ఫారెస్ట్‌ అధికారుల తీరుపై కలెక్టర్‌ అసహనం

Collector MV Reddy Angry On Keesara Forest Range Officers For Neglecting Haritha Haram Plants - Sakshi

మొక్కల సంరక్షణలో నిర్లక్ష్యంగా వ్యవహరించిన కీసర రేంజ్‌ ఆఫీసర్‌ను సస్పెండ్‌ చేయాలంటూ ఆదేశం

సాక్షి, కీసర: కీసరగుట్ట అటవీప్రాంతాన్ని దత్తత తీసుకొని ఎంపీ సంతోష్‌కుమార్‌ హరితహారంలో భాగంగా ఇటీవల పెద్దఎత్తున మొక్కలు నాటిని విషయం తెలిసిందే.  మంగళవారం కలెక్టర్‌ ఎంవీ రెడ్డి ఆ ప్రాంతాన్నిపరిశీలించారు. మొక్కల సంరక్షణలో నిర్లక్ష్యంగా వ్యవహరిస్తున్న ఫారెస్టు అధికారుల తీరుపై ఆయన అసహనం వ్యక్తం చేశారు. మొక్కలు నాటి 15 రోజులు కావొస్తున్నా వాటికి సపోర్టు కర్రలు  ఎందుకు నాటలేదని, చనిపోయిన మొక్కల స్థానంలో మళ్లీ ఎందుకు నాటలేదని అటవీశాఖ సిబ్బందిపై  ఆగ్రహం వ్యక్తంచేశారు.

మొక్కలను నాటినప్పటి నుంచి ఫీల్డ్‌ఆఫీసర్‌ ఇటు పక్కకు రాలేదని, నాటిన మొక్కలను సంరక్షించనందుకు  కీసర ఫారెస్ట్‌ రేంజ్‌ ఆఫీసర్‌ను వెంటనే సస్పెండ్‌ చేయాలని జిల్లా అటవీశాఖ అధికారి సుధాకర్‌రెడ్డిని ఆదేశించారు. అనంతరం గుట్టలో గల ఆర్‌అండ్‌బి అతిథిగృహంలో  అధికారులతో సమావేశం నిర్వహించారు. కీసరగుట్ట అబివృద్ధికి ప్రణాళికను తయారు చేసి వెంటనే ప్రతిపాదనలు పంపాలని  సంబంధిత అధికారులకు ఆదేశించారు. కీసరగుట్టలోని ఎంట్రెన్స్‌లో గల సిమెంట్‌ నంది విగ్రహాన్ని మార్చి, దానిస్థానంలో రాతితో చెక్కించి నంది విగ్రహాన్ని ఏర్పాటు చేయాలన్నారు. కీసరగుట్ట జాతర సందర్భంగా పార్కింగ్‌ ఇబ్బందులు ఏర్పడకుండా  స్థలాన్ని గుర్తించాలని తహసీల్దార్‌ నాగరాజుకు సూచించారు. జెడ్పీ వైస్‌చైర్మన్‌ బెస్త వెంకటేష్, డీఆర్‌డీఏ పీఓ కౌటిల్యారెడ్డి, సీపీఓ సౌమ్య, ఎంపీపీ ఇందిర  వైస్‌ ఎంపీపీ సత్తిరెడ్డి, ఆలయ చైర్మన్‌ తటాకం నారాయణశర్మ, సర్పంచ్‌ మాధురి, ఉపసర్పంచ్‌ కందాడి బాలమణి పాల్గొన్నారు.    

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top