రాజధాని నగరంలో రాత్రి వేళల్లో బహిరంగంగా మద్యం తాగుతున్న మందుబాబుల కోసం నగర పోలీసులు గురువారం రాత్రి స్పెషల్ డ్రైవ్ నిర్వహించారు. ఈ సందర్భంగా నార్త్, వెస్ట్, సౌత్ జోన్ల పరిధి పోలీస్‌స్టేషన్ల పరిధిలో యథేచ్ఛగా మందు తాగుతున్న వెయ్యి మందిని పోలీసులు అదుపులోకి తీసుకున్నారు. అనంతరం వారికి కౌన్సెలింగ్ చేసి విడిచిపెట్టారు. మందు తాగుతూ మరోసారి పట్టుబడితే కేసులు నమోదు చేస్తామని పోలీసులు హెచ్చరించారు.