టీడీపీ, బీజేపీలది అపవిత్ర పొత్తు: ఐలయ్య

టీడీపీ, బీజేపీలది అపవిత్ర పొత్తు: ఐలయ్య

టీడీపీ, బీజేపీలది అపవిత్ర పొత్తని సామాజికవేత్త కంచె ఐలయ్య విమర్శించారు. సీమాంధ్ర ప్రజలు ఈ పార్టీలు రెండింటినీ తిరస్కరిస్తారని ఆయన చెప్పారు. చంద్రబాబు దేశద్రోహి అని, కేవలం అధికారం కోసమే ఆయన బీజేపీ కాళ్లు పట్టుకుంటున్నారని ఐలయ్య మండిపడ్డారు.

అసలు చిన్న రాష్ట్రాల ఏర్పాటును ప్రారంభించినదే బీజేపీ అని, ఒకవేళ పార్లమెంటులో కాంగ్రెస్ పార్టీ తెలంగాణ బిల్లును ప్రవేశపెట్టకపోతే తాము ప్రవపేశపెడతామని బీజేపీ ప్రకటించిందని ఆయన గుర్తు చేశారు. రాష్ట్రాన్ని రెండు ముక్కలు చేసి విభజనకు కారణమైన బీజేపీ, టీడీపీ కలిసి ఇప్పుడు సీమాంధ్ర ప్రాంతాన్ని ఎలా అభివృద్ధి చేస్తాయని ఐలయ్య ప్రశ్నించారు.