ఏపీ: వ్యాక్సినేషన్‌ 21.1 శాతం

AP More Than 21 Percent People Get Vaccine After Mega Vaccination Drive - Sakshi

సాక్షి, అమరావతి: రాష్ట్రంలో తాజాగా కోవిడ్‌ మెగా వ్యాక్సినేషన్‌ డ్రైవ్‌ అనంతరం 18 ఏళ్లు దాటిన వారిలో కనీసం ఒక డోసు టీకా తీసుకున్న వారు 21.1 శాతానికి చేరినట్లు వైద్య ఆరోగ్య శాఖ అధికారులు వెల్లడించారు. ఆదివారం ఒక్కరోజే 13,72,481 మందికి టీకాలు అందించడం ద్వారా ఆంధ్రప్రదేశ్‌ రికార్డు సృష్టించిన సంగతి తెలిసిందే. ఇందులో 12,85,394 మందికి తొలి డోసు ఇవ్వగా 87,087 మందికి రెండో డోసు వేసినట్లు అధికారులు వెల్లడించారు. మెగా వ్యాక్సినేషన్‌ డ్రైవ్‌లో 45 సంవత్సరాలు దాటిన 8.14 లక్షల మందికి వ్యాక్సిన్‌ వేశారు. ఐదేళ్లలోపు పిల్లలున్న 5.05 లక్షల మంది తల్లులకు టీకాలు ఇచ్చారు. 48,462 మంది ఫ్రంట్‌ లైన్‌ వర్కర్లు, 3681 మంది హెల్ల్‌ కేర్‌ వర్కర్లు వ్యాక్సిన్‌ తీసుకున్నారు. దేశంలో ఒకే రోజు వ్యాక్సినేషన్‌లో ఆంధ్రప్రదేశ్‌ తన రికార్డులను తానే అధిగమించింది. రాష్ట్రంలో ఏప్రిల్‌ 14న నెలకొల్పిన 6,32,780 టీకాల రికార్డును ఏపీ తిరగరాసింది. దేశవ్యాప్తంగా ఒకరోజు వ్యాక్సినేషన్‌లో టాప్‌ 5 రాష్ట్రాల రికార్డులను చూస్తే అందులో మూడు ఆంధ్రప్రదేశ్‌ పేరుతోనే ఉండటం గమనార్హం.

పలు దేశాల కంటే మెరుగ్గా..
ప్రపంచవ్యాప్తంగా అభివృద్ధి చెందిన వివిధ దేశాల కంటే ఎన్నో రెట్లు అధికంగా వ్యాక్సినేషన్‌ సామర్థ్యం కలిగిన రాష్ట్రంగా మెగా వ్యాక్సినేషన్‌ డ్రైవ్‌ ద్వారా ఆంధ్రప్రదేశ్‌ నిరూపించింది. ఇంగ్లాడ్‌లో రోజుకు సగటున 4 లక్షల డోసులు, జర్మనీలో 3.7 లక్షలు, జపాన్‌లో 1.6 లక్షలు, రష్యాలో 2.2 లక్షలు, కెనడాలో 1.76 లక్షలు, దక్షిణ కొరియాలో రోజుకు లక్ష చొప్పున వ్యాక్సినేషన్‌ జరుగుతోంది. అమెరికాలో రోజుకు సగటున 16 లక్షల డోసులు, భారత్‌లో సగటున 15 లక్షల డోసుల వ్యాక్సినేషన్‌ జరుగుతుండగా అదే స్థాయి సామర్థ్యాన్ని ఇప్పుడు రాష్ట్రం సాధించిందని, వ్యాక్సిన్లు అందుబాటులో ఉంటే రోజుకు 15 లక్షలు ఇవ్వగలమని ఈ డ్రైవ్‌ద్వారా రుజువు చేసినట్లు ఏపీ స్టేట్‌ కోవిడ్‌ నోడల్‌ ఆఫీసర్‌ ఆర్జా శ్రీకాంత్‌ పేర్కొన్నారు. రాష్ట్రంలో అత్యధికంగా విశాఖ జిల్లాలో 22.9 శాతం వ్యాక్సినేషన్‌ జరిగింది. శ్రీకాకుళం (22.4), నెల్లూరు (21.8), పశ్చిమ గోదావరి (21.5), వైఎస్‌ఆర్‌ కడప (21.5), కృష్ణా (21) జిల్లాల్లో వ్యాక్సినేషన్‌ నమోదైంది. 

దేశంలో టాప్‌ 10 వ్యాక్సినేషన్‌ రాష్ట్రాలు
డోసులు            తేదీ    రాష్ట్రం
13,72,481    20/06    ఏపీ
6,32,780    14/04    ఏపీ
5,85,267    16/06    బిహార్‌
5,79,161    27/05    ఏపీ
5,41,923    16/04    మహారాష్ట్ర
5,25,916    07/04    రాజస్థాన్‌
5,19,624    03/04    గుజరాత్‌
5,13,489    05/04    ఉత్తరప్రదేశ్‌
5,08,995    12/04    ఉత్తరప్రదేశ్‌
5,03,124    14/06    మధ్యప్రదేశ్‌

జిల్లాలవారీగా 20న రికార్డ్‌ వ్యాక్సినేషన్‌ ఇలా..
జిల్లా                మొత్తం డోసులు     తొలిడోసు        రెండో డోసు
ప.గోదావరి           1,67,494          1,65,954       1540
తూ.గోదావరి        1,55,591           1,51,748      3,843
కృష్ణా                  1,41,848           1,32,828      9,020
విశాఖపట్నం        1,11,893           1,04,340      7,553
గుంటూరు            1,06,795             95,989     10,806
ప్రకాశం                1,04,857             98,068        6,789
చిత్తూరు              1,03,011              91,632      11,379
అనంతపురం          89,293               82,364        6,929
శ్రీకాకుళం              88,564               81,239         7,325
నెల్లూరు                79,419               70,897        8,522
కర్నూలు               79,235              75,314        3,921
వైఎస్సార్‌ కడప       79,063             71,338         7,725
విజయనగరం         65,418             63,683         1,735
మొత్తం               13,72,481         12,85,394         87,087
 

Read latest Andhra Pradesh News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top