దేశంలోనే ప్రఖ్యాతి పొందిన ముంబైలోని టాటా మెమోరియల్ కేన్సర్ ఆస్పత్రిలో అగ్నిప్రమాదం సంభవించింది. పరెల్ ప్రాంతంలో ఉన్న ఈ ఆస్పత్రిలో మూడోస్థాయి అగ్నిప్రమాదం సంభవించినట్లు అగ్నిమాపక శాఖ అధికారులు తెలిపారు. ఆస్పత్రిలోని బేస్‌మెంటులో మంటలు చెలరేగాయి. దాంతో నాలుగు ఫైరింజన్లను, నాలుగు వాటర్ ట్యాంకర్లను కూడా అక్కడకు తరలించి, మంటలు ఆర్పే ప్రయత్నం చేస్తున్నారు.