షారుఖ్‌ ఖాన్‌ స్టన్నింగ్‌ క్యాచ్‌ ఏంటీ? అనుకుంటున్నారా?

షారుఖ్‌ ఖాన్‌.. స్టన్నింగ్‌ క్యాచ్‌ ఏంటీ? అనుకుంటున్నారా? అయితే ఇది మీరనుకునే బాలీవుడ్‌ స్టార్‌ షారుఖ్‌ ఖాన్‌ కాదు. తమిళనాడు క్రికెటర్‌ మసూద్‌ షారుఖ్‌ ఖాన్‌. తమిళనాడు ప్రీమియర్‌ లీగ్‌ (టీపీఎల్‌)లో భాగంగా లైకా కోవా కింగ్స్(ఎల్‌కేకే)‌, ఐడ్రీమ్‌ కరైకుడి కలై(ఐకేకే) జట్ల మధ్య జరిగిన మ్యాచ్‌లో ఈ తమిళ షారుఖ్‌ ఖాన్‌ అద్బుత క్యాచ్‌తో అదరగొట్టాడు. ఈ డొమెస్టిక్‌ లీగ్‌లో ఎల్‌కేకు ప్రాతినిథ్యం వహిస్తున్న షారుఖ్‌ ఖాన్‌.. బౌండరీ లైన వద్ద ఐకేకే జట్టు బ్యాట్స్‌మన్‌ రాజమణి శ్రీనివాసన్‌ ఆడిన భారీ షాట్‌ను అడ్డుకోవడమే కాకుండా అద్బుత క్యాచ్‌తో పెవిలియన్‌ చేర్చాడు. ప్రస్తుతం దీనికి సంబంధించిన వీడియో నెట్టింట్లో హల్‌ చల్‌ చేస్తోంది. ఈ షారుఖ్‌ ఫీట్‌కు ఆస్ట్రేలియా మాజీ క్రికెటర్‌ డీన్‌ జోన్స్‌ కూడా ఫిదా అయ్యాడు. దీంతో ఈ తమిళ షారుఖ్‌ ఒక్కసారి హీరో అయిపోయాడు.