సంచలనం సృష్టించిన చిన్నజట్టు

సంచలనం సృష్టించిన చిన్నజట్టు

నెల్సన్: 11వ ప్రపంచకప్ లో ఐర్లాండ్ జట్టు సంచలనం నమోదు చేసింది. తమ కంటే మెరుగైన వెస్టిండీస్ జట్టును చిత్తుగా ఓడించి శుభారంభం చేసింది. సోమవారమిక్కడ జరిగిన మ్యాచ్ విండీస్ పై ఐర్లాండ్ 4 వికెట్ల తేడాతో విజయం సాధించింది. 305 పరుగుల భారీ లక్ష్యాన్ని సునాయంగా చేరుకుంది. మరో 25 బంతులు మిగులుండగానే గెలుపు అందుకుంది. 45.5 ఓవర్లలో 6 వికెట్లు కోల్పోయి 307 పరుగులు చేసింది. అయితే చివర్లో తడబడినప్పటికీ ఐర్లాండ్ విజయాన్ని అందుకుంది.

పాల్ స్టిర్లింగ్(92), జొయస్(84), ఓబ్రిన్(79) చెలరేగి ఆడారు. స్టిర్లింగ్ కొద్దిలో సెంచరీ చేసే అవకాశం కోల్పోయాడు. విండీస్ బౌలర్లలో టేలర్ 3 వికెట్లు పడగొట్టాడు. గేల్, శామ్యూల్ చెరో వికెట్ తీశారు. ముందుగా బ్యాటింగ్ చేసిన విండీస్ 50 ఓవర్లలో 7 వికెట్లు నష్టపోయి 304 పరుగులు చేసింది. సిమన్స్(102) సెంచరీ చేశాడు. జట్టు ఓడిపోవడంతో అతడి సెంచరీ వృధా అయింది. ఇప్పటివరకు ఐర్లాండ్ తో ఆడిన ఐదు వన్డేల్లో విండీస్ కు ఇది మొదటి ఓటమి.