స్వీయ జనగణనలో వాస్తవాలు వివరించండి

స్వీయ జనగణనలో వాస్తవాలు వివరించండి గుంటూరు వెస్ట్‌: జనగణనలో భాగంగా ప్రజలకు స్వీయ వివరాలు నమోదు చేసే సదుపాయం కల్పించినట్లు జిల్లా కలెక్టర్‌ సాయికాంత్‌ వర్మ తెలిపారు. బుధవారం స్థానిక కలెక్టరేట్‌లోని వీడియో సమావేశ మందిరంలో జీఎంసీ కమిషనర్‌ కె.మయూర్‌ అశోక్‌, జిల్లా రెవెన్యూ అధికారి ఎన్‌.ఎస్‌.కె.ఖాజావలి, అధికారులతో నిర్వహించిన సమీక్షా సమావేశంలో కలెక్టర్‌ మాట్లాడారు. ప్రజలు భాగస్వాములై వాస్తవ వివరాలు పొందుపరచడానికి సహకరించాలని పిలుపునిచ్చారు. గురువారం నుంచి 30వ తేదీ వరకు ప్రక్రియ కొనసాగుతుందన్నారు. కార్యక్రమంలో జీఎంసీ అదనపు కమిషనర్‌ చల్లా ఓబులేసు, సీపీఓ పి.శేష శ్రీ, ఇతర అధికారులు పాల్గొన్నారు.