదుగంగిరెడ్డిపాలెం ఎంపీటీసీ స్థానానికి మా అభ్యర్థి నామినేషన్ వేయడానికి వెళ్తే తెలుగుదేశం నాయకులు దాడి చేశారునామినేషన్ సెంటర్ వద్ద తెలుగుదేశం నాయకులు జనసేన అభ్యర్థి పై దాడి చేయడం దారుణంజనసేన అభ్యర్థి నామినేషన్ దాఖలు చేయకుండా దాడులు చేయడం హేయమైన చర్యమహిళలు అని కూడా చూడకుండా దాడులు చేశారుటిడిపి నాయకులతో కొట్టించుకోవడానికి మేము ఆ పార్టీతో పొత్తు కట్టలేదుజనసేన అభ్యర్థి పై దాడికి ఎమ్మెల్యే ,జిల్లా అధ్యక్షుడు, ముఖ్యమంత్రి ఎవరు సమాధానం చెప్తారో చెప్పండి.జనసేన అభ్యర్థులు తెలుగుదేశం నాయకులు కొడుతుంటే పోలీసులు చూస్తూ ఊరుకున్నారుతెలుగుదేశం నాయకులు జనసేన నాయకుల్ని చంపుతామని బెదిరించారటఎక్కువ చేస్తే తెలుగుదేశం నాయకుల నాలిక కట్టేస్తాతెలుగుదేశం నాయకుల తో చంపించుకోవడానికి మేము పొత్తులో కొనసాగట్లేదుపెదకూరపాడు ఎమ్మెల్యే భాష్యం ప్రవీణ్ వెంటనే స్పందించి దాడి చేసిన తెలుగుదేశం నాయకులతో జనసేన అభ్యర్థికి క్షమాపణ చెప్పించాలి వాళ్ల కాళ్లు పట్టించాలి. లేకపోతే ధర్నా చేస్తాంపల్నాడు జిల్లా ఎస్పీ వెంటనే జనసేన అభ్యర్థి పై దాడి చేసిన తెలుగుదేశం నాయకులు పై కేసు నమోదు చేయాలి వారిని అరెస్టు చేయాలి. లేకపోతే ఆందోళన చేస్తాం.ఎన్టీఆర్ జిల్లాలో..తిరువూరు 13వ వార్డులో వైఎస్సార్‌సీపీ ఎన్నికల ప్రచారంసుందరయ్య కాలనీలో గత వైఎస్సార్‌సీపీ పాలనను గుర్తుచేసుకున్న వృద్ధురాలువైఎస్ జగన్ అమలు చేసిన సంక్షేమ పథకాలపై వృద్ధురాలి ప్రశంసలుఅర్హులైన లబ్ధిదారుల ఖాతాల్లో నేరుగా నగదు జమ చేసిన విధానంపై కొనియాడిన వృద్ధురాలు.తాడేపల్లిలో.. ఏపీలో టీడీపీ గూండాలతో కలిసి పోయిన కొందరు ఖాకీలువైఎస్సార్‌సీపీ నేతలు, కార్యకర్తలే టార్గెట్ గా వేధింపులుస్థానిక ఎన్నికల్లో నామినేషన్లనూ వేయనీయకుండా అడ్డంకులుకొంతమంది పోలీసుల తీరుపై వైఎస్సార్‌సీపీ అధిష్టానం ఆగ్రహంఎస్పీలు, డీఎస్పీలు, సీఐలు సహా మొత్తం 59 మందిని గుర్తించిన వైఎస్సార్‌సీపీవారందరిపై చర్యలకు ఎస్ఈసీ కి ఫిర్యాదుఫలితం లేకపోవడంతో హైకోర్టులో పిటిషన్ఇప్పటికే రాష్ట్రపతి, కేంద్ర హోంశాఖకు ఫిర్యాదులు చేసిన ఎంపీ గురుమూర్తికర్నూలు నగరంలో..కర్నూలు నగరంలోని 7వ వార్డులో వైఎస్ఆర్సీపీ విస్తృతంగా ప్రచారంప్రచారంలో పాల్గొన్న వైఎస్ఆర్సీపీ కర్నూలు జిల్లా అధ్యక్షుడు ఎస్వీ మోహన్ రెడ్డి, మేయర్ అభ్యర్థి సుశీల, మాజీ ఎంపీ బుట్టా రేణుకా, కార్పోరేటర్ అభ్యర్థి వరలక్ష్మీ.కేతిరెడ్డి పెద్దారెడ్డి గృహ నిర్బంధంఅనంతపురం: తాడిపత్రి వైఎస్సార్ సీపీ సమన్వయకర్త, మాజీ ఎమ్మెల్యే కేతిరెడ్డి పెద్దారెడ్డి గృహ నిర్బంధంమూడు రోజులుగా హౌస్ అరెస్ట్ చేసిన పోలీసులుమాజీ ఎమ్మెల్యే కేతిరెడ్డి పెద్దారెడ్డి స్వగ్రామం తిమ్మంపల్లి ఎమ్పీటీసీ స్థానానికి నామినేషన్ వేయకుండా అడ్డుకున్న టీడీపీ నేతలుసహకరించిన పోలీసులుఈరోజు జరగనున్న యల్లనూరు మండలం నామినేషన్ల స్క్రూటినీ కార్యక్రమానికి బయలుదేరిన మాజీ ఎమ్మెల్యే కేతిరెడ్డి పెద్దారెడ్డి ని ఇంటి వద్దే అడ్డుకున్న పోలీసులుటీడీపీ ఎమ్మెల్యే జేసీ అస్మిత్ రెడ్డి, ఆయన తండ్రి జేసీ ప్రభాకర్ రెడ్డి చెప్పుచేతల్లో పోలీసులు పనిచేస్తున్నారని మాజీ ఎమ్మెల్యే కేతిరెడ్డి పెద్దారెడ్డి ఆగ్రహండాక్టర్ బీఆర్ అంబేద్కర్ కోనసీమ జిల్లా...అమలాపురం మండలంలో కొలిక్కిరాని కూటమి పొత్తులు..తెలుగుదేశం పోటీ చేసే స్థానాల్లో నామినేషన్లు దాఖలు చేసిన జనసేన అభ్యర్థులు...మండల పరిధిలో 25 ఎంపీటీసీ స్థానాల్లో పరిధిలోని 66 సెట్ ల నామినేషన్లు దాఖలు చేసిన కూటమి నాయకులు..జిల్లాలో దాదాపుగా అన్ని మండలాల్లో నెలకొన్న ఇదే రకమైన పరిస్థితిపొత్తు ధర్మం పాటించకుండా నాయకులు ఇష్టం వచ్చినట్లు నామినేషన్లుదాఖలు చేయడంతో కూటమి నాయకుల్లో ఓటమి భయంఛోటా క్యాడర్ తీరుతో తలలు పట్టుకుంటున్న టిడిపి, జనసేన నాయకులుతిరుపతిలో..తిరుపతిలో జోరు అందుకున్న మున్సిపల్ కార్పొరేషన్ ప్రచారాలుప్రచారంలో దూసుకుపోతున్న తిరుపతి మేయర్ వాసు యాదవ్నేడు 33 వ వార్డులో వైఎస్ఆర్ కాంగ్రెస్ పార్టీ ఎన్నికల ప్రచారంఎన్నికల ప్రచారంలో పాల్గొన్న వైయస్సార్ కాంగ్రెస్ పార్టీ రీజినల్ కోఆర్డినేటర్ భూమన కరుణాకర్ రెడ్డిఇంటింటికి వెళ్లి మేర అభ్యర్థి కార్పొరేట్ అభ్యర్థికి రెండు ఓట్లు వేయాలని కోరిన భూమన కరుణాకర్ రెడ్డిప్రజల నుంచి అద్భుతమైన రెస్పాన్స్తప్పకుండా వైయస్సార్ కాంగ్రెస్ పార్టీ మేర అభ్యర్థిని గెలిపిస్తామంటూ భరోసా ఇస్తున్న తిరుపతి ప్రజలుఏలూరు జిల్లాలో..నూజివీడులో మున్సిపల్ అధికారుల ఓవరాక్షన్టిడిపికి ఒక రూల్ వైసిపికి మరో రూల్ పాటిస్తున్న మున్సిపల్ అధికారులు19వ వార్డుకు చెందిన వైసిపి కౌన్సిలర్ అభ్యర్ధి ప్రచార ఆటో ఆపేయాలంటూ హుకుంప్రచార ఆటోకు ఉన్న బ్యానర్లు చించేసిన మున్సిపల్ అధికారులుఎలాంటి ముందస్తు నోటీసులు కూడా లేకుండా ప్రచార ఆటోకు ఉన్న బ్యానర్లు ధ్వంసంకనీసం నోటీసు కూడా లేకుండా ప్రచార ఆటో బ్యానర్లు చించేయడం పై వైసిపి కౌన్సిలర్ అభ్యర్ధి శీలం రాము ఆగ్రహంటిడికి ఒక న్యాయం వైసిపికి మరో న్యాయమా అని నిలదీసిన శీలం రాముమున్సిపల్ అధికారులు సమాధానం చెప్పాలంటూ రోడ్డు పై భైటాయించి నిరసన చేపట్టిన శీలం రాముకృష్ణాజిల్లాలో..గుడివాడ స్థానిక సంస్థల ఎన్నికల పోలింగ్ ప్రక్రియకు ముమ్మర ఏర్పాట్లు చేస్తున్న అధికార యంత్రాంగం.గుడివాడ చేరుకున్న పోలింగ్ బ్యాలెట్ బాక్సులు.గుడివాడ పురపాలక సంఘ కార్యాలయంలోని స్ట్రాంగ్ రూమ్లో....భద్రపరచిన బ్యాలెట్ బాక్స్ లు.ఎన్నికల పోలింగ్ కు మొత్తం 350 బాక్సులు వచ్చినట్లు వెల్లడించిన అధికారులు.జగయ్యపేటలో..7వ వార్డ్ లో వైస్సార్సీపీ విస్తృత ప్రచారంమున్సిపాల్ చైర్మన్, అభ్యర్థులను గెలిపించాలని అభ్యర్థులతో కలిసి ఇంటింటికి ప్రచారం చేస్తున్న వైసీపీ నేతలు..ప్రచారం లో పాల్గొన్న నియోజవర్గ ఇంచార్జ్ తన్నేరు నాగేశ్వరావు, వైసీపీ రాష్ట్ర కార్యదర్శి ఇంటూరీ చిన్న..కర్నూలులో..బుట్టా రేణుక కామెంట్స్....చంద్రబాబు ప్రజలకు ఇచ్చిన హామీలను అమలు చేయలేదు.ప్రజలు వైఎస్ జగన్ మోహన్ రెడ్డి పాలనను కోరుతున్నారు.రాష్ట్రంలో వర్షాలు లేవు, నిత్యావసర వస్తువుల ధరలు పెరిగి పోయాయని ప్రజలు ఆగ్రహం వ్యక్తం చేస్తున్నారు.ప్రజలు వైఎస్ఆర్సీపీ అభ్యర్థులకు ఓటు వేసేందుకు సిద్ధంగా ఉన్నారు.స్థానిక ఎన్నికల్లో వైఎస్ఆర్సీపీ విజయం ఖాయంఅనంతపురం: కర్నూలు మాజీ ఎమ్మెల్యే హఫీజ్ ఖాన్ కామెంట్స్....ఏపీలో టీడీపీ కూటమి రోజు రోజుకూ బలహీనపడుతోందిటీడీపీ, బీజేపీ, జనసేన కలిసి పోటీ చేసినా వైఎస్ జగన్ ను ఎదుర్కోలేకపోతున్నారుస్థానిక సంస్థల ఎన్నికల సందర్భంగా జరుగుతున్న దాడులే ఇందుకు నిదర్శనంఓటమి భయంతోనే వైఎస్సార్ సీపీ అభ్యర్థుల నామినేషన్లను టీడీపీ కూటమి నేతలు అడ్డుకుంటున్నారుఅనంతపురం మునిసిపల్ కార్పొరేషన్ లో బీజేపీ అభ్యర్థి ని ఓడించండిటీడీపీ కూటమి ముస్లిం ద్రోహిముస్లిం మైనార్టీలకు ఏం చేశారో టీడీపీ కూటమి నేతలు చెప్పాలిఅనంతపురం మునిసిపల్ కార్పొరేషన్ వైఎస్సార్ సీపీ మేయర్ అభ్యర్థి రమేష్ గౌడ్ ను భారీ మెజారిటీతో గెలిపించాలి- మాజీ ఎమ్మెల్యే హఫీజ్ ఖాన్అనంతపురంలో..వైఎస్సార్ సీపీ అనంతపురం మేయర్ అభ్యర్థి రమేష్ గౌడ్ కామెంట్స్టీడీపీ కూటమి ప్రభుత్వం ప్రజా వ్యతిరేక విధానాలను అనుసరిస్తోందితిరుపతి లడ్డూ పై చంద్రబాబు దుష్ప్రచారం చేసి భక్తుల మనోభావాలను దెబ్బతీశారుఅనంతపురం నగరం బాగుండాలంటే వైఎస్సార్ సీపీ కి ఓటేయాలిటీడీపీ ఎమ్మెల్యే అనుచరుల దాడులు దౌర్జన్యాలు, భూకబ్జాలు ప్రజలు గుర్తుపెట్టుకోవాలివైఎస్సార్ సీపీ అభ్యర్థుల ను గెలిపిస్తే... సేవకులు గా పనిచేస్తాంకర్నూలులో..కర్నూలు వైఎస్ఆర్సీపీ మేయర్ అభ్యర్థి సుశీలతాము ఇంటింటికి వెళ్లి ప్రచారం చేస్తుంటే నిరుద్యోగులు తమని చంద్రబాబు మర్చిపొయ్యారని చెబుతున్నారు.వైఎస్ జగన్ మోహన్ రెడ్డి హయాంలో ప్రజలు సంతోషంగా ఉన్నారు.చంద్రబాబు పాలనలో పింఛన్లను తొలగించారు.ఎస్సీ ఎస్టీ బీసీ మహిళలకు ఆడబిడ్డ నిధి ఇస్తామని మోసం చేశారు.కర్నూలు మున్సిపల్ కార్పొరేషన్ లో సమస్యలతో సతమతమవుతున్నారు.వైఎస్ఆర్సీపీ అధికారంలోకి వస్తే అభివృద్ధి కార్యక్రమాలు నిర్వహిస్తాం అని మేయర్ అభ్యర్ది తెలిపారు.భూమన కరుణాకర్ రెడ్డి కామెంట్స్తిరుపతిలో మా పార్టీ అభ్యర్థి వాసు యాదవ్ మేయర్ గా తప్పకుండా గెలుస్తాడుతిరుపతి పుణ్యక్షేత్రంలో కూటమి ప్రభుత్వంలో రౌడీలు దౌర్జన్యాలు కొనసాగుతున్నాయి.కూటమి ప్రభుత్వ పాలనలో తిరుపతిలో ఏ ఒక్క అభివృద్ధి పని కూడా జరగలేదుతిరుపతిలో డ్రైనేజీ వ్యవస్థ అస్తవ్యస్తంగా ఉందితిరుపతి ప్రజలకు భయభ్రాంతులకు గురి చేస్తున్నారు కూటమి ప్రభుత్వం.వైయస్సార్ కాంగ్రెస్ పార్టీ పాలనలో తిరుపతిలో అభివృద్ధి అంటే ఎలా ఉంటుందో చేసి చూపించాం రోస్టర్ రోడ్లు వేసి తిరుపతి పట్టణాన్ని మరింత విస్తరించాం కార్పొరేషన్ ఎన్నికల ప్రచారంలో ప్రజల నుంచి మాకు మంచి రెస్పాన్స్ వస్తుందితప్పుకుందా మా మేయర్ అభ్యర్థి వాసు యాదవ్ కార్పొరేటర్లు అందరూ కూడా గెలిచి తీరుతాం.విజయవాడలో..సెంట్రల్ నియోజకవర్గంలో ముమ్మరంగా వైసిపి మున్సిపల్ ఎన్నికల ప్రచారం 72,59,61 వార్డులలో కార్పొరేటర్ అభ్యర్ధులతో కలిసి మాజీ ఎమ్మెల్యే మల్లాది విష్ణు ఎన్నికల ప్రచారంమాజీ ఎమ్మెల్యే , మల్లాది విష్ణువైసిపి ప్రభుత్వ హయాంలో ఇళ్ల పట్టాల పంపిణీ , ఆసుపత్రులు , కమ్యూనిటీ హాల్స్ నిర్మాణం వంటి అనేక కార్యక్రమాలు చేపట్టాం​లోటస్ సెక్టార్లు, రోడ్ల నిర్మాణం, ప్రజలకు కావలసిన మౌలిక వసతులను సమకూర్చి ఇచ్చిన అన్ని హమీలు నెరవేర్చాం మూడేళ్ల పాలనలో కూటమి ప్రభుత్వం ఎన్నికల హామీలను అమలు చేయలేదుఅభివృద్ధి , సంక్షేమాన్ని విస్మరించారుమళ్లీ ఓట్ల కోసం వస్తున్న కూటమి నేతలను ప్రజలు నిలదీయాలని కోరుతున్నాం నిత్యావసర సరుకుల ధరలు విపరీతంగా పెరిగాయిసామాన్య ప్రజలు బతకలేని దుస్థితి ఏర్పడిందిఆరోగ్య శ్రీ, నెట్‌వర్క్ ఆసుపత్రుల సేవలు పూర్తిగా దెబ్బతిన్నాయి​రాష్ట్రంలో శాంతిభద్రతలు క్షీణించాయిమోడల్ లా అండ్ ఆర్డర్ అని గొప్పలు చెప్పుకోవడం సరికాదు​సుప్రీంకోర్టు మార్గదర్శకాలు ఉన్నప్పటికీ, అభ్యర్థులను నామినేషన్లు వేయకుండా అడ్డుకున్నారువైసిపి అభ్యర్ధుల వాహనాలను తగులబెట్టారువిశాఖలో..జీవీఎంసీ 94వ వార్డులో వైసీపీ మేయర్ అభ్యర్థి వరుదు కళ్యాణి ఎన్నికల ప్రచారం..భారీగా హాజరైన వైసీపీ శ్రేణులు..ప్రచార కార్యక్రమానికి హాజరైన తిప్పల నాగిరెడ్డి, దేవన్ రెడ్డి, మాజీ మంత్రి బాలరాజు.గంగవరం అంతటా కొనసాగుతున్న ప్రచార ర్యాలీ.విజయవాడ పశ్చిమ నియోజకవర్గంలోపశ్చిమ నియోజకవర్గంలో వైసిపి మున్సిపల్ ఎన్నికల ప్రచారం44,54 వార్డులలో కార్పొరేటర్ అభ్యర్ధులతో కలిసి మాజీ మంత్రి వెలంపల్లి శ్రీనివాసరావు ఎన్నికల ప్రచారంమాజీ మంత్రి , వెలంపల్లి శ్రీనివాసరావు కూటమి ప్రభుత్వంతో ప్రజలు విసిగిపోయారురెండున్నరేళ్లలో ప్రజలకు చేసిందేమీ లేదునిత్యావసర ధరలు ఆకాశాన్ని అంటాయిజగన్ మోహన్ రెడ్డి సంక్షేమంతో పాటు అభివృద్ధిని చేసి చూపించారుకూటమి ప్రభుత్వానికి ప్రజల పట్ల ఎలాంటి శ్రద్ద లేదుఅందుకే ఓట్లు పడవని తెలిసి డేట్లు కూడా మార్చుకున్నారునామినేషన్లు వేయకుండా మా అభ్యర్ధులను భయపెట్టాలని చూస్తున్నారుపోలీసులను అడ్డం పెట్టుకుని ఎన్నికలు చేసుకుందామనుకుంటున్నారుఈ ఎన్నికల్లో కూటమికి బుద్ధి చెప్పేందుకు ప్రజలు సిద్ధంగా ఉన్నారు.ఏలూరు జిల్లాలో కూటమికి షాక్జంగారెడ్డిగూడెంలో కూటమికి షాక్టిడిపి, జనసేన పార్టీ నుంచి వైయస్ఆర్సీపీలో చేరిన మైసన్న గుడానికి చెందిన 50 కుటుంబాలువారికి కండువాలు కప్పి పార్టీలోకి ఆహ్వానించిన మచిలీపట్నం పార్లమెంట్ పరిశీలకులు జెట్టి గురునాథరావుకూటమిలో కార్యకర్తలకు ప్రాధాన్యత లేకపోవడంతోనే వైసీపీలో చేరామని వెల్లడి.కర్నూలు జిల్లాలో.. కల్లూరు అర్బన్ 33 వ వార్డు అబ్బాస్ నగర్ లో ఫ్యాన్ గుర్తుకు ఓటు వేయాలంటూ ప్రచారం చేపట్టిన వైసిపి కార్పొరేటర్ అభ్యర్థి గాజుల శ్వేతా రెడ్డినంద్యాల జిల్లాలో..నంద్యాల లో వైయస్సార్ కాంగ్రెస్ పార్టీ ఆధ్వర్యంలో మున్సిపల్ ఎన్నికల విస్తృత ప్రచారంభారీగా తరలివచ్చిన ప్రజలు , వైసీపీ నాయకులు , కార్యకర్తలుఎన్నికల ప్రచారంలో కూటమి ప్రభుత్వం పై టిడిపి నాయకులపై విమర్శలు చేసిన వైసిపి మాజీ ఎమ్మెల్యే శిల్పా రవి చంద్ర కిషోర్ రెడ్డినంద్యాల లోని ఎస్బిఐ కాలనీ , బయటి పేట , ఓల్డ్ టౌన్ లో ఎన్నికల ప్రచారంలో పాల్గొన్న మాజీ ఎమ్మెల్యే శిల్పా రవి , ఎమ్మెల్సీ ఇస్సాక్ బాష , వైసిపి మున్సిపల్ చైర్మన్ అభ్యర్థి అమీర్ బాష.కూటమినేతల బెదిరింపుల పర్వంబాపట్ల జిల్లా రేపల్లె నియోజకవర్గం నిజాంపట్నంలో కొనసాగుతున్న కూటమినేతల బెదిరింపుల పర్వం..కొడుకు మోపిదేవి రాజీవ్‌ను ఎంపీపీ చేయడమే లక్ష్యంగా మాజీ మంత్రి మోపిదేవి వెంకటరమణ విశ్వప్రయత్నాలు..పోటీ చేస్తే ఓడిపోతామనే భయంతోనే ఏకగ్రీవం చేసుకునే దిశగా అడుగులు..నిజాంపట్నంలోని 17 సెగ్మెంట్లలో 11 చోట్ల వైసీపీ అభ్యర్థులు నామినేషన్లు వేయనీయకుండా అడ్డుకున్న టిడిపి నేతలు...నామినేషన్ల తొలిరోజు నుంచే వైసీపీ అభ్యర్థులపై దాడులకు తెగబడిన పచ్చ పార్టీ నేతలు...ఇన్ని బెదిరింపులు, ప్రలోభాల మధ్య నిజాంపట్నంలో ఆరు సెగ్మెంట్లలో నామినేషన్లు వేసిన వైసీపీ అభ్యర్థులు..నామినేషన్లు వేసిన వైసీపీ అభ్యర్థులపైన విత్‌డ్రా ఒత్తిళ్లు తెస్తున్నారన్న ఆరోపణలు..రేపల్లె నియోజకవర్గం లో హాట్ టాపిక్ గా మారిన నిజాంపట్నంలో అధికార పార్టీ నేతల అరాచకాలు.చిత్తూరు జిల్లా కుప్పంలో కుట్ర రాజకీయాలుసీఎం చంద్రబాబు ప్రాతినిధ్యం వహిస్తున్న టీడీపీ నాయకులతో వైఎస్సార్ కాంగ్రెస్ పార్టీ పేరుతో దొంగ నామినేషన్లు దాఖలురామకుప్పం మండలం బల్ల గ్రామానికి చెందిన టిడిపి నేత కే.శంకరప్ప వైఎస్సార్ కాంగ్రెస్ అభ్యర్థిగా నామినేషన్వీర్ణమల గ్రామానికి టిడిపి నేత శ్రీనివాస్ భార్య దీపికా వైఎస్ఆర్ కాంగ్రెస్ పార్టీ తరపున నామినేషన్పుష్పమ్మ.. జీడిమాకులపల్లి ,సింగ సముద్రం వైఎస్ఆర్ కాంగ్రెస్ పార్టీ పేరుతో దొంగ నామినేషన్రాజేంద్ర నాయక్..టిడిపి నేత, ననియాల తండా నుంచి వైఎస్ఆర్ కాంగ్రెస్ పార్టీ ఎంపీటీసీ గా నామినేషన్భరత్.. వైఎస్ఆర్ కాంగ్రెస్ పార్టీ ఎమ్మెల్సీ, కామెంట్స్రామకుప్పం ,శాంతిపురం మండలాల్లో వైఎస్సార్ కాంగ్రెస్ పార్టీ అభ్యర్థులను నామినేషన్లు వేయకుండా అడ్డుకున్నారురామకుప్పం, శాంతిపురం మండలాల్లో రీ షెడ్యూల్ ప్రకటించాలని హైకోర్టులో హౌస్ మోషన్ పిటిషన్ దాఖలు చేస్తున్నా..వైఎస్ఆర్ కాంగ్రెస్ పార్టీ అభ్యర్ధులు తో టీడీపీ నాయకులు నామినేషన్ దాఖలు చేశారుటిడిపి కండువాలు కప్పుకుని వైఎస్ఆర్ కాంగ్రెస్ పార్టీ నామినేషన్లు ఎలా వేస్తారురామకుప్పం మండలం లో 89 పెద్దూరు ఎంపిటిసి గా వైఎస్ఆర్ కాంగ్రెస్ పార్టీ అభ్యర్థి అరుణ్ ఒక్కరే నామినేషన్ వేశారుదొంగచాటుగా వెనుక వైపు నుంచి గోడ దూకి నామినేషన్ వేయాల్సిన దుస్థితిటిడిపి వాళ్ళు వైఎస్సార్ కాంగ్రెస్ పార్టీ పేరుతో 16 దొంగ నామినేషన్లు వచ్చినట్లు గుర్తించాం.. వీటి పై ఎన్నికల సంఘం, జిల్లా ఎన్నికల అధికారి కలెక్టర్ కు ఫిర్యాదు చేశాంమా దగ్గర అన్ని ఆధారాలు ఉన్నాయి.అనంతపురంలో..శింగనమల నియోజకవర్గం నియోజకవర్గం గార్లదిన్నె మండలం పెనకచెర్ల వైఎస్సార్ సీపీ ఎమ్పీటీసీ అభ్యర్థి భీమన్న నామినేషన్ తిరస్కరణఅన్నీ సక్రమంగా ఉన్నా నామినేషన్ తిరస్కరించడం పై మాజీ మంత్రి శైలజానాథ్ అభ్యంతరంఎన్నికల అధికారి తో వాగ్వాదంనామినేషన్ దాఖలు సమయం లో అన్నీ ఓకే చేసి ఇప్పుడు ఎలా రిజెక్ట్ చేస్తారని ఆగ్రహంముఖ్యమంత్రి చంద్రబాబు దద్దమ్మ రాజకీయాలు చేస్తున్నారని మాజీ మంత్రి శైలజానాథ్ ఆరోపణలు తిరుపతి జిల్లాలో..పుల్లంపేట మండలం దలవాయిపల్లి లో వైయస్సార్సీపి ఎంపీటీసీగా నామినేషన్ వేసిన మహమ్మద్ వలి నితెలుగుదేశం పార్టీకి చెందిన నాయకులు కిడ్నాప్ చేశారునామినేషన్ వేసిన మహమ్మద్ వలి స్కూటీ కి రాకపోవడంతోఆందోళనలో మహమ్మద్ వలి సతీమణి బంధువులుదళిత కార్యకర్తలపై టీడీపీ నేతల దాడిఎన్టీఆర్ జిల్లా: గంపలగూడెం (మం) సోబ్బాల గ్రామంలో వైసిపి దళిత కార్యకర్తలపై టీడీపీ నాయకుల దాడి.ఎంపిటిసి నామినేషన్ వేసేందుకు వెళ్తున్న దారెల్లి సందీప్, గద్దల రవీంద్ర లపై ఇంట్లోకి పిలిచి కట్టేసి చిత్రహింసలు పెట్టి కొట్టిన టీడీపీ అగ్రవర్ణాలుతిరువూరు ప్రభుత్వ ఆసుపత్రిలో బాధితులను పరామర్శించిన- నియోజకవర్గ ఇన్చార్జ్ నల్లగట్ల స్వామి దాస్..దళితులపై జరిగిన దాడిని తీవ్రంగా ఖండించిన వైసీపీ ఇన్చార్జ్ నల్లగట్ల స్వామిదాస్..పాత కేసులున్నాయని పరిష్కరించుకుందామంటూ అతి దారుణంగా కట్టేసి కొట్టడం దారుణం..జరిగిన ఘటనను పోలీసులకు వివరిస్తే మళ్ళీ పోలీసులు తీసుకెళ్లి థర్డ్ డిగ్రీ ప్రయోగించారు.రాత్రి ఆసుపత్రికి తీసుకెళ్తామని చెప్పి..మళ్లీ స్టేషన్ కి తీసుకువెళ్లి దెబ్బలు ఏమి లేవంటూ ఇంటికి పంపిన పోలీసులు.తప్పు చేస్తే శిక్షించండి అంతేగాని.. పోలీసులు సైతం ఈ విధంగా ప్రవర్తించడం రాజ్యాంగ విరుద్ధం..కూటమి నాయకుల తరఫున పోలీసులు కక్ష తీర్చుకుంటున్నారా అంటూ నిలదీసిన- ఇన్చార్జ్ స్వామిదాస్..కూటమిన్ నాయకులు పోలీసులను మీ చేతుల్లో ఉంచుకునీ ఇష్ట రాజ్యాంగ వ్యవహరిస్తామంటే చూస్తూ ఊరుకోం..చాలా తీవ్రమైన పరిణామాలను ఎదుర్కోవాల్సి వస్తుందంటూ..తీవ్రంగా స్థాయిలో హెచ్చరించిన- ఇన్చార్జ్ నల్లగట్ల స్వామి దాస్దొంగ నాటకానికి తెరలేపిన టీడీపీపల్నాడు జిల్లా: మాచర్ల నియోజకవర్గంలో దొంగ నాటకానికి తెరలేపిన టీడీపీమూడు రోజుల పాటు ఎంపీటీసీ, జెడ్పీటీసీ నామినేషన్ కేంద్రాలను ఆక్రమించిన టీడీపీ మూకలుకనీసం వైఎస్సార్ సీపీ అభ్యర్థులను నామినేషన్ కూడా వేయకుండా దాడులకు దిగిన టీడీపీ గూండాలువైఎస్సార్ సీపీ అభ్యర్థుల పేరుతో నామినేషన్ వేసిన కరడుగట్టిన టీడీపీ కార్యకర్తలువైఎస్సార్ సీపీ అభ్యర్థులు నామినేషన్ వేసినట్లు నాటకాలుకారంపూడి మండలంలో వైఎస్సార్ సీపీ అభ్యర్థులమంటూ నామినేషన్ వేసి దొరికిపోయిన టీడీపీ నాయకుడు జక్కా వెంకట నరసింహారావు భార్య శారదనియోజకవర్గంలోని ఐదు మండలాల్లో నకిలీల నామినేషన్మాచర్ల మండలంలో మూడువెల్దుర్తి మండలంలో ఆరురెంటచింతల మండలంలో రెండుదుర్గి మండలంలో 4కారంపూడిలో ఒకటి చొప్పున వైఎస్సార్ సీపీ అభ్యర్థుల ముసుగులో టీడీపీ కార్యకర్తల నామినేషన్ మార్కాపురం జిల్లాగిద్దలూరు వైఎస్ఆర్ కాంగ్రెస్ పార్టీ ఇంచార్జ్ కుందూరు నాగార్జున రెడ్డి కామెంట్స్...గిద్దలూరు నియోజకవర్గంలో ప్రజాస్వామ్యం ఖూనీ అయిందిఎన్నికల ముసుగులో కూటమి ప్రభుత్వ అరాచకం సృష్టించిందిగిద్దలూరు నియోజకవర్గంలో జరుగుతున్న పరిణామాలు చూస్తుంటే ప్రజాస్వామ్యం బతికే ఉందా అన్న అనుమానం కలుగుతోందినిష్పక్షపాతంగా ఎన్నికలు జరిగితే గిద్దలూరులోని 75 ఎంపీటీసీ స్థానాల్లో 60 నుంచి 65 స్థానాలు, మొత్తం 6 ఎంపీపీ స్థానాల్లో 5 ఎంపీపీలను వైఎస్సార్ కాంగ్రెస్ పార్టీ క్లీన్ స్వీప్ చేస్తుందిఈ విషయాన్ని ఐక్కడి పసిపిల్లాడిని అడిగినా చెబుతాడుప్రజల్లో బలం లేక, ప్రజాక్షేత్రంలో గెలవలేమని ముందే తేలిపోవడంతోనే కూటమి ప్రభుత్వం ఇంతటి బరితెగింపు చర్యలకు దిగిందికనీసం ప్రతిపక్షాన్ని నామినేషన్ కూడా వేయనీయకుండా అడ్డుకోవడం చరిత్రలో ఎన్నడూ చూడని దారుణంగిద్దలూరు పరిధిలోని 6 మండలాల్లో ఒక్కటంటే ఒక్క నామినేషన్ కూడా వేయనివ్వకుండా వందలాది మందితో గుండాయిజం చేయించి, భౌతిక దాడులకు పాల్పడటం అత్యంత హేయమైన చర్య.నామినేషన్ల ప్రక్రియను కూటమి నాయకులు నామినేటెడ్ పదవుల పంపకంలా మార్చేశారుమొత్తం వ్యవహారంలో పోలీసు యంత్రాంగం, ఎన్నికల అధికారులు, రాష్ట్ర ఎన్నికల సంఘం పూర్తిగా ప్రేక్షకపాత్ర వహించి కూటమి ప్రభుత్వానికి కొమ్ముకాయడం ప్రజాస్వామ్యానికే గొడ్డలిపెట్టుప్రజాస్వామ్యాన్ని కాపాడుకోవాలంటే ప్రజలు మేల్కోవాలనీ ..ఎక్కడ అన్యాయం జరిగినా ప్రభుత్వాన్ని నిలదీయాలిఅధికారం ఉందని విర్రవీగుతున్న ఈ ప్రభుత్వానికి ప్రజలే సరైన గుణపాఠం చెబుతారుఎన్నికల నిబంధనలను తుంగలో తొక్కిన అధికారులు, అరాచకాలకు పాల్పడిన కూటమి ప్రభుత్వ వైఖరిని తీవ్రంగా ఖండిస్తున్నాం.

సాక్షి, న్యూఢిల్లీ: ఓట్ల చోరీ పేరుతో ఫేక్‌న్యూస్‌ వ్యాప్తి చేస్తూ జంతర్‌మంతర్‌ వద్ద అరాచకం సృష్టించి దేశాన్ని బందీ చేయాలని చూసిన విపక్షాల కుట్ర పూర్తిగా విఫలమైందని బీజేపీ జాతీయ అధికార ప్రతినిధి సంబిత్‌ పాత్ర పేర్కొన్నారు. దేశ రాజధాని వేదికగా మూకస్వామ్యంపై ప్రజాస్వామ్యం విజయం సాధించిందని స్పష్టం చేశారు. ఆయన శనివారం మీడియాతో మాట్లాడారు. భారతదేశ విస్తీర్ణం 32,87,000 చదరపు కిలోమీటర్లు కాగా, జంతర్‌మంతర్‌ పరిధి కేవలం 4 చదరపు కిలోమీటర్లు మాత్రమేనని అన్నారు. ఆ కొద్ది ప్రాంతంలో గందరగోళం సృష్టించి, అదే దేశ ముఖచిత్రంగా చూపించే ప్రయత్నం చేస్తున్నారని ప్రతిపక్షాలపై మండిపడ్డారు. ఎన్నికల ప్రక్రియపై అసత్య ఆరోపణలు చేస్తున్న కాంగ్రెస్‌ నేత రాహుల్‌ గాంధీ కనీస రాజ్యాంగ మర్యాదలను విస్మరిస్తున్నారని ఆరోపించారు. ఓట్ల చోరీపై ఎలాంటి ఆధారాలు లేకుండానే రాష్ట్రపతి భవన్‌కు వెళ్లి వినతిపత్రం సమర్పించారని, బయటకు రాగానే తమ వాదనతో రాష్ట్రపతి ఏకీభవించారంటూ అవాస్తవాలు మాట్లాడారని తప్పుబట్టారు. రాజ్యాంగ అధినేతను రాజకీయ వివాదాల్లోకి లాగడం రాహుల్‌ గాంధీ బాధ్యతారాహిత్యానికి నిదర్శనమని మండిపడ్డారు.

ఒక నేర ముఠా ఒక ప్రాంతాన్ని తన అధీనంలోకి తీసుకుని అరాచకం సృష్టిస్తే భద్రతాబలగాలు రంగంలోకి దిగి ఉక్కుపాదంతో అణచేయడం చాలా దేశాల్లో చూశాం. కానీ ఒక దేశం మొత్తమే నేర ముఠాల గుప్పెట్లోకి జారిపోతే ఎలా? హైతీ దేశ దుస్థితి చూస్తూంటే యావత్‌ ప్రపంచమే అయ్యో పాపం అంటోంది. పోర్ట్‌ ఎ ప్రిన్స్‌ రాజధానిసహా దేశాన్నే గడగడలాడిస్తున్న గ్యాంగ్‌లకు అసలేం కావాలి?. కెన్యా సాయం కోసం వెళ్లి రాజధాని ఎయిర్‌పోర్ట్‌ నేరముఠాలవశం కావడంతో స్వదేశం తిరిగిరాలేక అమెరికాలో చిక్కుకుపోయిన దేశ ప్రధాని ఏరియల్‌ హెన్రీ చివరకు పదవికి రాజీనామా చేశారు. దీంతో దేశ ప్రజల పరిస్థితి మరింత అధ్వాన్నంగా తయారైంది. ఇళ్ల నుంచి బయటకురావడానికే జనం భయపడుతున్నారు. హైతీలో ప్రధాన గ్యాంగ్‌లు ఎన్ని? హైతీలో దాదాపు 200 వరకు నేరముఠాలు ఉన్నాయి. అయితే మాజీ పోలీస్‌ అధికారి జిమ్మీ ‘బార్బెక్యూ’ చెరీజియర్‌ నేతృత్వంలోని జీ9 ఫ్యామిలీ అండ్‌ అలీస్‌ అలయన్స్, గేబ్రియల్‌ జీన్‌ పెర్రీ నేతృత్వంలోని జీపెప్‌ నేరముఠాలు ప్రధానమైనవి. ఇవి ప్రజలను హింసిస్తూ దేశాన్ని నరకానికి నకళ్లుగా మార్చేశాయి. రాజధాని సమీప ప్రాంతాలపై పట్టుకోసం చాన్నాళ్లుగా ఈ రెండు వైరి వర్గముఠాలు ప్రయత్నిస్తున్నాయి. ఎంతో మందిని సజీవ దహనం చేశాడని జిమ్మీని స్థానికంగా బార్బెక్యూ అని పిలుస్తుంటారు. నరమేధం, దోపిడీ, ఆస్తుల ధ్వంసం, లైంగిక హింసకు జీ9, జీపెప్‌ నేరముఠాలు పాల్పడ్డాయి. దీంతో ఈ ముఠా లీడర్ల  లావాదేవీలు, కార్యకలాపాలపై ఐరాస, అమెరికా ఆంక్షలు విధించాయి. దీంతో రెండు గ్యాంగ్‌లు ఉమ్మడిగా ఒక ఒప్పందం చేసుకున్నాయి. కలిసి పనిచేసి ప్రధానిని గద్దెదింపేందుకు కుట్ర పన్నాయి. అసలు ఇవి ఎలా పుట్టుకొచ్చాయి? మురికివాడల్లో దారుణాలు చేశాడన్న ఆరోపణలపై జిమ్మీని పోలీస్‌ ఉద్యోగం నుంచి తీసేశాక నేరసామ్రాజ్యంలో అడుగు పెట్టాడు. దేశంలోని రాజకీయ పార్టీలు, నేతలు, పారిశ్రామికవేత్తలు తమ అనైతిక పనులకు అండగా ఉంటారని ఇలాంటి చిన్న చిన్న నేరగాళ్లను అక్కున చేర్చుకుని పెద్ద ముఠా స్థాయికి ఎదిగేలా చేశారు. 2021 జులైలో హత్యకు గురైన హైతీ మాజీ అధ్యక్షుడు జొవెనెల్‌ మొయిసెకు చెందిన పార్టీ హైతియన్‌ టెట్‌ కాలే(పీహెచ్‌టీకే)తో జిమ్మీకి చాలా దగ్గరి సంబంధాలు ఉన్నాయి. ఒకానొక దశలో జిమ్మీని ప్రధాని పీఠంపై కూర్చోబెట్టాలని మొయిసె భావించారు. జీపెప్‌ ముఠా సైతం విపక్ష పార్టీలతో అంటకాగింది. దీంతో ఆర్థికంగా, ఆయుధపరంగా రెండు ముఠాలు బలీయమయ్యాయి. హింస ఎప్పుడు మొదలైంది? హైతీ మాజీ అధ్యక్షుడు ఫ్రాంకోయిస్‌ ‘పాపా డాక్‌’ డ్యువేలియర్, అతని కుమారుడు జీన్‌క్లాడ్‌ డ్యువేలియర్‌ల 29 ఏళ్ల నియంతృత్వ పాలనాకాలంలోనే ఈ గ్యాంగ్‌లు పురుడుపో సుకున్నాయి. డ్యువేరియర్లు ఒక సమాంతర మిలటరీ(టోంటోన్స్‌ మకౌటీస్‌)ని ఏర్పాటు చేసి వైరి పార్టీల నేతలు, వేలాది మంది సామాన్య ప్రజానీకాన్ని అంతమొందించారు. ‘హైతీలో నేరముఠాలకు దశాబ్దాల చరిత్ర ఉంది. కానీ ఇప్పుడున్న నేరముఠాల వైఖరి గతంతో పోలిస్తే దారుణం’ అని వర్జీనియా విశ్వవిద్యాలయ అధ్యాపకుడు, హైతీ వ్యవహారాల నిపుణుడు రాబర్ట్‌ ఫాటన్‌ విశ్లేషించారు. నేతలనూ శాసిస్తారు బెదిరింపులు, కిడ్నాప్‌లు, మాదకద్రవ్యాల అక్రమ రవాణా లతో నేరముఠాలు ఆర్థికంగా బలపడ్డాయి. ఆయుధాలను సమకూర్చుకున్నారు. గత వారం రాజధానిలోని రెండు జైళ్లపై అధునాతన డ్రోన్లతో దాడికి తెగబడ్డాయి. శిక్ష అనుభవిస్తున్న వేలాది మంది కరడుగట్టిన నేరగాళ్లను విడిపించుకు పోయారు. సాయుధముఠాలు ఇప్పుడు ఏకంగా రాజకీయపార్టీలు, నేతలనే శాసిస్తున్నాయి. పరిపాలన వాంఛ అక్రమ మార్గాల్లో సంపదను మూటగట్టుకున్న నేర ముఠాలు ఇప్పుడు రాజ్యాధికారంపై కన్నేశాయి. 2021లో దేశాధ్యక్షుడు మొయిసె హత్యానంతరం వీటి రాజకీయ డిమాండ్లు ఎక్కువయ్యాయి. ముఠాలు ప్రధాని హెన్రీని గద్దె దింపాయి. దేశాన్ని పాలిస్తానని బార్బెక్యూ జిమ్మీ పరోక్షంగా చెప్పాడు. అంతర్జాతీయంగా తన పేరు మార్మోగాలని విదేశీ మీడియాకు ఇంటర్వ్యూలిచ్చాడు. విదేశీ జోక్యం వద్దని, విదేశీ బలగాలు రావద్దని హుకుం జారీచేశాడు. ప్రస్తుత సంక్షోభాన్ని ఒంటిచేత్తో పరిష్కరిస్తానని ప్రకటించాడు. రాజకీయ శక్తులుగా ఎదిగితేనే తమ మనుగడ సాధ్యమని ముఠాలు భావిస్తున్నాయి. సంకీర్ణ బలగాలు వస్తున్నాయా? కెన్యా నేతృత్వంలోని సంకీర్ణ బలగాలను హైతీకి పంపించి సంక్షోభానికి ఫుల్‌స్టాప్‌ పెట్టాలని అమెరికాసహా పలుదేశాలు నిర్ణయించాయి. ఐరాస ఇందుకు అంగీకారం తెలిపింది. అయితే కెన్యా కోర్టుల జోక్యంతో ప్రస్తుతానికి ఆ బలగాల ఆగమనం ఆగింది. హైతీ ప్రధాని రాజీనామా నేపథ్యంలో నూతన ప్రభుత్వ కొలువు కోసం కౌన్సిల్‌ ఏర్పాటు, అన్ని భాగస్వామ్యపక్షాల సంప్రతింపుల ప్రక్రియ ముగిసేదాకా వేచిచూసే ధోరణిని అవలంబిస్తామని కెన్యా అధ్యక్షుడు విలియం రూటో చెప్పారు. మరి కొద్దిరోజుల్లోనే ఎన్నికల కోసం కౌన్సిల్‌ ఏర్పాటు ప్రక్రియ మొదలవుతుందని అమెరికా విదేశాంగ మంత్రి ఆంటోనీ బ్లింకెన్‌ చెప్పారు. మన వాళ్లను వెనక్కి రప్పిస్తాం: భారత విదేశాంగ శాఖ హైతీలో దాదాపు 90 మంది భారతీయులు ఉన్నట్లు సమాచారం. వీరిలో డాక్టర్లు, ఇంజనీర్లు, టెక్నీషియన్లు ఉన్నారు. 60 మంది ఇప్పటికే హైతీకి వచ్చేందుకు సిద్ధమయ్యారు. హైతీలో భారతీయ రాయబార కార్యాలయం, కాన్సులేట్‌ లేవు. దీంతో సమీపాన ఉన్న డొమినికన్‌ రిపబ్లిక్‌ రాజధాని శాంటో డొమినిగోలోని ఇండియన్‌ మిషన్‌ ద్వారా హైతీలోని భారతీయులతో మోదీ సర్కార్‌ సంప్రతింపులు జరుపుతోంది. వీలైనంత త్వరగా స్వదేశానికి తీసుకొస్తామని భారత విదేశాంగ శాఖ అధికార ప్రతినిధి రణ్‌ధీర్‌ జైశ్వాల్‌ శుక్రవారం ఢిల్లీలో చెప్పారు. – సాక్షి, నేషనల్‌ డెస్క్‌

ఆత్మకూరు: టీడీపీ నాయకులు అరాచకం సృష్టించారు. సంక్రాంతి సందర్భంగా సాంస్కృతిక కార్యక్రమాలు నిర్వ­హి­స్తున్న వైఎస్సార్‌ సీపీ కార్యకర్తలను అడ్డుకుని మార­ణా­యుధాలతో దాడికి తెగబడ్డారు. ఈ ఘటన శ్రీపొట్టిశ్రీ­రా­ము­లు నెల్లూరు జిల్లా ఆత్మకూరు నియోజ­కవర్గంలోని చేజర్ల మండలం మడపల్లి గ్రామంలో ఆదివారం అర్ధరాత్రి జరిగింది. బాధితులు, పోలీసులు తెలిపిన వివరాల మేరకు మడపల్లి గ్రామంలో వైఎస్సార్‌ సీపీ నాయకులు, కార్యకర్తల ఆధ్వర్యంలో ఆదివారం సంక్రాంతి సంబరాలు జరిగాయి. స్థానిక రామాలయం వద్ద సాంస్కృతిక కార్యక్రమాలు నిర్వహిస్తున్న క్రమంలో ఆదివారం రాత్రి 11 గంటల సమయంలో టీడీపీకి చెందిన పెద్దిరెడ్డి కిరణ్, కిషోర్, నవీన్, వినయ్, పూర్ణచంద్ర తదితరులు అడ్డుకున్నారు. సాంస్కృతిక కార్యక్రమాలు నిలిపివే­యాలని డిమాండ్‌ చేశారు.  గ్రామస్తులందరూ కలిసి ఈ కార్యక్రమాలు నిర్వహించుకుంటున్నామని, నిలిపివే­యమ­నడం సరికాదని వైఎస్సార్‌సీపీ నాయ­కులు, కార్యకర్త­లు చెప్పారు. దీంతో చెలరేగిపోయిన టీడీపీ నాయకులు తీవ్రస్థాయిలో దుర్భాషలాడారు. ఫలి­తంగా ఇరువర్గాల మధ్య వాగ్వాదం జరిగింది.  గ్రామ­పెద్దలు ఇరువర్గాలకు సర్దిచెప్పి పంపారు. ఈ నేపథ్యంలో సోమవారం తెల్లవా­రుజామున 3 గంటల సమయంలో టీడీపీకి చెందిన కిరణ్, కిషోర్‌ తదితరులు వైఎస్సార్‌ సీపీకి చెందిన ఇనకల్లు ప్రసాద్‌రెడ్డి, పెంచలరెడ్డి, మాజీ సర్పంచ్‌ గుండుబోయిన నారా­యణయాదవ్‌ ఇళ్లపై రాళ్లు, కర్రలు, కొడవలి తదితర మారణాయుధాలతో దాడికి పాల్పడ్డారు. దాడిలో ప్రసాద్‌­రెడ్డికి గాయాలు కాగా, పైదంతాలు  రెండు ఊడిపోయాయి. పెంచలరెడ్డి, నారాయణయాదవ్‌లకూ గాయాలయ్యాయి. స్థానికులు గట్టిగా కేకలు వేయడంతో టీడీపీ నాయకులు పరార­య్యారు. గాయపడిన వారిని తొలుత చేజర్ల పీహెచ్‌సీకి తరలించారు. ప్రాథమిక చికిత్స అనంతరం మెరుగైన వైద్యం కోసం ఆత్మకూరులోని ప్రభుత్వ జిల్లా ఆస్పత్రికి తీసుకెళ్లారు. ఎస్సై ప్రభాకర్‌ సిబ్బందితో కలిసి ఆత్మకూరు ప్రభుత్వ జిల్లా ఆస్పత్రికి చేరుకుని బాధితుల నుంచి వివరాలు సేకరించారు. కేసు నమోదు చేసి దర్యాప్తు చేస్తున్నట్టు వివరించారు.

సరిగ్గా ఏడాది క్రితం.. అమెరికా రక్షణ ఛత్రం కింద ఉన్న అఫ్గానిస్తాన్‌ మళ్లీ తాలిబన్ల చెరలో చిక్కుకుంది. 20 ఏళ్ల యుద్ధాన్ని విరమించి, అమెరికాతోపాటు పశ్చిమ దేశాల సైన్యం వెనక్కి తరలిపోవడం ప్రారంభమైన కొద్ది రోజుల వ్యవధిలోనే దేశంలో తాలిబన్లు పాగా వేశారు. వారి అరాచక పాలనకు ఏడాది నిండింది. తాలిబన్లు అఫ్గాన్‌ ప్రజలకు నరకం చూపుతూనే ఉన్నారు. విద్య, వైద్యం, కనీస వసతులు అందని ద్రాక్షగా మారాయి. మానవ హక్కుల జాడే లేదు. పేదరికం, కరువు ప్రధాన శత్రువులుగా మారిపోయి పీడిస్తున్నాయని అఫ్గాన్‌ పౌరులు ఆవేదన చెందుతున్నారు. ఎవరిని కదిలించినా కన్నీళ్లే ఉబికి వస్తున్నాయి. పిడివాద పాలనను పరిశీలిస్తే నిర్వేదమే మిగులుతుంది.   ఆహార సంక్షోభం   ప్రపంచంలో తాలిబన్‌ పాలకులు ఇప్పుడు ఒంటరిగా మిగిలిపోయారు. అఫ్గాన్‌ ప్రభుత్వాన్ని చాలా దేశాలు అధికారికంగా గుర్తించడం లేదు. విదేశీ సాయం నిలిచిపోయింది. 2020–21లో అఫ్రాఫ్‌ ఘనీ ప్రభుత్వ హయాంలో 5.5 బలియన్‌ డాలర్ల వార్షిక బడ్జెట్‌ ప్రకటించారు. ఇందులో 75 శాతం నిధులు విదేశాల నుంచి సాయం రూపంలో అందినవే కావడం గమనార్హం. తాలిబన్ల రాకతో ఈ సాయమంతా హఠాత్తుగా ఆగిపోయింది. అఫ్గాన్‌కు చెందిన 7 బిలియన్‌ డాలర్ల నిధులను అమెరికా స్తంభింపజేసింది. ఆర్థిక ఇబ్బందులు కుంగదీస్తున్నాయి. ఉద్యోగాలు లేవు, ఉపాధి మార్గాలు మూసుకుపోయాయి. అఫ్గాన్‌ పేదలు ఉపాధి కోసం పొరుగుదేశం ఇరాన్‌కు వలసవెళ్తున్నారు. అక్కడా పనులు దొరక్క ఉత్త చేతులతో తిరిగి వస్తున్నారు. లక్షలాది మంది జనం పేదరికంలోకి జారిపోతున్నారు. ఈ రోజు తినడానికి తిండి దొరికితే అదే గొప్ప అన్నట్లుగా పరిస్థితి మారిపోయింది. ఎక్కడ చూసినా ఆకలి కేకలే వినిపిస్తున్నాయి. అఫ్గాన్‌ జనాభా 4.07 కోట్లు కాగా, సగానికి పైగా ప్రజలు ఆహార కొరత ఎదుర్కొంటున్నారు. సమీప భవిష్యత్తులోనూ బతుకులు మారుతాయన్న సూచనలు కనిపించడం లేదు. ఆంక్షలను అతిక్రమిస్తే కఠిన శిక్షలు: అఫ్గాన్‌లో మహిళలపై వివక్ష యథావిధిగా కొనసాగుతోంది. తాలిబన్లు పాలనా పగ్గాలు చేపట్టిన వెంటనే మహిళలను ప్రభుత్వ ఉద్యోగాల నుంచి తొలగించారు. మీరు ఇక ఇళ్లకే పరిమితం కావాలి, మీ కుటుంబాల్లోని పురుషులకు ఉద్యోగాలు ఇస్తాం అంటూ తేల్చిచెప్పేశారు. వారికి ఉన్నత విద్యను సైతం దూరం చేస్తున్నారు. బాలికలు పాఠశాలల్లో ఆరో గ్రేడ్‌కు మించి చదువుకోవడానికి వీల్లేదు. టీనేజీ బాలికలకు పాఠశాలల్లో ప్రవేశం లేదు. అంతోఇంతో స్తోమత కలిగిన కొందరు ఇళ్లల్లో విద్యాభ్యాసం కొనసాగిస్తున్నారు. మహిళలు ఇళ్ల నుంచి బయటకు వస్తే శరీరమంతా కప్పేసేలా దుస్తులు ధరించాలి. ఆంక్షలను అతిక్రమిస్తే శిక్షలుంటాయి.   వ్యవసాయ కూలీలుగా విద్యావంతులు   దేశంలో ఈ ఏడాది కరువు తీవ్రత పెరిగింది. పంటల సాగు విస్తీర్ణం పడిపోయింది. ప్రధాన పంట గోధుమల ఉత్పత్తి తగ్గింది. ఉన్నత చదువులు చదువుకున్న యువత కూడా ఉపాధి కోసం చేలల్లో పనిచేస్తున్న దృశ్యాలు కనిపిస్తున్నాయి. వారికి రోజువారీ కూలీ 2 డాలర్ల లోపే లభిస్తోంది. జనం ఆవేదన ఇలా ఉండగా, తాలిబన్ల వాదన మరోలా ఉంది. దేశంలో అవినీతిని అంతం చేశామని, దురాక్రమణదారులను తరిమికొట్టి ప్రజలకు భద్రత కల్పిస్తున్నామని చెబుతున్నారు. షరియా చట్టం పరిధిలోనే మహిళలకు హక్కులు కల్పిస్తున్నామనిఅంటున్నారు. బొగ్గు, పండ్లను పాకిస్తాన్‌కు ఎగుమతి చేయడంతోపాటు కస్టమ్స్‌ రెవెన్యూ వసూళ్ల ద్వారా తాలిబన్లు ఆదాయం సంపాదిస్తున్నారు. 2021 డిసెంబర్‌ నుంచి 2022 జూన్‌ మధ్య 840 మిలియన్‌ డాలర్లు ఆర్జించడం ఆశ్చర్యం కలిగిస్తోంది. 2022–23 ఆర్థిక సంవత్సరంలో అఫ్గానిస్తాన్‌ బడ్జెట్‌ 2.6 బిలియన్‌ డాలర్లుగా ఉండే అవకాశం ఉందని నిపుణులు అంచనా వేస్తున్నారు.     – నేషనల్‌ డెస్క్, సాక్షి    

తాలిబన్లు చెప్పే మాటలు న మ్మకండి. వాళ్లు చేసే ప్రమాణాలు ఎప్పుడైనా మారిపోవచ్చు. మీరు మీ కుంటుంబాలతోపాటు స్నేహితులను అఫ్గానిస్తాన్‌ నుంచి తరలించండి అని హెచ్చరిస్తోంది స్పెయిన్‌లో నివసిస్తోన్న అఫ్గాన్‌ మహిళా కార్యకర్త, రచయిత నదియా గులామ్‌. ప్రస్తుతం నదియా అఫ్గాన్‌లో లేనప్పటికీ తన కుటుంబం మాత్రం ఇంకా అక్కడే ఉండడంతో ఆమె తీవ్ర ఆందోళన చెందుతోంది. ‘‘నా కుటుంబమే కాదు, అక్కడ ఉన్న వేలమంది కూడా నా కుటుంబ సభ్యులే. తాలిబన్లు తమ మాతృదేశాన్ని ఆక్రమించుకున్నప్పటి నుంచి నా కంటనీరు ఆగడం లేదు.గతంలో కంటే తాలిబన్లు ఇప్పుడు మరింత తెగబడతారు. గత ప్రభుత్వంలో పనిచేసిన ఉద్యోగులు ఒక్కొక్కరుగా కనపడకుండా పోతారు’’ అని వణికిపోతోంది. నదియా ఇంతగా భయపడడానికి... గతంలో తాలిబన్ల అరాచకాల వల్ల తను అనుభవించిన నరకయాతనలే.    తాలిబన్లు అఫ్గానిస్తాన్‌ను పరిపాలిస్తున్న రోజులవి. అప్పుడు నదియాకు పదకొండేళ్లు ఉంటాయి. ఒకరోజు నదియా వాళ్ల ఇంటిపై బాంబు పడింది. ఇంట్లో ఉన్న అమ్మానాన్నలు తీవ్రంగా గాయపడ్డారు. నదియా వాళ్ల అన్నయ్య ఏకంగా ప్రాణాలు కోల్పోయాడు. తీవ్ర గాయాలపాలై ప్రాణాలతో బయట పడిన నదియాకు రూపురేఖలు వికృతంగా మారిపోయాయి. ఒక బాంబు దాడి కుటుంబాన్నే నాశనం చేసింది. ఇది ఇలా ఉండగా... అదే సమయంలో ‘‘మహిళలు చదువుకోకూడదు, ఉద్యోగాలు చేయకూడదు, ఇల్లు విడిచి బయటకు రాకూడదు’’ అని తాలిబన్లు హుకుం జారీ చేశారు. ఒకపక్క అన్నయ్య లేడు, నాన్న ఉన్నప్పటికీ మానసిక అనారోగ్యంతో బాధపడుతున్నాడు. దీంతో కుటుంబానికి తనే ఆధారం కావాల్సి వచ్చింది. అడపిల్లలు బయటకు వెళ్లకూడదు. వెళ్లకపోతే ఇల్లు గడిచే పరిస్థితి లేదు. ఇంతటి క్లిష్టసమయంలో సాహసోపేతమైన నిర్ణయం తీసుకుంది నదియా. అమ్మాయిగా బయటకు వెళ్తే తప్పు గానీ, అబ్బాయిగా కాదు కదా! అనుకుని బయటకు వెళ్లేటప్పుడు అబ్బాయిలా బట్టలు వేసుకుని, అబ్బాయిలా తిరుగుతూ మగవాళ్లలా పనులు చేస్తూ కుటుంబానికి ఆసరాగా ఉండేది. ఇలా పదేళ్ల పాటు తన బాల్యాన్ని, గుర్తింపును కోల్పోయి బతికింది. పదేళ్ల తరవాత ఓ ఎన్జీవో సాయంతో స్పెయిన్‌కు శరణార్థిగా వెళ్లింది. స్పెయిన్‌ వచ్చాక మళ్లీ పుట్టినట్లు అనిపించింది తనకు. కొత్త జీవితాన్ని ప్రారంభించే క్రమంలో ముఖానికి సర్జరీ చేయించుకుని వికృతంగా ఉన్న రూపాన్ని కాస్త మార్చుకుంది. అలాగే తనలా శరణార్థులుగా వస్తోన్న నిరాశ్రయుల కోసం ‘‘పాంట్స్‌ పర్‌ లా పావ్‌’’ను స్థాపించి, శరణార్థులకు వివిధ రకాల భాషలు, వృత్తిపరమైన నైపుణ్యాల్లో శిక్షణ ఇస్తూ వారికి బతుకుదెరువు చూపిస్తోంది. అంతేగాక చిన్నతనంలోనే అనేక కష్టాలను ప్రత్యక్షంగా అనుభవించిన నదియా అనుభవాలతో ‘‘ద సీక్రెట్‌ ఆఫ్‌ మై టర్బన్‌’’, టేల్స్‌ దట్‌ హీల్డ్‌ మీ’’, ‘‘ద ఫస్ట్‌ స్టార్‌ ఆఫ్‌ ది నైట్‌’’ పుస్తకాలను రాసి రచయిత్రిగా గుర్తింపు తెచ్చుకుంది. తనలా ఇంకెంతమందో... ఇన్ని కష్టాలు పడిన నదియా ఇప్పటికీ ఆ చీకటిరోజులను మర్చిపోలేక పోతోంది. తాజాగా తాలిబన్లు మరోసారి పిల్లలు, అమ్మాయిలు, మహిళలపై ఎంతటిదారుణమైన చర్యలకు పాల్పడతారోనని వణికి పోతుంది. తనలాగా ఇంకెంతమంది అమ్మాయిలు తమ జీవితాలను కోల్పోతారని ఆవేదన వ్యక్తం చేస్తోంది.‘‘ప్లీజ్‌ మా దేశానికి గన్స్‌ సరఫరా చేయకండి. నా దేశం గత యాభై ఏళ్లుగా యుద్ధంలో పోరాడుతూనే ఉంది. అఫ్గాన్‌లో 85 శాతం మంది ప్రజలు మానసిక సమస్యలతో బాధపడుతున్నారు. నిజంగా మీరు మాకు సాయం చేయాలంటే మానసిక ధైర్యాన్ని ఇవ్వండి. మహిళలు చదువుకునేందుకు సహకరించండి’’ అని అంతర్జాతీయ సమాజాన్ని అర్థిస్తోంది. అంతేగాదు, గత పదిరోజులుగా అఫ్గాన్‌ నుంచి ప్రజలను తరలించేందుకు శాయశక్తులా కృషిచేస్తోంది. నిజంగా కష్టాలు పడిన వారికే ఆ బాధ తెలుస్తుంది అనడానికి నదియా నిలువెత్తు సాక్ష్యంగా నిలుస్తోంది.   నదియా గులామ్‌

భువనేశ్వర్‌: దేశంలోని అన్ని రాజ్యాంగ వ్యవస్థల్లో చొచ్చుకునిపోయేందుకు, వాటిని నియంత్రించేందుకు ఆర్‌ఎస్‌ఎస్‌ యత్నిస్తోందని  కాంగ్రెస్‌ పార్టీ అధ్యక్షుడు రాహుల్‌  ఆరోపించారు. అందువల్లే న్యాయవ్యవస్థ, న్యాయవ్యవస్థ సహా దేశంలో గందరగోళం, అరాచకత్వం రాజ్యమేలుతోందని విమర్శించారు. లోక్‌సభ ఎన్నికలు సమీపిస్తున్నవేళ ప్రజలను కలుసుకోవడంలో భాగంగా ఒడిశా రాజధాని భువనేశ్వర్‌లో జరిగిన ఓ కార్యక్రమంలో రాహుల్‌ పలువురు మేధావులతో ముచ్చటించారు. ‘1991లో, 2004–14 మధ్యకాలంలో కాంగ్రెస్‌ ప్రభుత్వాలు చేపట్టిన సరళీకరణ విధానాలతోనే దేశంలో మధ్యతరగతి అవతరించింది’ అని రాహుల్‌ తెలిపారు. ‘బీజేపీ, ఆరెస్సెస్‌ నేతలు నన్ను తరచుగా దూషిస్తూ ఉంటారు. వాటిని నేను బహుమానంగా స్వీకరిస్తా. ఎందుకంటే ఆ విమర్శలు నన్ను మరింత రాటుదేలేలా చేశాయి’ అని అన్నారు. ప్రియాంక రాకపై గతంలోనే నిర్ణయం సోదరి ప్రియాంకా గాంధీ రాజకీయాల్లోకి రావాలని కొన్నేళ్ల క్రితమే నిర్ణయం తీసుకున్నట్లు రాహుల్‌ స్పష్టంచేశారు. మిరాయా, రైహాన్‌ వాద్రాలు చిన్నపిల్లలు కావడంతో ప్రియాంక రాజకీయాలకు దూరంగా ఉన్నారన్నారు. ప్రస్తుతానికి యూపీలో కాంగ్రెస్‌ పార్టీని పునరుద్ధరించడమే ప్రియాంక లక్ష్యమనీ, ఎలాంటి ఇతర బాధ్యతలు ఆమెకు అప్పగించలేదని స్పష్టం చేశారు. తామిద్దరి మధ్య మంచి అనుబంధం ఉందనీ, నానమ్మ ఇందిర, తండ్రి రాజీవ్‌ల హత్యల తర్వాత అది మరింత దృఢపడిందని రాహుల్‌ పేర్కొన్నారు. తనను, ప్రియాంక పక్కపక్క గదుల్లో కూర్చోబెట్టి ప్రశ్నలు అడిగితే దాదాపు 80 శాతం ఒకేరకమైన సమాధానం వస్తుందని తెలిపారు.బీజేపీ నేత, సుల్తాన్‌పూర్‌ ఎంపీ వరుణ్‌ గాంధీ కాంగ్రెస్‌లో చేరుతారా? అనే ప్రశ్నకు స్పందిస్తూ.. అలాంటి ఊహాగానాలు వస్తున్నట్లు తనకు తెలియదన్నారు.  


  అర్ధరాత్రి మామిడి తోట నరికివేత 
  టీడీపీ నాయకులు చెప్పారని వెల్లడి 
  రేంజర్‌పై వైఎస్సార్‌ కాంగ్రెస్‌ నేతల ఆగ్రహం 
 బత్తులవారిగూడెం(నూజివీడురూరల్‌) :
 అధికార పార్టీ నాయకులు చెప్పారని అటవీశాఖ అధికారులు అత్యుత్సాహం ప్రదర్శించి దళితరైతుకు చెందిన భూమిలోని మామిడి చెట్లను రాత్రిపూట దొంగచాటుగా కొట్టేశారు. మండలంలోని బత్తులవారిగూడెంకి చెందిన కోలగంటి సుబాకర్‌రావు తన రెండెకరాల భూమిలో పదేళ్ళక్రితం మామిడి చెట్లను వేశారు. శనివారం రాత్రి అటవీశాఖ సిబ్బంది ఆ తోటలోకి అక్రమంగా ప్రవేశించి 25 మామిడి చెట్లను నరికేశారు. ఆదివారం తోటకెళ్లిన బాధితుడు నరికేసిన చెట్లను చూసి హతాశుడయ్యాడు. అక్కడ పలువురి మామిడి తోటలు ఉన్నా ఆయన తోటనే టార్గెట్‌ చేసుకున్నారు. ఈ విషయాన్ని వైఎస్సార్‌ సీపీ మండల అధ్యక్షుడు మందాడ నాగేశ్వరరావు, వైఎస్సార్‌సీపి నాయకుడు బత్తుల మాధవరావు, జెడ్పీటీసి బాణావతు రాజు దృష్టికి తేగా వారు తోటను పరిశీలించారు.
 నిలదీసిన వైఎస్సార్‌ కాంగ్రెస్‌ నాయకులు 
  నూజివీడు అటవీశాఖ కార్యాలయంలో రేంజర్‌ బీ శ్రీరామారావును సోమవారం ఉదయం కలిసి ఇదేం దౌర్జన్యం అని నిలదీశారు. కొంతమంది గ్రామస్తులు ఫిర్యాదు చేయడం వల్లే నరికి వేశామని రేంజర్‌  నిర్లక్ష్యంగా సమాధానమిచ్చాడు. మేము ఫిర్యాదు చేస్తే అలాగే నరికేస్తారా? అని  నిలదీశారు. ఐదేళ్ళ క్రితం ఇదే రైతు భూమిలోని మామిడి చెట్లను ఇలాగే కొట్టేస్తే కోర్టు కేసులో బాధితుడికి అనుకూలంగా తీర్పు వచ్చిందని రేంజర్‌ దృష్టికి తెచ్చారు. ఎవరో టీడీపీ నాయకులు చెప్పారని రాత్రిపూట దొంగల్లాగా తోటలోకి చొరబడి అరాచకం చేయడం ఏమిటని వైఎస్సార్‌సీపీ నాయకులు ధ్వజమెత్తారు. మంగళవారం ఉదయం నిరికివేసిన మామిడి తోటను పరిశిలించి భాధిత రైతుకు తగు న్యాయం చేస్తానని రేంజర్‌ తెలపడంతో నేతలు కొంత శాంతించారు. ఎమ్మెల్యే మేకా వెంకట ప్రతాప్‌ అప్పారావు అటవీశాఖ అధికారుల వైఖరిపై తీవ్ర ఆగ్రహం వ్యక్తం చేసినట్లు తెలిసింది. 
  
  
  
  


 ధర్మవరం అర్బన్ : ధర్మవరం నియోజకవర్గంలో అరాచకం రాజ్యమేలుతోంది. రేషన్ డీలర్‌షిప్‌ను దక్కించుకోవడానికి ఓ డీలర్ భర్తను కొందరు కిడ్నాప్ చేశారు. రాజీనామా చేయకపోతే చంపేస్తామని బెదిరించి పోలీస్‌స్టేషన్ వద్ద వదిలేసి వెళ్లారు. పట్టణంలో మంగళవారం చోటుచేసుకున్న ఈ ఘటన కలకలం రేపింది. బాధితుల కథనం మేరకు.. ధర్మవరం పట్టణంలోని కేతిరెడ్డి కాలనీలో రేషన్ షాపు నెంబర్ 112ను నారాయణరెడ్డి భార్య శకుంతల నడుపుతున్నారు. స్టాక్ వచ్చిందని గోడౌన్‌లో పనిచేసే వ్యక్తితో నారాయణరెడ్డికి ఫోన్ చేరుుంచారు.
 
 ఉదయం 11 గంటలకు మార్కెట్ యార్డ్ వద్దకు వచ్చి స్టాక్ లారీలో పంపించి, వెనుక మోటార్ సైకిల్‌లో బయలుదేరాడు. గేటు వద్ద నారాయణరెడ్డిని సుమారు 10 మంది చుట్టుముట్టి చేరుు చేసుకున్నారు. తమ వెంట రాకపోతే ఇక్కడే ఏమైనా చేసేస్తామని హెచ్చరించి ఆయన బండ్లో మరో ఇద్దరు కూర్చొని బత్తలపల్లి వైపు తీసుకెళ్లారు. సంజీవపురం సమీపంలో వాహనం ఆపి తీవ్రంగా కొట్టారు. భార్య శకుంతలకు ఫోన్ చేయించి నీ వద్దకు నరసింహులు భార్య వస్తుందని తెల్లకాగితంపై సంతకం చేయాలని సూచించారు.
 
 అయితే భర్త గొంతులో తడబాటును గమనించిన శకుంతల ఏమి జరిగిందని ప్రశ్నించేలోగా.. రామకృష్ణ అనే వ్యక్తి ఫోన్ తీసుకుని తెల్లకాగితంపై సంతకం చేయకపోతే నీ భర్తను చంపుతామని బెదిరించారు. దీంతో తీవ్ర ఆందోళనకు గురైన శకుంతల పోలీసులకు ఫిర్యాదు చేసేందుకు వెళ్తుండగా, నరసింహులు భార్యతో పాటు మరో ముగ్గురు వ్యక్తులు వచ్చి తెల్ల కాగితంపై సంతకం చేయాలని ఒత్తిడి చేశారు. శకుంతల వారి నుంచి తప్పించుకుని ఏఎస్పీ అబిషేక్ మహంతి వద్దకు వెళ్లి ఫిర్యాదు చేసింది.
 
 ఏఎస్పీ వద్ద శకుంతల ఉండగానే కిడ్నాపర్లు మరోసారి ఆమెకు ఫోన్ చేసి హెచ్చరించారు. నిందితులను పట్టుకుని విచారిస్తామని ఏఎస్పీ హామీ ఇచ్చారు. అప్పటికే ఈ విషయం బయటకు పొక్కడంతో కిడ్నాపర్లు నారాయణరెడ్డిని పట్టణ పోలీస్‌స్టేషన్ వద్ద సాయంత్రం 5 గంటలకు వదిలిపెట్టి వెళ్లారు. స్టాక్‌ను కూడా కేతిరెడ్డికాలనీలో నరసింహులు బంధువుల ఇంటిలో దింపుకున్నారు.
 
 ఆరుగంటల పాటు కిడ్నాపర్లు నారాయణరెడ్డిని వారి అదుపులో ఉంచుకున్నారు. పక్కా వ్యూహంతో ముందుగా కాపుకాచి ఈ వ్యవహారం నడిపించినట్లు తెలుస్తోంది. కాగా, కిడ్నాప్‌కు గురైన బాధితుడితో మాట్లాడించాలని విలేకరులు కోరగా.. సీఐ భాస్కర్‌గౌడ్ అందుకు సమ్మతించ లేదు. బాధితుడిని విచారిస్తున్నామని, ఆయన ఫిర్యాదు మేరకు కేసు నమోదు చేస్తామని చెప్పారు.
 
 ధర్మవరం నియోజకవర్గం, రేషన్ డీలర్‌షిప్‌, అరాచకం,
 Dharmavaram constituency, the ration dealers, anarchy
  


 హైదరాబాద్: ఆంధ్ర ప్రదేశ్ ముఖ్యమంత్రి చంద్రబాబు నాయుడుకు అభద్రతా భావం ఎందుకని రాజకీయ వ్యవహారాల కమిటీ కోఆర్డినేటర్ కొణతాల రామకృష్ణ ప్రశ్నించారు. మీ కుర్చీకి అయిదేళ్ల వరకు ముప్పు ఏమీ లేనప్పుడు ఎందుకింత అరాచకంగా వ్యవహరిస్తున్నారని చంద్రబాబుని ఉద్దేశించి  ఆయన అన్నారు. పార్టీ కేంద్ర కార్యాలయం ఈ రోజు ఆయన విలేకరులతో మాట్లాడుతూ రాష్ట్రంలో నియంతృత్వ పాలన కొనసాగుతోందని ఆవేదన వ్యక్తం చేశారు. ఇటువంటి ప్రక్రియ మంచిదికాదని ఆయన సలహా ఇచ్చారు. రాష్ట్రంలో అనేక సమస్యలు ఉన్నాయని చెప్పే చంద్రబాబు ప్రతిపక్షమే లేకుండా ఉండాలన్న దురాలోనతో వ్యవహరిస్తున్నారని విమర్శించారు. రాష్ట్ర చరిత్రలో ఇటువంటి దౌర్భాగ్యపరిస్థితిని చూడలేదన్నారు.
 
 అధికారం ఉందిగదా అని టిడిపి నేతలు తెగ రెచ్చిపోతున్నారన్నారు.  అధికార అహంకారంతో వ్యవహరిస్తున్నారు. ప్రజలు తగిన బుద్ది చెబుతారని హెచ్చరించారు. కార్యకర్తలకు పోలీస్ దుస్తులు వేసి కూర్చోబెట్టండి. ఇక ఈ అయిదేళ్లు ప్రభుత్వం లేదనుకుందాం అని అన్నారు. శాసనసభాపతి నియోజకవర్గంలోనే ఇటువంటి దాడులా? అని ఆయన అడిగారు. టిడిపి నేతలు పద్దతి మార్చుకోవాలని కొణతాల సలహా ఇచ్చారు. పూర్తి మెజార్టీ ఉన్నప్పుడు ఎందుకు ఇలా వ్యవహరిస్తున్నారని ఆయన చంద్రబాబుని ప్రశ్నించారు.
 In English  'Why is Chandrababu feeling insecure?'