‘లక్కీభాస్కర్ల’కు సిండికేట్ల ఒత్తిడి!

‘లక్కీభాస్కర్ల’కు సిండికేట్ల ఒత్తిడి!

సాక్షి, రంగారెడ్డి జిల్లా: లక్కీ డ్రాలో వైన్‌షాపులు దక్కించుకున్నవారి నుంచి ఆయా షాపులను సొంతం చేసుకునేందుకు సిండికేట్లు రంగంలోకి దిగారు. ఈ వ్యాపారంలో కనీస అనుభవం లేని, తొలిసారిగా టెండర్లలో పాల్గొన్న లక్కీ భాస్కర్లను టార్గెట్‌ చేసుకుంటున్నారు. వారికి పలు ఆఫర్లు కూడా ఇస్తున్నారు. ఏడాదికి రూ.కోటి సహా దరఖాస్తు ఫీజు రూ.3 లక్షలతో పాటు రెండేళ్లు గుడ్‌విల్‌ చెల్లించేందుకు సిద్ధమవుతున్నారు. ఇచ్చేందుకు నిరాకరిస్తున్న వాళ్లకు ఈ సిండికేట్ల నుంచి ఒత్తిడి మొదలైంది.

ఆఫర్లకు తలొగ్గని వారికి తప్పని ఒత్తిళ్లు

హైదరాబాద్‌, సికింద్రాబాద్‌, మేడ్చల్‌, మల్కాజ్‌గిరి, సరూర్‌నగర్‌, శంషాబాద్‌, వికారాబాద్‌ ఎకై ్సజ్‌ డివిజన్ల పరిధిలో 693 మద్యం షాపులకు టెండర్లు పిలువగా మొత్తం 36,266 మంది పోటీ పడ్డారు. టెండర్లు దాఖలు చేసిన వారిలో మహిళలు కూడా ఉన్నారు. అత్యధిక దరఖాస్తులు సరూర్‌నగర్‌, శంషాబాద్‌ ఎకై ్సజ్‌ డివిజన్ల నుంచే వచ్చాయి. అయితే ఇప్పటికే ఈ లిక్కర్‌ వ్యాపారంలో అనుభవం ఉన్న వాళ్లు పెద్ద సంఖ్యలోనే దరఖాస్తు చేసుకున్నప్పటికీ..అదృష్టం వరించకపోవడంతో ఇతరులపై ఆధారపడాల్సి వచ్చింది. కొత్తగా షాపులు దక్కించుకున్న వాళ్లను గుర్తించి, వారికి పలు ఆఫర్లు ఇస్తున్నారు. అయినా ఇచ్చేందుకు నిరాకరించిన వాళ్లకు స్థానిక నేతలు, రాజకీయ అనుచరుల నుంచి ఒత్తిడి తీసుకొస్తున్నారు. చేసేది లేక కొంత మంది సరెండర్‌ అవుతుండగా, మరికొంత మంది వేచి చూసే ధోరణిలో ఉన్నారు. అయితే అంతర్గతంగా ఇంత జరుగుతున్నా.. ఆయా ఎకై ్సజ్‌ డివిజన్ల అధికారులు మాత్రం తమకేమీ తెలియదన్నట్లుగా వ్యవహరిస్తుండటం కొసమెరుపు. ఇదిలా ఉంటే దుకాణాలను దక్కించుకున్న వాళ్లకు షాపింగ్‌ కాంప్లెక్స్‌ల యజమానులు చుక్కలు చూపిస్తున్నారు. అప్పటి వరకు రూ.10 వేల లోపే ఉన్న నెలవారి అద్దెలను అమాంతం పెంచేస్తుండటం ఆందోళన కలిగిస్తోంది.

● ‘శేరిలింగంపల్లికి చెందిన ఓ మద్యం వ్యాపారి ఎప్పటిలాగే ఈ సారి కూడా వేర్వేరు క్లస్టర్లలోని పది మద్యం దుకాణాలకు పది టెండర్లు వేశాడు. లక్కీడ్రాలో ఆయనకు ఒక్క షాపు కూడా దక్కలేదు. పదేళ్లుగా ఇదే వ్యాపారంలో ఉండటం, వేరే వ్యాపారంలోకి వెళ్లేందుకు ఇష్టం లేకపోవడంతో ఎలాగై నా ఏదో ఒక షాపును చేజిక్కించుకోవాలని భావించాడు. మద్యం వ్యాపారంలో ఇప్పటి వరకు ఎలాంటి అనుభవం లేక పోయినా టెండర్‌ దాఖలు చేసి, లక్కీడ్రా లో షాపును దక్కించుకున్న వ్యక్తికి ఏటా రూ.కోటి ఆఫర్‌ చేయడంతో పాటు దరఖాస్తు ఫీజు రూ.3 లక్షలతో పాటు గుడ్‌విల్‌ చె ల్లింపులకు సిద్ధమయ్యారు. ఇందుకు నిరాకరించిన సదరు లక్కీభాస్కర్‌ను ఎలా గైనా లొంగదీసుకోవాలని భావించి చివరకు స్థానికంగా ఉన్న ఓ కీలకనేత ద్వారా బెదిరింపులకు దిగాడు. మద్యం అమ్మకాలపై అనధికారిక ఆంక్షలు విధించాడు. చేసేది లేక చివరకు ఆయన సిండికేట్‌కు తలొంచాల్సి వ చ్చింది’

● ‘సికింద్రాబాద్‌కు చెందిన ఓ మద్యం వ్యాపారి పలువురి పేరున జాతకం చూపించి మరీ టెండర్లు దాఖలు చేశారు. ఫీజుల రూపంలో రూ.కోటి వరకు ఖర్చు చేశారు. అదృష్టానికి బదులు..ఆయన్ను ఈ సారి దురదృష్టం వెంటాడింది. లక్కీడ్రాలో ఒక్క షాపు కూడా దక్కలేదు. అయితే లాటరీలో మద్యం షాపును దక్కించుకున్న వ్యక్తిని కలిశారు. ఆ షాపులో అంత ఆదాయం వచ్చే అవకాశం లేక పోయినా కేవలం వ్యాపారానికి దూరంగా ఉండలేక లక్కీ భాస్కర్‌ పెట్టిన డిమాండ్లకు తలొగ్గాల్సి వచ్చింది.

షాపులు దక్కించుకున్న వారితో బేరసారాలు

ఒక్కో షాపునకు ఏడాదికి రూ.కోటి చొప్పున ఆఫర్‌

అప్లికేషన్‌ ఫీజు సహా రెండేళ్లు గుడ్‌విల్‌ ఇచ్చేందుకు అంగీకారం