చవితికి కురుక్షేత్రం | Arjun's Kurukshetram gets a release date | Sakshi
Sakshi News home page

చవితికి కురుక్షేత్రం

Sep 8 2018 12:26 AM | Updated on Sep 8 2018 12:26 AM

Arjun's Kurukshetram gets a release date - Sakshi

అర్జున్‌

యాక్షన్‌ కింగ్‌ అర్జున్‌ నటించిన 150వ సినిమా ‘కురుక్షేత్రం’. అరుణ్‌ వైద్యనాథన్‌ దర్శకత్వంలో  ప్యాషన్‌ స్టూడియోస్‌ సమర్పణలో ఉమేష్‌ నిర్మించారు. తమిళంలో ఘనవిజయం సాధించిన ‘నిబునన్‌’ చిత్రాన్నే శ్రీ వాడపల్లి వెంకటేశ్వర క్రియేషన్స్‌పై శ్రీనివాస్‌ మీసాల వినాయక చవితి సందర్భంగా ఈ నెల 13న ‘కురుక్షేత్రం’ పేరుతో తెలుగులో విడుదల చేస్తున్నారు. అరుణ్‌ వైద్యనాథన్‌ మాట్లాడుతూ– ‘‘క్రైమ్‌ థ్రిల్లర్‌ నేపథ్యంలో తెరకెక్కిన చిత్రమిది.

నాకు తెలుగు ఫ్రెండ్స్‌ చాలామంది ఉన్నారు. అందుకే.. తెలుగు రిలీజ్‌ కోసం ఆత్రుతగా ఉన్నా’’ అన్నారు. ‘‘దాదాపు 200కు పైగా థియేటర్స్‌లో మా చిత్రాన్ని రిలీజ్‌ చేస్తున్నాం. అర్జున్‌ 150వ సినిమాని మా బ్యానర్‌లో రిలీజ్‌ చేయడం హ్యాపీ’’  అన్నారు మీసాల శ్రీనివాస్‌. ‘‘అర్జున్‌ సినిమా నుంచి ప్రేక్షకులు ఆశించేవన్నీ ‘కురుక్షేత్రం’లో ఉంటాయి. ఈ చిత్రం తెలుగులో మంచి విజయం సాధిస్తుందనే నమ్మకం ఉంది’’ అన్నారు సహ నిర్మాత సాయికృష్ణ పెండ్యాల.

Advertisement

Related News By Category

Related News By Tags

Advertisement
 
Advertisement

పోల్

Advertisement