TV
ఉదయసముద్రం పనులను సమీక్ష చేసేందుకు నల్గొండకు వస్తున్న మంత్రి హరీష్‌రావుకు కృతజ్ఞతలు తెలుపుతున్నట్లు ఎమ్మెల్యే కోమటిరెడ్డి వెంకటరెడ్డి పేర్కొన్నారు.
నల్గొండ: ఉదయసముద్రం పనులను సమీక్ష చేసేందుకు నల్గొండకు వస్తున్న రాష్ట్ర నీటిపారుదలశాఖ మంత్రి తన్నీరు హరీష్‌రావుకు కృతజ్ఞతలు తెలుపుతున్నట్లు నల్గొండ కాంగ్రెస్ ఎమ్మెల్యే కోమటిరెడ్డి వెంకటరెడ్డి పేర్కొన్నారు. మంగళవారం ఆయన విలేకరులతో మాట్లాడుతూ... మంత్రి కార్యక్రమానికి రైతులు పార్టీలకతీతంగా తరలిరావాలన్నారు.
ఇదిలా ఉండగా... నల్గొండలో టెన్షన్ వాతావరణం నెలకొంది. మంత్రులు హరీష్‌రావు, జగదీశ్వర్‌రెడ్డి మంగళవారం నల్గొండలో పర్యటించనున్నారు. దీంతో టీఆర్ఎస్ శ్రేణులు భారీగా జనసమీకరణ చేశారు. అయితే... కాంగ్రెస్ ఎమ్మెల్యే కోమటిరెడ్డి వెంకటరెడ్డి కూడా భారీగా జనసమీకరణ చేయడంతో టెన్షన్ వాతావరణం నెలకొంది.
