భారీ షాట్‌ ఆడబోయి బ్యాట్‌ను వదిలేశాడుగా

క్రికెట్‌ ఆటలో ఫన్నీ మూమెంట్స్‌ చోటు చేసుకువడం సహజంగా కనిపిస్తూనే ఉంటాయి. అందులో కొన్ని మనకు నవ్వు తెప్పిస్తుంటాయి. తాజాగా బిగ్‌బాష్‌ లీగ్‌లో భాగంగా బ్రిస్బేన్‌లోని గబ్బా స్టేడియంలో గురువారం బ్రిస్బేన్‌ హీట్‌ , హోబర్ట్‌ హరికేన్స్‌ మధ్య మ్యాచ్‌ జరిగింది. కాగా హోబర్ట్‌ హరికేన్స్‌ ఇన్నింగ్స్‌ సమయంలో ఒక ఆసక్తికర సంఘటన చోటు చేసుకుంది. మ్యాచ్‌లో భాగంగా 18వ ఓవర్‌లో ఆప్ఘనిస్తాన్‌ స్పిన్నర్‌ ఖైస్‌ అహ్మద్‌ స్ట్రైకింగ్‌లో ఉన్నాడు. బ్రిస్బేన్‌ హీట్‌ బౌలర్‌  జోష్ లాలోర్ వేసిన ఫుల్‌ లెంగ్త్‌ డెలివరినీ స్టంప్స్‌కు దూరంగా జరిగి ఫైన్‌లెగ్‌ మీదుగా షాట్‌ ఆడాలని ప్రయత్నించి పొరపాటున బ్యాట్‌ను వదిలేశాడు. దీంతో బ్యాట్‌ గాల్లో గిర్రున తిరిగి కొంచెం దూరంలో పడింది.