లైంగిక దాడులకు వ్యతిరేకంగా ప్రత్యేక కమిటీ

టాలీవుడ్‌ లో క్యాస్టింగ్‌ కౌచ్‌ వ్యవహారంతో దుమారం రేగడంతో మహిళా రక్షణకు సినీ పరిశ్రమ నడుం బిగించింది. సినీ పరిశ్రమలో మహిళలపై లైంగిక దాడులను తీవ్రంగా పరిగణిస్తున్నామని తెలుగు సినిమా డైరెక్టర్ల సంఘం అధ్యక్షుడు ఎన్‌.శంకర్‌ వెల్లడించారు. చిత్ర పరిశ్రమలో మహిళలపట్ల జరుగుతున్న లైంగిక వేధింపుల నిరోధానికి ప్రత్యేక కమిటీని ఏర్పాటు చేయనున్నామని తెలిపారు. కమిటీ తుది రూపుదిద్దుకోవాలంటే కొన్ని న్యాయపరమైన అడ్డంకుల్ని అధిగమించాల్సి ఉందని అన్నారు.