హైదరాబాద్: వీడియోకాన్ మొబైల్ ఫోన్స్ వినూత్న ఆఫర్‌ను ప్రకటించింది. రూ.3,790 విలువగల వీ40హెచ్‌డీ1 స్మార్ట్‌ఫోన్‌ను వినియోగదారులకు రూ.2,999లకే అందిస్తున్నట్లు ప్రకటించింది. అలాగే ఈ స్మార్ట్‌ఫోన్‌ను కొనుగోలు చేసిన వారు రూ.1,049 ఖరీదు చేసే వీ1ఈఏ7 లేదా వీ1ఎఫ్‌ఏ7 ఫీచర్ ఫోన్‌ను కేవలం రూ.99లకే అందుకోవచ్చు. వీ40హెచ్‌డీ1ను 4 అంగుళాల డబ్ల్యువీజీఏ డిస్‌ప్లే, యాంటీ స్క్రాచ్ గ్లాస్‌తో తయారు చేశారు.


 న్యూఢిల్లీ: వీడియోకాన్ మొబైల్స్ కంపెనీ ఇన్ఫినియమ్ సిరీస్‌లో ఎనిమిది 3జీ మొబైల్ ఫోన్లను శుక్రవారం మార్కెట్లోకి తెచ్చింది. వీటి ధరలు రూ.6,000 నుంచి రూ.15,000 రేంజ్‌లో ఉన్నాయని వీడియోకాన్ మొబైల్ ఫోన్స్ సీఈవో జెరోల్డ్ పెరీరా చెప్పారు. వచ్చే ఏడాది మార్చి కల్లా కనీసం మరో ఆరు కొత్త స్మార్ట్‌ఫోన్‌లు మార్కెట్లోకి తెస్తామని, అప్పటికల్లా తమ మార్కెట్ వాటా 5 శాతానికి పెంచుకోవడం లక్ష్యమని పేర్కొన్నారు. మారుతున్న వినియోగదారుల అభిరుచులకనుగుణంగా అందుబాటు ధరల్లో ఈ ఫోన్లను అందిస్తున్నామని వివరించారు. తొలిసారిగా స్మార్ట్‌ఫోన్‌లు కొనుగోలు చేసేవారు, పైస్థాయి స్మార్ట్‌ఫోన్‌లకు అప్‌గ్రేడ్ కావాలనుకునేవారి అవసరాలను దృష్టిలో పెట్టుకొని స్మార్ట్‌ఫోన్‌లనందిస్తున్నామని పేర్కొన్నారు.