సినీ పరిశ్రమలో కరోనా అంతులేని విషాదాన్ని నింపుతోంది. గత వారం రోజులుగా చిత్ర పరిశ్రమకు చెందిన పలువురు నటినటులు, దర్శక-నిర్మాతలు మహమ్మారితో పోరాడి ఒడుతున్నారు. తాజాగా మరో టాలెంటెడ్‌ నటుడు కరోనాతో మృత్యు ఒడికి చేరారు. ఇటీవల కరోనా బారిన పడిన ప్రముఖ హిందీ నటుడు బిక్రమ్‌జీత్‌ కన్వర్‌పాల్‌ ఇవాళ(మే 1) మృతి చెందడంతో బాలీవుడ్‌లో తీవ్ర విషాదం నెలకొంది. ఆయన మృతి చెందినట్లు దర్శకుడు అశోక్‌ పండిత్‌ ట్విటర్‌ వేదికగా ప్రకటించారు. ‘అతి చిన్న వయసులోనే బిక్రమ్‌ జీత్‌ మనందరిని విడిచి వెళ్లిపోవడం నన్ను తీవ్రంగా కలచివేస్తోంది’ అంటూ భావోద్యేగానికి లోనయ్యారు. ఆయన మరణ వార్త విని బాలీవుడ్‌ సినీ ప్రముఖులతో పాటు తెలుగు నటీనటులు కూడా తీవ్ర దిగ్భ్రాంతి వ్యక్తం చేస్తూ సంతాపం తెలుపుతున్నారు. రిటైర్డ్‌ ఆర్జీ మేజర్‌ బిక్రమ్‌ 2003లో నటుడిగా కెరీర్‌ను ప్రారంభించారు. హిందీలో ఎన్నో సినిమాలు, సీరియళ్లు, వెబ్‌సిరీస్‌ల్లో సహా నటుడిగా నటించి టాలెంటెడ్‌ యాక్టర్‌గా తనకుంటూ ప్రత్యేక గుర్తింపును సంపాదించుకున్నారు. ఇక తెలుగులో రామ్‌చరణ్‌ ‘జంజీర్’‌, రానా ‘ఘాజీ అటాక్’‌, ప్రభాస్‌ ‘సాహో’  వంటి పాన్‌ ఇండియా చిత్రాల్లో నటించి తెలుగు ప్రేక్షకులకు కూడా సుపరిచితులయ్యారు.   Sad to hear about the demise of actor Major Bikramjeet Kanwarpal this morning due to #Covid. A retired army officer, Kanwarpal had played supporting roles in many films and television serials. Heartfelt condolences to his family & near ones. ॐ शान्ति ! 🙏 — Ashoke Pandit (@ashokepandit) May 1, 2021 చదవండి:  యువ నటుడికి కరోనా, ఐసీయూకు మార్చిన వైద్యులు ‘ఈ నీతులు నీ కజిన్‌ రణ్‌బీర్‌కు చెప్పండి మేడం’


 బెంగళూరు: రోడ్డు పక్కన  డ్రెనేజీ కోసం తీసిన గోతిలో పడి టీవీ నటుడు దుర్మరణం చెందిన సంఘటన బెంగళూరులోని బసవనగుడి ట్రాఫిక్ పోలీస్ స్టేషన్ పరిధిలో జరిగింది. ఇట్టుమడులో నివాసం ఉంటున్న అశోక్ కుమార్ (55) కన్నడ సీరియల్స్‌లో నటిస్తున్నాడు. ఈయన శనివారం శ్రీ హనుమ జయంతి సందర్భంగా చిత్రదుర్గ జిల్లా హొసదుర్గలో ఏర్పాటు చేసిన కార్యక్రమంలో పాల్గొన్నారు. ఆదివారం వేకువ జామున బెంగళూరు చేరుకున్నారు. అనంతరం బైక్‌పై ఇంటికి బయలుదేరారు.
 
 మార్గం మధ్యలో బసవనగుడి సమీపంలోని రామకృష్ణ రోడ్డులోని నారాయణస్వామి సర్కిల్‌లో రోడ్డు పక్కన డ్రెయినేజీ కోసం గుంత తీశారు. అక్కడే బ్యారికేడ్లను కూడా ఏర్పాటు చేశారు. అశోక్ వేగంగా వస్తూ అదుపుతప్పి బ్యారికేడ్లను ఢీకొని బైక్‌తో సహా గోతిలో పడి మృతి చెందాడు. అటు వైపు వెలుతున్న వారు విషయం గుర్తించి పోలీసులకు ఫిర్యాదు చేశారు. కేసు దర్యాప్తులో ఉందని పోలీసులు తెలిపారు. అశోక్‌కుమార్.. పల్లవి అనుపల్లవి, ముక్త ముక్త తదితర సీరియల్స్‌లో నటించారు. అశోక్ కుమార్‌కు భార్య, ఇద్దరు పిల్లలు ఉన్నారు.