TV
నగరంపాలెం: నగరంపాలెం జిల్లా పోలీస్ కార్యాలయంలో శుక్రవారం జిల్లా ఎస్పీ–సంపర్క్ను జిల్లా ఎస్పీ వకుల్ జిందాల్ ప్రారంభించారు. జిల్లా ఎస్పీ మాట్లాడుతూ ప్రతి శుక్రవారం మధ్యాహ్నం మూడు గంటల నుంచి సాయంత్రం ఐదు గంటల వరకు కొనసాగుతుందని అన్నారు. జిల్లాలోని పోలీస్స్టేషన్లలో విధులు నిర్వర్తించే పోలీస్ సిబ్బంది సమస్యలు, వినతులను 8688831470 నంబర్కు తెలియజేయాలని సూచించారు. విధుల నిమిత్తం జిల్లా పోలీస్ కార్యాలయానికి రాలేని పోలీస్ సిబ్బందికి ఎంతో ఉపయోగకరమని అన్నారు. హెడ్ కానిస్టేబుళ్లు, పోలీస్ కానిస్టేబుళ్లు, హోంగార్డులు సర్వీస్కు సంబంధించి సమస్యలు (పోస్టింగ్లు, సెలవులు, సంక్షేమం, విధుల్లో ఒత్తిడి, మెడికల్ రీయింబర్స్ మెంట్, బదిలీలు), విధి నిర్వహణలో ఎదురయ్యే ఇబ్బందులు, డ్యూటీ అవర్స్, వ్యక్తిగత/కుటుంబ సమస్యలు సంబంధించి సూచనలు తెలియజేయాలని అన్నారు. ఈ క్రమంలో లాలాపేట పీఎస్ హెడ్ కానిస్టేబుల్, ట్రాఫిక్ పోలీస్స్టేషన్ మహిళా కానిస్టేబుల్, పొన్నూరు పట్టణ కానిస్టేబుల్ ఫోన్ల ద్వారా సమస్యలు వివరించారు. ఆయా సమస్యలను ఆలకించిన జిల్లా ఎస్పీ వాటిని పరిష్కరిస్తామని హామీ ఇచ్చారు.
