TV
కర్నూలు జిల్లాను కరవు ప్రాంతంగా ప్రకటించాలని ఆంధ్రప్రదేశ్ రైతు సంఘం రాష్ట్ర ప్రభుత్వాన్ని డిమాండ్ చేసింది.
కర్నూలు : కర్నూలు జిల్లాను కరవు ప్రాంతంగా ప్రకటించాలని ఆంధ్రప్రదేశ్ రైతు సంఘం రాష్ట్ర ప్రభుత్వాన్ని డిమాండ్ చేసింది. ఆదివారం కర్నూలు జిల్లాలోని దేవనకొండ, కరివేమల, కలిడికొండ గ్రామాల్లోని పంట పొలాలు ఏపీ రైతు సంఘం సభ్యులు పరిశీలించారు. చెరువులను నీటితో నింపి రైతులకు సాగు నీరు అందించాలని రైతు సంఘం సభ్యులు ప్రభుత్వానికి విజ్ఞప్తి చేశారు.
వ్యవసాయ కూలీలను గ్రామీణ ఉపాధి హామీ పథకంతో జీవనోపాధి కల్పించేలా చర్యలు తీసుకోవాలని వారు ప్రభుత్వాన్ని కోరారు. జిల్లా రైతు సంఘం అధ్యక్షుడు జగన్నాథం ఆధ్వర్యంలో ఈ బృందం పర్యటించింది.
