రోడ్లు ఎవరు నిర్మిస్తే వారిదే బాధ్యత: కేటీఆర్‌

హైదరాబాద్‌: గ్రేటర్‌ హైదరాబాద్‌ పరిధిలో వచ్చే రెండేళ్లలో 290 కీలోమీటర్ల వైట్‌ టాపింగ్‌ రోడ్ల నిర్మాణం పూర్తి చేస్తామని తెలంగాణ ఐటీ, మున్సిపల్‌ శాఖ మంత్రి కేటీఆర్‌ తెలిపారు. శుక్రవారం తెలంగాణ బిల్డర్స్‌ ఫెడరేషన్‌(టీబీఎఫ్‌)తో ఆయన సమావేశమయ్యారు. ఈ సందర్భంగా ఆయన మాట్లాడుతూ.. ఇక నుంచి ఏ కాంట్రాక్టర్లు అయితే రోడ్లు నిర్మిస్తారో ఏడెళ్లపాటు వారే పూర్తి బాధ్యత వహించే విధంగా నిబంధన తీసుకొస్తున్నామన్నారు. ఇందు కోసం హైదరాబాద్‌ రోడ్డు డెవలప్‌మెంట్‌ కార్పొరేషన్‌ లిమిటెడ్‌ను(హెచ్‌ఆర్‌డీసీఎల్‌)ను ఏర్పాటు చేసినట్లు చెప్పారు.  నగర ట్రాఫిక్‌ కష్టాలు తగ్గించేందుకు ఏడాదిలోపు సిగ్నల్‌ ఫ్రీ జంక్షన్‌లను ఏర్పాటు చేస్తామన్నారు.