నైరోబీ: కెన్యా పర్యావరణ ఉద్యమకారిణి ట్రంఫెనా ముతోని ప్రపంచ రికార్డు సృష్టించారు. నిద్రాహారాలు మాని 72 గంటలపాటు ఒక చెట్టును కౌగిలించుకుని ఉండిపోయారు. గతంలో 48 గంటల పాటు చెట్టును కౌగిలించుకుని తాను సృష్టించిన రికార్డును తానే బద్దలు కొట్టారు. నౌరీ పట్టణంలోని ఓ ప్రభుత్వ కార్యాలయ ప్రాంగణంలో చెట్టును ఆమె ఇందుకు ఎంచుకున్నారు. అడవుల నరికివేత, మృగాల హత్యలకు నిరసనగా, యువతకు పర్యావరణ సంరక్షణ విలువను తెలపడానికి ఆమె ఈ కార్యక్రమం చేపట్టారు. ఆమె నిరసనకు సోషల్‌ మీడియాలో పెద్ద ఎత్తున స్పందన వచి్చంది. చాలా మంది ఆమెకు మద్దతుగా నిలిచారు. ఒకానొక దశలో ఆమె నిద్రలోకి జారుకోగా.. మద్దతుదారులు మేల్కొలిపారు. కొందరైతే గిన్నిస్‌ వరల్డ్‌ రికార్డ్స్‌ పరిశీలకులకు ఆమె ఫీజు చెల్లించడానికి ముందుకొచ్చారు. ఈ సమయంలో ఆమె నలుపు, ఆకుపచ్చ, ఎరుపు, నీలం రంగుల్లో ఉన్న ఊలు టీషర్ట్‌ను ధరించారు. నలుపు ఆఫ్రికన్‌ శక్తని, ఆకుపచ్చ అడవులకు, ఆశకు ప్రతిరూమని, ఇక ఎరుపు ప్రతిఘటనకు, నీలం నీటికి గుర్తని.. చెప్పారు. వాతావరణ మార్పులు, అడవుల నరికివేత వల్ల కలిగే ప్రమాదం గురించి అవగాహన పెంచడమే తన నిరసన లక్ష్యమని చెప్పారు. తక్కువ కార్బన్‌ ఉద్గారాలను విడుదల చేసే తమ దేశాలు.. వాతావరణ మార్పుల వల్ల కలిగే ప్రభావాలను ఎక్కువగా ఎదుర్కోవాల్సి వస్తోందని ఆఫ్రికన్‌ దేశాలు ఆరోపిస్తున్నాయి.


 ట్రీ హగ్గర్స్ క్లబ్ నిర్వహించే న్యూ కాన్సెప్ట్ ఫెయిర్ ఇది. ట్యాలెంటెడ్, క్రియేటివ్ ఎంటర్‌ప్రెన్యూర్స్ తమ ఉత్పత్తులను ప్రదర్శించేందుకు చక్కని వేదిక. ప్రదర్శనే కాదు... వాటిని అమ్ముకొనే సౌకర్యం కూడా కల్పిస్తుంది ఈ అ‘ఫెయిర్’. ఉత్పత్తిదారులు, చిల్లర వ్యాపారులు, కొనుగోలుదారులను ఒకే వేదికపైకి తెచ్చే ప్రయత్నం ఇది. ఫర్నీషింగ్ ప్రొడక్ట్స్ నుంచి బ్యాగ్స్, యాక్ససరీస్, ఎంటర్‌టైన్‌మెంట్‌కు గేమ్స్... అన్నీ ఇక్కడే. ఆదివారం ఉదయం 10.30 గంటలకు బంజారాహిల్స్ లామకాన్‌లో.