Ravi Teja Starrer Ramarao On Duty Movie Release Date Postponed Deets Here

May 26, 2022, 12:12 IST

రవితేజ హీరోగా శరత్‌ మండవ దర్శకత్వంలో రూపొందిన చిత్రం ‘రామారావు ఆన్‌ డ్యూటీ’. ఇందులో రజీషా, దివ్యాంశ హీరోయిన్లు. శ్రీ లక్ష్మీ వెంకటేశ్వర సినిమాస్‌ ఎల్‌ఎల్‌పీ, రవితేజ టీమ్‌ వర్క్స్‌ బ్యానర్లపై సుధాకర్‌ చెరుకూరి నిర్మించారు. రవితేజ డిప్యూటీ కలెక్టర్‌గా కనిపించనున్న ఈ మూవీతో వేణు తొట్టెంపూడి రీఎంట్రీ ఇస్తున్నాడు. నాజర్‌, తనికెళ్ల భరణి, పవిత్రాల ఓకేశ్‌ ముఖ్యపాత్రల్లో నటించారు. ఈ సినిమా జూన్‌ 17న విడుదలవుతున్నట్లు గతంలో ప్రకటించారు.

అయితే తాజాగా ఈ సినిమా రిలీజ్‌ డేట్‌ను వాయిదా వేస్తున్నట్లు చిత్రయూనిట్‌ సోషల్‌ మీడియా వేదికగా వెల్లడించింది. మంచి అవుట్‌పుట్‌ రావాలంటే ఈ నిర్ణయం తీసుకోక తప్పడం లేదు. రామారావు ఆన్‌ డ్యూటీ జూన్‌ 17న రిలీజ్‌ కావడం లేదు. త్వరలో ఓ కొత్త తేదీని ప్రకటిస్తాం అని వెల్లడించింది చిత్రయూనిట్‌.