భద్రాద్రి: మండలంలోని వినాయకపురం గ్రామంలో ఉన్న ఇర్ఫాన్‌ చికెన్‌ షాపులోకి ఓ కొండ చిలువ చొరబడి కలకలం సృష్టించింది. షాపు యజమాని సయ్యద్‌ ఇర్ఫాన్‌ బుధవారం ఉదయాన్నే షాపు తెరిచి కోళ్లు ఉన్న ఫారమ్‌లోకి వెళ్లగా, కొండ చిలువ కోళ్లను మింగుతూ కనిపించింది. స్థానికుల సమాచారంతో వచ్చిన ఫారెస్ట్‌ సిబ్బంది సుమారు 12 అడుగుల కొండ చిలువను పట్టుకుని అటవీ ప్రాంతంలో వదిలేశారు.


 అశ్వరావుపేట: వేగంగా వెళ్తున్న ఆటోపై చెట్టు కొమ్మ విరిగి పడింది. దీంతో ఆటో డ్రైవర్ మృతి చెందాడు. ఈ సంఘటన ఖమ్మం జిల్లా అశ్వరావుపేట మండలం వినాయకపురం సమీపంలో బుధవారం రాత్రి చోటుచేసుకుంది. వినాయకపురం నుంచి ప్రయాణికులతో వెళ్తున్న ఆటో పై చెట్టు కొమ్మ పడటంతో ఆటో డ్రైవర్ అక్కడికక్కడే మృతిచెందగా.. మరో ఇద్దరికి తీవ్ర గాయాలయ్యాయి.
 స్థానికులు వెంటనే స్పందించి... క్షతగాత్రులను ఆస్పత్రికి తరలించారు. అనంతరం పోలీసులకు సమాచారం అందించారు. పోలీసులు ఘటన స్థలానికి చేరుకుని... మృతదేహాన్ని స్వాధీనం చేసుకుని... పోస్టుమార్టం నిమిత్తం ప్రభుత్వాసుపత్రికి తరలించారు.