క్లుప్తంగా

క్లుప్తంగా

రైల్వే ట్రాక్‌లు దాటుతున్న వారికి పోలీసుల హెచ్చరిక

కొరుక్కుపేట: రైల్వే ట్రాక్‌లు దాటుతున్న 50 మందిని పోలీసులు హెచ్చరించారు. రోజూ వేలాది మంది ప్రయాణికులు క్రోమ్‌పేట్‌ రైల్వే స్టేషన్‌ను ఉపయోగిస్తున్నారు. ఈ రైల్వే స్టేషన్‌లో ప్రయాణికులు ప్రమాదకరంగా పట్టాలు దాటడం వల్ల తరచుగా మరణాలు సంభవించాయి. దీని తరువాత, క్రోమ్‌పేట్‌ రైల్వే స్టేషన్‌లో కొత్త సొరంగం తవ్వి కొన్ని రోజుల క్రితం వినియోగంలోకి తెచ్చారు. కానీ చాలా మంది ప్రయాణికులు ఈ సొరంగంను ఉపయోగించకుంా పట్టాలు దాటుతూనే ఉంటారు. అలాగే ప్లాట్‌ఫారమ్‌ నుంచి మరొక ప్లాట్‌ఫారమ్‌కు వెళతారు. దీనికి సంబంధించి రైల్వే పోలీసులకు వివిధ ఫిర్యాదులు అందాయి. దీనికి ప్రతిస్పందనగా, ఈ ఉదయం, రైల్వే పోలీస్‌ ఇన్‌స్పెక్టర్‌ సంజీవ్‌ కుమార్‌ నేతృత్వంలో 50 మందికి పైగా వ్యక్తులను ఇన్‌స్పెక్టర్‌ సుమేష్‌ అరెస్టు చేశారు. రైల్వే క్రోమ్‌పేట్‌ రైల్వే పోలీసులు స్టేషన్‌ ప్లాట్‌ఫామ్‌ ప్రవేశ ద్వారం వద్ద నిఘాలో నిమగ్నమై ఉన్నారు. ఆ సమయంలో, వివిధ పనులకు వెళ్తున్న 50 మందికి పైగా కళాశాల విద్యార్థులు సొరంగం ఉపయోగించకుండా, పట్టాలను దాటుతుండంగా పోలీసులు వారిని ఆపి, ప్రశ్నించి, హెచ్చరించారు. రోడ్డు దాటుతున్న కొంతమంది ప్రయాణికులు దీనిని చూసి పారిపోయారు.

తారా సందడి

ఫీనిక్స్‌ మార్కెట్‌ సిటీలో జివాయే బ్రాండ్‌ ఎగ్జిభిషన్‌ అవుట్‌ లెట్‌ ఏర్పాటు చేశారు. దీనిని సినీ నటి మేఘా ఆకాశ్‌ ప్రారంభించారు. జివాయే హెడ్‌ డామన్‌ బాలితో కలిసి మేఘా ఆకాశ్‌ అక్కడి సిబ్బందితో కలిసి ఆనందాన్ని పంచుకున్నారు. – సాక్షి, చైన్నె

ప్రియురాలిని కడతేర్చిన

వివాహేతర ప్రియుడు

అన్నానగర్‌: ఏర్కాడ్‌ జిల్లాలోని సోమవారం రాత్రి 35 ఏళ్ల యువతి మృతి చెంది కనిపించింది. దీనిపై ఏర్కాడ్‌ పోలీసులకు సమాచారం అందింది. పోలీసులు ఘటనా స్థలానికి చేరుకుని పరిశీలించారు. హత్యకు గురైన మహిళ, ఏర్కాడ్‌లో ఒక గదిని అద్దెకు తీసుకొని, సోమవారం ఉదయం నుంచి సాయంత్రం 6 గంటల వరకు గది నుంచి బయటకు రాలేదు. ఆ తరువాత, వారు బస చేసిన గది తాళం వేసి ఉంది. అనుమానం ఆధారంగా హాస్టల్‌ సిబ్బంది గదిని తెరిచినప్పుడు, ఆ మహిళ హత్యకు గురైనట్లు వారు గుర్తించారు. తరువాతమృతదేహాన్ని పోలీసులు స్వాధీనం చేసుకుని శవపరీక్ష కోసం సేలం ప్రభుత్వ ఆసుపత్రికి పంపారు. హత్యకు గురైన మహిళ, ఆమెతో కలిసి ఉన్న యువకుడి గురించి తీవ్ర విచారణ లో సంచలనాత్మక సమాచారం విడుదలైంది. హత్యకు గురైన మహిళను ధర్మపురి జిల్లా ఎరియూర్‌ సమీపంలోని ఎయిర్‌ కోల్పట్టి ప్రాంతానికి చెందిన గోవిందరాజ్‌ భార్య సాలా (33) గా గుర్తించారు. వారికి 15 ఏళ్ల కుమారుడు, 13 ఏళ్ల కుమార్తె ఉన్నారని కూడా వెల్లడైంది. విభేదాల కారణంగా సాలా తన భర్త నుంచి విడిపోయి తన ఇద్దరు పిల్లలతో తన తల్లి ఇంట్లో నివసిస్తోంది. ఆ సమయంలో, ఆమె సేలం జిల్లాలోని ఇలంపిళ్లై తెప్పకుట్టై ప్రాంతంలో నివసించే గోవిందస్వామి కుమారుడు పార్థిబన్‌ (35) ఇన్‌స్ట్రాగామ్‌ ద్వారా కలుసుకున్నారు. అతను ఎలక్ట్రీషియన్‌గా పనిచేస్తున్నాడు. అతను కూడా వివాహితుడు. ఈ స్థితిలో, సాలా, పార్థిబన్‌ మధ్య 4 సంవత్సరాలుగా అక్రమ సంబంధం ఉందని తేలింది. దీని తరువాత, సాలా, పార్థిబన్‌ సోమవారం ఏర్కాడ్‌కు వచ్చి ఒక గదిని అద్దెకు తీసుకొని బస చేశారు. ఆ సమయంలో సాలా పార్థిబన్‌ను డబ్బు అడిగింది. వారి మధ్య వివాదం కారణంగా, కోపంగా ఉన్న పార్థిబన్‌ సాలాను గొంతు నులిమి చంపి పారిపోయాడని వెల్లడైంది. దీని తరువాత, పోలీసులు ఇలంపిళ్లైకి చేరుకుని ఇంట్లో దాక్కున్న పార్థిబన్‌ను అరెస్టు చేసి ఏర్కాడ్‌ పోలీస్‌ స్టేషన్‌ కు తీసుకువచ్చారు. ఈమేరకు కేసు దర్యాప్తు చేస్తున్నారు.

బీజేపీ నేత సహా 12 మందిపై కేసు

కొరుక్కుపేట: బీజేపీ నేత హెచ్‌.రాజా సహా 12 మందిపై పోలీసులు కేసు నమోదు చేశారు. బీజేపీ సీనియర్‌ నేత హెచ్‌.రాజా పార్టీ సభ్యులతో కలసి తిరుపరంకుండ్రం కొండపై ఉన్న కాశీ విశ్వనాధర్‌ ఆలయానికి చేరుకుని ఆందోళన చేశారు. ఆ సమయంలో అక్కడ ఉన్న పోలీసులు వారిని కొండపై అడ్డుకున్నారు. దీంతో పోలీసులకు, బీజేపీ సభ్యులకు మధ్య వాగ్వాదం జరిగింది. హెచ్‌. రాజా సహా బీజేపీ సభ్యులు కొండపై ఉన్న తోట వద్ద కూర్చుని కొండపై ఉన్న చెట్టుకు కట్టిన గంధపు జెండాను తొలగించాలని డిమాండ్‌ చేస్తూ ఆందోలన చేశారు. పోలీసులు వారిని కొండ ప్రాంతానికి తీసుకొచ్చి రాజా సహా నేతలను12 మందిని అరెస్టు చేశారు.

వాహనాలు ఢీకొని జింకలు మృతి

తిరువొత్తియూరు: వేర్వేరు చోట్ల వాహనాలు ఢీకొని రెండు చుక్కల జింకలు మృతిచెందాయి. అచ్చరపాక్కం గాంధీనగర్‌ అనే ప్రాంతంలో కొండ ప్రాంతం నుంచి ఆహారం కోసం వెతుక్కుంటూ వచ్చిన రెండేళ్ల మగ చుక్కల జింక ఒకటి తిరుచ్చి–చైన్నె జాతీయ రహదారిని దాటేందుకు ప్రయత్నించింది. ఆసమయంలో అటుగా వచ్చిన కారు ఢీకొని జింక మృతి చెందింది. ఈ సంఘటన జరిగిన కొంతసేపటికే ఇదేవిధంగా చైన్నె–తిరుచ్చి జాతీయ రహదారిలో అచ్చరపాక్కం–పళతోట్టం అనే ప్రాంతంలో రిజర్వ్‌ ఫారెస్ట్‌ నుంచి బయటకు వచ్చిన మరో ఆడ చుక్కల జింక రోడ్డు దాటుతుండగా వాహనం ఢీకొని మృతిచెందింది.