ఘనంగా విశ్వకర్మ జయంతి

ఘనంగా విశ్వకర్మ జయంతి

దోమ: దొంగ ఎన్కేపల్లి గ్రామంలో విశ్వకర్మ భగవాన్‌ జయంతి వేడుకలను బుధవారం గ్రామస్తులు ఘనంగా జరుపుకున్నారు. ఈ సందర్భంగా గ్రామంలోని కాళికాదేవి మాతకు యజ్ఞం నిర్వహించి వారు ప్రత్యేక పూజలు చేశారు. అనంతరం విశ్వకర్మలు మాట్లాడుతూ..విశ్వకర్మలకు ఎలాంటి షరతులు లేకుండా రుణాలు, ఇండ్ల స్థలాలు, డబుల్‌ బెడ్‌రూమ్‌ ఇళ్లు మంజూరు చేయాలన్నారు. ఈ కార్యక్రమంలో మల్లేశంచారి, నాగేంద్రచారి, కృష్ణస్వామిచారి, మనచారి, చంద్రశేఖర్‌చారి, బ్రహ్మంచారి, వీరన్నచారి, కరుణాకర్‌చారి, తదితరులు పాల్గొన్నారు.

కొడంగల్‌ రూరల్‌లో..

కొడంగల్‌ రూరల్‌: పట్టణంలోని మహాదేవుని ఆలయ ఆవరణలో విశ్వకర్మ సంఘం సభ్యుల ఆధ్వర్యంలో ఘనంగా నిర్వహించారు. ఆలయ ఆవరణలో గణపతిపూజ, శ్రీకాళికాదేవి, విశ్వకర్మ చిత్రపటాలకు ప్రత్యేక పూజలు నిర్వహించారు. ఈ సందర్భంగా పలువురు నాయకులు మాట్లాడుతూ సంఘం సభ్యులు ఒకరినొకరు సహాయ సహకారాలు అందించుకోవాలన్నారు. ఈ కార్యక్రమంలో మాజీ ఎంపీపీ ముద్దప్ప దేశ్‌ముఖ్‌, మాజీ మున్సిపల్‌ చైర్మన్‌ ఆర్‌ జగదీశ్వర్‌రెడ్డి, కాంగ్రెస్‌ మండల అధ్యక్షుడు నందారం ప్రశాంతు కుమార్‌ తదితరులు పాల్గొన్నారు.

పరిగి: పట్టణ కేంద్రంలో విరాట్‌ విశ్వకర్మ సంఘం ఆధ్వర్యంలో విశ్వకర్మ యజ్ఞ మహోత్సవ వేడుకలను నిర్వహించారు. సంఘం ఆధ్వర్యంలో పట్టణంలో ప్రత్యేక పూజలు చేశారు.