కౌంటీ చాంపియ‌న్‌షిప్‌లో ఆడుతున్న జ‌మ్మూ క‌శ్మీర్ సంచ‌ల‌నం అకిబ్ న‌బీ మెయిడెన్ వికెట్ సాధించాడు. సీజ‌న్‌లో స‌ర్రే త‌ర‌ఫున ప్రాతినిధ్యం వ‌హిస్తున్న అకిబ్ నబీ భారత స్పిన్న‌ర్ కుల్దీప్ యాద‌వ్‌ను ఔట్ చేయ‌డం ద్వారా కౌంటీల్లో తొలి వికెట్ పొందాడు. యార్క్‌షైర్‌తో మ్యాచ్ సంద‌ర్భంగా న‌బీ వేసిన బంతిని ఆడే క్ర‌మంలో కుల్దీప్ స్లిప్‌లో ఆడి కార్డ‌న్‌కు దొరికిపోయాడు. దీంతో అప్ప‌టివ‌ర‌కు ఉన్న పార్ట‌న‌ర్‌షిప్ బ్రేక్ అవ్వ‌డంతో పాటు 53 బంతుల త‌ర్వాత వికెట్ ల‌భించిన‌ట్ల‌యింది. దీనికి సంబంధించిన వీడియోపై ఒక లుక్కేయంది.ఇక జ‌మ్మూ క‌శ్మీర్‌లోని బారాముల్లాకు చెందిన అకిబ్ న‌బీ గ‌త నెల‌లో శ్రీలంక‌తో టెస్టు సిరీస్‌కు ఎంపిక‌య్యాడు. కానీ సిరీస్‌లో మ్యాచ్ ఆడే అవ‌కాశం అత‌డికి రాలేదు. దీంతో సిరీస్ ముగిసిన వెంట‌నే కౌంటీల్లో ఆడేందుకు ఇంగ్లండ్ చేరుకున్నాడు. కెరీర్‌లో తొలిసారి కౌంటీ ఆడుతున్న అకిబ్ న‌బీ త‌న బౌలింగ్ మెరుపుల‌ను ఇంగ్లీష్ గ‌డ్డ‌పై ప్ర‌త్య‌ర్థుల‌కు రుచి చూపించే ప‌నిలో ప‌డ్డాడు. న్యూజిలాండ్‌తో టెస్టు సిరీస్ ఉండ‌డంతో కౌంటీల్లో స‌త్తా చాటి మ‌రోసారి జ‌ట్టుకు ఎంపిక‌వ్వాల‌ని అకిబ్ న‌బీ భావిస్తున్నాడు. ఇక మ్యాచ్‌లో తొలి ఇన్నింగ్స్‌లో ఒక వికెట్ తీసిన న‌బీ రెండో ఇన్నింగ్స్‌లో జేమ్స్ వార్ట‌న్‌ను ఔట్ చేసి రెండో వికెట్ త‌న ఖాతాలో వేసుకున్నాడు. మ్యాచ్‌లో స‌ర్రే జట్టు విజ‌యం దిశ‌గా న‌డుస్తోంది. రెండో రోజు ఆట ముగిసే స‌మ‌యానికి స‌ర్రే జ‌ట్టు వికెట్ న‌ష్ట‌పోకుండా 27 ప‌రుగులు చేసింది.దేశ‌వాళీలో సంచ‌ల‌న ప్ర‌ద‌ర్శ‌న‌ఇక దేశ‌వాళీ టోర్నీ రంజీ ట్రోఫీలో జ‌మ్మూ క‌శ్మీర్ త‌ర‌ఫున అకిబ్ న‌బీ వ‌రుస‌గా రెండేళ్లు సంచ‌ల ప్ర‌ద‌ర్శ‌న న‌మోదు చేశాడు. 2025-26 రంజీ సీజ‌న్‌లో అకిబ్ న‌బీ 60 వికెట్లు ప‌డ‌గొట్టి జ‌మ్మూ క‌శ్మీర్ టైటిల్ అందుకోవ‌డంలో కీల‌క‌పాత్ర పోషించాడు. త‌న పేస్ బౌలింగ్‌తో ప్ర‌త్య‌ర్థుల‌కు చెమ‌ట‌లు ప‌ట్టించే అకిబ్ న‌బీ 43 ఫ‌స్ట్‌క్లాస్ మ్యాచ్‌ల్లో 162 వికెట్లు ప‌డ‌గొట్టాడు. ఈ ప్ర‌ద‌ర్శ‌న‌తోనే అకిబ్ న‌బీ ఐపీఎల్‌లో ఢిల్లీ క్యాపిట‌ల్స్‌కు రూ. 8.4 కోట్ల‌కు అమ్ముడుపోయి రికార్డు సృష్టించాడు. కౌంటీ ముగిసిన త‌ర్వాత అకిబ్ న‌బీ స్వ‌దేశంలో ఆస్ట్రేలియా-ఎ జ‌ట్టుతో జ‌ర‌గ‌నున్న రెండు అన‌ధికారిక టెస్టు మ్యాచ్‌లు ఆడ‌నున్నాడు. అంతేకాదు న్యూజిలాండ్‌తో జ‌ర‌గబోయే టెస్టు సిరీస్‌కు బీసీసీఐ మ‌దిలో ఉన్న‌ ఐదుగురు ఫాస్ట్ బౌల‌ర్ల‌లో అకిబ్ న‌బీ పేరు కూడా ఉండ‌డం విశేషం.Auqib Nabi gets his first Surrey wicket as Kuldeep Yadav is caught at second slip by Ollie Pope. ✅Yorkshire 170/8 at the Kia Oval.🤎 | #CountyChampionship pic.twitter.com/VXVuEeI4mA— Surrey Cricket (@surreycricket) September 3, 2026Read: చివరి గ్రాండ్‌స్లామ్‌ ఆడిన ఫ్రెంచ్‌ ఐకాన్‌.. భార్య ఎవరో తెలిస్తే షాక్‌!

Michael Vaughan Dropped From BBC After Racism Allegations: జాత్యాహంకార ఆరోపణల నేపథ్యంలో ఇంగ్లండ్‌ మాజీ కెప్టెన్‌, వివాదాస్పద వ్యాఖ్యాత మైఖేల్‌ వాన్‌పై ప్రముఖ వార్తా సంస్థ బీబీసీ నిషేధం విధించింది. తమ ఛానల్‌లో ప్రసారమయ్యే "ద టఫర్స్‌ అండ్‌ వాన్‌ క్రికెట్‌ షో" నుంచి వాన్‌ను తప్పిస్తున్నట్లు శనివారం ప్రకటన విడుదల చేసింది. వాన్‌ బీబీసీలో గత 12 ఏళ్లుగా టెస్ట్‌ మ్యాచ్‌ విశ్లేషకుడిగా పనిచేస్తున్నాడు. 2009లో నాటింగ్హమ్‌తో మ్యాచ్‌ సందర్భంగా తనతో పాటు జట్టులోని పలువురు సభ్యులపై వాన్‌ జాత్యాహంకార వ్యాఖ్యలు చేశాడని యార్క్‌షైర్‌ ఆటగాడు అజీమ్‌ రఫీక్‌ ఇచ్చిన ఫిర్యాదు మేరకు బీబీసీ చర్యలు తీసుకున్నట్లు తెలుస్తోంది.  అయితే ఈ విషయమై బీబీసీ చర్యలను వాన్‌ పూర్తిగా ఖండించాడు. తనపై ఆరోపణలు నిరాధారమని పేర్కొన్నాడు. 1991 నుంచి 2009 వరకు ఇంగ్లండ్‌ జట్టుకు ప్రాతినిధ్యం వహించిన వాన్‌.. గతంలో చాలా సందర్భాల్లో ఇలాంటి ఆరోపణలు ఎదుర్కొన్నాడు. ముఖ్యంగా టీమిండియా ఆటగాళ్లను టార్గెట్‌ చేస్తూ వాన్‌ చాలాసార్లు తన నోటికి పని చెప్పాడు. ఇదిలా ఉంటే, జాతి వివక్షపై కుప్పలు తెప్పలుగా ఆరోపణలు రావడంతో ఇంగ్లండ్‌ క్రికెట్‌ బోర్డు (ఈసీబీ) యార్క్‌షైర్‌ కౌంటీ క్రికెట్‌ క్లబ్‌ (వైసీసీసీ)పై సస్పెన్షన్‌ వేటు వేసింది. వాన్‌పై ఫిర్యాదు చేసిన రఫీక్‌ ఇదే కౌంటీ తరఫున 2008–2018 వరకు ప్రాతినిధ్యం వహించాడు.  చదవండి: యార్క్‌షైర్‌ కౌంటీపై వేటు


 15 శతాబ్దానికి చెందిన అరుదైన ఉంగరాన్ని ఉత్తర యార్క్ షైర్ కు చెందిన లీ రోస్సిటెర్ అనే వ్యక్తి ఐదంకెల ధరకు అమ్మేశాడు. ఈబే ఈ కామర్స్ సైట్ ద్వారా కొనుగోలు చేసిన ఓ మెటల్ డిటెక్టర్ తో అరుదైన ట్యూడర్ ఉంగరాన్ని కనుగొన్నట్లు చెప్పాడు. 80శాతం బంగారంతో తయారుచేసిన ఈ ఉంగరంలో రూబీ, ఎమరాల్డ్ రాళ్లు ఉన్నాయని తెలిపాడు.
 
 యార్క్ షైర్ లోని గ్రీన్ హామ్మర్ టన్ మెటల్ డిటెక్టర్ క్లబ్ లో ప్రాచీన కాలపు వస్తువుల కోసం వెతుకుతున్న సమయంలో ఈ ఉంగరం లభ్యమైనట్లు వివరించాడు. ఉంగరాన్ని స్నేహితులకు చూపిస్తే ఇది బంగారం కాదని పారేయమని చెప్పారని తెలిపాడు. కానీ ఉంగరం బరువు ఉండటంతో నిపుణుడిని సంప్రదిస్తే మంచిదని భావించినట్లు చెప్పాడు.
 
 బ్రిటిష్ మ్యూజియంలో చేయించిన పరీక్షల్లో ఉంగరంలో 80శాతం బంగారం ఉన్నట్లు తేలిందని, అంతేకాకుండా ప్రాచీన కాలానికి చెందిన అత్యంత విలువైన ఉంగరమని చెప్పారని తెలిపాడు. ఆ కాలంలో కేవలం రాజుల కుటుంబాలకు చెందిన వారు మాత్రమే బంగారు ఉంగరాలను ధరించేవారని వెల్లడించాడు.


 ఆలుగడ్డలతో ఆటలాడొద్దు. అవి బహు ఖతర్నాక్. ఆలుగడ్డలు ఇంగ్లండ్ లోని యార్క్ షైర్ లోని ఓ బిజీ రోడ్డును అయిదు గంటల పాటు పూర్తిగా ఆపేశాయి.
 శనివారం యార్క్ షైర్ లో ఉడకబెట్టి, చిదిమి ప్యాక్ చేసిన ఆలూ పేస్ట్ ను తీసుకెళ్తున్న ఒక లారీ బోల్తాపడింది. అందులోని ఉడకబెట్టిన ఆలూ పేస్ట్ రోడ్డంతా పడిపోయింది. వాతావరణంలో తేమ, మంచు ల వల్ల ఆ పేస్ట్ నెమ్మదిగా రోడ్డు రోడ్డంతా విస్తరించింది.
 ఆ తరువాత ఇంకేముంది? ఈ పేస్టులో వాహనాలు స్కిడ్ అయ్యాయి. కార్లు బోల్తాపడ్డాయి. ఇక పాదచారుల పరిస్థితి చెప్పనే అక్కర్లేదు. ఒళ్లంతా పేస్టు పులుముకుపోయింది. కాస్త ఉప్పు, కాసింత కారం వేస్తే కూరగా మారిపోయే పరిస్థితి!
 
 చివరికి మంచును తొలగించే పారలు, యంత్రాలు తెచ్చి అయిదు గంటల పాటు శ్రమిస్తే కానీ అలూ పేస్టు వదలలేదు. ఇంగ్లండ్ లో గతంలోనూ ఇలా బంగాళాదుంపలు రహదారుల దుంపతెంచాయి.