కరీంనగర్‌ : మానేరు తీరం పర్యాటక హారం (ఫొటోలు)

కరీంనగర్‌ నగరశివారులోని లోయర్‌ మానేరుడ్యాం మినీబీచ్‌ను తలపిస్తోంది. డ్యాంలో నీటిమట్టం తగ్గడంతో తిమ్మాపూర్‌ వైపు ఉన్న ప్రాంతం ఆహ్లాదకరంగా మారింది. వీచే గాలులకు నీటి అలలు మురిపిస్తుండగా.. మినీ బీచ్‌ అందాలను తిలకించేందుకు పర్యాటకులు తరలివస్తున్నారు.

సెలవు రోజుల్లో ఈ ప్రాంతం జాతరను తలపిస్తోంది. సాయంత్రం పూట రద్దీ పెరుగుతుండగా.. పర్యాటకులు నీటిలో ఆడిపాడుతూ.. కేరింతలు కొడుతూ ఎంజాయ్‌ చేస్తున్నారు.

ఫొటోలు, వీడియోలు తీసుకుంటున్నారు. ముంపు ప్రాంతాల ప్రజలు పాత జ్ఞాపకాలను గుర్తు చేసుకుంటున్నారు.

ఫొటోలు – సాక్షి ఫొటోగ్రాఫర్, కరీంనగర్‌