TV
వేస్ట్‌ ఆయిల్‌ ప్యూరిఫై యూనిట్‌లో తనిఖీలు
కాకినాడ రూరల్‌: సర్పవరం ఆటోనగర్‌లో వేస్ట్‌ ఆయిల్‌ను ప్యూరిఫై చేసి సెకండ్‌ గ్రేడ్‌ ఆయిల్‌, గ్రేజ్‌ తయారు చేసే ఎస్‌ఏఎఫ్‌ పెట్రోలియం యూనిట్‌పై విజిలెన్స్‌, సివిల్‌ సప్లయీస్‌ అధికారులు దాడులు నిర్వహించారు. రాజమహేంద్రవరం విజిలెన్స్‌ డీఎస్పీ తాతారావు, విజిలెన్స్‌ సీఐలు, కాకినాడ సివిల్‌ సప్లయిస్‌ అసిస్టెంట్‌ సప్లయి అధికారి ప్రసన్న లక్ష్మీదేవి, అర్బన్‌ టీపీ అనిల్‌ కుమార్‌ తదితరులు సోమవారం సాయంత్రం నుంచి అర్ధరాత్రి వరకు తనిఖీలు చేశారు. ఈ సందర్భంగా చైన్నె నుంచి ట్యాంకర్‌లో తీసుకువచ్చిన టర్పెన్‌టైన్‌ను గుర్తించారు. జీఎస్టీ బిల్లులు ఉన్నప్పటికి టర్పెన్‌టైన్‌లో పెట్రోలియం కంటెంట్‌ ఉండడంతో వాహనంతో సహా 25 వేల లీటర్ల సరుకు ఉన్నట్టు గుర్తించారు. టర్పెన్‌టైన్‌ ఉన్న వాహనంతో పాటు మరో ఖాళీ వాహనాన్ని సీజ్‌ చేశారు. వాహనాలు, సరకు విలువ సుమారు రూ.75 లక్షలు అధికారులు తెలిపారు.
