TV
యువతకు నైపుణ్యాభివృద్ధి శిక్షణ
హెచ్‌పీసీఎల్‌–ఎస్‌డీఐతో ఎల్జీ ఇండియా ఒప్పందం
మహారాణిపేట: యువతకు నైపుణ్యాభివృద్ధి శిక్షణ ఇచ్చి, ఉద్యోగావకాశాలు కల్పించడానికి ఎల్జీ ఇండియా సీఎస్సార్‌ ఫౌండేషన్‌, హెచ్‌పీసీఎల్‌–ఎస్‌డీఐ సంస్థలు ఒప్పందం కుదుర్చుకున్నాయి. ఈ మేరకు ఆర్టీసీ కాంప్లెక్స్‌లోని హెచ్‌పీసీఎల్‌ కార్యాలయంలో శుక్రవారం ఇరు సంస్థల ప్రతినిధులు అవగాహన ఒప్పందంపై సంతకాలు చేశారు. ఈ ఒప్పందం ద్వారా యువతలో నాయకత్వ లక్షణాలు, ఆవిష్కరణ సామర్థ్యం పెరుగుతాయని ఎల్జీ ఇండియా సీఎస్సార్‌ ఫౌండేషన్‌ చైర్మన్‌, మాజీ ఐఏఎస్‌ గిరిజా శంకర్‌ తెలిపారు. శిక్షణ పూర్తి చేసుకున్నవారికి ఉద్యోగావకాశాలు కల్పించడంతో పాటు, స్వయం ఉపాధి శిక్షణ పొందిన మహిళలు ఆర్థికంగా సాధికారత సాధించేందుకు ఇది తోడ్పడుతుందని వివరించారు. ఎల్జీ ఇండియా గ్లోబల్‌ హెడ్‌ పాల్‌ క్వాన్‌, ఎల్జీ గ్రూప్‌ డైరెక్టర్‌ సి.కె.జియాంగ్‌, హెచ్‌పీసీఎల్‌–ఎస్‌డీఐ సీఈవో ఇంతియాజ్‌ అర్షద్‌ పాల్గొన్నారు.
