ఆరోగ్యంపై శ్రద్ధ పెట్టండి : గవర్నర్ రోశయ్య

 కొరుక్కుపేట, న్యూస్‌లైన్:దురలవాట్లకు దూరంగా ఉంటూ ప్రజలు ఆరోగ్యంపై శ్రద్ధ పెట్టాలని రాష్ట్ర గవర్నర్ కొణిజేటి రోశయ్య సూచించారు. శ్రీ సమతి విశాల్ జైన్ ఎడ్యుకేషనల్ ట్రస్ట్, విశాల్ జైల్ అసోసియ్‌షన్ ఆధ్వర్యంలో చెన్నై, కోడంబాక్కంలోని మహాలింగపురంలో శ్రీ సుమతి విశాల్ జైన్ డయాలసిన్ సెంటర్‌ను ఆయన ప్రారంభించారు. చెన్నై, మహాలింగపురంలోని ఈ.ఎం, ఈ ఎల్, ఈఎం కల్యాణ మండపంలో ఆదివారం జరిగిన ఈ కార్యక్రమానికి ముఖ్య అతిథిగా రాష్ట్ర గవర్నర్ కొణిజేటి రోశయ్య హాజరయ్యారు.డయాలసిస్ సెంటర్  చైర్మన్ హారీష్ ఎల్.మెహతా అధ్యక్షతన జరిగిన కార్యక్రమంలో గవర్నర్ రోశయ్య మాట్లాడుతూ సుమతి విశాల్ జైన్ ఎడ్యుకేషనల్ ట్రస్ట్ కిడ్నీ రోగులకు సేవలందించేలా డయాలసిస్ సెంటర్‌ను ఏర్పాటు చేయడం సంతోషంగా ఉందన్నారు.