వైభవంగా నృసింహుని కల్యాణం

వైభవంగా నృసింహుని కల్యాణం

రాపూరు: ప్రముఖ పుణ్యక్షేత్రమైన పెంచలకోన క్షేత్రంలో శనివారం పెనుశిల లక్ష్మీనరసింహస్వామి, ఆదిలక్ష్మీదేవి, చెంచులక్ష్మీదేవిల కల్యాణం అత్యంత వైభవంగా నిర్వహించారు. ఉదయం 4 గంటలకు అభిషేకం, 5 గంటలకు సుప్రభాతం, 6 గంటలకు పూలంగి సేవ జరిపారు. 10 గంటలకు స్వామి, అమ్మవార్ల ఉత్సవ విగ్రహాలను నిత్య కల్యాణ మండపంలో కొలువుదీర్చి వివిధ రకాల ఆభరణాలు, పుష్పాలతో శోభాయమానంగా అలంకరించి వేదపండితుల మంత్రోచ్ఛారణలతో కల్యాణం నిర్వహించారు. సాయంత్రం 6 గంటలకు స్వామి అమ్మవార్లను తిరుచ్చిలో సహస్ర దీపాలంకరణతో మండపంలోకి తీసుకొచ్చి ఊంజల్‌సేవ నిర్వహించారు.

నిత్య అన్నదానానికి రూ.లక్ష విరాళం

ఆలయ నిత్యాన్నదాన పథకానికి రాపూరు మండలం సిద్ధవరానికి చెందిన ఏటూరి బ్రహ్మారెడ్డి–జయశ్రీ దంపతులు రూ.1,00,116లను అందించినట్లు ఏసీ శ్రీనివాసులు తెలిపారు.

1/1

వైభవంగా నృసింహుని కల్యాణం