అక్రమ గ్యాస్ రీఫిల్లింగ్..

జీడిమెట్ల (హైదరాబాద్) : అక్రమంగా గ్యాస్ రీఫిల్లింగ్‌కు పాల్పడుతున్న ఓ వ్యక్తిని ఎస్‌ఓటీ పోలీసులు అరెస్టు చేసి పేట్ బషీరాబాద్ పోలీసులకు అప్పగించారు. పోలీసులు తెలిపిన వివరాల ప్రకారం.. జీడిమెట్ల పద్మానగర్ రింగ్ రోడ్డు సమీపంలో ఉండే సుబ్బారావు(50) అనే వ్యక్తి గత కొంతకాలంగా అక్రమంగా గ్యాస్ రీఫిల్లింగ్‌కు పాల్పడుతున్నాడు. ఈ విషయం తెలుసుకున్న ఎస్‌ఓటీ పోలీసులు గురువారం దాడి చేసి అతని వద్ద నుండి మూడు పెద్ద సిలిండర్లు, 25 చిన్న సిలిండర్లను స్వాధీనం చేసుకున్నారు. అనంతరం సుబ్బారావును పేట్ బషీరాబాద్ పోలీసులకు అప్పగించగా కేసు నమోదు చేసుకుని దర్యాప్తు చేస్తున్నారు.