తెలుగులో చాలా సీరియల్స్ వచ్చినప్పటికీ పదేళ్ల క్రితం 'వరూధిని పరిణయం' ఎంతలా పాపులర్ అయిందో ప్రత్యేకంగా చెప్పాల్సిన పనిలేదు. ఇందులో రవికృష్ణ, చందన శెట్టి హీరోహీరోయిన్లుగా నటించారు. తెలుగులో బోలెడంత ఫ్యాన్ ఫాలోయింగ్ సంపాదించుకున్నారు. రవికృష్ణ ప్రస్తుతం సినిమాలు చేస్తుండగా.. చందన మాత్రం పెళ్లి చేసుకుని నటనకు వీడ్కోలు చెప్పేసింది. ఇప్పుడు తాను ప్రెగ్నెన్సీతో ఉన్న విషయాన్ని సోషల్ మీడియా వేదికగా ప్రకటించింది.(ఇదీ చదవండి: ఓటీటీలోకి 'కోర్ట్' జంట కొత్త సినిమా.. అధికారిక ప్రకటన)స్వతహాగా కన్నడ అమ్మాయి అయిన చందన శెట్టి.. 2013 నుంచి 2016 వరకు ప్రసారమైన 'వరూధిని పరిణయం' సీరియల్‌తో తెలుగులోకి ఎంట్రీ ఇచ్చింది. మంచి గుర్తింపు తెచ్చుకుంది. మన దగ్గర ఇది తప్పితే మరో సీరియల్ చేయలేదు కానీ తెలుగు, కన్నడలో పలు సినిమాలు చేసింది గానీ అనుకున్నంత సక్సెస్ కాలేకపోయింది. దీంతో యాక్టింగ్ పక్కనబెట్టేసి 2024 ఏప్రిల్‌లో పెళ్లి చేసుకుంది.ఈమె భర్త అమెరికాలో ఉంటూ ఉద్యోగం చేస్తున్నాడు. ఈ క్రమంలోనే పెళ్లి తర్వాత భర్తతో కలిసి యూట్యూబ్ వీడియోలు చేస్తూ వచ్చిన చందన.. తాజాగా తన ప్రెగ్నెన్సీ విషయాన్ని బయటపెట్టింది. ఈ సందర్భంగా భర్త తనకు ప్రపోజ్ చేసిన ఫొటోతో పాటు బేబీ బంప్‌ని అతడు ముద్దాడుతున్న ఫొటోలని పంచుకుంది. దీంతో తోటీ సీరియల్ నటీనటులు ఈమెకు శుభాకాంక్షలు తెలియజేస్తున్నారు.(ఇదీ చదవండి: సడన్‌గా ఓటీటీలోకి వచ్చిన తెలుగు మిస్టరీ థ్రిల్లర్ సినిమా) View this post on Instagram A post shared by Chandana Segu (@chandanasegu_official)


 ఆనాడు ‘మనుచరిత్ర’లో ప్రవరాఖ్యుడి ప్రేమ కోసం పరి పరి విధాల ప్రయత్నించింది వరూధిని. భర్త ఆదరణను, నమ్మకాన్ని చూరగొనడం కోసం పడరాని పాట్లు పడుతోంది నేటి వరూధిని. అదేనండీ... బుల్లితెర వరూధిని. జీ తెలుగులో ప్రసారమవుతోన్న ‘వరూధినీ పరిణయం’లో హీరోయిన్. అమ్మాయిలంటే ఏమాత్రం ఇష్టపడని హీరోకి భార్య అవుతుంది హీరోయిన్. మొదట్లో పిల్లీ ఎలుకల్లా పోట్లాడుకున్నా, మెల్లగా ఇద్దరి మనసులూ కలుస్తాయి ఒకరిపై ఒకరికి ప్రేమాభిమానాలూ పెరుగుతాయి.
 
 హమ్మయ్య, అంతా బాగుంది అనుకునేలోపే రకరకాల సమస్యలు. చెప్పలేనని కష్టాలు. మళ్లీ ఇరువురి మధ్యా దూరం. దానికి తోడు ఆమె క్యారెక్టర్‌నే వేలెత్తి చూపించే అపనిందలు. అబ్బబ్బబ్బ... ఒక్కటి కాదు, వంద కష్టాలు వరూధినికి. కాకపోతే సమస్య ఏమిటంటే... ఈ కష్టాలన్నీ ఆల్రెడీ చాలా సీరియళ్లలో, సినిమాల్లో హీరోయిన్లు పడినవే కావడం. మొదట్లో సరికొత్త పాయింట్‌తో చక్కగా మొదలైన ఈ సీరియల్... ఉండేకొద్దీ పాత మూసలోకి మారిపోయింది. ఓ మామూలు సీరియల్ తరహాలోనే సాగిపోతోంది. ఆ విషయాన్ని గమనించి దర్శకుడు కాస్త ఆసక్తి కరమైన మలుపులు సృష్టిస్తే మంచిదేమో!