TV
ఓ గోల్డ్‌ షాపు యజమానిని నకిలీ బంగారంతో బురిడీ కొట్టించి అసలు బంగారం తీసుకెళ్లిన వ్యక్తిని మంగళవారం సంతోష్‌నగర్‌ పోలీసులు అరెస్టు చేశారు.
సంతోష్‌నగర్‌ (హైదరాబాద్‌) : ఓ గోల్డ్‌ షాపు యజమానిని నకిలీ బంగారంతో బురిడీ కొట్టించి అసలు బంగారం తీసుకెళ్లిన వ్యక్తిని మంగళవారం సంతోష్‌నగర్‌ పోలీసులు అరెస్టు చేశారు. జూన్ మూడవ తేదీన సంతోష్‌ నగర్‌ బంగారు నగల దుకాణంలోకి లక్ష్మణ్‌ అనే వ్యక్తి వచ్చి నకిలీ బంగారం పెట్టి అసలు బంగారంతో పరారయ్యాడు. మంగళవారం లక్ష్మణ్‌ను అరెస్టు చేసిన పోలీసులు అతని వద్ద నుంచి పదిహేడు తులాల బంగారం, ఒక మారుతీ కారును స్వాధీనం చేసుకున్నారు. గతంలో కూడా నిందితుడిపై పలు కేసులు ఉన్నట్లు పోలీసులు తెలిపారు.
